ಅದ್ಯಾಯ 17
1
2
1 ಯೇಸು ಈ ವೋಕುಲಾತ್ತೆಯಿ ಸೋನ್ನಿ ಪರಲೋಕತ ಜಾಯಿ ಕನ್ನುಪೆಚ್ಚಿ ತೊಪುನೇ,ಇಪ್ಪೋರು ಗಳಿಗಿ ವಂದಿದು;ನಿಮ್ ಮವ್ವುನತ್ತೆಯಿ ಮಹಿಮೆ ಪಡಿಸು ; ಅಪ್ಪೋರು ನಿಮ್ ಮವ್ವುನು ನಿನ್ನ ಮಹಿಮೆ ಪಡುಸುರುಕು ಅಕ್ಕುದು,
2 ನೀನು ಅತನುಕು ಎತ್ತೆತ್ತ ಕುಡಿತಿರಯೋ ಅಯಿಲಿಕಿ ಆತನು ನಿತ್ಯಜೀವತ ಕುಡ್ಕುರುದಿಂಡು ಅತನುಕು ಅದ್ದಿ ಮಣುಸುರು ಮೆನಿ ಅದಿಕಾರತ ಕುಡಿತಿರ.
6
7
8
6 ಲೋಕತ್ಕೊರಿಂಡು ನೀನು ನನ್ಕು ತಂದಿಕ್ಕಿರ ಮಣುಸುರುಕು ನಾನು ನಿಟ ಪೆರತ್ತೆಯಿ ಪ್ರತಕ್ಷ್ಯಪಡಿಸಿರೆ , ಅಯಿಗ್ಯ ನಿನ್ನಯ್ಯ ಅಯ್ಯಿನೂ ; ನೀನು ಅಯಿಲಾತ್ತೆಯಿ ನನ್ಕು ತಂದಿರ;ಇದಲ್ಲದೆ ಅಯಿಗ್ಯ ನಿಟ ವಾಕ್ಯಲಾ ಕೈಗೊಂಡಿನು
7 ನೀನು ನನ್ಕು ತಂದಿಕ್ಕಿರಾದ್ದಿನು ನಿಟಾದೇ ಇಂಡು ಇಪ್ಪೋರು ಅಯಿಗ್ಯ ತಿಲ್ಜುಗೊಂಡಿನು ,
8 ನೀನು ನನ್ಕು ತಂದ ವಾಕ್ಯಲಾ ನಾನು ಇಯಿಲಿಕಿ ಕುಡ್ತಿರೆ ಇಯಿಗ್ಯ ಅಯಿಲಾತ್ತೆಯಿ ಅಂಗಿಕರಿಸಿನು ; ನಾನು ನಿನ್ನಜಾಯಿಂಡೆ ವಂದಿರೆಯಿಂಡು ನಿಶ್ಚಯವಾಯಿ ತಿಲ್ಜು ನಿನ್ನೆ ನನ್ನ ಅಂಪಿರಯಿಂಡು ನಂಬಿನು,
9
10
11
9 ನಾನು ಅಯಿಲಿಕೊಸ್ಕರ ಕೋಟುಗಾರೆ ; ನೀನು ನನ್ಕು ತಂದಯಿಲಿಕೊಸ್ಕರನೆ ಹೊರತು ನಾನು ಈ ಲೋಕತ್ಕೊಸ್ಕರ ಕೋಟುಗುಮಾಟೆ ; ಯಂತಿಗಿಂಡೆಕೆ ಅಯಿಗ್ಯ ನಿನ್ನಯ್ಯ ,
10 ನನ್ನಯ್ಯದ್ದಿನು ನಿನ್ನಯ್ಯಲೇ;ನಿನ್ನಯ್ಯದ್ದಿನು ನನ್ನಯ್ಯಲೇ;ಅಯಿಲಿಕೊರು ಮಹಿಮೆ ಪಟ್ಟಿರೆ,
11 ಇನ್ನುಮೆನಿ ನಾನು ಲೋಕತ್ಕೊರು ಇಕ್ಕಿಮಾಟೆ;ಅನೇಕೆ ಇಯಿಗ್ಯ ಲೋಕತ್ಕೊರಿನು ; ನಾನು ನಿನ್ನಂಚುಗು ವರ್ರೆ ; ನಂಬರು ಒಂಡಾಯ್ಯಿ ಇಕ್ಕಿರಕನಿ, ಇಯಿಲಿನು ಒಂಡಾಯಿ ಇಕ್ಕಿರುಕನಿ ನೀನು ನನ್ಕು ತಂದಿಕ್ಕಿರ ಇಯಿಲಾತ್ತೆಯಿ ನಿಟ ಸ್ವಂತ ಪೆರುಕೊರು ಕಾಪಾಡು,
12
13
14
12 ನಾನು ಇಯಿಲಾಂಟಿ ಲೋಕತ್ಕೊರಿಂದಪ್ಪೋರು ನಿಟ ಪೆರುಮೆನಿ ಇಯಿಲಾತ್ತೆಯಿ ಕಾಪಡಿರೆ;ನೀನು ನನ್ಕು ತಂದಯಲ್ಯ ನಾನು ಕಪಾಡಿರೆ ವರ್ಜ್ಜಿಕ್ಕಿರ ಪ್ರಕಾರ ಆ ನಾಶನತ ಮವ್ವುನೆ ಹೊರತು ಅಯಿಲಿಕೊರು ಒಂಡುನು ನಾಶವಾಗುಲ್ಲ,
13 ಇಪ್ಪೋರು ನಾನು ನಿನ್ನಂಚುಗು ವರ್ರೆ ನಟ ಆನಂದ ಅಯಿಲಿಕೊರು ಈಡೆರುಕನಿ ನಾನು ಲೋಕತ್ಕೊರು ಈ ವಿಷಯಲಾ ವಸೆತ್ತಾರೆ,
14 ನಾನು ನಿಟ ವಾಕ್ಯಲಾ ಅಯಿಲಿಕಿ ಕುಡ್ತಿರೆ ನಾನು ಲೋಕತವನಲ್ಲದ ಪ್ರಕಾರ ಅಯಿಲೂ ಲೋಕತಯ್ಯ ಅಲ್ಲವಾಯಿಕ್ಕರತಿಂಡು ಲೋಕ ಅಯಿಲಾತ್ತೆಯಿ ದ್ವೇಷ ಸೇಂದಿದು
15
16
17
ನೀನು ಅಯಿಲಾತ್ತೆಯಿ ಲೋಕತಿಂಡು ವಂಗುರುದಿಂಡು ಅಲ್ಲ; ಅಯಿಲಾತ್ತೆಯಿ ಕೇಡಿನಿಂಡು ಕಾಪಾಡುರುದಿಂಡು ನಾನು ಕೊಟುಗಾರೆ,
16 ನಾನು ಲೋಕದವನಲ್ಲದೆ ಇರುವಂತೆ ಇವರೂ ಲೋಕದವರಲ್ಲ.
17 ನಿಟ ಸತ್ಯತಿಂಡು ಅಯಿಲಾತ್ತೆಯಿ ಪ್ರತಿಷ್ಠೆಪಡಿಸು;ನಿಟ ವಾಕ್ಯನೆ ಸತ್ಯ ,
18
19
18 ನೀನು ನನ್ನತ್ತೆಯಿ ಲೋಕತುಲ್ಲಿಕಿ ಅಂಪುನುಕನಿ ನಾನು ಸಹ ಅಯಿಲಾತ್ತೆಯಿ ಲೋಕತ್ಕೊಕು ಅಂಪಿರೆ,
19 ಅಯಿಗ್ಯ ಸತ್ಯತ್ಕೊಕು ಪ್ರತಿಷ್ಟಸಲ್ಪಡುರುಕನಿ ನಾನು ನನ್ನತ್ತೆಯಿ ಅಯಿಲಿಕೊಸ್ಕರ ಪ್ರತಿಷ್ಠಿಸಿಗ್ಯರೆ
20
21
20 ಅನೇಕೆ ಇಯಿಲಿಕೊಸ್ಕರ ಮಾತ್ರವಲ್ಲದೆ ಇಯಿಲಾತ ವಾಕ್ಯತಿಂಡು ನನ್ಮೆನಿ ನಂಬಿಕೆ ಅಕ್ಕಿರಯಲಿಕೊಸ್ಕರನೂ ಕೊಟುಗಾರೆ,
21 ಇದಲ್ಲದೆ ಅಯಿಗ್ಯದ್ದಿನು ನಂಬುರುಕೊರು ಒಂಡಾಗುರುದಿಂಡುನೂ ನೀನು ನನ್ನತ್ತೆಯಿ ಅಂಪಿರಯಿಂಡು ಲೋಕ ನನ್ನತ್ತೆಯಿ ನಂಬುರುಕನಿನೂ ತೋಪುಯಿಕ್ಕಿರ ನೀನು ನನ್ನುಕೊರು,ನಾನು ನಿನ್ನಕೊರು ಇಕ್ಕಿರಕನಿ ಇಯಿಲು ಸಹ ನಂಬುರುಕೊರು ಒಂಡಾಯ್ಯಿ ಇಕ್ಕಿರಕನಿ ಕೊಟುಗಾರೆ.
24
24 ತೋಪುನೇ,ನೀನು ನನ್ಕು ತಂದಿಕ್ಕಿರ ಮಹಿಮೆಯತ್ತೆಯಿ ನೀನು ನನ್ಕು ತಂದಿಕ್ಕಿರಯಲು ಸಹ ಪಕುರುಕನಿನೂ ನಾನು ಇಕ್ಕಿರದಾಟ್ಲಿ ಅಯಿಲು ನನ್ನಂಟಿ ಇಕ್ಕಿರಿಕನಿನೂ ನಾನು ಇಚೈಸರೆ , ಜಗತ್ ಉತ್ಪತ್ತಿಕು ಮುನ್ನೆ ನೀನು ನನ್ನ ಪ್ರಿತಿಸಿರ.
25
26
25 ಓ ನಿತಿಯುಳ್ಳ ತೋಪುನೇ , ಲೋಕ ನಿನ್ನ ತಿಲ್ಜುಗುಲ್ಲ ; ಅನೇಕೆ ನಾನು ನಿನ್ನ ತಿಲ್ಜುಗೊಂಡಿರೆ ನೀನೆ ನನ್ನತ್ತೆಯಿ ಅಂಪಿರಯಿಂಡು ಇಯಿಗ್ಯ ತಿಲ್ಜುಗೊಂಡಿನು
26 ನೀನು ನನ್ನತ್ತೆಯಿ ಪ್ರಿತಿಸಿಕ್ಕಿರ ಪ್ರೀತಿಯು ಇಯಿಲಿಕೊರು ಇಕ್ಕಿರದಿಂಡು ನಾನು ಅಯಿಲಿಕೊರು ಇಕ್ಕಿರಿದಿಂಡು ನಾನು ನಿಟ ಪೆರತ್ತೆಯಿ ಪ್ರಕಟಿಸಿರೆ; ಇನ್ನು ಪ್ರಕಟಿಸಾರೆ ಇಂಡಸ್,