ಅದ್ಯಾಯ 19
1 ಅಪ್ಪೋರು ಪಿಲಾತನು ಯೇಸುನತ್ತೆಯಿ ಅಸುಗೊಂಡು ಕೊರಡೆಲಿ೦ಡು ಮತಿಪಿಚ್ಚುಸು ,
2 ಸೈನಿಕರು ಮುಳ್ಳುತಾ ಕಿರೀಟ ಹೆಣುಜು ಅತನತ ತಲಕಾಯಿ ಮೇಕು ಅಚ್ಚು ಯಾರ್ರ ಬಣ್ತ ಓಲ್ಲಿಯತ್ತೆಯಿ ಅತನುಕು ಹೊದಿಸಿ ಅತನಂಚುಗು ವಂದು
3 ಯೆಹೊದ್ಯರ ಅರಸನೇ , ವಂದನೆ!ಇಂಡು ಸೋನ್ನಿ ತಟ ಕೈಲಿಂಡು ಅತನತ್ತೆಯಿ ಮತುಸುನು,
4
5
6
4 ಅತ್ರಿಂಡು ಪಿಲಾತನು ತಿರಿಗಿ ಬೆಲಿಕಿ ಹೊಯ್ಯಿ ಅಯಿಲಿಕಿ ---ಇದೋ,ನಾನು ಅತನುಕೊರು ಏ ಅಪರಾದನು ಕಾಂಗುಲ್ಲ ಇಂಡು ನಿಂಗ ತಿಲ್ಜುಗುರುಕನಿ ಅತನತ್ತೆಯಿ ನಿಂಗುಲು ಎದುರುಕು ಅತ್ತೆರೆ ಇಂಡಸ್,
5 ಅಪ್ಪೋರು ಯೇಸು ಮುಳ್ಳುತಾ ಕಿರೀಟ ಮತ್ತೇ ಯಾರ್ರ ಒಲ್ಲಿಯತ್ತೆಯಿ ಧರಿಸಿಕೊಂಡಿಕ್ಕಿರಾದಯ್ಯಿ ಬೆಲಿಕಿ ವಂದಪ್ಪೋರು ಪಿಲಾತನು ಅಯಿಲಿಕಿ ಇದೋ,ಈ ಮಣುಸು !ಇಂಡಸ್
6 ಪ್ರಧಾನ ಯಜಕರು ಅಧಿಕಾರಿಗ್ಯ ಅತನತ್ತೆಯಿ ಪಾತಪ್ಪೋರು ----ಅತ್ತತ್ತೆಯಿ ಶಿಲುಬೇಕು ಹೋಡಾ೦ಗೋ;ಅತ್ತ ಶಿಲಿಬೆಕು ಹೋಡಿಪಿ ಇಂಡು ವದುರುಸುನು , ಅತ್ಗು ಪಿಲಾತನು ಅಯಿಲಿಕಿ ---ನಿಂಗ್ಲೇ ಅತನತ್ತೆಯಿ ಅತ್ಗೊಂಡು ಹೊಂಗೋ,ನಿಂಗ್ಲೇ ಶಿಲುಬೆಕು ಹೋಡಾ೦ಗೋ; ಯಂತ್ಗಿಂಡೆಕೆ ನಾನು ಅತನುಕೊರು ಏ ಅಪರಾದನು ಕಾಂಗುಲ್ಲ ಇಂಡಸ್,
7
8
9
7 ಯೆಹೊದ್ಯರು ಪ್ರತ್ಯುತ್ತರವಾಯಿ ಅತ್ಗು ---ನಂಗುಲುಕೋರು ಒಂಡು ನ್ಯಾಯಪ್ರಮಾಣವಿದು ಮತ್ತೆ ಆ ನ್ಯಾಯ ಪ್ರಮಾಣತ ಪ್ರಕಾರ ಅದು ಸಾಗುರುಲೇಬೇಕು ; ಯಂತ್ಗಿಂಡೆಕೆ ಅದು ತನ್ನತ್ತೆಯಿ ದವ್ವುರುಮವ್ವುನಾಯಿ ಸೆಂದುಗೊಂಡಿದು ಇಂಡಸ್ನು,
8 ಪಿಲಾತನು ಈ ವೋಕತ್ತೆಯಿ ಕೋಟಾಪ್ಪೋರು ಇನ್ನು ಶನ ಬಿತ್ಗೊಂಡುಸು
9 ತಿರಿಗಿ ನ್ಯಾಯಾಲಯತುಲ್ಲಿಕಿ ಹೊಯ್ಯಿ ಯೇಸುಕು ---ನೀನು ಎಟಿ೦ಡು ವಂದಿಕ್ಕಿರವ ಇಂಡು ಅತನತ್ತೆಯಿ ಕೊಟುಸು,ಅನೇಕೆ ಯೇಸು ಅತ್ಗು ಉತ್ತುರುತಾ ಕುಡ್ಕುಲ್ಲ,
10
11
10 ಅಪ್ಪೋರು ಪಿಲಾತನು ಅತನುಕು –ನೀನು ನನ್ನಂಟಿ ವಸೆತ್ತಮಾಟ್ಯಾ ?ನಾನು ನಿನ್ನತ್ತೆಯಿ ಶಿಲುಬೇಕು ಹೊಡಿಪ್ಪಿಕ್ಕಿರುಕೂ ನಿನ್ನತ್ತೆಯಿ ಉಡಿಪ್ಪಿಕ್ಕಿರುಕು ನನ್ಕು ಅಧಿಕಾರವಿದಿಂಡು ನಿನ್ಕು ಗೊತ್ತಿಲ್ಯ ಇಂಡು ಕೊಟುಸು
11 ಅತ್ಗು ಯೇಸು ---ಮೆನಿಂಡು ನಿನ್ಕು ತರಾದಿಂದೇಕೆ ನನ್ನಮೆನಿ ನಿಕು ಯಂದ ಅಧಿಕಾರನು ಇಕ್ಕ್ಯಕ್ಕಿಲ್ಲ , ಆದಕಾರಣ ನನ್ನತ್ತೆಯಿ ನಿನ್ಕು ಒಪ್ಪಿಸಿಕ್ಕಿರತ್ಗು ಹೆಚ್ಚನ ಪಾಪ ಇದು ಇಂಡು ಉತ್ತುರುತಾ ಕುಡ್ತುಸು
12
13
12 ಅಮಾನ್ತಿಂಡು ಪಿಲಾತನು ಅತನತ್ತೆಯಿ ಉಡಿಪ್ಪಿಕ್ಕಿರುಕು ಪ್ರಯತ್ನಪಟ್ಟುಸು,ಅನೇಕೆ ಯೆಹೊದ್ಯರು ---ನೀನು ಈ ಮಣುಸುನತ್ತೆಯಿ ಉಡಿಪ್ಪಿಚ್ಚುನೇಕೆ ನೀನು ಕೈಸೆರೆನೆಕು ಮಿತ್ರನಲ್ಲ;ತನ್ನತ್ತೆಯಿ ಅರಸನಯಿ ಸೆಂದುಗುರಾದು ಕೈಸೆರೆನುಕು ವಿರೋದವಾಯಿ ವಸೆತ್ತದು ಇಂಡು ವದುರಿ ಸೋನ್ನುಸುನು.
13 ಪಿಲಾತನು ಈ ವೋಕತ್ತೆಯಿ ಕೋಟು ಯೇಸುನತ್ತೆಯಿ ಬೆಲಿಕಿ ಅಗುಸುಗೊಂಡುವಂದು ಇಬ್ರಿಯ ವೋಕುಕೊರು ಗಬ್ಬಥಾ ಇಂಗಿಸಿಗಿರ ಕೆಲ್ಲು ಪಡಿತ್ತಿಕ್ಕಿರ ಕಟ್ಟೆ ಇಂಡು ಅಕಿರಂತ ಜಾಗುತುಕೊರು ನ್ಯಾಯಸನತ ಮೇಕು ಉಕ್ಕೊಂಡುಸು.
14
15
16
14 ಅದು ಪಸ್ಕತ್ಗು ಸಿದ್ದಸೇಯ್ಯರ ದಿನತ್ಕೊರು ಸುಮಾರು ಆರನೇ ತಾಸಾಯಿಂಚು ಅದು ಯೆಹೊದ್ಯರುಕು ಇದೋ, ನಿಂಗಲಾತ ಅರಸನು ಇಂಡಸ್,
15 ಅನೇಕೆ ಅಯಿಗ್ಯ ಆತನತ್ತೆಯಿ ಕೊಲ್ಲಿಪಿ ಕೊಲ್ಲಿಪಿ ಅತನತ್ತೆಯಿ ಶಿಲುಬೆಕು ಹೊಡಿಪಿ ಇಂಡಸ್ನು,ಅತ್ಗು [ಪಿಲಾತನು ಅಯಿಲಿಕಿ ನಿಂಗಲ್ತಾ ಅರಸನತ್ತೆಯಿ ಶಿಲುಬೇಕು ಹೋಡೋಟಾ ಇಂಡಪ್ಪೋರು ಪ್ರದಾನಯಜಕರು ಕೈಸರೆನೇ ಹೊರತು ನಂಗುಲುಕು ಬೇರೆ ಅರಸನಿಲ್ಲ ಇಂಡು ಉತ್ತುರುತಾ ಕುಡ್ತುಸು
16 ಅಪ್ಪೋರು ಅದು ಯೇಸುನತ್ತೆಯಿ ಶಿಲುಬೇಕು ಹೊಡುರುಕು ಒಪ್ಪಿಸುನು ಅಯಿಗ್ಯ ಅತನತ್ತೆಯಿ ಅಸುಗೊಂಡು ಹೊಸುನು,
17
18
17 ಆತನು ಶಿಲುಬೇಯತ್ತೆಯಿ ಸಮುದುಗೊಂಡು ಕಪಾಲಸ್ಥಳ ಇಂಗಿರಿದಾಟುಕು ಹೊಸುನು ಇತ್ಗು ಇಬ್ರಿಯ ವೋಕುಕೊರು ಗೊಲ್ಗೊಥಾ (ಬುರುಡೆಲಾತ ಜಾಗ)ಇಂಡು ಪೆರು
18 ಅಟಿ ರಂಡಾಳು ಇಂಡೆಕೆ ಅಕ್ಕಿಡಿಕಿ ಒಂಡು ಇಕ್ಕಿಡಿಕಿ ಒಂಡು ಇಕ್ಕಿಡಿಕಿ ಒಂಡು ನಡುಕು ಯೇಸುನತ್ತೆಯಿ ಅಚ್ಚು ಅತನಂಟಿ ಶಿಲುಬೆಕು ಹೊಟುಸುನು,
23
24
23 ಸೈನಿಕರು ಯೇಸುನತ್ತೆಯಿ ಶಿಲುಬೇಕು ಹೋಟಾನ್ನಪ್ಪೋರು ಅತನತ ಬಟ್ಟುಲಾ ವಂಗಿ ಪ್ರತಿಯೊಂಡು ಸೈನಿಕರಕು ಒಂಡುಒಂಡು ಬಾಗ ಇಂಡೆಕೆ ನಾಲು ಬಾಗ ಸೆಂದುಗೊಂಡುಸುನು, ಅತನತ ಮೇಲಂಗಿಯತ್ತೆಯಿನೂ ಅತ್ಗೊಂಡುಸುನು,ಅನೇಕೆ ಆ ಅಂಗಿ ಹೋಲಿಗಿ ಇಲ್ಲದೆ ಮೆನ್ನಿಂಡು ವಸುರುಕು ನೆಯ್ದಿಂಚುನು.
24 ಅತ್ರಿಂಡು ಅಯಿಗ್ಯ ---ನಂಬುರು ಅತ್ತ ಪಿಕ್ಕಿರಾದು ಮಾನ ; ಅನೇಕೆ ಅದು ಎತ್ಗು ಅಕ್ಕುದೋ ಇಂಡು ಚೀಟುಹೋಟು ಪಾಕೊಮಂಗಯಿಂಡು ತಂಗುಲುಕೊರೆ ವಸ್ಸೇತಿಗೊಂಡುಸುನು ; ಇನಾಗೆ –ನಟ ಬಟ್ಲಾ ಅಯಿಗ್ಯ ಅತ್ಗೊಂಡುಸುನು ; ನಟ ಮೆನ್ನಂಗಿಕೊಸ್ಕರ ಚೀಟು ಹೊಟುಸುನು ಇಂಗಿರ ಶಾಸ್ತ್ರತ ವೋಕು ನೆರವೆರುಸು.ಸಿಪಾಯಿಗ್ಯ ಇತಾದ್ದಿನು ಸೆಂಚುನು,
25
26
27
25 ಯೇಸುತ ಶಿಲುಬೆಯಂಚಿಲಿ ಅತನತ ತಾಯಿನೂ ತಾಯಿತ ಸಹೋದರಿನೂ ಕ್ಲೋಪನ ಪಂಡಾಯಿಕ್ಕಿರ ಮರಿಯಳು ಮಗ್ದಲತ ಮರಿಯಾಳು ನಿಂಡ್ರಿಂಚುನು,
26 ತಟ ತಾಯಿ ಮತ್ತೆ ತಾನು ಪ್ರಿತಿಸಿಕ್ಕಿರ ಶಿಷ್ಯ ನಿಂಡ್ರಿಕ್ಕಿರತ್ತ ಯೇಸು ಪಾತು;ತಟ ತಾಯಿಕಿ ---ಅಮ್ಮಾ ಇದೋ,ನಿಮ್ ಮವ್ವು,ಇಂಡಸ್
27 ಪರುಗುಂಡು ಆತನು ಅ ಶಿಷ್ಯನುಕು ---ಇದೋ,ನಿಂಗ ಅಮ್ಮ ಇಂಡಸ್,ಆ ಗಳಿಗೆಯಿಂಡು ಆ ಶಿಷ್ಯನು ಅ ತಾಯಿಯತ್ತೆಯಿ ತಟ ಸ್ವಂತ ಉಟುಕೋಕು ಅಚ್ಚುಗೊಂಡುಸು,
31
32
33
31 ಆಮಾನು ಸೌರಣೆಯಾ ದಿನುವಾಯಿಕ್ಕಿರತಿಂಡು ಸಬ್ಬತ್ ದಿನುಕೊರು ದೇಹಗ ಶಿಲುಬೆಮೆನಿ ಇಕ್ಕಿರದಲ್ಲಯಿಂಡು ಆಯಿಲಾತ ಕಾಲುಲಾತ್ತೆಯಿ ಹೊಡುಸು ಅಯಿಲಾತ್ತೆಯಿ ವಂಗೆಡುರುದಿಂಡು ಯೆಹೊದ್ಯರು ಪಿಲಾತನತ್ತೆಯಿ ಕೋಟುಗೊಂಡುಸುನು (ಯಂತಿಗಿಂಡೆಕೆ ಆ ಸಬ್ಬತ ದಿನು ವಿಶೇಷವಾಯಿಕ್ಕಿರ ದಿನುವಾಯಿಂಚು )
32 ಅಪ್ಪೋರು ಸೈನಿಕರು ವಂದು ಅತನಂಟಿ ಶಿಲುಬೆಕು ಹೊಟಿಂದ ಆ ರಂಡಾಳುತಾ ಕಾಲುಲಾತ್ತೆಯಿ ಹೊಡುಸುಸುನು,
33 ಅನೇಕೆ ಅಯಿಗ್ಯ ಯೇಸುನಂಚುಗು ವಂದಪ್ಪೋರು ಆತನು ಅಪ್ಪೋರೆ ಶತ್ತಿಕ್ಕಿರತ್ತ ಪಾತು ಅತನತ ಕಾಲುಲಾತ್ತೆಯಿ ಹೊಡಿಕ್ಕಿಲ್ಲ,
34
35
34 ಅನೇಕೆ ಸೈನಿಕರುಕೋರು ಒಂಡು ಈಟಿಯಿಂಡು ಅತನತ ಪಕ್ಕೆಯತ್ತೆಯಿ ತಿವಿಚು;ತಕ್ಷಣ ರಗುಮತ್ತೆ ತನ್ನಿ ರಂಡು ವಂಚು
35 ಅತ್ತ ಪಾತಾದೆ ಸಾಕ್ಷಿ ಸೋನ್ನಿದು;ಅತ್ರ ಸಾಕ್ಷಿ ಸತ್ಯನೇ;ನಿಂಗ ನಂಬುರುಕನಿ ಅದು ಸೋನ್ನರಾದು ಸತ್ಯಯಿಂಡು ಅತ್ಗು ಗೊತ್ತಿದು.
40
41
42
40 ಅಪ್ಪೋರು ಅಯಿಗ್ಯ ಯೇಸುವಿನತ ದೇಹತ ಅತ್ಗೊಂಡು ಯೆಹೊದ್ಯರುಕೊರು ಹುಣುಕ್ಕಿರ ಪದ್ಧತಿ ಪ್ರಕಾರ ಅತ್ತ ಸುಗಂದದ್ರವ್ಯಲಾಂಟಿ ನಾರು ಬಟ್ಟುಕೋಕು ಸುತ್ತುಸುನು,
41 ಅತನತ್ತೆಯಿ ಶಿಲುಬೆಕು ಹೋಟಿಕ್ಕಿರದಟ್ಲಿ ಒಂಡು ತ್ವಾಟು ಇಂಚು ; ಆ ತ್ವಟುತುಕೊರು ಎತ್ತು ಅಕ್ಕಿರಂತ ಒಂಡು ಸಮಾದಿ ಇಂಚು ,
42 ಆ ದಿನು ಯೆಹೊದ್ಯರತ ಸೌರಣೆಯಾ ದಿನುವಾಯಿಕ್ಕಿರತ್ಗು ಆ ಸಮಾದಿ ಕಿಟ್ಟಕ್ಕುದು ಯಿಂಡು ಯೇಸುನತ್ತೆಯಿ ಅ ಸಮಾದಿಕೊಕು ಅಚ್ಚುಸುನು,