^{1 2 3} 1 ಅತಿಂಡು ಇನ್ನೂ ತಡುಜುಗ್ದೆ ನಂಗ ಅಥೇನೆಕೋರು ಒ೦ಡೆ ಇಕ್ರದು ನಲ್ಲದಿಂಡು ಯೋಚಿಸಿ ನಿಂಗ್ಲ ಮೇನಿ ವಂದಿಕ್ರ . 2 ಸಂಕ್ಟತ್ಗೋರು ಒಂಡು ಚಂಚಲಆಗ್ದೆ ನಿಂಗ್ಲತ್ತೆಯ ದೃಢ ಪಡುಸ್ರುಕು ನಿಂಗ್ಲ ನಂಬಿಕೆಯ ವೃದ್ದಿಕಾಯಿ ಪ್ರಬೋಧಿಸ್ರುಕಾಯಿ ನಂಗ್ಲ ಅನ್ನಾತೆಂಬಿಗ್ಯ ಕ್ರಿಸ್ತನ ಸುವಾರ್ತೆಯ ಉದ್ಯೋಗತ್ಗೋರು ದವ್ರ ಸೇವಕ ಐಕ್ರ ತಿಮೊಥೆಯತ್ತೆಯ ನಿಂಗ್ಲ೦ಚ್ಗು ಆಂಪ್ನೋ . 3 ಸಂಕ್ಟಲತ್ತೆಯ ಅನುಭಯೂಸ್ರುಕು ನಂಗ ನೇಮುಸ್ನಗ್ಯಯಿಂಡು ನಿಂಗೆ ತಿಳ್ಜ್ಗೊಂಡ್ರಗಅದ್ನೇ. ^{4 5} 4 ನಂಗ ನಿಂಗ್ಲೆಂಚ್ಲಿಯಿಂದಪೋದು ಸಂಕ್ಟತ್ತೆಯ ಅನುಭವುಸ್ರುದುಯಿಂಡು ಮುನ್ನೆ ಸೋನ್ನಿದೊಅಲ್ಯ ;ಅನ್ಗೆ ಅಸೂ . 5 ನಿಂಗ್ಲ ಅನುಭವತ್ಗು ವಂಚು .ಅತಿಂಡು ನಾನು ಇನ್ನೂ ತಡುಜೂಗ್ದೆ ಒಂಡು ವೇಳೆ ಶೋದಕನು ನಿಂಗ್ಲತ್ತೆಯ ಶೋದಿಸ್ನತಿಂಡು ನಂಗ್ಲ ಪ್ರಯಾಸವು ವ್ಯರ್ಥಅಸೋ ಎಂದೋ ಇಂಡು ನಿಂಗ್ಲ ನಂಬಿಕೆಯ ವಿಷಯತ್ಗೋರು ತಿಳುಜ್ಗುರ್ಕು ಅತತ್ತೆಯ ಅ೦ಪ್ನೇ. ^{6 7} 6 ಅನೇಕೆ ತಿಮೊಥೆಯನು ಇಪೋದೆ ನಂಗ್ಲ೦ಚ್ಗು ನಿಂಗ್ಲ ವಿಶ್ವಾಶ ಪ್ರೀತಿಯ ವಿಷಯವಾಯಿ ಶುಭವರ್ತಮಾನತ್ತೆಯ ಕೋಟು ನಿಂಗ ನಂಗ್ಲತ್ತೆಯ ಎಪೋದು ನಲ್ಗೂ ಜ್ಞಾಪಕಸೇನ್ದುಗೊಂಡು ನಂಗ ನಿಂಗ್ಲತ್ತೆಯ ಎನ್ಗೋ ಅನ್ಗೆ ನಿಂಗ ನಂಗ್ಲತ್ತೆಯ ಪಾಕುರ್ಕು ಅಪೇಕ್ಷಿಸರಂಗಯಿಂಡು ಸೋನಿದೂ . 7 ಅನ್ನಾ ತೆಂಬಿಮಾರ್ಲೆ ,ಇತ್ತ ಕೋಟು ನಂಗ್ಲ ಅದ್ದಿ ಕೊರತೆಕೋರು ಸಂಕಟತ್ಗೊರು ನಿಂಗ್ಲ ನಂಬಿಕೆಯ ಮೂಲ್ಕ ನಂಗ್ಲುಕು ಆದರಣೆಹಾಸೂ. ^{8 9 10} 8 ನಿಂಗ ಕರ್ತನ್ನೆ೦ಟಿ ದೃಡವಾಯಿ ನಿಂಡ್ರೆಕೆ ನಂಗ್ಲುಕು ಜೀವಕಳೆ . 9 ನಿಂಗ್ಲ ಜಯಿಂಡು ನಂಗ್ಲ ದವ್ರ ಮುನ್ನಿ ನಂಗ್ಲುಕುಯಿಕ್ರ ಅದ್ದಿ ಸಂತೋಷತ್ಗಯಿ ದವ್ರುಕು ತಕ್ಕಷ್ಟು ಸ್ತೋತ್ರ ಸೈರದೂ ನಂಗ್ಲಿಂಡು ಹೆನ್ಗಕ್ದು ?. 10 ನಿಂಗ್ಲ ಮೊಗತ್ತೆಯ ಪಾಕುರ್ಕು ನಿಂಗ್ಲ ಕೊರತೆಯತ್ತೆಯ ನೀಗುಸ್ರುಕೂ ನಂಗ್ಲುಕು ಅನುಕೂಲಅಗ್ರುದೂಯಿಂಡು ನಂಗ ಪಗ್ಮರ್ಕುನಾಮರ್ಕು ದವ್ರತ್ತೇಯ ಸೇನ ಕೊಟ್ಗಾರೋ . ^{11 12 13} 11 ನಂಗ್ಲ ಆವಾನ ದವ್ರು ನಂಗ್ಲ ಕರ್ತಆನಾ ಯೇಸು ನಂಗ್ಲುಕು ನಿಂಗ್ಲ೦ಚ್ಗು ವರೂಕು ಹೇಗೆತ್ತೆಯ ಸರಾಗಸೈಯೋಟು . 12 ನಿಂಗ್ಲೆಂಚ್ಲಿ ನಂಗ್ಲ ಪ್ರೀತಿ ಎನ್ಗೋ ಅನ್ಗೆ ನಿಂಗ್ಲ ಪ್ರೀತಿಯೂ ಒಂಡೋ೦ಡು ಮೇನಿ ಅದ್ದಿ ಮನ್ಸೂರ್ ಮೇನಿ ಅಭಿವೃದ್ದಿ ಹೊಂದಿ ಸೇನಆಗ್ರುತರ ಕರ್ತನು ಅನುಗ್ರಹಿಸೋಟು . 13 ನಂಗ್ಲ ಕರ್ತಅನಾ ಯೇಸು ನಿಂಗ್ಲ ಹೃದಯಲ್ಲತ್ತೆಯ ದೃಢಪಡ್ಸಿ ತಟ ಅದ್ದಿ ಪರಿಶುದ್ದ ಪರಿವತ್ ಸಮೇತ ಪ್ರತ್ಯಕ್ಷಆನಾಪೋದು ಆವಾನ ದವ್ರ ಸಮಕ್ಷಮತ್ಗೋರು ನಿಂಗ ಪರಿಶುದ್ದರೂ ನಿರ್ದೊಷಿಲ್ತರ ಐಕ್ರುತರ ಸೈಯೋಟೂ.