^{1 2} 1 ಯೇಸು ಮತ್ತೆ ಅದ್ಗ ಶಿಷ್ಯರು ದೋಣಿ ಹತ್ತಿ ,ಅಯಿಗ್ಯ ವಾಸವಯಿಂದ ಕಾಪೆರ್ನುಮ್ ತೂಗು ಹೊಸುನು . 2 ಜನು ಪಾರ್ಶವಾಯು ರೋಗತಿಂಡು ಹಾಸಿಗಿ ಪುಡಿಸಿಂದ ಒಂಡು ರೋಗಿಯತ್ತೆಯಿ ಪೆಚ್ಚಿಗೊಂಡ್ ವಂಚುನು ,ಆ ಜನ್ತಗು ಈತನು ಇ ರೋಗತ ಗುಣಪಡಿಸದು ಇಂಡು ನಂಬಿಕೆ ಇಂಚು ಈ ನಂಬಿಕೆ ಪಾತು ಆ “ಬುಡಗ್ನುಕು ದೈರ್ಯವಾಯಿರು !ನಾನು ನಿನ್ನ ಪಾಪಲ ಕ್ಷಮಿಸಿರೆ. ^{3 4 5 6} 3 ಅಯಿಲಿಕೊರು ಕೆಲವು ಶಾಸ್ತ್ರಿಗ್ಯ ಈ ಮಣುಸ್ ತನ್ನತೇಯಿ ದವ್ರು ಇಂಡುಗೊಂಡಿದು :ಪಾಪಲ ಕ್ಷಮಿಸಿರುಕು ಅತ್ತಿಂಡು ಅಗದಿಲ್ಲ !ಇಂಡು ಸೋನ್ನಿಗ್ತಾ ಇಂಚುನು 4 ಯೇಸು ಅಯಿಲಿತ ಯೋಚನೆ ತಿಲ್ಜ್ ಗೊಂಡಿ oಚ್ಚು ಅತ್ತ್ರಿಂಡ್ ಅತನು ಅಯಿಲಿಕಿ “ನಿಂಗ ನನ್ನ ಮೆಕು ಕೆಟ್ಟದಯಿ ಆಲೋಚನೆ ಸೇಯಿಮಾನದು! 5 ಈ ಮಣುಸ್ ರುಕು ನಿಟ ಪಾಪಲ ಕ್ಷಮಿಸಿರೆ ಇಂಗಿರ್ಕು ಎತ್ತ್ ಗು ಕಷ್ಟ ಆಗುದಿಲ್ಲ ,ಯಂತಗು ಇಂಡೆಕೆ ಅದು ಅಕ್ಕದು ಇಂಡು ಎತ್ತ್ಗು ಕಂಗುದಿಲ್ಲ ಅನೇಕೆ “ಅದ್ದಿಂದು ನಡ ಇಂಡು ಸೋನ್ನರುಕು ಎತ್ತ್ಗು ಅಗದಿಲ್ಲ ,ಯಂತ್ಗು ಇಂಡೆಕೆ ಇತ್ತ್ಗು ನಡ್ಕುರುಕು ಅಗದಿಲ್ಲ ಇಂಡು ಜಂತುಗು ಗೊತ್ತಿದು . 6 ಅತ್ತಿರಿಂಡು ಪಾಪಲ ಕ್ಷಮಿಸಿರುಕು ಭುಲೋಕತ್ಕೊರು ಮಣುಸ್ ಕುಮಾರನಕು ಅದಿಕಾರವಿದು ಇಂಡು ನಿಂಗ ತಿಲಜ್ ಗುರದು ಇಂಡುಸು .”ಪರ್ಗುಂಡ್ ಆ ಪಾರ್ಶ್ವವಾಯು ರೋಗಿಕಿ “ಅದ್ದಿಂದು ನಿಟ ಹಾಸಿಗಿ ಅತ್ಗೊಂಡು ಉಟ್ಗು ನಡ”! ಇಂಡಸ್. ^{7 8 9} 7 ತಕ್ಷಣ ಆ ಮಣುಸ್ ಅದ್ದಿಂದು, ತಟ ಹಾಸಿಗಿ ಅತ್ಗೊಂಡು ,ಉಟ್ ಗು ಹೊಸು !. 8 ಇತ್ತ ಪಾತ ಜನು ,ಮಣುಸ್ ಕುಮಾರನ್ ಕು ಇಂತ ಅದಿಕಾರ ಕುಡ್ತಂತ ದವ್ರತ್ತೆಯಿ ಕೊಂಡಡುಸ್ನು. 9 ಯೇಸು ಆಟಿoಡ ಹೋಗಂದು, ಮತ್ತಾಯ ಇಂಗರ ಮಾನುಸನ್ ಪಾಚು ,ಅದು ರೋಮನ್ ಸರ್ಕಾರತ ,ಸುಂಕ ವಸೂಲಿ ಸೇಯಿರ ಮಣಿ ಅಂಚುಗು ಉಕ್ಕೊಡಿಂಚು .ಯೇಸು ಅತ್ಗು “ನನಂಟಿ ವಂದು ನಟ ಶಿಷ್ಯನಾಗು ,!”ಇಂಡಸ್ ಅತ್ರಿಂಡ್ ಮತ್ತಾಯ ಅದ್ದಿಂದು ಅತ್ತ ಪರ್ಗೋಟೆ ಹೊಸು. ^{10 11} 10 ಯೇಸು ಮತ್ತೆ ಅದಾಗ ಶಿಷ್ಯರು ಅತ್ರ ಉಟ್ ಗೋರು ಕಲಿ ತಿಂಗಿರ್ಕು ಉಕ್ಕೊಂಡಿಂದಪರಗು ,ಶನಳು ಸುಂಕತಯ್ಯ ಮತ್ತೆ ಮೋಶೆತ ದರ್ಮ ಶಾಸ್ತ್ರತ ಉಲ್ಲಂಗನೆ ಸೇಯಿರ ಬೇರೆ ಜನರು ವಂದು ಕಲಿ ತಿಂಡರಸ್ನು 11 ಇತ್ತ ಪರಿಸಾಯರು ಪಾತು ,ಅದ್ಗ ಶಿಷ್ಯರಂಚುಗು ಹೋಯಿ ,ನಿಟ ಗುರು ಸುಂಕತಯ್ಯ ಮತ್ತೆ ಬೇರೆ ಜನರಂಟಿ ಕಲಿ ತಿಂಗ್ಯದು ಇಂಡು ಸೋನ್ನಸುನು. ^{12 13} 12 “ಯೇಸು ಈ ವೋಕ ಕೋಟು “ಸಾಮ್ಯರೂಪವಾಯಿ ಈ ತರ ಸೋನ್ನಸು ,ರೋಗತ್ಕೊರು ಇಕ್ಕರಯ್ಯಲಿಕಿ ವೈದ್ಯ ಬೇಕೇ ಹೊರೆತು ,ಆರೋಗ್ಯವಂತಂನ್ ಕು ಅಲ್ಲ . 13 ನನಕು ಯಜ್ಞತಿಂಡ ಅಲ್ಲದೆ ,ಜನರುಕು ಕರುಣಿಸರದು ಬೆಕಯಿದು ,ಇಂಗರ ಪದಾತ ಅರ್ಥತ್ತೆಯಿ ತಿಲ್ಜ್ ಗೊಂಗೋ ,’ಇತ್ತ ನಿಂಗಲತ ಮನಸ್ಕೊಕು ಅಚ್ಚುಗೊಂಗೋ ,ತನ್ನತೇಯಿ ನೀತಿವಂತರು ಇಂದು ಯೋಚಿಸಿ ತಂಗಲತ ಪಾಪಲಿಂಡ್ ತುರುಹೊಗದೆ ಇಕ್ಕರ್ರ, ಜನತಾ ಅಕಿರ್ಕು ನಾನು ವರುಲ್ಲ .ಎತ್ತುಗು ತಂಗ ,ಪಾಪಿಗ್ಯ ಇಂಡು ಗೊತ್ತಿದೋ ,ಆಯಿಲ್ಯ ಅಕಿರ್ಕು ವಂದಿರೆ. ^{14 15} 14 ಪರಗುಂಡ್ ಯೋಹಾನನ ಶಿಷ್ಯರು ವಂದು ,”ದವ್ರ ಮೆಚ್ಚಿಸ್ರುಕು ಪರಿಸಾಯರು ಮತ್ತೆ ನಂಗ ಉಪವಾಸ ಸೇಯ್ಯರೋ ,ಅನೇಕೆ ನಿಂಗ ಶಿಷ್ಯರು ಯಂತ್ಗು ಸೇಯಿದೀಲನು .? 15 ಇಂಡು ಕೊಟ್ತತ್ ಗು, ಯೇಸು ಅಯಿಲಿಕಿ ಸ್ನೇಹಿತರು ಮದಲಿಂಗನು ತಂಗಲಂಚಿಂಲಿ ಇಂದಪರೋ ಅದು ಕನೇಲು ಅನ್ನಪರ್ಗು ಅಯಿಗ್ಯ ದುಃಖ ಪಾಡನ ?ಇಲ್ಲ , ಅಪ್ಪೋರು ಅಗುದಿಲ್ಲನು ಅನೇಕೆ ಆ ಮದಲಿಂಗನು ಉಟ್ಟೋಟು ಹೊನ್ನಪರ್ಗು , ಅಯಿಗ್ಯ ಉಪವಾಸತ ಸೆಂದು ಅಗಾನು. ¹⁶ 16 ಎದೆ ಅಗೋಟು ,ಪುದಿ ಬಟ್ಟ ತುಂಡ್ ಇಟ್ ಪಗ್ನ ಬಟ್ಟಲ ಪರಿದಿಲ್ಲನು ಅನಗು ಯಂದನ ಸೇನ್ದೇಕೆ ,ಆ ಬಟ್ಟಲ ಉದಕ್ಕಂದು ತ್ಯಾಪೆ ಹಿಂಜಿ ಪಿಂಜುಕ್ಕೊದು .ಅತರ ತೂತು ಅಗಲ ಅಕ್ಕ್ ದು. ¹⁷ 17 ಎದೆ ಅಗೋಟು ,ಪುದಿ ದ್ರಾಕ್ಷಿರಸಾತ ಪಗ್ನು ಚರ್ಮತಬುದ್ದಲಿಕೊಕು ಸಂಗ್ರಹಿಸದಿಲ್ಲನು ,ಹನಗೆ ಏದನ ಸೆಂದೇಕೆ ,ಆ ಚರ್ಮದಬುದ್ದಲಿ ಪಿಂಜುಕ್ಕೊದು ಬುದ್ದಲಿ ಹೊಡ್ಜು ದ್ರಾಕ್ಷಿರಸ ಸೆಲ್ಲಿ ತರ್ ಮೇನಿ ಅರಿಯದು .ಅದರ ಬದಲಾಯಿ ಜನ ಪುದಿ ದ್ರಾಕ್ಷಿರಸಾತ ,ಪುದಿ ಬುದ್ದಲಿಕೋಕು ಅಕ್ಕ್ಯನು ,ಅಪ್ಪೋರು ಆ ಬುದ್ದಲಿ ಮತ್ತೆ ದ್ರಾಕ್ಷಿರಸ ರಂಡು ಉಳಿಯದು. ^{18 19} 18 ಯೇಸು ಇತ್ತ ಸೋನ್ನಂದೆ ಪಟ್ಟಣತ ಅದಿಕಾರಿ ವಂದು ಅಡ್ಡಬೂದು “ಇಪ್ಪೋರು ತಾನೇ ನಮ್ಮ ಮಗ ಶತ್ತೊಸು !ಅನೇಕೆ ನೀನು ವಂದು ಅತ್ತ ಮೆಕು ಕೈ ಚಾಚುನೇಕೆ ಶನ ನಮ್ಮಮಗ ಪಕ್ಕ್ಯದು ! 19 ಅಪ್ಪೋರು ಯೇಸು ಮತ್ತೆ ಅದಾಗ ಶಿಷ್ಯರು ಅತನತ ಉಟ್ ಗು ಹೊಸುನು ,ಪರಗುಂಡ್ ಒಂಡು ಪಂಬ್ಳಾದು 12 ವಾಟ್ ಕಲತಿಂಡು ರಕ್ತ ಕುಸುಮ ರೋಗತಿಂಡು ಕಷ್ಟಪಡ್ತಿಂಚು. ^{20 21 22} 20 ಅದು ಯೇಸು ಅಂಚುಂಗು ವಂದು, ತಟ ಮನಸ್ಕೊರೆ, ಎತ್ತ್ಗು ಗೊತ್ತಗರೇಕನೆ ಯೇಸು ನನ್ನ ಆರಾಮ ಸೇಯಿರ್ದು ಇಂಡಗೊಂಡ್ಸು , 21 ಅತ್ತ್ರಿಂಡ್ ತನು ಅತ್ತ ಅಥವಾ ಅತ್ತ್ರ ಬಟ್ಟಲ ಮುಟ್ಟ ನೇಕೆ ಶನ ,ಎತ್ತ್ಗು ಗೊತ್ತಗ್ರಕನಿ ಆರಾಮ್ ಅಕ್ಕ್ರೆ ಇಂಡು,” ಆತನ ಪರೋಗೋಟೆ ವಂದು ಅತ್ತ್ರ ಬಟ್ಟಲತ ತುದಿ ಮುಟ್ಟುಸು, 22 ಪರ್ಗುಂಡು ಯೇಸು ತನ್ನತೇಯಿ ಮುಟ್ಟಿಕ್ಕ್ರಾಯ ಎದು ಇಂಡು ತಿರುಗಿ ಪಾಚು, ಅತ್ತ ಆ ಪಂಬ್ ಳಾದು ಪತ್ತಪರ್ ಗು, ಅತ್ತಗು “ದೈರ್ಯವಾಯಿರು ಪ್ರಿಯ ಪಂಬಳವಾಲೆ, ನಿಟ ನಂಬಿಕೇನೆ ನಿನ್ನ್ನ ಗುಣಪಡಸ್ಸು “ಇಂಡು ಸು ಅಪ್ಪೋರೆ ಅದು ಅರಾಮಸು. ^{23 24} 23 ಪರಗುಂಡ್ ಯೇಸು ಆ ಮಣುಸ್ನತ ಉಟ್ ಗು ವಂದಪರಗು ಅಟಿ ಆ ಸಿನ್ನದು ಸೇತ್ತಿಕ್ರತಿಂಡು ಅಟಿ ಶನಳು ಸೇರಿಂಚ್ನು ಮತ್ತೆ ಗದ್ದಲು ಇಂಚು ಮತ್ತೆ ಅಗ್ತಿಂಚುನು, 24 ಯೇಸು ಅಯಿಲಿಕಿ,” ಹೊಂಗೋ ಅಗರತ್ತ ವಾದ್ಯ ಬರ್ಸರತ್ತ ನಿಪ್ಪ್ಯಂಗೋ ,ಆ ಸಿನ್ನದು ಸಗುಲ್ಲ! ಅದು ವರ್ಕ ಸೇಯಿತಿದು! ’ಇಂಡಸ್, ಇತ್ತ ಕೊಟ್ಟಾಯ ಅದ್ದಿ ಸಿರ್ಸ್ಸುನು, ಯಂತ್ಗು ಇಂಡೆಕೆ ಅದು ಶತಿಕ್ರದು ಅದ್ದಿಕು ಗೊತಿಂಚು. ^{25 26} 25 ಅನೇಕೆ ಯೇಸು ಆಯಿಲ್ಯ ಉಟ್ ಇಂಡು ಬೆಲಿಕಿ ಅಂಪುಸು ,ಪರಗುಂಡ್ ಆತನು ಆ ಸಿನ್ನದು ಬುದಗೊಂಡಿoದ ಕೊಲಿಕಿ ಹೊಸು ,ಆತನು ಅತ್ರ ಕೈ ಪುಡಸ್ ನತ್ತ್ಗು ಅತ್ತ್ಗು ಮತ್ತೆ ಜೀವ್ ವಂದು ಅದ್ದಿಂಚು . 26 ಈ ವಿಷಯ ಅದ್ದಿ ದೇಶತಯಿಲಿಕಿ ಮುಟ್ಟುಸು. ^{27 28} 27 ಯೇಸು ಅಟ್ಟಿoಡು ಹೋಗಂದು, ರಂಡಳು ಕುರುಡರು ಅತತ್ತೆಯಿ ಗುರ್ತಿಸಿ ಪರೋಗೋಟೆ ಹೊಸುನು, ಅಯಿಗ್ಯ “ದಾವಿದನ ವಂಶತವನೆ ನಂಗಲ್ ಮೆನೆ ಕರುಣೆ ಕಾಟಿ ನಂಗಲ್ ನ ಗುಣಪಡಸು!” ಇಂಡು ವದ್ರಸುನು. 28 ಅಪ್ಪೋರು ಯೇಸು ತಟ ಉಟ್ ಗು ಹೊಸು ,ಮತ್ತೆ ಆ ಕುರುಡರು ಹುಲ್ಲಿಕಿ ಹೊಸುನು, ಯೇಸು ಅಯಿಲಿಕಿ “ನಾನು ನಿಂಗಲ್ ನ ಗುಣಪಡಿಸರೆ ಇಂಡು ನಿಂಗ ನಂಬರಂಗಲ? ”ಇಂಡುಸು ಅತ್ತ್ಗು ಅಯಿಗ್ಯ “ಅಂಬೋ ಸ್ವಾಮಿ! ”ಇಂಡಸ್ ನು. ^{29 30 31} 29 ಅಪ್ಪುರು ಯೇಸು ಅಯಿಲಿತ ಕನ್ನಲ ಮುಟ್ಟಿ ಇನಗು ಸೋನ್ನುಸು “ನಾನು ನಿಂಗಲನ ಗುಣಪಡಿಸರೆ ಇಂಡು ನಂಬಿಕ್ರತ್ತ್ ಗು ,ನಿಂಗಲ್ ನ ಇಪ್ಪೋರೆ ಗುಣಪಡಿಸರೆ !” 30 ಅಪ್ಪೋರು ಅಯಿಲಿಕಿ ಕನ್ನುಗ ವಂಚುನು !ಪರ್ಗುಂಡು ಯೇಸು ಅಯಿಲಿಕಿ ,”ಪರೊಂಗೋ ನಾನು ನಿಂಗಲ್ ನ ಗುಣಪಡಿಸೀರೆ ಇಂಡು ಎತ್ತಗು ಸೋನ್ನುಮಾನಂಗ !” 31ಇಂಡಸ್ ಅನೇಕೆ ಅಯಿಗ್ಯ ಹೋಯಿ ದೇಶತ ಮೆತ್ತ ಸರಸುನು . ^{32 33 34} 32 ಆ ರಂಡಳು ಅಟ್ಟಿoಡು ಹೊನ್ನಪರಗು ,ಕೆಲವು ಜನು ವಸೆತ್ರ್ಕು ವರರಂತ ಮುಕ್ ದವ್ವು ಪುಡಿಸಿಕ್ಕರ ಮಣುಸ್ ನ ಅಸುಗೊಂಡು ವಂಚುನು. 33 ಪರ್ಗುಂಡು ಯೇಸು ದವ್ವ್ ಉಡಿಪ್ಚಿಪ್ಪರೋ ,ಆ ಮಣುಸ್ ವಸೆತ್ತುಸು !ಇತ್ತ ಪಾತ ಜನು ಬೆರಗಾಯಿ “ಇಂತ ಮಹತ್ಕರ್ಯಲ ಇಸ್ರಾಯೇಲ್ ಕೋರು ಎಮಾನು ಪಕ್ಕುಲ್ಲ !.”ಇಂಡು ವಸೆತ್ ಗೊಂಡುಸುನು . 34 ಅನೇಕೆ ಪರಿಸಾಯರು ಈತನು “ಸೈತಾನನು ಆಳ್ರಾ ದವ್ವಂಗಲ್ ಒಡೆಯನ ಸಹಾಯತಿಂಡು ದವ್ವಂಗಲ ಉಡಿಪಿಕ್ಯದು ಇಂಡು ಸೋನ್ನುಸುನು. ^{35 36} 35 ಪರ್ಗುಂಡು ಯೇಸು ಮತ್ತೆ ಅದಗ್ ಶಿಷ್ಯರು ,ಗಲಿಲಾಯತ ಅದ್ದಿ ಉರಲ್ ಕು ಮತ್ತೆ ಪಳ್ಳಿಲಿಕಿ ಹೋಯಿ ,ಸಬಾಮಂದಿರತ್ಕೋರು ಪರಲೋಕ ರಜ್ಯಾತ ಬಗ್ಗೆ ಉಪದೇಶ ಸೇಯಿತ ,ರೋಗಲ ಗುಣಪಡಿಸತ ವಂಚು . 36 ಯೇಸು ಅತ್ತ ಪರ್ಗೋಟೆ ವರ್ರ ಗುಂಪಾ ಪಾತು ಕನಿಕರ ಪಟ್ಟ್ಸು,ಯಂತಗು ಇಂಡೆಕೆ ಕುರುಬನಿಲ್ಲದಕುರುಬಡ್ಲ್ ಲ್ ತರ ಕಷ್ಟತಿಂಡು ಬಳಲಿಹೋಗತಿನಲ್ಲ ಇಂಡು. ^{37 38} 37 ಪರಗುಂಡ್ ಆತನು ತನ್ನ ಶಿಷ್ಯರುಕು ಸೋನ್ನುಸು “ನಟ ಉಪದೇಶ ಹೊಂದುರುಕು ಸಿದ್ದವಯಿಕ್ರ ಅದ್ದಿ ಜನು ,ಕ್ವಲ್ಲಿಕೊರು ಅರಕುರಕು ಸಿದ್ದವಯಿಕ್ರ ಬೆಳೆಲ್ ತರ ಇನು , ಅನೇಕೆ ಶನಳು ಬೆಳೆತ ಸಂಗ್ರಹಿಸ್ ದಿಲ್ಲನು . 38 ಅತ್ತ್ರಿಂಡ್ ಬೆಳೆತ ಅರಕುರಕು ,ಶನಳನ ಅಂಪು ಇಂಡು ದವ್ರಂಚಿಲಿ ಪ್ರಾರ್ಥನೆ ಸೆಂದು ಕೊಟ್ ಗೊಂಗೋ.