ಅದ್ಯಾಯ 20
1
2
1 ವಾರತ ಮೊದಲನೇ ದಿನುಕೊರು ಮಗ್ದಲತ ಮರಿಯಳು ನಸುಗೋಟಲೇ ಇನ್ನು ನಬ್ಬು ಇಕ್ಕ್ಯಂದೆ ಸಮಾದಿಯಂಚುಗು ವಂದು ಸಮಾದಿಯಿಂಡು ಕೆಲ್ಲು ವಂಗಿಕ್ಕಿರತ ಪಾತುಸು,
2 ಅಪ್ಪೋರು ಅದು ಸಿಮೊನ ಪೆತ್ರನಂಚುಗು ಯೇಸು ಪ್ರಿತಿಸಿಕ್ಕಿರ ಆ ಬೇರೆ ಶಿಷ್ಯನಂಚುಗು ಓಡಿವಂದು ಅಯಿಲಿಕಿ ---ಕರ್ತನತ್ತೆಯಿ ಅಯಿಗ್ಯ ಸಮಾದಿಯಿಂಡು ಅತ್ಗೊಂಡು ಹೊಯ್ಯಿನು ; ಅಯಿಗ್ಯ ಅತನತ್ತೆಯಿ ಎಟ್ಗು ಅಚ್ಚಿನೋ ನಂಗುಲುಕು ಗೊತ್ತಿಲ್ಲ.ಇಂಡಸ್
3
4
5
3 ಅಪ್ಪೋರು ಪೆತ್ರನು ಇನ್ನೊಂಡು ಶಿಷ್ಯನು ಸಮಾದಿಯಾಂಚುಗು ವಂಚುನು,
4 ಹಿನಾಗೆ ಅಯ್ಯಿ ರಂಡಾಳು ಜೋತೆಯಾಯಿ ಓಡುಸುನು;ಆ ಬೇರೆ ಶಿಷ್ಯನು ಪೆತ್ರನಕ್ಕಿಂತ ಮುನುಕು ಓಡಿ ಮೊದಲು ಸಮಾದಿಯಂಚುಗು ವಂಚು,
5 ಅದು ಬೊಗ್ಗಿ ವುಲ್ಲುಕಿ ಪಾತಪ್ಪೋರು ನಾರುಬಟ್ಟಗ ಬುದಿಕ್ಕಿರತ್ತ ಪಾತು , ಅದು ಯಂತ್ಗೋ ಉಲ್ಲಿಕಿ ಹೋಗುಲ್ಲ,
6
7
6 ಪರುಗುಂಡು ಸಿಮೋನ ಪೆತ್ರನು ಅತ್ರ ಪರುಗೋಟೆ ವಂದು ಸಮಾದಿಯುಲ್ಲಿಕಿ ವ೦ದು ನಾರುಬಟ್ಟುಗ ಬುದಿಕ್ಕಿರತೂ
7 ಅತನತ ತಲಕಾಯಿ ಮೆನಿಂದ ಕೈವಸ್ತ್ರ ನಾರುಬಟ್ಟುಲಾಂಟಿ ಇಕ್ಕ್ಯದೇ ಸುತ್ತಿ ಒಂಡುಜಾಯಿ ಬೇರೆ ಇಕ್ಕಿರತ್ತ ಪಾತು.
8
9
10
8 ಆಪೋರು ಮೊದಲು ಸಮಾದಿಕಿ ವಂದ ಅ ಶಿಷ್ಯನು ಸಹ ಉಲ್ಲಿಕಿ ವಂದು ಪಾತು ನಂಬುಸು,
9 ಯಂತ್ಗಿಂಡೆಕೆ ಆತನು ಶತ್ತಯಿಲಿಕೊರಿಂಡು ತಿರಿಗಿ ಅದ್ದಿಕ್ಕಿರಾದು ಅಗತ್ಯಯಿಂಗಿರಾ ಬರಹ ಅಯಿಲಿಕಿ ಇನ್ನು ತಿಲ್ಜಿಕ್ಕಿಲ್ಲ
10 ಪರುಗುಂಡು ಶಿಷ್ಯರು ತಂಗುಲಾತ ಉಟುಕು ಹೊಸುನು,
11
12
13
11 ಅನೇಕೆ ಮರಿಯಳು ಬೆಲಿಕಿ ಸಮಾದಿಯಂಚುಲಿ ಆಗುತಾ ನಿಂಡ್ರಿಂಚು; ಆ ಪಂಬ ಆಗುತಾ ಸಮಾದಿಯುಲ್ಲಿಕಿ ಬಗ್ಗಿ ಪಾತ್ನ್ನಪ್ಪೋರು
12 ಯೇಸುವಿನತ ದೇಹತ ಅಚ್ಚಿಂದ ಜಾಗುತ್ಕೊರು ವೋಲ್ಲ ವಸ್ತ್ರ ಲಾ ದರಿಸಿಂದ ರಂಡಾಳು ದೇವದೂತರು. ಒಂಡು ತಲಕಾಯಿಜಾಯಿನೂ ಇನ್ನೊಂಡು ಪಾದಲಾಜಾಯಿನುಉಕ್ಕೊಂಡಿಕ್ಕಿರತ್ತ ಪಾತುಸು,
13 ಅಯಿಗ್ಯ ಅತ್ಗು –ಅಮ್ಮಾ ನೀನು ಯಂತ್ಗು ಆಗುತಿರ ಇಂಡು ಕೊಕುನು ಆ ಪಂಬುಳಾದು ಅಲಿಕಿ –ನಟ ಕರ್ತನತ್ತೆಯಿ ಆಯಿಗ್ಯ ಅತುಗೊಂಡು ಹೋಯಿನು, ಆತತ್ತೆಯ ಆಯಿಗ್ಯ ಎಟ್ಕೂ ಅಚ್ಚಿನೋ ನನಕೂ ಗೊತ್ತಿಲ ಇಂಡುಸು
14
15
14—16 ಆಕೇಯು ಹಿನಾಗು ಸೋನ್ನಿ ಅನ್ನಪೋದು ಪೋರುಕು ತಿರಿಗಿ ಯೇಸು ನಿಂಡ್ರಿಕ್ಕಿರತ್ತ ಪಾತುಸು;ಅನೇಕೆ ಆತನು ಯೇಸು ಇಂಡು ಅತ್ಗು ಗೊತ್ತಗುಲ್ಲ;
15ಯೇಸು ಅತ್ಗು ---ಅಮ್ಮಾ ನೀನು ಯಂತ್ಗು ಅಗ್ತಿರಾ ? ಎತ್ತ ದವ್ವುತಿರ ಇಂಗಿನೂ ಅದು ಅತ್ತ ಆ ತ್ವಾಟತ ಮಾಲಿಕನಾಯಿಕ್ಕಿಬೋದು ಇಂಡು ಅತನುಕು ---ಅಯ್ಯಾ ನೀನು ಅತನತ್ತೆಯಿ ಇಟಿ೦ಡು ಅತ್ಗೊಂಡು ಹೊಯ್ಯಿಂದೇಕೆ ಅತನತ್ತೆಯಿ ಎಟ್ಗು ಅಚ್ಚಿರಾ ಇಂಡು ನನಕು ಸೋನ್ನು;ನಾನು ಅತ್ಗೊಂಡು ಹೊಕ್ಕುರೆ ಇಂಡಸ್.
16
17
18
ಯೇಸು ಅತ್ಗು -ಮರಿಯಳೆ ಇಂಗಿನು ಅದು ತಿರುಗಿಗೊಂಡು ಅತನುಕು ಇಬ್ರಿಯ ವೋಕುಕೊರು ರಬ್ಬೂನಿ ಇಂಡಸ್,(ರಬ್ಬೂನಿ ಇಂಡೆಕೆ ಗುರುವೇ ಇಂಡು ಅರ್ಥು )
17 ಯೇಸು ಅತ್ಗು ---ನನ್ನತ್ತೆಯಿ ಮುಟ್ಟುಮಾನ;ಯಂತ್ಗಿಂಡೆಕೆ ನಾನು ಇನ್ನು ನಂಗಾವಂಚುಗು ಏರಿ ಹೋಗುಲ್ಲ;ಅನೇಕೆ ನೀನು ನಟ ಸಹೋದರರಂಚುಗು ಹೊಯ್ಯಿ ಅಯಿಲಿಕಿ ---ನನ್ಕು ತೋಪು ನಿಂಗುಲುಕು ತೋಪು ನನ್ಕು ದವ್ರು ನಿಂಗುಲುಕು ದವ್ರು ಅಯಿಕ್ಕಿರತಂಚುಗು ನಾನು ಏರಿಹೊಕ್ಕುರೆ ಇಂಡು ಸೋನ್ನು,
18 ಅಪ್ಪೋರು ಮಗ್ದಲತ ಮರಿಯಳು ವಂದು ತಾನು ಕರ್ತನತ್ತೆಯಿ ಪಾತೆಯಿಂಡೂ ಆತನು ಈ ಸಂಗತಿಲಾದ್ದಿನು ತನ್ಕು ಸೋನ್ನುಸು ಯಿಂಡೂ ಶಿಷ್ಯರುಕು ಸೋನ್ನುಸು.
19
20
19 ಅದೇ ವಾರತ ಮೊದಲನೇ ದಿನುಕೊರು ಅಂದಿಬೇರ್ಶ್ಯಳ್ಳಿ ಯೆಹೊದ್ಯರು ಬಿತಿಂಡು ಶಿಷ್ಯರು ಕೂಡಿ ವಂದಿಕ್ಕಿರ ಉಟು ವಸೂಲಾ ಮುಚ್ಚಿಂಚುನು,ಅಪ್ಪೋರು ಯೇಸು ವಂದು ಅಯಿಲ ನಡುಕು ನಿಂಡ್ರು ---ನಿಂಗುಲುಕು ಸಮಾದಾನವಾಗೋಟು ಇಂಡು ಅಯಿಲಿಕಿ ಸೋನ್ನುಸು,
20 ಆತನು ಹಿನಾಗು ಸೋನ್ನಿ ಅನ್ನಪ್ಪೋರು ತಟ ಕೈಯಿಲಿನೂ ಪಕ್ಕಡಿಲಿನೂ ಅಯಿಲಿಕಿ ಕಾಟುಸು ; ಅಪ್ಪೋರು ಶಿಷ್ಯರು ಕರ್ತನತ್ತೆಯಿ ಪಾತು ಸಂತೋಷ ಪಟ್ಟುಸುನು.
21
22
23
21 ಯೇಸು ತಿರಿಗಿ ಅಯಿಲಿಕಿ ---ನಿಂಗುಲುಕು ಸಮಾದಾನವಾಗೋಟು ; ನಂಗಾವ ನನ್ನ ಅಂಪುನಾ ಮೆರೆತ್ಗು ನಾನು ನಿಂಗುಲುನಾ ಅಂಪರೆ ಇಂಡಸ್,
22 ಆತನು ಇತ್ತ ಸೋನ್ನಿ ಅಯಿಲಿಮೆನಿ ಉದಿ ಅಯಿಲಿಕಿ ---ನಿಂಗ ಪರಿಶುದ್ದಾತ್ಮನತ್ತೆಯಿ ಹೊಂದಿಗೊಂಗೋ,
23 ನಿಂಗ ಎತ್ರ ಪಾಪಲತ್ತೆಯಿ ಕ್ಷಮುಸರಾಂಗಲೋ ಅದು ಅಯಿಲಿಕಿ ಕ್ಷಮಿಸಲ್ಪಡಾದು;ಎತ್ರ ಪಾಪಲಾತ್ತೆಯಿ ನಿಂಗ ಉಳುಸಾರಂಗಲೋ ಅದು ಅಯಿಲಿಕಿ ಉಳಿಯದು ಇಂಡಸ್.
24
25
24 ಅನೇಕೆ ಯೇಸು ವಂದಪ್ಪೋರು ಪನ್ನೆಂಡು ಮಂದಿಕೊರು ಒಂಡಾಯಿಕ್ಕಿರ ದಿದುಮನು ಇಂಗಿರಾ ತೊಮನು ಅಯಿಲಾಂಟಿ ಇಕ್ಕಿಲ್ಯ ,
25 ಅತ್ರಿಂಡು ಬೇರೆ ಶಿಷ್ಯರು ಅತ್ಗು ---ನಂಗ ಕರ್ತನತ್ತೆಯಿ ಪತಿರೋ ಇಂಡಸ್ನು,ಅನೇಕೆ ಅದು ಅಯಿಲಿಕಿ ---ನಾನು ಅತನತ ಕೈಲಿಕೊರು ಮಳಿಲಿತಾ ಗುರುತು ಪಾತು ನಟ ಬೆರಳುಲಾ ಅಚ್ಚು ಅತನತ ಪಕ್ಕಿಲಿಕೊಕು ಕೈ ಹೋಟು ಪಾಕದೆ ನಾನು ನಿಂಗುಲತ ವೋಕ ನಂಬುಮಾಟೆ ಇಂಡಸ್
26
27
26 ತಿರಿಗಿ ಅಟ್ಟುನಾಲು ಅನ್ನಪ್ಪೋರು ಅತನತ ಶಿಷ್ಯರು ಉಲ್ಲಿಂದಪ್ಪೋರು ತೊಮನು ಸಹ ಅಯಿಲಾಂಟಿ ಇಂಚು , ಅಪ್ಪೋರು ವಸೂಲುಗಾ ಮುಚ್ಚಿಂದು ಯೇಸು ವಂದು ನಡುಕು ನಿಂಡ್ರು ನಿಂಗುಲುಕು ಸಮಾದಾನವಾಗೋಟು ಇಂಡಸ್,
27---28 ಪರ್ಗುಂಡು ಅತನುಕು ತೊಮನುಕು ---ನಿಟ ಬೆರುಳುಲಾತ್ತೆಯಿ ಈಸಯಿ ಚಾಚಿ ನಟ ಕೈಲಾತ್ತೆಯಿ ಪಾರು ; ನಿಟ ಕೈಲಾತ್ತೆಯಿ ನಟ ಪಕ್ಕಿಡಿಕೋಕು ಹೋಡು ; ನಂಬಿಕೆ ಇಲ್ಲರವಾಗಾದೆ ನಂಬುರವಾನಾಗು ಇಂಡಸ್ ,
28
29
28 ತೊಮನು ಪ್ರತ್ಯುತ್ತರವಾಯಿ ಅತನುಕು ---ನಟ ಕರ್ತನೇ,ನಟ ದವ್ರೆ ಇಂಡಸ್,
29 ಯೇಸು ಅತ್ಗು ತೋಮನೇ,ನೀನು ನನ್ನ ಪಾತಾತ್ಗು ನಂಬಿರಾ;ಪಾಕಾದೆ ನನ್ನ ನಂಬುರಯ್ಯ ದನ್ಯರು ಇಂಡಸ್.
30
31
30 ಯೇಸು ಇನ್ನು ಎದ್ನೋ ಸೂಚಕ ಕಾರ್ಯಲಾ ತಟ ಶಿಷ್ಯರಾ ಎದುರುಕು ಸೇಂದಿಕ್ಕಿರಾದು ಕರಾನೇ;ಅನೇಕು ಅಯಿಲಾತ್ತೆಯಿ ಈ ಪುಸ್ತಕಕೋಕು ವರಿಜ್ಜಿಕ್ಕಿದಿಲ್ಲ
31 ಅನೇಕೆ ಯೇಸುನೆ ದೇವಕುಮಾರನಯಿಕ್ಕಿರ ಕ್ರಿಸ್ತನು ಇಂಡು ನಿಂಗ ನಂಬುರುಕನಿನೂ ನಂಬಿ ಆತನ ಪೆರುಮೆನಿ ಜಿವುತಾ ಪಡುಜುಗುರುಕನಿನೂ ಇಯಿಲಾತ್ತೆಯಿ ವರಿಯಲ್ಪಟ್ಟಿದು,