ಅದ್ಯಾಯ 16
1 ನಿಂಗ ಅಬ್ಯಾಂತರಪಡುರುದಲ್ಲ ಈ ವೋಕಲಾತ್ತೆಯಿ ನಾನು ನಿಂಗುಲುಕು ಸೋನ್ನಿರೆ ,
2 ಅಯಿಗ್ಯ ನಿಂಗಲಾನ ಸಭಾಮಂದಿರತಿಂಡು ಬೆಲಿಕಿ ಹೋಡಾನು;ಅಂಬೋ ನಿಂಗಲ್ಲನ ಕೊಲ್ಲುರಾದು ದವರತಾ ಸೇವೆತ ಸೇಯ್ಯದಿಂಡು ನೆನುಸುರಾ ಗಳಿಗಿ ವರಾದು.
3
4
3 ಅಯಿಗ್ಯ ತೊಪುನಾಗೊಟು ಇಲ್ಲ ನನ್ನಗಾಟೋ ತಿಲಜುಗಾದೆ ಇಕ್ಕಿರ ಕಾರಣತಿಂಡು ಇತಾದ್ದಿನು ನಿಂಗುಲುಕು ಸೇಯ್ಯನು ,
4 ಅನೇಕೆ ಸಮಯ ವಂದಪ್ಪೋರು ನಾನು ಇಯಿಲಾ ಬಗ್ಗೆ ಸೋನ್ನಿಕ್ಕಿರಾತ್ತ ನಿಂಗ ನೆನಪು ಸೆಂದುಗುರುಕನಿ ಇತ್ತ ನಿಂಗುಲುಕು ಸೋನ್ನಿರೆ;ನಾನು ನಿಂಗಲಾಂಟಿ ಇಕ್ಕಿರತಿಂಡು ಪ್ರಾರಂಬತ್ಕೊರು ಇತಾದ್ದಿನು ನಿಂಗುಲುಕು ನಾನು ಸೋನ್ನುಲ್ಲ,
5
6
7
5 ಅನೇಕೆ ಇಪ್ಪೋರು ನನ್ನ ಅಂಪಿಕ್ಕಿರಾತನ೦ಚುಗು ನಾನು ಹೊಕ್ಕುರೆ ನಿಂಗುಲುಕೋರು ಒಂಡನಾ ---ನೀನು ಎಟ್ಗು ಹೊಕ್ಕುರಯಿಂಡು ಕೋಕುರುಕು ಆಗುದಿಲ್ಲ,
6 ಅನೇಕೆ ನಾನು ಇತಾದ್ದಿನು ಸೋನ್ನಿಕ್ಕಿರತ್ಗು ನಿಂಗಾಲತ ಹೃದಯತ್ಕೊರು ದುಃಖು ಮೆತ್ತಿದು,
7 ಅನೇಕು ನಾನು ನಿಂಗುಲುಕು ಸತ್ಯಾತ ಸೋನ್ನರೆ ; ನಾನು ಹೊಗಾರಾದು ನಿಂಗುಲುಕು ನಲ್ಲತ್ಗೆ ಅಯಿದು,; ಯಂತ್ಗಿಂಡೆಕೆ ನಾನು ಹೊಗಾದಿಂದೇಕೆ ಆ ಸಹಾಯಕನು ನಿಂಗಲಾಂಚುಗು ವರುದಿಲ್ಲ;ನಾನು ಹೊನೇಕೆ ಅತನತ್ತೆಯಿ ನಿಂಗಲಾಂಚುಗು ಅಂಪಾರೆ.
8
9
10
11
8 ಆತನು ವಂದಪ್ಪೋರು ಪಾಪ ನೀತಿ ನ್ಯಾಯತಿರ್ಪುತಾ ವಿಷಯಲುಕೊರು ಲೋಕತ್ಗು ಅರಿವು ಮುಡುಸಾದು,
9 ಅಯಿಗ್ಯ ನನ್ನ ನಂಬದೆಯಿಕ್ಕಿರ ಕಾರಣತಿಂಡು ಪಾಪಾತ ವಿಷಯತ್ಕೊರುನೂ
10 ನಾನು ನಂಗಾವಂಚುಗು ಹೋಗರತಿಂಡು ನಿಂಗ ನನ್ನ ಇನ್ನು ಮೆನಿ ನನ್ನ ಪಾಕುರುಕು ಅಗರಾತಿಂಡು ನೀತಿಯ ವಿಷಯವಾಯಿನೂ
11 ಇಹಾಲೋಕದಿಪತಿ ನ್ಯಾಯತಿರ್ಪುತ್ತೆಯಿ ಹೊಂದರತ್ಗು ನ್ಯಾಯ ತಿರ್ಪುತಾ ವಿಷಯವಾಯಿನೂ ಲೋಕತ ಗದುರುಸಾದು
12
13
14
12 ನಾನು ನಿಂಗುಲುಕು ಸೋನ್ನರಾದು ಇನ್ನು ಶನ ಇದು ;ಅನೇಕೆ ಇಪ್ಪೋರು ನಿಂಗ ಅತಾದ್ದಿನು ಸಮುಕುಮಾಟಂಗ,
13 ಅನೇಕೆ ಸತ್ಯಾತ ಅತ್ಮಾನು ವಂದಪ್ಪೋರು ಆತನು ನಿಂಗಾಲಾನತ್ತೆಯಿ ಅದ್ದಿ ಸತ್ಯತ್ಗು ನಡಿಪಿಕ್ಕ್ಯದು;ಆತನು ತನ್ನದ್ನುಕು ತಾನೇ ವಸೆತ್ತದೆ ತಾನು ಕೋಟಿಕ್ಕಿರತೆ ವಸೆತ್ತಾದು; ಮುನುಕು ವಾರಾಂತ ವಿಷಯಲ ಆತನು ನಿಂಗುಲುಕು ಕಾಟಾದು,
14 ಆತನು ನನ್ನತ್ತೆಯಿ ಮಹಿಮೆ ಪಡಿಸಾದು;ಆತನು ನನ್ನುವುಲ್ಲಿಂಡು ಅತ್ಗೊಂಡು ನಿಂಗುಲುಕು ತಿಳಿಯಪಡಿಸಾದು
15
16
15-- ತೋಪುನುಕು ಇಕ್ಕಿರಾದ್ದಿನು ನಟಾದೇ;ಅತ್ರಿಂಡು ಆತನು ನನ್ನುವುಲ್ಲಿಂಡು ಅತ್ಗೊಂಡು ನಿಂಗುಲುಕು ತಿಳಿಯಪಡಿಸಾದು ಇಂಡು ನಾನು ನಿಂಗುಲುಕು ಸೋನಾದು,
ಸ್ವಲಕಾಲ ಅನ್ನಪ್ಪೋರು ನಾನು ನಿಂಗುಲುಕು ಕಾಂಗುಮಾಟೆ;ತಿರಿಗಿ
16 ಸ್ವಲ್ಪಕಾಲ ಅನ್ನಪ್ಪೋರು ನಿಂಗ ನನ್ನ ಪಾಕರಂಗ;ಯಂತ್ಗಿಂಡೆಕೆ ನಾನು ಅವಂಚುಗು ಹೊಕ್ಕುರೆ
17
18
17 ಅಪ್ಪೋರು ಅತನತ ಶಿಷ್ಯರುಕೊರು ಕೆಲವರು –ಈತನು ನಂಬುರುಕು ಸೋನ್ನಿತಿಕ್ಕಿರಾದು ಯಂದಾದು? ಇನ್ನು ಸ್ವಲ್ಪಕಾಲವನ್ನಪ್ಪೋರು ನಿಂಗ ನನ್ನ ಪಕುಮಾಟ೦ಗ ; ತಿರಿಗಿ ಸ್ವಲ್ಪಕಾಲವನ್ನಪ್ಪೋರು ನಿಂಗ ನನ್ನ ಪಕಾರಂಗ; ಯಂತ್ಗಿಂಡೆಕೆ ನಾನು ಅವಂಚುಗು ಹೊಕ್ಕುರೆ ಇಂಗ್ಯದೆ ಇಂಡು ತಂಗುಲುಕೊರೆ ವಸೆತ್ತಿಗೊಂಡುಸುನು,
18 ಅತ್ರಿಂಡು ಅಯಿಗ್ಯ ---ಈತನು ಸೋನ್ನುರಾ ವೋಕು ಯಂದಾದು?ಸ್ವಲಕಾಲ ಇಂಡು ಸೋನ್ನದೆ,? ಇತನು ಸೋನ್ನರದು ನಂಬುರುಕು ಗೊತ್ತಾಗ್ತ ಇಲ್ಲ ಇಂಡಸ್ನು.
19
20
21
19 ಯೇಸು ಅಯಿಗ್ಯ ತನ್ನತ್ತೆಯಿ ಪ್ರಶ್ನೆ ಕೊಕುರುಕು ಬಯಿಸುತಿನು ಇಂಡು ತಿಲ್ಜು ಅಯಿಲಿಕಿ—ಸ್ವಲ್ಪಕಾಲವನಪ್ಪೋರು ನಿಂಗ ನನ್ನ ಪಾಕುಮಾಟಾಂಗ ; ಅನೇಕೆ ತಿರಿಗಿ ಸ್ವಲ್ಪಕಾಲವನ್ನಪ್ಪೋರು ನಿಂಗ ನನ್ನ ಪಕಾರಂಗ ಇಂಡತ್ಗೂ ನಿಂಗುಲುಕೊರೆ ವಿಚಾರಿಸಿಗ್ಯರಂಗ್ಲ ?
20 ನಾನು ನಿಂಗುಲುಕು ಕರಕರ ಸೋನ್ನರೆ –ನಿಂಗ ಅಗ್ತಾ ಗೋಳಾಡರಂಗ ; ಅನೇಕೆ ಲೋಕ ಸಂತೋಷ ಪಡಾದು;ನಿಂಗ ದುಃಖಸಾರಂಗ , ಅನೇಕೆ ದುಃಖ ಹೊಯ್ಯಿ ನಿಂಗುಲುಕು ಸಂತೋಷ ವರಾದು,
21 ಒಂಡು ಪಂಬುಳಾತ್ಗು ಕಡಿಯಗುರಾ ನೋಪ್ಪಿಗ್ಯ ವಂದಪ್ಪೋರು ದುಃಖ ಇಕ್ಕ್ಯದು ; ಅದು ಒಂಡು ಕೂಸು ಪೆಚ್ಚು ತಕ್ಷಣ ಈ ಲೋಕತ್ಕೊಕು ಒಂಡು ಮಣುಸು ಪರಚುಯಿಂಡು ಆ ನೋಪ್ಪಿಯಾದ್ದಿನು ಅಸ್ತೋಡಾದು;
22
23
24
22 ಅತ್ರಿಂಡು ಇಪ್ಪೋರು ನಿಂಗುಲುಕು ದುಃಖ ಇದು;ಅನೇಕೆ ನಾನು ನಿಂಗುಲಾನ ತಿರಿಗಿ ಪಕಾರೆ ; ಅಪ್ಪೋರು ನಿನ್ಗಲಾಟ ಹೃದಯ ಉಲ್ಲಾಸಿಸಾದು;ನಿಂಗಾಲಾತ ಆನಂದತ್ತೆತ್ತೆಯಿ ಎದುನು ನಿಂಗಿಲಿಂಡು ವಂಗುರುಕು ಆಗುದಿಲ್ಲ;
23 ಆ ದಿನುಕೊರು ನಿಂಗ ನನ್ನ ಯಂತೂ ಪ್ರಶ್ನೆ ಕೊಕುಮಾಟಾ೦ಗ ; ನಾನು ನಿಂಗುಲುಕು ಕಾರಣ್ಕೆ ಸೋನ್ನರೆ ನಿಂಗ ತೋಪುನತ್ತೆಯಿ ಯಂತೆ ಕೋಟೆಕೆನೂ ಆತನು ನಟ ಪೆರುಮೆನಿ ಅತ್ತ ನಿಂಗುಲುಕು ತರಾದು,
24 ನಿಂಗ ಇಟಿತನಕ ನಟ ಪೆರುಮೆನಿ ಯಂತು ಕೊಕುಲ್ಲ;ಕೋಟುಗೊಂಗೋ,ನಿಂಗುಲುಕು ಸಿಕ್ಕಾದು;ಅಪ್ಪೋರು ನಿಂಗಲಾತ ಆನಂದ ಪರಿಪೂರ್ಣವಾಕ್ಕುದು.
25
25 ಇಯಿಲಾದ್ದಿನು ನಾನು ನಿಂಗುಲುಕು ಸಾಮ್ಯರೂಪವಾಯಿ ಸೋನ್ನಿರೆ;ಅನೇಕೆ ಇನ್ನು ನಾನು ಸಾಮ್ಯವಾಯಿ ವಸೆತ್ತ್ತಾದೆ ತೊಪುನಾತ ವಿಷಯ ನಿಂಗುಲುಕು ಸ್ಪಷ್ಟವಾಯಿ ಸೋನ್ನುರ ಸಮಯ ವರಾದು.
26
27
28
26 ಆ ದಿನುಕೊರು ನಿಂಗ ನಟ ಪೆರುಮೆನಿ ಕೊಟುಗಾರಂಗ ; ನಾನು ನಿಂಗುಲುಕೊಸ್ಕರ ಅವತ್ತೆಯಿ ಕೋಟುಗಾರೆಯಿಂಡು ನಾನು ನಿಂಗುಲುಕು ಸೋನ್ನುಮಾಟೆ
27 ನಿಂಗ ನನ್ನ ಪ್ರೀತಿಸಿ ನಾನು ದವರಜಾಯಿಂಡು ವಂದಿರೆ ಇಂಡು ನಂಬಿಕ್ಕಿರತಿಂಡು ಅವ ತಾನೇ ನಿಂಗುಲಾನ ಪ್ರಿತಿಸಾದು,
28 ನಾನು ತೋಪುನುಜಾಯಿಂಡು ಹೊರಟು ಈ ಲೋಕತ್ಗು ವಂದಿರೆ;ತಿರಿಗಿ ನಾನು ಈ ಲೋಕತ ಉಟ್ಟೋಟು ಅವಂಚುಗು ಹೊಕ್ಕುರೆ ಇಂಡಸ್.
29
30
31
29 ಅತನತ ಶಿಷ್ಯರು ಅತನುಕು –ಇದೋ,ನೀನು ಸಾಮ್ಯವಾಯಿ ವಸೆತ್ತಾದೆ ಸ್ಪಷ್ಟವಾಯೇ ವಸೆತ್ತರ ,
30 ನೀನು ಅಡ್ಡಿ ವಿಷಯಲುನೂ ತಿಲ್ಜಿಕ್ಕಿರಾತನು ಇಂಡು ಏ ಮಣುಸುನು ನಿನ್ನ ಕೊಕುರಾ ಅಗತ್ಯವಿಲ್ಲಯಿಂಡು ಇಪ್ಪೋರು ನಂಗುಲುಕು ಸ್ಪಷ್ಟವಾಯಿ ಗೊತ್ತಸು ಇತ್ರಿಂಡು ನೀನು ದವರಜಾಯಿಂಡು ವಂದಿರಯಿಂಡು ನಂಗ ನಂಬಾರೋ ಇಂಡಸ್ನು,
31 ಅತ್ಗು ಯೇಸು ಅಯಿಲಿಕಿ ---ಇಪ್ಪೋರು ನಿಂಗ ನಂಬರಂಗ್ಲ ?
32
33
32 ಇದೋ,ಒಂಡು ತಟ ಜಾಗಿಕಿ ಚದುರಿಹೊಯ್ಯಿ ನನ್ನತ್ತೆಯಿ ಒಂಟಿಗನಾಯಿ ಉಡುರಾ ಗಳಿಗಿ ವರಾದು;ಅಂಬೋ ಇಪ್ಪೋರೆ ವಂದಿದು , ಅನೆಕೂ ನಾನು ಒಂಟಿಗನಲ್ಲ ; ತೋಪು ನನ್ನಂಟಿ ಇದು,
33 ನನ್ನಕೊರು ನಿಂಗುಲುಕು ಸಮಾದಾನ ಉಂಟಾಗುರುಕನಿ ಇಯಿಲಾದ್ದಿನು ನಾನು ನಿಂಗುಲುಕು ಸೋನ್ನಿರೆ , ಲೋಕತ್ಕೊರು ನಿಂಗುಲುಕು ಸಂಕಟ ಇದು;ಅನೇಕೆ ದೈರ್ಯವಾಯಿ ಇರಂಗೋ;ನಾನು ಲೋಕತ ಜಯಿಸಿರೆ,