^{1 2} 1 ಪಾಪತ್ ಕೋರು ಇಕ್ಕ್ರ ಜನರ ಪಾತು ತೀರ್ಪು ಸೇಯಿಮಾನಂಗ , ಅಪ್ಪೋರು ದವ್ರು ನಿಂಗಲತ ಪಾಪಲ್ಕು ತಕ್ಕ ತೀರ್ಪು ಸೇಯಿದಿಲ್ಲ , 2 ನಿಂಗ ಬೇರೆಜನರ ಅಳತೆ ಸೇಯಿಮಾನಂಗ , ಅಪ್ಪೋರು ನಿಂಗ ಬೇರೆಲ ಅಳರಾ ಅಳತೆ ಇಂಡೆ ದವ್ರು ನಿಂಗ್ಲನ ಅಳೆಯದು ^{3 4 5} 3 ಬೇರೆಲಿ ಬಗ್ಗೆ ತಪ್ಪು ಕಂಡುಪುಡಿಕ್ಮಾನಂಗ ಅದು ಬೇರೆಲತ ರವೆಯತ್ತೆಯಿ ಯೋಚಿಸ್ನ್ಕನಿ ಅಕ್ಕದು , ಅನೇಕೆ ನಿಟ ಸ್ವಂತ ತಪ್ಪುಲ ಯೋಚಿಸ್ರದು ಅದು ನೀನು ಯೋಚಿಸದೆ ಇಕ್ಕ್ರ ತೊಲೆ ನಿಟ ಕನ್ನಕೊರು ಇಂದಕನಿ 4 ತಟ ಕನ್ನಕೊರು ತೊಲೆ ಅಚ್ಚುಗೊಂಡು ಬೇರೆಲ್ತ ಕನ್ನಕೊರು ರವೆಯಿದು ಅತ್ತ ವಂಗರೇ ವ ಇಂಡು ಸೋನ್ನುಮನಂಗ ಬೇರೆಲೆತ ತಪ್ಪಿನ ವಿಷಯತ್ಕೊರು ವಸತ್ತೆರ್ದಲ್ಲ 5ಕಪಟಿಯಾನ ನೀನು ಮೊದ್ಲು ನಿಟ ಬೇರ್ ಪಾಪಲತ್ತೆಯಿ ಸೇಯಿರತ್ತ ಉಡು , ಪರ್ಗುಂಡು ಬೇರೆಲ್ತ ಚಿನ್ನ್ ಪಾಪಲ ನಿಪ್ಪಿಕ್ರ್ಕು ಸಹಾಯ ಸೆಯಿಬೋದು. ⁶ 6 ದವ್ರತ ವಸ್ತುಲ ನಾಯಿಲಿಕಿ ಹೊಡಮಾನಂಗ , ಬೆಲಿಬಳರ ನಿಂಗಲತಾ ಮುತ್ತುಲ ಪಂಡರಿಲ್ ಮುನ್ನುಕು ಸೇಲ್ಲಮಾನಂಗ , ಯಾಂತುಗು ಇಂಡೆಕೆ ಅಯಿಗ್ಯಅತ್ತ ಮಿಚ್ಚು ನಡ್ಕನು , ಅದೇರೀತಿ ನಿನಕು ಕೆಡುಬಯಿಸ್ರಯ್ಲoಟಿ ದವ್ರತ ಅದ್ಬುತ ಕಾರ್ಯಾಲ ಬಗ್ಗೆ ಸೋನ್ನುಮಾನ . ^{7 8 9 10} 7 ನಿಂಗಲತಾ ಅತ್ಮಲ್ಕಯಿ ದವ್ರ್o ಚಿಲಿ ಹೊಡಿಗೊಂಗೋ ,ಮತ್ತೆ ಆತನು ತರತನಕ ಕರಂಗೋ. 8 ದವ್ರಂಚಿಲಿ ಕೊಟಗ್ರ ಪ್ರತಿಯೊಂಡ್ ನು ಆತನು ತರತನಕ ಕತೆಕೆ , ಅದು ಅತ್ಗು ಸಿಕ್ಕದು. 9 ನಿಂಗ್ಲ್ಕೋರು ಎದನಾ ರೊಟ್ಟಿ ಕೊಕ್ರ ಮಾವ್ವುನ್ ಕು ಕೆಲ್ಲ ಕುಡ್ ಕರಂಗಲ? 10 ಮೀನ ಕೊಕ್ರ್ ಮಕ್ಕಿಲಿಕಿ ಪಾಮ ಕುಡಕರಂಗಲ? ^{11 12} 11 ಕೊಟ್ಟಯ ಅಯಿಕ್ರ ನಿಂಗ ನಿಂಗ್ಲತಾ ಮಕ್ಕಿಲಿಕಿ ನಲ್ಲ ಪದಾರ್ಥಲ ಏನಾಗು ಕುಡ್ಕರಂಗ ಅತ್ರಿಂಡ್ ಪರಲೋಕತ್ಕೊರು ಇಕ್ಕ್ರ ದವ್ರಂಚಿಲಿ ಹೊಡಿಗ್ರಾಯಲಿಕಿ ಎದ್ನೋ ಹೆಚ್ಚಾಯಿ ನಲ್ಲ ಪದರ್ಥಲ ಕುಡಕದು ಅಲ್ಯ ? 12 ಅತ್ರಿಂಡು ಬೇರೆಯ ನಿಂಗ್ಲುಕು ಯಂತ ಯಂತ ಸೇಯಿರ್ದು ಇಂಡು ಬಯಸ್ರಂಗ್ಲೋ ಅದೆತರ ಅಯಿಲಿಕು ಸೇಯಂಗೋ , ಯಂತ್ಗು ಇಂಡೆಕೆ ಇತ್ತ್ರ ಆರ್ಥನೆ ಧರ್ಮ ಶಾಸ್ತ್ರತ್ಕೊರು ವರ್ಜ್ಕಿರoತದು. ^{13 14} 13 ದವ್ರು ಇಕ್ಕ್ರ ಸ್ಥಳ ನಿತ್ಯ ಜೀವನಕು ಹೋಗರದು ಕಷ್ಟ , ನೀನು ಇಕ್ಕಟ್ಟ ಆಯಿಕ್ರ ಎಗಿಕೋರು ನಡಕ್ರ್ ದು , ಬೇರೆ ಇನ್ನೊಂಡು ಏಗಿ ಇದು , ಆ ಎಗಿ ಶನ ಬೇರಾದು , ಅತ್ಕೊರು ಹೋಗ್ರಾಯ ಶನಳು , ಬೆರವಸಲ ಮುಟ್ಟರತನಕ ಅಯಿಗ್ಯ ನಡಕನು , ಅನೇಕೆ ಆ ವಸ್ಲಿಂಡ್ ಹೊಗoದು ಸೇತ್ತುಹೊಕ್ಕನು , 14 ಅತ್ರಿಂಡ್ ನಾನು ನಿಂಗಲ್ಕು ಸೋನ್ನರದು ಯಂದದು ಇಂಡೆಕೆ ದವ್ರು ಇಕ್ಕ್ರ ನಿತ್ಯ ಜೀವನಕು ಹೋಗ್ರ್ಕು ಇಕಟ್ಟನ ಎಗಿಕೋರು ನಡ್ದು ಚಿನ್ನ್ ವಸ್ಲ್ ಇಂಡು ಹೋಗುರ್ದು,” ^{15 16 17} 15 ದವ್ರತ ಪೆರಕೊರು ಸುಳ್ಳು ಸೋನ್ನಿಗೊಂಡು ನಿಂಗಲಂಚುಗು ವರ್ರ ಜನರತ ವಿಷಯತ್ಕೊರು ಎಚ್ಚರಾಯಿ ಇರಂಗೋ , ಅಯಿಗ್ಯ ಪಕ್ರಕು ನಲ್ಲಯ , ಅನೇಕೆ ಅದು ಕರ ಅಲ್ಲ , ಅಯಿಗ್ಯ ಕುರ್ಬಡು ತರ ವೇಷತ ಹೊಟ್ಟಗೊಂಡಿ ಕ್ರ ನಕ್ಕಗ . ಜನ ಅಯಿಲ ನಂಬರ್ದು ಇಂಡು , ನಲ್ಲಯಲ್ ತರ ಕಂಗನು , ಅನೇಕೆ ಉಲ್ಲಿ ಪುಡ್ಸಗೊಂಡು ಹೋಗ್ರ ನಕ್ಕಲ ತರ ಇಕಕ್ಯನು . 16 ಅತ್ರಿಂಡ್ ಅಯಿಗ್ಯ ಸುಳ್ಳುಗರು ಇಂಡು ನಿಂಗ್ಲುಕು ಏನಾಗು ಗೊತ್ತಕ್ದು ?. ಮರಂಗ ಉಡ್ರ ಪಂಗ್ಲಿಂಡ್ ಗೊತ್ತಕ್ದು ಅದು ಎಂತಾ ಮರು ಇಂಡು . ಉದಾಹರೆಣೆಕು ಮುಳ್ಳು ಶಡಿಲ್ಕೊರು ದ್ರಾಕ್ಷಿ ಪರ್ಕದಿಲ್ಲ , ಮುದ್ದುಗುಣಿ ಶಡಿಕೊರು ಅಂಜೂರತ ಎದು ಬಯಿಸದಿಲ್ಲನು . 17 ಬೇರೆ ಊದಹರಣಿಕು :ನಲ್ಲ ಮರಂಗ ಅದ್ದಿ ನಲ್ಲ ಫಲತ ತರನು ‘ ಹುಳುಕು ಮರಂಗ ಕೊಟ್ಟಿಕ್ರ ಫಂಗಲ ತರನು. ^{18 19 20} 18 ನಲ್ಲ ಮರಂಗ ಕೊಟ್ಟಿಕ್ರ ಪಂಗಲಾ ತರದಲ್ನು ಕೊಟ್ಟಿ ಮರಂಗ ನಲ್ಲ ಪಂಗಲ ತರ್ದಿಲ್ಲನು . 19 ನಲ್ಲ ಪಂಗಲ ತರದೇ ಇಕ್ಕ್ರ ಅದ್ದಿ ಮರಂಗಲ ಬಟಿ ನೆರಪುಕೊಕು ಸುಟ್ಟೋಡನು 20 ಉಡ್ರ ಪಂಗಲಿಂಡ ಎಂತಾ ಮರಿಂಡ್ ಗೊತ್ತಗ್ರ್ ಕನಿ , ನಿನಂಚಗು ವರ್ರ ಜನರತ ವೋಕ್ಲಿಂಡೆ ತಿಲಜ್ಗೋ , ಅಯಿಗ್ಯ ಕರಣೆಕೆ ದವ್ರ ಬಗ್ಗೆ ವಸೆತ್ತನೋ ?ಇಲ್ಲ್ಯೋ ಇಂಡು. ^{21 22 23} 21 ಅನೇಕ ಜನರು ಸುಮ್ಮಸುಮ್ಮದೇ ನಟ ಪೇರ ಅಬ್ಯಾಸಫಲವಾಯಿ ಅಕ್ಯನು ,ಅಯಿಗ್ಯ ದವ್ರತರಾಜ್ಯತ್ಕೊರು ಸೇರ್ದಿಲ್ಲನು , ಯಂತ್ಗು ಇಂಡೆಕೆ ಅಯಿಗ್ಯ ಆತನ ಚಿತ್ತದಂತೆ ನಡ್ಕುದಿಲ್ಲನು , ಆತನ ಚಿತ್ತದಂತೆ ನಡ್ಕ್ರಯಲೇ ಅತ್ತ್ಗು ಬೆಕಯಿಕ್ರಾಯ . 22 ನಾಯ್ಯ ತೀರ್ಪಿನ ದಿಂತ್ಕೊರು ಅನೇಕ ಜನ ಹಿನಗು ಸೋನ್ನಾನು ,ಸ್ವಾಮಿ ನಂಗ ನಿಟ ಪೆರ್ ಮೇನಿ ಉಪದೇಶ ಸೆಂದಿರೋ ! ನಿಟ ಪೆರ್ ಮೇನಿ ದವ್ವಂಗಲ ಉಡಿಪ್ಚಿರೋ !ನಿಟ ಪೆರ್ ಮೆನಿ ಅನೇಕ ಮಹತ್ಕರ್ಯಲ ಸೆಂದೋ !” 23 ಅಪ್ಪೋರು ನಾನು ಅಯಿಲಿಕಿ , ನಿಂಗ ನನ್ನಯ ಇಂಡು ನನಕು ಗೊತ್ತೇ ಇಲ್ಲ , ಕೆಟ್ಟತ ಸೇಯಿರಂತ ನಿಂಗ , ನನಿಂಡ್ ತೂರ್ ಹೊಂಗೋ , ಇಂಡು ಅದ್ದನ್ ಳ ಎದುರುಕು ಸೋನ್ನರೆ. ^{24 25} 24 ಅತ್ತ್ರಿಂಡ್ ನಾನು ಸೊನ್ನ ಪ್ರಕಾರ ನಡ್ಕರಾಯ ಬಂಡೆ ಮೆಕು ಉಟಕಟ್ಟರ್ ಬುದ್ದಿವಂತ ಮಣುಸು ಅಯಿಕ್ಯದು . 25 ಮಗ ವಂದು “ಆರಗ ಮೆತ್ತಿ ಹೊನೆಕು “,ಗಲಿ ವಂದು ಆ ಉಟುಗು ಎದುರಾಯಿ ಮತ್ತೆನೆಕು , ಅದು ಬುದೊಗುದಿಲ್ಲ ಯಂತ್ಗು ಇಂಡೆಕೆ ಅದು ಬಂಡೆ ಮೆಕು ಉಟ್ಕಟ್ಟಿದು. ^{26 27} 26 ನಾನು ಸೋನ್ನರ ಪ್ರಕಾರ ನಡಕದೆ ಇಕ್ಕರಂತ ಎದೆ ಅಗೋಟು ,ಮರಳ್ ಮೇನಿ ಉಟ್ಕಟ್ಟರ ಬುದ್ದಿ ಇಲ್ಲರ ಮಣುಸ್ನ ತರ 27 ಮಗ ವಂದು;ಅರಗ ಮೆತ್ತಿ; ಗಲಿ ವಂದು; ಆ ಉಟ್ ಗು ಮತ್ತನ್ ಪರ್ಗು, ಆ ಉಡು ಪೂರ್ತಿ ಬುದೊಕ್ಕುದು, ಯಂತ್ಗು ಇಂಡೆಕೆ ಅದು ಮರಳ ಮೇನಿ ಕಟ್ಟಿದು, ಅತ್ತಿರಂಡ್ ನಾನು ಸೋನ್ನರ ವತಿಕಿ ವಿದೇಯರಗೊಂಗೋ. ^{28 29} 28 ಯೇಸು ಅದ್ದಿ ಬೋದನೆಲ ಸೋನ್ನಿ ಮುಗಿಸಿ ಅನ್ನಪ್ ರಗೂ , ಆ ಗುಂಪುಗೊರು ಇಕ್ಕರ ಜನ ಅತ್ರ ಉಪದೇಶ ಕೋಟು ಶನ ಆಶ್ಚರ್ಯ ಪಟ್ಟ್ಸ್ ನು, 29 ಆತನು ಯಹೂದ್ಯರ ಶಾಸ್ತ್ರಿಲ ತರ ಉಪದೇಶ ಸೇಯ್ಯದೆ , ತನುಕು ಅದ್ದಿ ಗೊತ್ತಿಕ್ರ ಬೋದಕನ ತರ ಬೇರೆ ವಿದಾನ ತ್ಕೊರು ಬೋದನೆ ಸೇಯಂಚು.