¹ 1 ಅಪ್ಪೋರು ಯೇಸು ತಟ 12 ಶಿಷ್ಯರತ್ತೆಯಿ ಅಗ್ಸು ,ಅಯಿಲಿಕಿ ದವ್ವ್ ಪುಡಿಸಯಲಿಕಿ ದವ್ವ್ ಉದಿಪಿಕ್ರ್ಕು ,ಮತ್ತೆ ಅದ್ದಿತರತ ರೋಗಲ ಗುಣಪಡಿಸರ್ಕು ಅದಿಕಾರತ ಕುಡ್ತಸು. ^{2 3 4} 2 ಅಪೋಸ್ತಲರು ಇಂಗ್ರ 12 ಮಂದಿ ಶಿಷ್ಯರತ ಪೆರಗಾ ,ಪೇತ್ರ ಇಂಡು ಅಕ್ಕಿರಾ ಸಿಮೋನನು ,ಪೆತ್ರನ “,ತೆಂಬಿ ಅಂದ್ರೆಯ ,ಜೆಬೇದಯನ “ಮವ್ವು ಅಯಿಕ್ರ ಯಕೋಬ ,ಯಾಕೋಬನ ತೆಂಬಿ ಅಯಿಕ್ರ ಯೋಹಾನನ , 3 ಫಿಲಿಪ್ಪನು :ಬಾರ್ತೊಲೋಮಯ ,ತೋಮ “ಸುಂಕದ ಮತ್ತಾಯ “ಅಲ್ಫಾಯನ “ಮವ್ವು ಅಯಿಕ್ರ ಯಕೋಬ , ತದ್ಹಾಯ , 4 ಮತಾಬಿಮಾನಿಯನ :ಸಿಮೋನ , ಮತ್ತೆ ಯಹೂದ್ಯ ಅದಿಕಾರಿಲಿಕಿ ಪುಡಸ್ ಕುಡ್ತಾ ಇಸ್ಕಾರಿಯುತ ಯೂದ. ^{5 6 7} 5 ಯೇಸು ತಟ 12 ಮಂದಿ ಶಿಷ್ಯರತ್ತೆಯಿ ಸುವಾರ್ತೆ ಸೋನ್ನುರುಕು ಅಂಪರಪ್ಪರು ಮರ್ಗದರ್ಶನತ ಕುಡ್ತ್ ಸು : ಅನ್ಯಜನ ಇಕ್ಕರಜಾಯಿ ಅಥಾವ ಸಮರ್ಯರಿಕ್ಕರ ಜಗಲಕು ಹೋಗಮಾನಂಗ . 6 ಅತ್ತರ ಬದಲಾಯಿ ಕುರುಬನಿಂಡ್ ತಪ್ಪಿಸಿಕೊಂಡಿಕ್ಕರ ಕುರ್ಬಡುಲಂತ ಇಸ್ರಾಯೇಲರಂಚುಗು ಹೊಂಗೋ , 7 ಹೊನ್ನಪ್ಪರಗು ಪರಲೋಕ ರಾಜ್ಯ ಶನ ಕಿಟ್ಟ್ ಕಾಯ್ದು ಇಂಡು ಸರಂಗೋ. ^{8 9 10} 8 ರೋಗಿಲತ್ತೆಯಿ ವಾಸಿ ಸೇಯಾಂಗೋ ,ಶತ್ತಯ್ಲ ಪಗಿಪ್ಪಂಗೋ , ಕುಷ್ಟ ರೋಗಲ ವಾಸಿಸೆಂದು ಸಮಾಜತ್ಗು ಅಸ್ಗೊಂಡ್ ವಂಗೋ ,ದವ್ವು ಪುಡಿಸಿಕ್ಕ್ರಯಲ ಉಡಿಪ್ಪ್ಯಂಗೋ ಜನರಂಚ್ಲಿ ನಿಂಗ ಸೆಂದಿಕ್ಕ್ರ ಸಹಾಯತ್ ಗು ದುಡ್ಡಲ ಕೊಕಮಾನಂಗ , ಯಂತ್ಗು ಇಂಡೆಕೆ :ದವರು ಸೆಂದಿಕ್ರ ಸಹಾಯತ್ ಗು ನಿಂಗಲಂಚಿಲಿ ಯಂತೂ ಕೊಕುಲ್ಲ . 9 -10 ನೀನು ಹೋಗಂದು ದುಡ್ಡಲ ಅಗೋಟು ,ನಿನಕ್ ಸಂಬಂದಪಟ್ಟ ಕೈ ಚಿಲ್ ಅಗೋಟು ,ನೀನು ಹೊಟ್ ಕೊಂಡಿಕ್ರತ್ತ ಅಲ್ಲದೆ ಬೇರೆ ಒಂಡು ಅಂಗಿ ,ಶರ್ಪು ಇಲ್ಲ ನಡ್ಕರಕು ಕೋಲ್ ಅಗೋಟು ಅತ್ತ್ಗೊಂಡು ಹೋಗ್ ಮಾನಂಗ .ಪ್ರತಿಯೊಂಡ್ ಆಳು ಪನಿ ಸೇಯಿಚಿಕೊಂಡಯಲಂಚಿಲೇ ದುಡ್ಡಲ ಬಯಸನು ,ಅತ್ತ್ರಿಂಡ್ ನಿಂಗಲ್ ಕು ಗೊತ್ತಿಕ್ರಾಯಲಂಚಿಲಿ ಕಲಿ ಅತ್ತ್ಗೊಂಡು ಉಳ್ಜ್ ಗೊಂಗೋ. ^{11 12 13} 11 -12 ನೀನು ಹೋಗರಂತ ಎದೆ ಊರು ಅಗೋಟು ಪಳ್ಳಿ ಅಗೋಟು, ಎದು ನಿಂಗಲ್ ನ ತಂಗಿಜ್ಜ್ ಕಾದು ಆಟೇ ಇರಂಗೋ, ಅಟ್ಟಿಕರಾಯಲಿಕಿ ನಲ್ಲದ್ ಅಗೋಟು ಇನಂಗೋ .ಆ ಊರ ಉಡ್ರ ತನಕ ಆಟೇ ಇರಂಗೋ, 13 ಎ ಉಟಯ ನಿಂಗಲ್ನ ನಲ್ಲಗ್ ಪಕನೋ ,ಅಯಿಲಿಕಿ ದವರ ಆಶೀರ್ವಾದ ಸಿಕ್ಕದು, ಅನೇಕೆ ಅಯಿಗ್ಯ ನಿಂಗಲ್ನ ನಲ್ಲಗು ಪತ್ತ್ಗದಿಂದೇಕೆ , ನಿಂಗಲತ ಪ್ರಾರ್ಥನೆ ಅಯಿಲಿಕಿ ಸಹಾಯ ಸೇಯಿದಿಲ್ಲ ಮತ್ತೆ ದವ್ರತ ಆಶೀರ್ವಾದ ಸಿಕ್ಕದಿಲ್ಲ. ^{14 15} 14 ನಿನ್ನ ಸೇರ್ಪ್ಪಿಜ್ಜ್ ಕಾದೆ ಇಲ್ಲ ನಿಟ ಉಪದೇಶ ತ ಕೊಕದೆ ಇಕ್ಕರ ಎದೆ ಉಡಅಗೋಟು ,ಎದೆ ಉರು ಅಗೋಟು ಊಟ್ಟೋಟು ವರಂದು ,ನಿಟ ಕಲ್ಕೊರು ಇಕ್ಕರ ದೂಳ ಜಡ್ಸು .ಅತ್ತ ಸೇಯಿರತ್ ಇಂಡು ಅಯಿಗ್ಯ ನಿನ್ನ ನಿರಾಕರಸನ್ ಕನಿ ನೀನು ಆಯಿಲ್ಯ ನಿರಾಕರಸಿರ ಇಂಡು ಎಚ್ಚರಿಕೆ ಕುಡ್ತ್ ಕನಿ . 15 ಇತ್ತ ಎಚ್ಚರಾಯಿ ಕೊರಂಗೋ :ನ್ಯಾಯತೀರ್ಪಿನ ದಿನತ್ಕೊರು ಸೋದೊಮ್ ಗೊಮೊರತ ದುಷ್ಟ ಜನ್ತಗು ಶಿಕ್ಷೆ ಅಯಿಂಚು ,ಅನೇಕೆ ನಿಂಗಲನ ತಿರಸ್ಕರಸನ ಊರು ಅತ್ತಕಿಂತನು ಹೆಚ್ಚಾಯಿ ದವ್ರು ಶಿಕ್ಷಿಸ್ ಸದು. ^{16 17 18} 16 ಇತ್ತ ಗಮನ್ ಸಂಗೋ :ನಾನು ನಿಂಗಲನ ಅಮಪ್ಪಂದು ,ಅಪ್ಪಯಾತ ನಕ್ಕಲಂತ ಜನತಾ ಮದ್ಯೆತ್ ಕೋರು ಕಪಟ ಇಲ್ಲದ ಕುರ್ಬಡುಲ್ ತರ ಇಕ್ಕ್ಯರಂಗ ಪಾಮುಲ್ ತರ ಜನತ್ ವಿರುದ್ದವಾಯಿ ಹೊಗಾರಕನಿ ಜಾಣರಾಯಿ ,ಪಾರಿವಾಳತರ ಎತ್ತುಗು ನೊಪ್ಪಿ ಸೇಯರಕನಿ ಪತ್ಗೊಂಗೋ . 17 ಜನರತ ವಿರುದ್ದವಾಯಿ ಹೋಗಮನಂಗ , ಯಂತ್ಗು ಇಂಡೆಕೆ ಅಯಿಗ್ಯ ನಿಂಗಲನ ನ್ಯಾಯ ವಿಚರನೇಕೆ ಅಸ್ಗೊಂಡ್ ಹೋಯಿ”ನಿಂಗ ನನ್ನ ಶಿಷ್ಯರಾಯಿಕ್ಕರತ್ಗು ನಿಂಗಲನ ಶಿಕ್ಷಿಸನು ಅಯಿಗ್ಯ ಸಬಾಮಂದಿರತ್ಕೊರು ಮತಿಪ್ಪಕ್ಯನು . 18 ಮತ್ತೆ ಅದಿಕರಿಲಂಚುಗು ,ರಾಜರಂಚುಗು ಅಸ್ಗೊಂಡ್ ಹೋಯಿ ಶಿಕ್ಷೆಕು ವಳಪಡಸನು ,ಅನೇಕೆ ನಟ ವಿಷಯವಾಯಿ ಅನ್ಯರಕು ಮತ್ತೆ ಅದಿಕಾರಿಲಿಕು ಸಾಕ್ಷಿ ಸೋನ್ನರಂಗ. ^{19 20} 19 ಆ ಜನ ನಿಂಗಲನ ಅಸ್ಗೊಂಡ್ ಹೊನ್ನಪ್ಪರಗು ಅಯಿಲಿಕಿ ಯಂತ ಸೋನ್ನರ್ದು ಇಂಡು ಚಿಂತಸೆಯಿಮಾನಂಗ, ಆ ಸಮಯತ್ಕೊರು ಯಂತ ಸೋನ್ನರ್ದು ಇಂಡು ಪವಿತ್ರಾತ್ಮನು ಸೋನ್ನಿತರದು 20 ಯಂತ ವಸ್ಸೇತ್ರದು ಇಂಡು ನೀನ್ ನಿರ್ಣಯಿಸರದಲ ,ಬದಲಾಯಿ ದವ್ರ ಆತ್ಮ ನಿಂಗಲನ ವಸೀತೆಪ್ಪಿಕ್ಯದು. ^{21 22 23} 21 ನಿಂಗ ನನ್ನ ನಂಬಿಕ್ರತ್ಗು ನಿಂಗಲನ ಅದಿಕಾರಿಲಂಚುಗು ಅಸ್ಗೊಂಡ್ ಹೋಯಿ ಕೊಲ್ಲಿಪ್ಪಕ್ಯನು ,ಉದಾಹರಣೆಕು ಜನು ಅನ್ನಾ ತೆಂಬಿಮಾರಲ , ತೊಪು ತಟ ಮಕಿಲ್ಯ ,ಮಕ್ಯ ಪೆಚ್ಚಯಲ ಕೊಲ್ಲಿಪ್ಪಕ್ಯನು . 22 ಶನಳು ನಿಂಗಲನ ದ್ವೇಷಿಸನು ,ಯಂತಗು ಇಂಡೆಕೆ ನಿಂಗ ದವ್ರ ಮೆನೆ ಅಚ್ಚಿಕ್ರ ನಂಬಿಕೇನೆ ಕಾರಣ ,ಅನೇಕೆ ಸಗರತನಕ ಏದು ನಂಬಿಗಸ್ಥನಯಿ ಇಕ್ಕ್ಯದೋ ಅತ್ತ ದವ್ರು ಕಾಪಡದು . 23 ಒಂಡು ಉರ್ಕೊರು ನಿಂಗಲನ ಹಿಂಸೆ ಪಡಸ್ನೇಕೆ , ಇನ್ನೊಂಡು ಉರುಕು ಹೊಡಿಹೊಂಗೋ ,ಮಣುಸ್ ಕುಮಾರನದ ನಾನು ಪದ್ದಿರಿಗಿ ಭೂಮಿಕಿ ವರತಳೆಕೆ , ನಿಂಗ ಒಂಡು ಉರು ಇಂಡು ಬೇರೊಂಡು ಊರುತ ಅದ್ದಿ ಇಸ್ರಾಯೇಲರುಕು ನಟ ವಿಷಯವಾಯಿ ಸೋನ್ನ್ತಿರಂಗೋ. ^{24 25} 24 ಗುರುಕಿಂತ ಶಿಷ್ಯ ಹೆಚ್ಚಿನದು ಇಂಡಗ್ ಮನದು ,ದಣಿಕಿಂತ ಆಳು ಬೆರದಲ್ಲ , 25 ಅಳು ಯಜಮನುಕಿಂತ ಬೇರೆ ಜನ ಆರಾದಿಸನು ಇಂಡು ಅಥವಾ ವಿದ್ಯಾರ್ಥಿ ಗುರುಕಿಂತ ಬೇರೆ ಜನು ಅರದಿಸನು ಇಂಡು ಬಯಸಮನದು ,ಅದೇರೀತಿ ನಾನು ನಿಂಗಲತ ಯಜಮಾನು ಮತ್ತೆ ಗುರುವು ,ಜನರು ನಿಂಗಲನ ಆದರಸ್ ದಿಲ್ಲನು ಜನು ನನ್ನ ಆದರಸನ ತರಾನೆ ನಿಂಗ್ಲ್ನು ಆದರಸನು ಇಂಡು ನಿಂಗ್ಲಕೊರು ಶನಾಳು ಬಯಸನು ಉಟ್ ಯಜಮಾನಯಿಕ್ರ ನನ್ನ ಸೈತಾನ ಇಂಡು ಅಕ್ಯನು ,ಅಯಿಗ್ಯ ಯಂದನ ನನಕು ಕೆಟ್ಟತ ಸೆಂದೇಕೆ ,ನಿಂಗಲ್ ಕು ಎ ತರ ಸೆಯನು ಇಂಡು ಯೋಚಸರಂಗಲ. ^{26 27} 26 ಅನೇಕು ಆ ಜನತ್ಗು ನಿಂಗ ಬಿತ್ಗ್ ಮಾನಂಗ ,ದವ್ರು ಜನತ್ಗು ಗೊತ್ತಿರತ ಅದ್ದಿನು ನಿಂಗಲ್ ಮೂಲಕ ಹೊರಪಡ್ಸ್ ರುದು ಇಂಡು ಗೊಂಡಿದು ,ಸತ್ಯಾತ ಮುಚ್ಚಿ ಅಕ್ಕಿರದಲ್ಲ ,ಅತ್ತ ಗುಪ್ತವಾಯಿ ಅಕ್ಕಿರದಲ್ಲ 27 ಅತರ ಬದಲಾಯಿ ,ನಾನು ನಮಾರಿಕಿ ಗುಪ್ತವಾಯಿ ಸೋನ್ನಿಕ್ರತ್ತ ವೋಲುಸುರುಕೊರು ಬಹಿರಂಗವಾಯಿ ಜನತ್ಗು ಸೋನ್ನಂಗೋ ,ಸವ್ವಿಕೊಕು ಸೋನ್ನತ ಬಹಿರಂಗವಾಯಿ ಸರಂಗೋ. ^{28 29 30 31} 28 ದೇಹತ ಕೊಂಡ್ರು ನಿಂಗಲತ ಆತ್ಮ ಕೊಲ್ಲ್ರುಕು ಅಗರಾಯಿಲಿಕಿ ಬಿತ್ಗ್ ಮಾನಂಗ ,ಅತರ ಬದಲಾಯಿ ನಿಂಗಟ ದೇಹತು ಕೊಂಡ್ರು ಅತ್ಮತ ನರಕತ್ಗೂ ಹೋಡ್ರಾ ದವ್ರುಕು ಬಿತ್ಗೊಂಗೋ . 29 ಗುಬ್ಬಿಲ್ ಬಗ್ಗೆ ಯೋಚಸಂಗೋ ಒಂಡು ನಾಣ್ಯತ್ಗು ರಂಡು ಗುಬ್ಬಿಲ ಕೊಂಡುಗುಬೋದು ,ಅನೇಕೆ ಬೇಲಿ ಶನ ಕಮ್ಮಿ ,ಅದು ದಿಕುಬುದು ಸಗರದು ಪರಲೋಕತ ದವ್ರುಕು ಗೊತ್ತಿದು ,ಆತ್ತ್ಗು ಅದ್ದಿ ತಿಲ್ಜಿದು . 30 ನಿಟ ವಿಷಯವಾಯಿನ್ನು ಗೊತ್ತಿದು ,ನಿಟ ತಲಕಾಯಿಕೋರು ಎದ್ನು ಮಗುರಿದು ಇಂಡು ಸಹ ಗೊತ್ತಿದು! 31 ದವ್ರುಕು ನೀನು ಗುಬ್ಬಿಲಿಕಿಂತ ಹೆಚ್ಚಿನವ ,ಅತ್ತ್ರಿಂಡ್ ನಿನ್ನ ಕೊಲ್ಲರತ್ಗು ಬಿತ್ಗ್ ಮಾನ! ^{32 33} 32 ಎದು ನನ್ನ ನಂಬಿರೆ ಇಂಡು ಬೇರೆಯಿಲಿ ಸೋನ್ನದೋ ಅಥವಾ ನಂಗಲ್ ದು ಇಂಗ್ಯದೋ ,ನಾನು ಸಹ ಅತ್ತ ನಂಗ ಅವುಕು ಇದು ನಂಬರದು ಇಂಗ್ಯರೇ . 33 ಎದು ಇತ್ತ ಸೋನ್ನುರುಕು ಬಿತ್ಗೋoಡು,ನಂಗಲ್ದ ಅಲ್ಲ ಇಂಗ್ಯದೋ ,ನಾನು ಸಹ ಅತ್ತ ನಂಗಲಾದ್ ಅಲ್ಲ ಇಂಡು ಪರಲೋಕತ ದವ್ರುಕು ಸೋನ್ನರೆ. ^{34 35 36} 34 ನಾನು ಭುಮಿಮೆನಿ ಸಮಾದಾನ ಪರ್ಪ್ಪಿಕಿರಕು ವಂದಿರೆ ಇಂಡಗ್ ಮಾನಂಗ ,ಯಂತ್ಗು ಇಂಡೆಕೆ ನನ್ನ ನಂಬರ ಕೆಲವುರು ಸಕ್ಕುನು . 35 ಯಂತ್ಗು ಇಂಡೆಕೆ ನನ್ನ ನಂಬದೆ ಇಕ್ಕ್ರ ಜನು ನನ್ನ ನಂಬರಯ್ಲ ದ್ವೆಶಿಸನು ,ಉದಾಹರನೆಕು ಮವ್ವು ತೋಪುನ ,!ಮಗ ತಾಯಿತ್ತೆಯಿ ದ್ವೆಶಿಸದು ,ಮೆರ್ಮಗ ಅತ್ತೆವತ್ತೆಯಿ ದ್ವೆಶಿಸದು . 36 ಇತ್ತರಿಂಡು ಕೆಲವೊoಡು ಸತಿ ಯಜಮನನ್ಕು ತಟ ಉಟ್ ಯಲೇ ವೈರಿಲತರ ಕಂಗನು. ^{37 38 39} 37 ನನ್ಕಿಂತ ತಟ ತಯಿದೊಪುನ ಪ್ರಿತ್ಸರದು ,ನಟದು ಅಗುರುಕು ಸಾದ್ಯವಿಲ್ಲ ಮತ್ತೆ ನನ್ನ್ಕಿಂತ ತಟ ಮವ್ವು ಅಥವಾ ಮಗಲ ಪ್ರಿತ್ಸರದು ನನ್ನ ಪ್ರಿತ್ಸೃಕು ಯೋಗ್ಯನಲ್ಲ , 38 ನನ್ನ ಪ್ರಿತ್ಸರುದು ಸಗುರುಕು ಸಿದ್ದವಯಿ ಇಕ್ಕಿರ್ದು ಇಲ್ಲ ಇಂಡೆಕೆ ಅದು ನನ್ನ ಪ್ರಿತ್ಸೃಕು ಯೋಗ್ಯನಲ್ಲ 39 ನನ್ನ ನಂಬಿಕಿರದು ಸಗುರುಕು ಮನಸಿಲ್ಲೆದೆ ನನ್ನ ಊಟೋಟೆಕೆ ,ಅದು ಪರಲೋಕತ ಸೇರದಿಲ್ಲ ಅನೇಕೆ ಎದು ನನ್ನ ನಂಬಿಕ್ರತ್ಗು ಸಕ್ಕೊದೋ ಅದು ನಿತ್ಯಜಿವತ್ಕೊರು ದವ್ರಂಚಿಲಿ ಇಕ್ಕ್ಯದು" ^{40 41} 40 ನಿನ್ನ ಸೇರಿಸಿಗೊಂಡೆಕೆ ನನ್ನ ಸೇರಿಸಿಗೊಂಡೆಕನಿ ,ನನ್ನ್ಸೇರಿಸಿಗೊಂಡಯ ನಂಗವ್ಯ ಸೇರಿಸಿಗೊಂಡಕನಿ ಇಂಡು ದವ್ರು ಸೋನ್ನದು . 41 ಯೆದನ ಪ್ರವಾದಿಯತ್ತೆಯಿ ಪ್ರವಾದಿ ಇಂಡು ಸೇರಿಸಿಗೊಂಡೆಕೆ ,ಪ್ರಾವದಿಕಿ ಸಿಕ್ಕರ ಬಹುಮಾನತ ಅದು ದವ್ರಿಂಡು ಪಡ್ಜ್ ಗಾದು ,ಅನಾಗೆ ನಿತಿವಂತನತ್ತೆಯಿ ನಿತಿವಂತು ಇಂಡು ಸೇರಿಸಿಗೊಂಡೆಕೆ ಅತ್ತ್ಗು ಸಿಕ್ಕ್ರ ಬಹುಮನತ ಪಡ್ಜ್ಗಾದು. ⁴² 42 ಇತ್ತ ಗುರುತ್ ಅಚ್ಚ್ಗೊಂಗೋ “ನೀನು ನಟ ಶಿಷ್ಯ ಇಂಡು ಯೆದನ ನೀನು ದಾಹತಿಂಡು ಇಂದಪೋರು ಪಾತು ಕುಡಿಕಿರ್ಕು ತನ್ನಿ ತಂದೆಕೆ ,ಅದು ಎಂದದೆ ಲೆಕ್ಕೆತ್ಕೊರು ಇಕ್ಯದಿಂದೆಕು ಸರಿನೆ ಅತ್ಗು ಸಿಕ್ಕರ ಬಹುಮಾನ ತಪ್ಪುದಿಲ್ಲ.