ಅದ್ಯಾಯ 21
1
2
3
1 ಇದಾನ್ನಪ್ಪೋರು ಯೇಸು ತಿಭೆರಿಯ ಸಮುದ್ರುತಂಚಲಿ ತಟ ಶಿಷ್ಯರುಕು ಕಾಂಗುಸು;ಆತನು ತಟ ಶಿಷ್ಯರುಕು ಕಂಡರೀತಿ ಏನಾಗಿಂಡೆಕೆ
2 ಸಿಮೋನ ಪೆತ್ರನು ದಿದುಮನು ಇಂಗಿರ ತೊಮನು ಗಲಿಲಾಯಾತ ಕಾನ ಊರುತಾ ನತಾಯೇಲನು ಜೆಬೇದಾಯನ ಮಕ್ಕಿಲೂ ಅತನತ ಶಿಷ್ಯರುಕೊರು ಇನ್ನು ರಂಡಾಳು ಒಟ್ಟಯಿ ಕುಡಿಂಚುನು
3 ಅಪ್ಪೋರು ಸಿಮೊನ ಪೆತ್ರನು ಅಯಿಲಿಕಿ –ನಾನು ಮೀನು ಪುಡಿಕ್ಕಿರುಕು ಹೊಕ್ಕುರೆ ಇಂಗಿನೂ;ಅಯಿಗ್ಯ –ನಂಗುಲು ಸಹ ನಿನ್ನಂಟಿ ವರ್ರೋ ಇಂಡಸ್ನು;ಅಯಿಗ್ಯ ಹೊಯ್ಯಿ ದೋಣಿ ಅತ್ತುಸುನು , ಅನೇಕೆ ಅ ನಮಾರಿಲಿ ಯಂದಾದು ಸಿಕ್ಕುಲ್ಲ;
4
5
6
4 ಪಗುದುರೆನ್ನಪ್ಪೋರು ಯೇಸು ದಂಡಿಕೋರು ನಿಂಡ್ರಿಂಚು;ಅನೇಕೆ ಆತನು ಯೇಸು ಇಂಡು ಶಿಷ್ಯರು ತಿಲ್ಜುಗುಲ್ಲನು;
5 ಅಪ್ಪೋರು ಯೇಸು ಅಯಿಲಿಕಿ ---ಮಕ್ಕಿಲೇ ನಿಂಗುಲುಕು ಕಲಿಕಿ ಯಂದಾದನಾ ಇದಾ?ಇಂಗಿನೂ ಅಯಿಗ್ಯ ಅತನುಕು –ಇಲ್ಲ ಇಂಡಸ್ನು.
6 ಆತನು ಅಯಿಲಿಕಿ –ದೋಣಿತಾ ಉನುಗೈಜಾಯಿ ಕಟ್ಟ ಹೋಡಾ೦ಗೋ;ಅಪ್ಪೋರು ಸಿಕ್ಕಾದು ಇಂಡಸ್,ಅಯಿಗ್ಯ ಕಾಟ್ಟ ಹೊಟ್ಟಪ್ಪೋರು ಮಿನುಲಾತ ರಾಶಿಯಾ ದೆಸೆಯಿಂಡು ಅತ್ತ ಎಲಿಕಿರುಕು ಅಗಾದೆ ಹೊಸು,
7
8
9
7 ಅತ್ರಿಂಡು ಯೇಸು ಪ್ರಿತಿಸಿಂದ ಆ ಶಿಷ್ಯನು ಪೇತ್ರನುಕು ---ಆತನು ಕರ್ತನು ಇಂಡಸ್.ಆತನು ಕರ್ತನು ಇಂಡು ಸಿಮೋನ ಪೆತ್ರನು ಕೋಟಾಪ್ಪೋರು ಅದು ಒಲ್ಲಿಯತ್ತೆಯಿ ಸುತ್ತಿಗೊಂಡು ಸಮುದ್ರುಕೊಕು ದುಮುಕುಸು (ಯಂತ್ಗಿಂಡೆಕೆ ಅದು ಬೆತ್ತಲೆಯಾಯಿಂಚು )
8 ಉಳುಜು ಶಿಷ್ಯರು ಮಿನಿಂದ ಕಟ್ಟು ಎಲಿಕಿತಾ ಒಂಡು ಚಿನ್ ದೋಣಿಕೋಕು ವಂಚುನು;ಯಂತ್ಗಿಂಡೆ ಕೆ ಅಯಿಂಗ್ಯ ದಂಡಿಯಿಂಡು ತೂರಿಕ್ಕಿಲ್ಲನು ; ಅದು ರಂಡುನೂರು ಮೊಳತದ್ನು ಇಂಚು.
9 ಅಯಿಗ್ಯ ದಂಡಿಕಿ ವಂದ ತಕ್ಷಣ ಕೆಂಡ೦ಗುಲು ಅತ್ತಮೆನಿ ಅಚ್ಚಿಂದ ರಟ್ಟಿ ಮತ್ತೆ ಮೀನುಲಾತ್ತೆಯಿ ಪತುಸುನು;
10
11
10 ಅಪ್ಪೋರು ಯೇಸು ಅಯಿಲಿಕಿ ---ಇಪ್ಪೋರು ನಿಂಗ ಪುಡಿಸಿಕ್ಕಿರ ಮಿನುಲುಕೊರು ಕೆಲವುತ್ತೆಯಿ ಅತ್ಗೊಂಡು ವಂಗೋ,ಇಂಡಸ್
11 ಸಿಮೊನ ಪೇತ್ರನು ಹೊಯ್ಯಿ ನೂರಾ ಅಂಜುರುಕಪ್ಪತ್ತು ಮೂಡು ಬೇರ್ ಮಿನುಲಿಂಡು ಮೆತ್ತಿಕ್ಕಿರ ಕಟ್ಟತ್ತೆಯಿ ದಂಡಿಕಿ ಇಗಿತುಸು,ಅದ್ನುಮಿನುಗಿಂದೆಕೆನೂ ಕಟ್ಟ ಪಿಗಿಲ್ಲ.
12
13
14
12 ಯೇಸು ಅಯಿಲಿಕಿ ವಂದು ಕಲಿ ತಿನಂಗೋ ಇಂಡಸ್;ಆತನು ಕರ್ತನು ಇಂಡು ಅಯಿಲಿಕಿ ಗೊತ್ತಿಕ್ಕಿರತಿಂಡು ; ಅಯಿಲಿಕಿ ನೀನು ಯಾರು ಇಂಡು ಕೊಕುರಾ ದೈರ್ಯ ಎತ್ಗು ವರುಲ್ಲ.
13 ಅಪ್ಪೋರು ಯೇಸು ವಂದು ರಟ್ಟಿಯತ್ತೆಯಿ ಅತ್ಗೊಂಡು ಕುಡುತುಸು ; ಹನಾಗೆ ಮೀನುನೂ ಕುಡುತುಸು;
14 ಯೇಸು ಶತ್ತಯಿಲಿಕೊರಿಂಡು ಅದ್ದಿಂದು ಅನಪ್ಪೋರು ತಟ ಶಿಷ್ಯರುಕು ಕಂಡದು ಇದು ಮೂಡನೆ ಸತಿ
15
16
15 ಅಯಿಗ್ಯ ಕಾಲಿ ತಿಂಡರು ಅನಪ್ಪೋರು ಯೇಸು ಸಿಮೋನ ಪೇತ್ರನುಕು ---ಯೋನನ ಮವ್ವುನಯಿಕ್ಕಿರ ಸಿಮೋನನೆ ನೀನು ಇಯಿಲಿಕ್ಕಿಂತ ಹೆಚ್ಚಾಯಿ ನೀನು ನನ್ನ ಪ್ರಿತಿಸರಯೋ ಇಂಡು ಕೊಕುನು ಅದು ಅತನುಕು –ಅಂಬೋ . ಕರ್ತನೇ ನಾನು ನಿನ್ನ ಪ್ರಿತಿಸರೆಯಿಂಡು ನಿನಕೆ ಗೊತ್ತಿದು ಇಂಡಸ್ ಅತ್ಗು ಆತನು –ನಟ ಕುರುಬಡುಲಾ ಮೆಯಿಸು ಇಂಡಸ್,
16 ಪೇತ್ರನುಕು –ರಂಡುನೆ ಸತಿ ಯೋನನ ಮವ್ವುನಯಿಕ್ಕಿರ ಸಿಮೋನನೆ ನೀನು ನನ್ನತ್ತೆಯಿ ಪ್ರಿತಿಸರಯೋ ಇಂಗಿನೂ ಅದು ಅತನುಕು –ಅಂಬೋ,ಕರ್ತನೇ,ನಾನು ನಿನ್ನ ಪ್ರಿತಿಸರೇ ಇಂಡು ನಿನ್ಕು ಗೊತ್ತಿದು ಇಂಡಸ್ , ಅತ್ಗು ಆತನು ಪೇತ್ರನುಕು –ನಟ ಕುರುಬಡುಲಾ ಕಾರು (ಮೆಯಿಸು )ಇಂಡಸ್,
17
18
17 ಆತನು ಮೂಡುನೆ ಸತಿನೂ ---ಯೋನನ ಮವ್ವುನಯಿಕ್ಕಿರ ಸಿಮೋನನೆ ನೀನು ನನ್ನ ಪ್ರಿತಿಸರಯೋ ಇಂಡು ಕೊಕುನೂ ಪೇತ್ರನು ದುಃಖ ಪಟ್ಟು ---ಕರ್ತನೇ ನಿನ್ಕು ಅದ್ದಿ ತಿಲ್ಜಿದು ನಾನು ನಿನ್ನ ಪ್ರಿತಿಸರೇ ಇಂಡು ನಿನಕು ಗೊತ್ತಿದು ಇಂಡಸ್
18 ಅಪ್ಪೋರು ಯೇಸು ಅತ್ಗು --- ನಟ ಕುರುಬಡುಲಾ ಮೆಯಿಸು;ನಾನು ನಿನ್ಕು ಕರಕರ ಸೋನ್ನರೆ,ನಿನು ಪರೇತಾವಿಂದಪ್ಪೋರು ನೀನೆ ನಡುವತ್ತೆಯಿ ಕಟ್ಟಿಗೊಂಡು ನಿನ್ಕು ಇಷ್ಟವಂದಾಟುಕು ತಿರುಗಾಡ೦ದ ; ಅನೇಕೆ ನೀನು ಕೊಪಾಯಿ ಅನಪ್ಪೋರು ನಿಟ ಕೈಲಾತ್ತೆಯಿ ಚಾಚಾರ ಅಪ್ಪೋರು ಇನ್ನೊಂಡು ನಿಟ ನಡುವತ್ತೆಯಿ ಕಟ್ಟಿ ನಿನ್ಕು ಇಷ್ಟಇಲ್ಲರದಾಟುಕು ಅಸ್ಸೆಕ್ಕುದು,
19
19 ಅದು ಯಂತ ಸಾವುತಿಂಡು ದವುರತ್ತೆಯಿ ಮಹಿಮೆ ಪಡಿಸಾದು ಇಂಡು ಸೂಚಿಸಿ ಆತನು ಈ ವೋಕತ್ತೆಯಿ ಸೋನ್ನಾದು,ಇತ್ತ ಸೋನ್ನಿ ಅನಪ್ಪೋರು ಆತನು ಅತ್ಗು ನನ್ನ ಹಿಂಬಾಲಿಸು
22
23
22 ಯೇಸು ಅತ್ಗು ---ನಾನು ವರ್ರತನಕ ಇದು ಇಕ್ಕಿರಿದು ಇಂಡು ನನ್ಕು ಮನಸಿಂದೆಕೆ ನಿನ್ಕು ಯಂದಾದು?ನೀನು ನನ್ನತ್ತೆಯಿ ಹಿಂಬಾಲಿಸು ಇಂಡಸ್.
23 ಅಪ್ಪೋರು ಆ ಶಿಷ್ಯನು ಸಾಗುದಿಲ್ಲ ಇಂಡು ಶಿಷ್ಯರುಕೊಕು ಹರಡುಸು;ಅನೆಕೂ –ಅದು ಸಾಗುದಿಲ್ಲ ಇಂಡು ಯೇಸು ಸೋನ್ನುಲ್ಲ;ಅನೇಕೆ –ನಾನು ವರ್ರು ತನಕ ಅದು ಇಕ್ಕಿರಿದಿಂಡು ನನ್ಕು ಮನಸಿಂದೆಕೆ ನಿನ್ಕು ಯಂದಾದು ಇಂಡು ಯೇಸು ಸೋನ್ನುಸು.
24
25
24 ಇತಾದ್ದಿ ಬಗ್ಗೆನೂ ಸಾಕ್ಷಿ ಸೋನ್ನಿ ಇತ್ತ ವರ್ಜಿಕ್ಕಿರಾದು ಇದೇ ಶಿಷ್ಯನೇ,ಇತ್ರ ಸಾಕ್ಷಿ ಸತ್ಯ ಇಂಡು ನಂಬುರುಕು ಗೊತ್ತಿದು.
25 ಇದಲ್ಲದೆ ಯೇಸು ಸೇಂದಿಕ್ಕಿರಾದು ಶನ ಇದು ; ಅಯಿಲಾತ್ತೆಯಿ ಒಂಡುಒಂಡಾಯಿ ವರಿರಿದು ಇಂಡಕೆ ಈ ಲೋಕಾನೆ ಶನಾಗರದ್ನು ಪುಸ್ತಕಗಾ ಬೇಕ್ಕಾಕ್ಕುದು ಇಂಡು ನಾನು ನೆನಸರೆ , ಅಮೆನ್