^{1 2 3} 1 ಯೇಸು ಗಟ್ಟ್ ಮೆನಿಂಡ್ ಇಗ್ಜು ವಂದಪರಗು , ಜನರು ಬೇರ್ ಗುಂಪಾಯಿ ಆತನ ಪರ್ಗೋಟೆ ಹೊಸುನು. 2 ಯೇಸು ಜನರ ಗುಂಪ ಊಟ್ಟೋಟು ವಂದಪರಗು , ಚರ್ಮ ರೋಗ್ ಇಕ್ಕ್ರ ಒಂಡು ಮಣುಸು ವಂದು ಅತ್ತ್ ಗು ಆಡ್ಬೂಚು , ಅದು ಯೇಸುಕು , “ಸ್ವಾಮಿ ದಯವಿಟ್ಟು ನನ್ನ ಗುಣಪಡ್ಸು , ನಿನ್ಕು ಮನಸು ಇಂದೇಕೆ ಗುಣಪಡ್ಸರ ಇಂಡು ಗೊತ್ತು ಇಂಡಸ್. 3 “ಅಪ್ಪೋರು ಯೇಸು ಕೈಚಾಚಿ ಆ ಮಣುಸಾ ಮುಟ್ಟಿ , “ಅತ್ತ್ಗು ನಿನ್ನ ಗುಣಪಡ್ಸ್ರುಕು ಮನ್ನಸಿದು , ನೀನು ಗುಣಾಗು ಇಂಡಸ್ “ತಕ್ಷಣ ಅತ್ತರ ರೋಗ ವಾಸಿಯಾಸು. ⁴ 4 ಪರ್ಗುಂಡು ಯೇಸು ಅತ್ತ್ಗು ,” ನೀನು ಹೋಯಿ ಯಜಕನಕು ನಿಟ ವಡ್ಮ ಕಾಟು , ಅಪ್ಪೋರು ನಿನಕು ಎದೆ ರೋಗು ಇಲ್ಲ ಇಂಡು ತಿಲ್ಜ್ ಗಾದು , ಪರ್ಗುಂಡು ಅದು ನಿನ್ಕು ಕುಷ್ಟ ಇಲ್ಲ ಇಂಡು ಸೋನ್ನಪರ್ಗು ಮತ್ತೆ ನೀನು ಅಯಿಲೆಂಟಿ ಇಕ್ಕಿರ್ಕು ಸಾದ್ಯ ಅಕ್ಕುದು , ಪಾರು ನಾನು ನಿನನ ಆರಾಮ್ ಸೆಂದೇ ಇಂಡು ಬೇರೆ ಎತ್ತುಗು ಸೋನ್ನಮಾನ , ಮತ್ತೆ ನೀನು ಯೆರೆಸೆಲೆಮಿನ ದವರಗುಡಿಕಿ ಹೋಯಿ ಮೋಶೆ ಆಜ್ಞಾಪಿಸಿಕ್ಕ್ರ , ರೋಗಲಿಂಡ್ ಆರಾಮಯಿಕ್ಕ್ರರಾಯ ಸಲ್ಲಸ್ರ ಕಾಣಿಕೆನಾ ಸಲ್ಲಸು. ^{5 6 7} 5 ಯೇಸು ಕಪೇರ್ನುಮಿಗೆ ಹೊನ್ನಪರ್ಗು , ನೂರು ಸೈನಿಕರ ಶಾತದಿಪತಿಯು ಅತ್ತಂಚುಗು ವಂಚು . 6 ಅದು ಯೇಸು ಸ್ವಾಮಿಕಿ ನಟ ಆಳು ಪಾರ್ಶವಾಯು ರೋಗತಿಂಡ್ ನೊಪ್ಪಿ ಅನುಬಾವಿಸ್ತಿದು ಅತ್ತ್ಗು ಸಹಾಯ ಸೇಯ್ಯಿ ಇಂಡು ಕೊಟ್ ಗೊಂಡ್ಸು . 7 “ಅಪ್ಪೋರು ಯೇಸು ನಾನು ಉಟ್ ಗು ವಂದು ಆರಾಮ್ ಸೇಯ್ಯರೆ ಇಂಡಸ್. ^{8 9 10} 8 “ಆ ಶತಾದಿಪತಿಯು , “ಸ್ವಾಮಿ ನೀನು ನಟ ಉಟ್ ಗು ವರದನ್ನು ನಾನು ಯೋಗ್ಯನಲ್ಲ , ಅತ್ತ ಬದಲಾಯಿ ನೀನು ಬರಿ ಒಂಡು ವೋಕ ಸೋನ್ನೇಕೆ ಶನ ನಟ ಆಳು ಆರಾಮ್ ಅಕ್ಕದು , 9 ಅದೇರೀತಿ ನಾನು ಒಂಡು ಸೈನಿಕ , ನನ್ನ ಮೆನಿಕ್ಕರ ಅಧಿಕಾರಿತ ವೋಕ ಕೊಕುರ್ದು , ಮತ್ತೆ ನಟ ಕೈ ದಿಕು ಸಿಪಾಯಿಗಾ ಇನು , ನಾನು ಅಯಿಲಿಕಿ ಹೋ! ಇಂಡೆಕೆ ಹೊಕ್ಕುನು, ವ !ಇಂಡೆಕೆ ವರನು , ನಟ ಆಳುಲುಕು ಇತ್ತ ಸೇಯಿ ಇಂಡೆಕೆ ಸೇಯ್ಯನು ,ಅನಾಗೆ ನಿನುನು ಅಧಿಕಾರತಿಂಡು ವಸ್ಸೇತ್ತರ “ ಇಂಡಸ್ . 10 ಯೇಸು ಇತ್ತ ಕೋಟು ಶನ ಆಶ್ಚರ್ಯ ಪಟ್ಟ್ಸು ,ಅತ್ತೆಂಟಿ ವರ್ತಲಿಂದ ಜನರುಕು ಸೋನ್ನಸು “ನಾನು ನಿಂಗಲ್ ಕು ಸೋನ್ನರೆ ಇಂತ ಬೇರ್ ನಂಬಿಕೆ ಯಹುದ್ಯರಂಚಿಲಿ ಅಗೋಟು ಇಸ್ರಾಯಲ್ಯರಂಚಿಲಿ ಅಗೋಟು ಇದುವರೆಗೂ ಒಂಡುಳುಕೋರು ಪಕುಲ್ಲ ,ಎಟ್ಟಿ ಜನು ನನ್ನ ನಂಬನು ಇಂಡು ನಿರೀಕ್ಷಿಸಿಸರೆನೊ , ನನ್ನ ಮೇನಿ ಬೇರ್ ನಂಬಿಕೆ ಕಂಗರೇ. ^{11 12 13} 11 ನಾನು ನಿಂಗುಲುಕು ಸತ್ಯವಾಯಿ ಸೋನ್ನರೆ , ಯಹೂದ್ಯರ್ಕೊರು ಒಂಡಳು ನಂಬುದಿಲ್ಲನು , ಮತ್ತೆ ಬೇರೆ ದೇಶತ್ತಯ ಮತ್ತೆ ಮೂಡಣ ಪಡುವಣ ದಿಕ್ಕ್ತಿಂಡ್ ವಂದು ಪರಲೋಕತ್ಕೊರು ಇಕ್ಕ್ರ ಅಬ್ರಹಾಮ , ಇಸಾಕ್ ,ಮತ್ತೆ ಯಾಕೊಬ್ ಇಂಗ್ರಾಯಲಂಟಿ ಕಲಿಕಿ ಉಕ್ಕನು . 12 ಆನೇಕೆ ಯಹೂದ್ಯರು ಪರಲೋಕತ್ಗು ಸೇರ್ಬೇಕಯಿಕ್ರಲ , ದವ್ರು ಪೂರ್ತಿ ನಬ್ಬುಕೊಕು ,ಇಂಡೆಕೆ ನರಕತ್ಕೊಕು ಹೊಡದು ,ಅಟಿ ಅಲಿಕಿ ಹಿಂಸೆ ಗೋಳಾಟ ಹೆಚ್ಚಿನ ನೊಪ್ಪಿತಿಂಡ ಪೆಲ್ಲ ಕೊರಿಕ್ಯನು . 13 ಪರ್ಗುಂಡು ಯೇಸು ಆ ಶತದಿಪತಿಕಿ “ನೀನು ಉಟ್ ಗು ಹೋ ನಿಟ ನಂಬಿಕೆಯಂತೆ ಅಕ್ಕ್ದು , ನಾನು ನಿಟ ಆಳ ತುರ್ತಿಂಡ ಗುಣಪಡ್ಸರೆ ಇಂಡು ಸೋನ್ನಸು , “ಪರ್ಗುಂಡು ಶತದಿಪತಿಯು ಉಟ ಗು ಹೊನ್ನಪ್ರಗು ಯೇಸು ಸೋನ್ನತರನೆ ಅರಮಯಿಂಚು . ^{14 15} 14 ಯೇಸು ಮತ್ತೆ ಅದಾಗ ಶಿಷ್ಯರು ಪೆತ್ರನ ಉಟ ಗು ಹೊನ್ನಪರ್ಗು , ಪೇತ್ರ ಅದ್ಗ ಅತ್ತೇವಿಕಿ ಜ್ವರ್ ವಂದು ಹಾಸಿಗಿ ಪುಡ್ಸಿಕ್ಕ್ರತ್ತ ಪಾತು , 15 ಅತ್ತ್ರ ಕೈ ಮುಟ್ ಸು ತಕ್ಷಣ ಅರಮಾಯಿ ಅದ್ದಿಂದು ಅಯಿಲಿತ ಉಪಚಾರ ಸೆಂಚು , ಸಬ್ಬತ್ ದಿನತ್ ಅಂದಿಬೇರಿ ಆ ಬೇರ್ ಗುಂಪಿನಜನ ಯೇಸು ಇಂದಟಕೆ ದವ್ವ್ ಪುಡ್ಸಯ್ಯಲಸನ ಅಗ್ಸುಗೊಂಡು ವಂಚುನು , ಮತ್ತೆ ರೋಗತ್ಕೊರು ಇಕ್ಕರಂತಯಲ ಸಹ ಅಗ್ಸು ಗೊಂಡು ವಂಚುನು .ಅಪ್ಪೋರು ಯೇಸು ಸ್ವಾಮಿತ ಬರಿ ವೋಕ್ಲಿಂಡೆ ದವ್ವಂಗಲ ಉದಿಪ್ಚುಸು ಮತ್ತೆ ರೋಗಲ ಗುಣಪಡ್ಸ್ ಸು ^{16 17} 16 ಆತನು ಇತ್ತ ಸೆಂದಪರಗು , ಪ್ರಾವದಿಯಯಿಕ್ರ ಯೆಶಯನು ವರ್ಜಿಕ್ರದು ಕರಆಸು , ಯಂದದು ಇಂಡೆಕೆ “ಜನರ ರೋಗಲ ಗುಣಪಡಿಸದು ಇಂಡು . 17 ಯೇಸು ತನ್ನ ಸುತ್ತ ಬೇರ್ ಗುಂಪು ಇಕ್ಕ್ರತ್ತ ಪಾತು ,ಅತ್ತ್ಗು ವಿಶ್ರಾಂತಿ ಬೆಕಯಿಕ್ರತ್ತಗು . ಅತ್ತ್ರ ಶಿಷ್ಯರಕು ದೋಣಿಕೊರು ಬೇರೆಜಯಿಕಿ ಅಗ್ಗಸ್ ಗೊಂಡು ಹೋಗ್ರ್ಕು ಸೋನ್ನ್ಸು. ^{18 19 20} 18 ಅಯಿಗ್ಯ ದೋಣಿಜಯಿ ಹೋಗಂದು , ಶಾಸ್ತ್ರ ಬೋದ್ಸರಾ ಶಾಸ್ತ್ರಿ ವಂದು ಯೇಸುಕು ,”ಬೋದಕನ ನೀನು ಹೋಗುರ್ ದಟಕು ನಾನು ವರ್ರೆ ಇಂಡಸ್ . 19 ಯೇಸು ಅತ್ತ್ಗು ಉತ್ತರವಾಯಿ ಸೋನ್ನದು ಯಂದದು ಇಂಡೆಕೆ , “ನಕ್ಕಿಲಿಕಿ ಇಕ್ಕಿರ್ಕು ಭುಮಿಮೆನಿ ಜಗ ಇದು ,ಪಕ್ಷಿಲಿಕಿ ಗೂಡುಗಿನು ಅನೇಕೆ ಮಣುಸ್ ಕುಮಾರನಯಿಕ್ರ ನಾಕು ಬುದುಗ್ರುಕು ಉಡು ಇಲ್ಲ . 20 ಯೇಸುವಿನ ಶಿಷ್ಯರಕೋರು ಇನೊಂಡು ಅತ್ತ್ಗು ಸ್ವಾಮಿ ನಂಗ ಅವ ಶತ್ತುಹೊಯಿದು ಮೊದಲು ನಾನು ಹೋಯಿ ಅಂತ್ಯ ಕಾರ್ಯಾಲ ಸೆಂದೋಟು ವರ್ಕು ಅಪ್ಪಣೆ ತರದು ಇಂಡಸು. ^{21 22} 21 ಅನೇಕೆ ಯೇಸು ಅತ್ಗು ಇಪ್ಪೋರು ನೀನು ನನಂಟಿ ವ , ಶತ್ತುಹೊಯಿಕ್ರಲ್ಕೊರು ನಲ್ಲಯಲು ಇನು ಅಯಿಲೆ ಜನರತ ಸಾವತ್ತೆಯಿ ಕಾಕತ ಇಕ್ಕೊಟ್ಟುನು , 22 ಪರ್ಗುಂಡು ಯೇಸು ಮತ್ತೆ ಶಿಷ್ಯರು ದೋಣಿ ಹತ್ತಿ ಗಲಿಲಾಯತ ಸಮುದ್ರತ ಸುತ್ತಲು ಹೋಗರುಕು ಪ್ರಾರಂಬಸ್ ಸುನು. ^{23 24 25} 23 ತಕ್ಷಣನೆ ತನ್ನಿ ಮೆಕು ಬಿರುಗಾಳಿ ವಂದು ಅಲೆಗ್ಯ ಅದ್ದಿಂದು ,ದೋಣ್ಯ ಮುಳ್ ಗುಸ್ಸು ಅನೇಕೆ ಯೇಸು ವರಕ್ ಸೇಯಿತಯಿಂಚು . 24 ಅಯಿಗ್ಯ ಹೋಯಿ ಅತ್ತ ಅದ್ದಿಪ್ಪಿಚ್ಚು ,ಅತ್ತ್ಗು “ಸ್ವಾಮಿ ನಂಗಲ್ನ್ನ ಕಾಪಾಡು !ನಂಗ ಮುಳುಗುತ ಇರೋ !”ಇಂಡಸ್ ನು . 25 ಅಪ್ಪೋರು ಆತನು ಅಯಿಲಿಕಿ ,”ನಿಂಗ ದೈರ್ಯ ಗೆಡಮಾನಂಗ !ನಾನು ನಿಂಗಲನ್ನ್ ಕಾಪಡರೆ ಇಂಡು ನಿಂಗ್ಲುಕು ನಂಬಿಕೆ ಇಲ್ಯಾ :ಇಂಡು ಮೆಕು ಅದ್ದಿಂದು ಗಾಲಿ ಮತ್ತೆ ಸಮುದ್ರತ್ ಅಲೆಲಿಕ್ ಶಾಂತವಯಿರಿಂಗೋ ಇಂಡಸ್ ,ಕೂಡಲೇ ಗಾಲಿ ಇಸ್ರದು ಮತ್ತೆ ಸಮುದ್ರತ್ ಅಲೆಗ್ಯ ನಿಂಡ್ರೋಸ್ನು ^{26 27} 26 ಅಪ್ಪೋರು ಆ ಮಣುಸ್ ರು ಅತೀ ಆಶ್ಚರ್ಯ ಪಟ್ಟ್ಸ್ ನು , ಅದ್ದಿ ಕೂಡ ಅತ್ತರ ಅದೀನತ್ಕೊರು ಇದು !ಗಾಲಿ ಸಮುದ್ರ ಸಹ ಇತ್ತರ ವೋಕ ಕೊಕನಲ್ಲ ,”ನಿಜವಾಗ್ಲೂ ಈ ಮಣುಸ್ ವಿಶೇಷವಾಯಿಕ್ರದು ಇಂಡು ಒಂಡಳ್ ಕು ಒಂಡಾಳು ವಸೇತ್ತಗ್ ತ ,ಇಂಚುನು . 27 ಪರಗುಂಡ್ ಅಯಿಗ್ಯ ಆಚೆದಡೆತ್ ಗು ವಂದಪರಗು ಗದೆರಿನ ಸೀಮೆತ್ಗು ವಂದು ಸೇರಿಂಚುನು , ಅಟಿ ಸಮದಿಯಿಂಡು ದವ್ವು ಪುಡಿಸಿಕ್ಕ್ರ ರಂಡಳು ಮಣುಸ್ ರು ವಂಚುನು ,ಅದು ಅಯಿಲಿತ ಜಾಗ ಆಯಿಂಚು , ಯಂತ್ಗು ಇಂಡೆಕೆ ಅಯಿಗ್ಯ ಶನ ಉಗ್ರರು ಅಯಿಂಚುನು ,ಏದೆ ಜನತ್ಗು ಆ ಎಗೀಂಡ್ ಹೋಗುರ್ಕು ಉಡಕಿಲ್ಲನು. ^{28 29} 28 ತಕ್ಷಣ ಅಯಿಗ್ಯ ಯೇಸು ಸ್ವಾಮಿತ್ತೆಯಿ ಕಂಡುಪುಡಸು,ನೀನು ದೇವಕುಮಾರನು !ನೀನು ಸಾಮಾನ್ಯನು ಅಲ್ಲ ನಂಗಲ್ನ್ನ ಉಟ್ಟೋಡು !ದವ್ರು ಶಿಕ್ಷಿಸ್ ರ ಕಾಲ ವರತಕಿಂತ ಮುನ್ನೆ ನೀನು ನಂಗಲ್ನ ನಾಶ ಸೇಯಿರ್ಕು ವಂದ್ಯ ? 29 “ಅಟಿ ಪಂಡರಿಲತ ಗುಂಪು ತೂರು ಯಂದು ಇಕ್ಕಿಲ್ಲ . ^{30 31 32} 30 ಅತ್ತಿರಂಡ್ ಆ ದವ್ವಂಗ ಯೇಸುಕು ,” ನಂಗಲ್ನ ಉಡಿಪ್ಪಿಕ್ರದನೇಕೆ ನಂಗಲ್ನ ಆ ಪಂಡಿರಲ್ಕೋಕು ಅಂಪು “ಇಂಡು ಕೊಟ್ಗೊಂಡ್ಸ್ನು . 31 ಯೇಸು ಅಯಿಲಿಕಿ ನಿಂಗುಲುಕು ಬೇಕಾನ್ ದಟ್ಗು ಹೊಂಗೋ !ಇಂಡಪರಗು ಅಯಿಗ್ಯ ಆ ಮಣುಸ್ರಾ ಉಟ್ಟೋಟು ಪಂಡರಿಲ ಕೋಕು ಹೊಸುನು ತಕ್ಷಣ ಕಡಿದಾದ ಜಾಗತಿಂಡು ತನ್ನಿಕೊಕು ಬೂದು ಮುಳಗಿ ಹೊಸುನು . 32 ಇತ್ತ ಪತ್ತಾ ಪಂಡರಿಲ ಮೇಯಿಸರಯ್ಯ, ಬಿತಿಂಡು ಉರುಕೊಕು ಹೊಡಿ ಹೋಯಿ, ಅದ್ದಿ ಜನತ್ಗು ನಡದ ಅದ್ದಿ ವಿಷಯಾತ ಸೊಂನುಸ್ನು ಮತ್ತೆ ಆ ದವ್ವಂಗಲತ ಬಗ್ಗೆನು ಸೋನ್ನುಸುನು. ^{33 34} 33 ಪರ್ಗುಂಡು ಆ ಊರಯ್ಯ ಯೇಸುನ ಬೇಟಿ ಸೇಯಿರ್ಕು ವಂಚುನು ,ದವ್ವ್ ಪುಡಿಸ್ ಕ್ಕರ ಆ ರಂಡಳುನು ಪಾತು 34 ಅಯಿಗ್ಯ ಯೇಸುಕು ಆ ಊರ ಉಟ್ಟೋ ಟು ಹೋ ಇಂಡು ಕೊಟ್ ಗೊಂಡ್ಸು.