ಅದ್ಯಾಯ 18
1
2
3
1 ಯೇಸು ಈ ವೋಕುಲಾ ಸೋನ್ನಿ ಅನ್ನಪ್ಪೋರು ತಟ ಶಿಷ್ಯರಂಟಿ ಕೆದ್ರೋನ್ ಹಳ್ಳತ ಅಕ್ಕಿಡಿಕಿ ಹೊಸು;ಅಟಿ ಒಂಡು ತ್ವಾಟಯಿಂಚು, ಆತನು ಅತನತ ಶಿಷ್ಯರು ಅತ್ತೂಲ್ಲಿಕಿ ಹೊಸುನು,
2 ಅತನತ್ತೆಯಿ ಪುಡುಸುಕುಡುತಾ ಯೂದನುಕು ಆ ಜಾಗ ಗೊತ್ತಿಂಚು; ಯಂತ್ಗಿಂಡೆಕೆ ಅನೆಕಸತಿ ಯೇಸು ತಟ ಶಿಷ್ಯರಂಟಿ ಅಟ್ಗು ವರಾಂಚು,
3 ಅಪ್ಪೋರು ಯೂದನು ಪ್ರದಾನಯಜಕರಿಂಡು ಮತ್ತೆ ಪರಿಸಾಯರಿಂಡು ಜನ್ರಗುಂಪು ಮತ್ತೆ ಅಧಿಕಾರಿಲಾ ಅಸ್ಗೊಂಡು ದೀಪಲುನೂ ಪಂಜುಲುನೂ ಆಯುಧಲುನೂ ಅತ್ಗೊಂಡು ಅಟ್ಗು ವಂಚುನು,
4
5
4 ಯೇಸು ತನ್ನಮೆನಿ ವರಾತ್ತದ್ದಿನು ತಿಲ್ಜುಗೊಂಡು ಮುನುಕುಹೊಯ್ಯಿ ಅಯಿಲಿಕಿ –ನಿಂಗ ಎತ್ತ ದವ್ವುತಿರಂಗ ಇಂಡು ಕೊಕುನು,
5 ಅಯಿಗ್ಯ ಪ್ರತ್ಯುತ್ತರವಾಯಿ ಅತನುಕು –ನಜರೆತಿನ ಯೇಸುನತ್ತೆಯಿ ದವ್ವುತಿರೋ ಇಂಡಸ್ನು,ಅತ್ಗು ಯೇಸು ಅಯಿಲಿಕಿ –ನಾನೇ ಆತನು ಇಂಡಸ್,ಮತ್ತೆ ಅತನತ್ತೆಯಿ ಪುಡುಸುಕುಡುಕುರಾ ಯೂದನು ಸಹ ಅಯಿಲಾಂಟಿ ನಿಂಡ್ರಿಂಚು.
6
7
6 ಆತನು ಅಯಿಲಿಕಿ –ನಾನೇ ಆತನು ಇಂಡು ಸೋನ್ನುತಕ್ಷಣ ಅಯಿಗ್ಯ ಪರುಕು ಸರಜು ದಿಕು ಬೂಚುನು,
7 ಅಪ್ಪೋರು ಆತನು ತಿರಿಗಿ ಅಯಿಲಿಕಿ –ನಿಂಗ ಎತ್ತ ದವ್ವುತಿರ೦ಗ ಇಂಡು ಕೊಕುನು ಅಯಿಗ್ಯ ---ನಜರೆತಿನ ಯೇಸುನತ್ತೆಯಿ ಇಂಡಸ್ನು.
8
9
8 ಯೇಸು ಪ್ರತ್ಯುತ್ತರವಾಯಿ ---ನಾನೇ ಆತನು ಇಂಡು ನಿಂಗುಲುಕು ಸೊನ್ನೇನೆ; ನಿಂಗ ನನ್ನ ದವ್ವುರಾದನೆಕೆ ಇಯಿಲಿಕಿ ಹೋಗುರುಕು ಉಡಾ೦ಗೋಇಂಡಸ್
9 ಹಿನಾಗೇ ---ನೀನು ನನ್ಕು ತಂದಿಕ್ಕಿರಯಲಿಕೊರು ಒಂಡುನು ನಾನು ಕಳಜುಗುಮಾಟೆ ಇಂಡು ಸೋನ್ನಿಕ್ಕಿರ ವೋಕು ನೆರೆವೆರುಕನಿ ಇದಾದ್ದಿ ಅಸು,
10
11
10 ಅಪ್ಪೋರು ಸಿಮೋನಪೇತ್ರನು ತನ್ನಂಚಿಲಿ ಇಂದ ಕೊಡ್ಲಿಯತ್ತೆಯಿ ಅತ್ಗೊಂಡು ಹಿರಿಜು ಮಹಾಯಜಕನತ ಅಳುತ್ತೆಯಿ ಮತಿ ಅತ್ರ ಉನುಗೈ ಸವ್ವಿಯತ್ತೆಯಿ ಕತ್ತುರುಸುಸು;ಆ ಅಳುತಾ ಪೆರು ಮಲ್ಕನು
11 ಅಪ್ಪೋರು ಯೇಸು ಪೇತ್ರನುಕು –ನಿಟ ಕೋಡ್ಲಿಯತ್ತೆಯಿ ಒರೆತ್ಗುಹೋಡು , ನಂಗಾವ ನನ್ಕು ತಂದಿಕ್ಕಿರ ದಬರಿಕೊಕು ನೀನು ಕುಡ್ಕಿಮಾನುದೋ,ಇಂಡಸ್
12
13
14
12 ತರುವಾಯ ಜನುರಗುಂಪು ನಾಯಕನೂ ಯೆಹೊದ್ಯರತ ಅಧಿಕಾರಿಗ್ಯ ಯೇಸುನತ್ತೆಯಿ ಪುಡುಸು ಕಟ್ಟಿ,
13 ಅತನತ್ತೆಯಿ ಮೊದಲು ಅನ್ನನಂಚುಗು ಅಸ್ಗೊಂಡುಹೊಸುನು;ಅದು ಆ ವಟುಕಾಲತ ಮಹಾಯಜಕನಾಯಿಂದ ಕಾಯಫನಾತ ಮಾಮು ಅಯಿಂಚು,
14 ಜನುರುಕೊಸ್ಕರ ಒಂಡು ಮಣುಸು ಸಾಗುರಾದು ನಲ್ಲದೆಯಿಂಡು ಯೆಹೊದ್ಯರುಕು ಆಲೋಚನೆ ಸೊನ್ನ ಕಾಯಫನು ಇದೇ,
15
16
15 ಸಿಮೋನ ಪೆತ್ರನು ಯೇಸುನತ್ತೆಯಿ ಹಿಂಬಾಲಿಸುಸು; ಹನಗೆ ಬೇರೆಯೊಂಡು ಶಿಷ್ಯನು ಯೇಸುನತ್ತೆಯಿ ಹಿಂಬಾಲಿಸುಸು; ಆ ಶಿಷ್ಯನು ಮಹಾಯಜಕನುಕು ಪರಿಚಯವಿಕ್ಕಿರತಿಂಡು ಯೇಸುವಿನ೦ಟಿ ಮಹಾಯಜಕನತ ಭವನತುಲ್ಲಿಕಿ ಹೊಸು,
16 ಪೆತ್ರನು ವಸುಲಾಂಚಿಲಿ ಬೆಲಿಕಿ ನಿಂಡ್ರಿಂಚು ; ಹಿನಾಗಿಂದಪ್ಪೋರು ಮಹಾಯಜಕನುಕು ಪರಿಚಯವಿಂದ ಆ ಇನ್ನೊಂಡು ಶಿಷ್ಯನು ಬೆಲಿಕಿ ಹೊಯ್ಯಿ ವಸೂಲು ಕಾಕರತಂಚಿಲಿ ವಸೆತ್ತಿ ಪೇತ್ರನತ್ತೆಯಿ ಉಲ್ಲಿಕಿ ಅಸೆಂಚು.
17
18
17 ಅಪ್ಪೋರು ವಸೂಲು ಕಾಕರ ಆ ಸಿನ್ನದು ಪೇತ್ರನುಕು ---ನೀನು ಈ ಮಣುಸುನತ ಶಿಷ್ಯರುಕುರು ಒಂಡು ಅಲ್ಯ? ಇಂಡು ಕೊಕುನು ಅದು ---ನಾನಲ್ಲ ಇಂಡಸ್,
18 ಅಪ್ಪೋರು ತಂಡಿಯಾಯಿಕ್ಕಿರತಿಂಡು ಅಳುಲುನೂ ಅಧಿಕಾರಿಲಿನೂ ನೆರುಪುಹೋಟು ತಂಡಿ ಕಾಸಿಗಿತಿಂಚುನು;ಪೇತ್ರನು ಅಯಿಲಾಂಟಿ ನಿಂಡ್ರು ನೆರುಪು ಕಾಸಿತಿಂಚು.
19
20
21
19 ತರುವಾಯ ಮಹಾಯಜಕನು ಯೇಸುನತ್ತೆಯಿ ಅತ್ರ ಶಿಷ್ಯರ ವಿಷಯವಾಯಿನೂ ಅತ್ರ ಬೋದನೆತ ವಿಷಯವಾಯಿನೂ ಕೊಟುಸು,
20 ಯೇಸು ಪ್ರತ್ಯುತ್ತರವಾಯಿ ಅಯಿಲಿಕಿ ನಾನು ಬಹಿರಂಗವಾಯಿ ಲೋಕತ ಎದುರುಕು ವಸೆತ್ತಿರೆ;ಯೆಹೊದ್ಯರು ಎಪ್ಪೋತಿಗು ಕುಡ್ರಾ ಸಭಾಮಂದಿರತ್ಕೊರು ದೇವಾಲಾಯತ್ಕೊರು ನಾನು ಉಪದೇಶ ಸೇಂದಿರೆ; ಗುಪ್ತವಾಯಿ ನಾನು ಯಂತು ಸೋನ್ನುಲ್ಲ,
21 ನಿಂಗ ನನ್ನ ಯಂತ್ಗು ವಿಚಾರಿಸಿರಂಗ?ನಾನು ಅಯಿಲಿಕಿ ಯಂತ ಸೋನ್ನಿರೆಯಿಂಡು ಕೋಟಯ್ಯಲಾ ವಿಚಾರಿಸು ಇದೋ,ನಾನು ಸೋನ್ನಿಕ್ಕಿರಾದು ಅಯಿಲಿಕಿ ಗೊತ್ತಿದು ಇಂಡಸ್.
22
23
24
22 ಆತನು ಹಿನಾಗು ವಸೆತ್ತನ್ನಪ್ಪೋರು ಕಿಟ್ಟುಗು ನಿಂಡ್ರಿಂದ ಒಂಡು ಅದಿಕಾರಿ ತಟ ಅಂಗೈಯಿಟ್ಟು ಯೇಸುನತ್ತೆಯಿ ಮತಿ ---ನೀನು ಮಹಾಯಜಕನುಕು ಈ ತರ ಉತ್ತುರುತಾ ಕುಡುಕಾರ್ಯ ಇಂಡಸ್,
23 ಯೇಸು ಅತ್ಗು ---ನಾನು ಕೊಟ್ಟಿಯತ್ತ ಸೇಂದಿ೦ದೇಕೆ ಆ ಕೊಟ್ಟಿತ್ತರ ವಿಷಯವಾಯಿ ಸಾಕ್ಷಿ ಸೋನ್ನು ; ನಲ್ಲತ್ತ ವಸೆತ್ತಿಂದೆಕೆ ನೀನು ನನ್ನ ಯಂತಗು ಮತರಾ ಇಂಡಸ್,
24 ಅನನ್ನು ಅತನತ್ತೆಯಿ ಕಟ್ಟಿಪಿಚ್ಚು ಮಹಾಯಜಕನಯಿಕ್ಕಿರ ಕಾಯಫನಂಚುಗು ಅಂಪುಸು.
25
26
27
25 ಪರುಗುಂಡು ಸಿಮೋನ ಪೇತ್ರನು ತಂಡಿ ಕಾಸಿಗಿತ ನಿಂಡ್ರಿಂಚು ; ಅಪ್ಪೋರು ಅಯಿಗ್ಯ ಅತ್ಗು ---ನೀನು ಸಹ ಆತನ ಶಿಷ್ಯರುಕೊರು ಒಂಡು ಅಲ್ಯ?ಇಂಡು ಅತ್ತ ಕೊಕುನು , ಅತ್ಗು ಅದು ಅಲ್ಲಗಳಜು ನಾನ್ನಲ್ಲ ಇಂಡಸ್
26 ಮಹಾಯಜಕನತ ಅಳುಲುಕೊರು ಪೇತ್ರನು ಸವ್ವಿ ಕತ್ತರಿಸಿಂದ ಬಂದುವಾಯಿಕ್ಕಿರ ಒಂಡು ನಾನು ನಿನ್ನತ್ತೆಯಿ ತ್ವಾಟತ್ಕೊರು ಅಮಾನು ಅತಂಟಿ ಪಕುಲ್ಯ ಇಂಡಸ್ .
27 ಪೆತ್ರನು ತಿರಿಗಿ ಅಲ್ಲಗಳಿಜು ಅಪ್ಪೋರು ತಕ್ಷಣ ಕೊಯ್ಯಿ ವದುರುಸು , ಪರುಗುಂಡು ಯೇಸುನತ್ತೆಯಿ ಕಾಯಫನಿಂಡು ನ್ಯಾಯಲಾಯತ್ಗು ಅಸ್ಗೊಂಡು ಹೊಸುನು.
28
29
30
ಅಪ್ಪೋರು ನಸುಗೋಟ್ಲಿ ಅಯಿಂಚು ತಂಗ ಮೈಲಿಗಿಯಾಯ್ಯಿ ಪಸ್ಕತ ಕಲಿ ಸೇಯ್ಯಿರುಕು ಅಡ್ಡಿಯಾಗುಬೋದಿಂಡು ಅಯಿಗ್ಯ ನ್ಯಾಯಲಾಯಾತ ಉಲ್ಲಿಕ್ಕಿ ಹೋಗುಲ್ಲನು,
29 ಅಪ್ಪೋರು ಪಿಲಾತನು ಬೆಲಿಕಿ ಅಯಿಲಾಂಚುಗು ಹೊಯ್ಯಿ ನಿಂಗ ಈ ಮಣುಸುನ ಬಗ್ಗೆ ಯಂದ ದೂರು ಅತ್ತೆಂದಿರಂಗ ಇಂ ಡು ಕೋಟಾಪ್ಪೋರು, 30 ಅಯಿಗ್ಯ ಪ್ರತ್ಯುತ್ತರವಾಯಿ ಅತ್ಗು ---ಇದು ದುಷ್ಕರ್ಮಿಯಾಗದಿಂದೆಕೆ ನಂಗ ಇತ್ತ ನಿನ್ಕು ಒಪ್ಪಿಸಿ ತರಕ್ಕಿಲ್ಲ ಇಂಡು ಸೋನ್ನುಸುನು
31
32
31 ಅಪ್ಪೋರು ಪಿಲಾತನು ಅಯಿಲಿಕಿ –ನಿಂಗ್ಲೇ ಅತನತ್ತೆಯಿ ಅಸುಗೊಂಡು ಹೊಯ್ಯಿ ನಿಂಗುಲಾತ ನ್ಯಾಯಪ್ರಮಾಣತ ಪ್ರಕಾರ ಅತನುಕು ನ್ಯಾಯ ತಿರಿಸಂಗೋಇಂಡಸ್,ಅತ್ಗು ಯೆಹೊದ್ಯರು –ಮರಣದಂಡನೆ ವಿದಿಸೂರ ಅಧಿಕಾರ ನಂಗುಲುಕ್ಕಿಲ್ಲ ಇಂಡಸ್ನು,
32 ಹಿನಾಗು ಯೇಸು ತಾನು ಯಂತ ಸಾವತಿಂಡು ತಾನು ಸಕ್ಕರೆಯಿಂಡು ಸೂಚಿಸಿ ಸೋನ್ನಿಂಚೋ ಆ ವೋಕು ನೆರೆವೆರುಸು,
33
34
35
33 ಪರುಗುಂಡು ಪಿಲಾತನು ತಿರಿಗಿ ನ್ಯಾಯಲಾಯತುಲ್ಲಿಕಿ ಹೊಯ್ಯಿ ಯೇಸುನತ್ತೆಯಿ ಅಗುಸು ಅತನುಕು –ನೀನು ಯೆಹೊದ್ಯರತ ಅರಸನೋ ಇಂಡು ಕೊಟುಸು,
34 ಅತ್ಗು ಯೇಸು ಪ್ರತ್ಯುತ್ತರವಾಯಿ ಪಿಲಾತನುಕು –ನಿನ್ನದ್ನುಕು ನೀನೆ ಇತ್ತ ಸೋನ್ನರಯೋ?ಇಲ್ಲ ಬೇರೆಯ್ಯ ನಟ ವಿಷಯವಾಯಿ ನಿನ್ಕು ಸೋನ್ನಿನೋ ? ಇಂಡಸ್,
35 ಪಿಲಾತನು ಪ್ರತ್ಯುತ್ತರವಾಯಿ –ನನುಯಾಂದು ಯೆಹೊದ್ಯನೋ?ನಿಟ ಸ್ವಂತ ಜನಾಂಗನೂ ಪ್ರಧಾನ ಯಜಕರು ನಿನ್ನತ್ತೆಯಿ ನನ್ಕು ಒಪ್ಪಿಸಿನು ; ನೀನು ಯಂತ ಸೇಂದಿರ ಇಂಡು ಕೊಟುಸು.
36
37
36 ಯೇಸು ಪ್ರತ್ಯುತರವಾಯಿ – ನಟ ರಾಜ್ಯವು ಈ ಲೋಕತದಲ್ಲ;ನಟ ರಾಜ್ಯ ಈ ಲೋಕತದಾಯಿಂದೆಕೆ ನಾನು ಯೆಹೋದ್ಯರಕು ಒಪ್ಪಿಸಲ್ಪಡಾರ ಕನಿ ನಟ ಸೇವಕರು ಕಾದಾಡ೦ಚುನು ; ಅನೇಕೆ ಇಪ್ಪೋರು ಈ ರಾಜ್ಯ ಇಟ್ಯದಲ್ಲ ಇಂಡಸ್,
37 ಅತ್ರಿಂಡು ಪಿಲಾತನು ಅತನುಕು –ಹನಾಗನೇಕೆ ನೀನು ಅರಸನೋ?ಇಂಗಿನೂ ಯೇಸು ಪ್ರತ್ಯುತ್ತರವಾಯಿ ನಾನು ಅರಸನಯಿರೆಯಿಂಡು ನೀನೆ ಸೋನ್ನರಾ , ನಾನು ಸತ್ಯತುಕೊಸ್ಕರ ಸಾಕ್ಷಿಕುಡ್ಕುರುಕೊಸ್ಕರ ಪರದು ಅತ್ಕೊಸ್ಕರನೆ ಈ ಲೋಕತ್ಗು ವಂದೆ;ಸತ್ಯತ್ಗು ಸಂಬಂದಿಸಿಕ್ಕಿರ ಪ್ರತಿಯೊಂಡುನು ನಟ ವೋಕುಕು ಸವ್ವಿ ತರಾನು ಇಂಡಸ್.
38
39
40
38 ಪಿಲಾತನು ಅತನುಕು –ಸತ್ಯ ಇಂಡೆಕೆ ಯಂದಾದು?ಅದು ಇತ್ತ ಕೋಟು ಅನ್ನಪ್ಪೋರು ತಿರಿಗಿ ಯೆಹೊದ್ಯರಂಚುಗು ಹೊಯ್ಯಿ ಅಯಿಲಿಕಿ –ನಾನು ಅತನುಕೊರು ಎ ಅಪರಾದನು ಕಾಂಗುಲ್ಲ;
39ಅನೇಕೆ ಪಸ್ಕ ಪಂಡುಗುಲುಕೊರು ನಾನು ನಿಂಗುಲುಕು ಒಂಡುತ್ತೆಯಿ ಉಟ್ಟುತರಾ ಪದ್ಧತಿ ಇದು ಅದ್ನೆ;ಆದಕಾರಣ ನಾನು ಯೆಹೊದ್ಯರ ಅರಸನತ್ತೆಯಿ ಉಟ್ಟುತರಾದು ನಿಂಗುಲುಕು ಇಷ್ಟನೋ ಇಂಡು ಕೊಟುಸು, 40 ಅತ್ಗು ಅಯಿಗ್ಯದ್ದಿನು ತಿರಿಗಿ ಈ ಮಣುಸುನಲ್ಲ ; ಬರಬ್ಬನತ್ತೆಯಿ ಉಟ್ಟುತಾ ಇಂಡು ವದುರುಸುನು , ಈ ಬರಬ್ಬನು ಕಳ್ಳನಯಿಂಚು ,