^{1 2} 1. ಓಗು ಪಾತ್ರನ (ಡಬ್ರಿನ ) ಪುಡ್ಸಿಂದ ಓಗು ಮಂದಿ ದೂತರ್ಕುರು ವಂಡು ವಂದು ನನ್ನೆಟ್ಟಿ ವಾಸೇತಿ –ಇಟ್ಗು ವಾ ,ಶ್ಯಾನ ತನ್ನಿ ಮೇನಿ ಉಕೊಂಡಿಕ್ರ ಮಹಾ ಜಾರ (ವ್ಯಬಿಜಾರ )ಪಂಲಾತ್ಗು ವರ್ ರ ದಂಡನೆನ ನಾನು ನಿಂಗುಲ್ಕು ಕಾಟ್ಟರೆ. 2. ಅತೆಂಟಿ ಭೂರಾಜರು ಜಾರತ್ವ ಸೇಂದಗ್ಯ .ಭೂನಿವಾಸಿಗ್ಯ ಅತ್ರ ಜಾರತ್ವ ಇಗ್ರ ದ್ರಾಕ್ಷರಸನ ಕುಡ್ಸು ಮತ್ತಾರಯಿಕ್ರಗ್ಯ ಇಂಡು ಸೋನ್ಸು. ^{3 4 5} 3. ಅಪೋದು ಅದು ಆತ್ಮತ್ಕುರು ನನ್ನ ಪೆಚ್ ಗೊಂಡು ಅಡವಿಕಿ (ಅರಣ್ಯ ) ಹೊಸು ;ಅಟ್ಟಿ ದೌರ್ ದೂಷಣೆಯಾ ಪೆರ್ರಿಂಡು ಮೆತೊಯಿಂಚು ಓಗು ತಲೈ ಪತ್ತು ಕೊಂಬು ಇದ್ದ ಹೇರ್ ರ ಬಣ್ಣ ತ್ ಮೃಗತ ಮೇನಿ ಉಕೊಂಡಿಂದ ವಂಡು ಪಮ್ಲಾತ ನಾನು ಪಾತೇ . 4. ಆ ಪಮ್ಲಾದು ಧೂಮ್ರ ಹೇರ್ ರ ಬಟ್ಟುನ ಧರ್ಸ್ಕೊಂಡು ಚಿನ್ನತ ಆಮುಲ್ಯವಾನ ಕೆಲ್ಲುಗ ಮುತ್ತುಗ ಇತಿಂಡು ಅಲಂಕ ಸೇದ್ ಗೊಂಡಿಂಚು ;ಅತ್ರ ಕೈಕುರು ಚಿನ್ನುತ್ತ ಬಟ್ಟಲು ಇಂಚು ;ಅದು ಆತ್ರ ಜಾರತ್ವತ ಅಸಹ್ಯವಾನತಿಂಡು ಅಶುದ್ದತ್ವತಿಂಡು ಮೆತಿಂಚು . 5. ಇದಲ್ಲದೆ ಮರ್ಮ ,ಮಹಾ ಬಾಬೇಲ್ ,ಭೂಮಿಕುರು ಇಕ್ರ ಜಾರ ಪಮ್ಲಾಲ್ಕು ಅಸಹ್ಯವಾನತ್ಕು ಅಮ್ಮು ಇಗ್ರ ಪೇರು ಅಲ್ ಟ ಹಣೆ ಮೇನಿ ವರ್ಜಿಂಚು. ^{6 7} 6. ಆ ಪಮ್ಲಾದು [ಪರಿಶುದ್ದರ್ತ ರಕ್ತನ ಯೇಸುಕು ಗೊಸ್ಕಾರ ಸಾಕ್ಷಿ ಕೂಡ್ತು ಕೊಲ್ಲಲ್ಪಟಿಕ್ರಲ್ತ ರಘುನ ಕುಡ್ಸು ಮತ್ತಾಲಾಯಿಕ್ರತ ಪಾತೇ 7. ಅಪೋದು ಆ ದೂತನು ನಂಕು ನೀನು ಎಂತುಗು ಆಶ್ಚರ್ಯ ಪಟ್ಟೆ ? ಆ ಪಮ್ಲಾತ ವಿಷಯವಾಯಿ ಅತ್ನ ಪೆಚ್ ಕೊಂಡಿಂದ ಓಗು ತಲೈ ಪತ್ತು ಕೊಬ್ಬುಯಿಂದ ಮೃಗತ ವಿಷಯವಾಯಿ ಇಕ್ರ ಮರ್ಮನ ನಾನು ನಿಂಕು ತಿಳಿಸಾರೆ. ⁸ 8. ನೀನು ಪಾತ ಈ ಮೃಗ ಮುನ್ನಿ ಇಂಚು .ಇಪೋದು ಇಲ್ಲ ,ಅದು ತಳಯಿಕ್ದೆ ಇಕ್ರ ತಗ್ಗಿಂಡು ವಂದು ನಾಶನತ್ಗು ಹೋಗ್ದು .ಭೂಮಿಕುರು ವಾಸಿಸ್ರಲ್ಕುರು ಎತ್ರು ಎತ್ರ ಪೇರು ಜಗತ್ಗು ಅಸ್ತಿವಾರ ಹೊಟಮ ನಿಂಡು ಜೀವ ಗ್ರಂಥತ್ಕುರು ವರಿದೇ ಇದೋ ಆಗ್ಯ ಆ ಮೃಗನ ಪತು ಇದು ಮುನ್ನಿ ಇಕ್ಕಿಲ್ಲ ಇಪೋದು ಇಲ್ಲ ,ಇನ್ನು ಮೆನ್ನಿ ವಾರಕು ಇಂಡು ತಿಳ್ಜು ಆಶ್ಚರ್ಯ ಆಸು. ^{9 10} 9. ಇತ್ಕುರು ಜ್ಞಾನವುಳ್ಳ ಮನಸ್ಸು ಇಕಾಕು .ಆ ಓಗು ತಲೈ ಆ ಪಮ್ಲಾದು ಉಕೊಂಡಿಂದ ಅ ಓಗು ಬೆಟ್ಟ 10. ಇದಲ್ಲದೆ ಅದು ಓಗು ಮಂದಿ ರಾಜರು ;ಅಂಜಲು ಬೂದೊಯಿನು .ವಂಡು ಇದು ,ಇನೊಂಡು ವರುಲ್ಲ .ವದ್ ಬೆಸಾಲ್ಲಿ ಅದು ಸ್ವಲ್ಪ ಕಾಲ ಇಕಿರ್ದು . ¹¹ 11. ಮುನಿಂದು ಇಪೋದು ಇಲ್ಲದೆ ಇಕ್ರ ಆ ಮೃಗ ತಾನು ಅಟ್ ನದು ;ಅದು ಆ ಓಗು ಮಂದಿ ಸೇರೆಯಾದು ಆಯಿಂದು ನಾಶನತ್ಗು ಹೊಕ್ದು. ^{12 13 14} 12. ನೀನು ಪಾತ ಆ ಪತ್ತು ಕೊಂಬು ರಾಜ್ಯನ ಇನ್ನೂ ಹೊಂದುದೇ ಇಕ್ರ ಪತ್ತು ಮಂದಿ ರಾಜರು .ಆಗ್ಯ ಮೃಗತೆಂಟಿ ರಾಜರ್ಕಾನಿ ವಂಡು ತಸ್ಕುರು ಅಧಿಕಾರನ ಹೊಂದಕ್ನು . 13. ಆಗ್ಯ ವಂಡೆ ಮನಸ್ಸುಯೂಳ್ಳವರಾಯಿ ತಗ್ಟ ಶಕ್ತಿನ ಮೃಗತ್ಗು ಕೊಡ್ಕಾಕ್ನು . 14. ಆಗ್ಯ ಕುರಿಮಾರಿ ಅದಾತನ ಮೇನಿ ಯುದ್ದ ಸೈಯಕ್ನು ,ಆನೇಕೆ ಕುರಿಮಾರಿಯಾದತನು ಅತಾತೆಯ ಜಯಿಸಾಕು. ¹⁵ 15. ಅದು ನಂಕು ನನೀನು ಪಾತ ಆ ಜಾರ ಪಮ್ಲಾದು ಉಕೊಂಡಿಂದ ತನ್ನಿ ಅಂಡೆಕೆ ಪ್ರಜೆ ,ಸಮೂಹ, ಜನಾಂಗ ಓಕು ಆಯಿದು . ^{16 17} 16. ಮೃಗತ ಮೇನಿ ನೀನು ಪಾತ ಪತ್ತು ಕೊಂಬು ಆ ಜಾರ ಪಮ್ಲಾತ್ನ ದ್ವೇಷಿಸಿ ಅತಾತೆಯ ಗತಿಗೆಟ್ಟದಾಯಿ ಬಟ್ ಯಿಲ್ಲದೆ ಇಕ್ರದಾಯಿ ಸೇಂದು ಅತ್ರ ಮಾಂಸನ ತಿಡ್ರು ಆತಾತೆಯ ನೆರ್ ಪಿಂಡು ಸುಟೋಡ್ಸು . 17. ಯೆಂತುಗು ಇಂಡೆಕೆ ಆಗ್ಯ ದೌರ್ ತ ಚಿತ್ತನ ನೇರವೆರ್ಸುರ್ಕು ವಂಡೆ ಆಭಿಪ್ರಾಯ ಇಕ್ರಗ್ಯ ಆಯಿಂದು ತಗ್ಟ ರಾಜ್ಯನ ಮೃಗತ್ಕು ಕೊಡ್ಕುರ್ ಕನ್ನಿ ದೌರು ತಟ್ಟು ವಾಕ್ಯನ ನೇರವೇರ್ ತಂಕ ಆಗ್ಯ ಅಲ್ ಟ ಹೃದಯಾನ ಪ್ರೇರೆಪಣೆ ಸೆಂಚ್ನು. ¹⁸ 18. ನೀನು ಪಾತ ಆ ಪಮ್ಲಾದು ಭೂರಾಜ್ಯ ಮೇನಿ ಅಲ್ ತ ಇಕ್ರ ಮಹಾನಗರಿ ಇಂಡು ಸೋನುಸು .