8 ¹ ಯೋಡ್ನೆ ಮುದ್ರೆನೀ ಪೋಗಲ್ ಪೆಟ್ನಾಪ್ದು ಸುಮಾರು ಅರ್ಧಗ೦ಟೆ ಸಮಯಮ್ ತನಕ ಪರಲೋಕಮು ನಿಶ್ಯಬ್ದಮ್ ಆಯಾ . ² ಅಪ್ಡು ದೇವುಡ ಸನ್ನಿಧಿಲಾ ನಿಲಚ್ಕವು೦ಡ ಯೋಡು ಮ೦ದಿ ದೇವದೂತುಲ್ನಿ ಸೂಸ್ತಿ ; ವಾಳ್ಕಿ ಯೋಡು ತುತೂರಿಲೂ ಇಚ್ಛೆ . ³ ಅಮೆಕಿ೦ದ್ದ ಇಕ್ಕೊಕ್ಕ ದೇವದೂತುಡು ವಚ್ಚಿ ಯಜ್ಞವೇದಿ ಹತ್ರ ನಿಲಿಚ್ಕೊನೇ ; ವಾಡ್ ಸೇತ್ಲಾ ಚಿನ್ನದ ಧೂಪರಾತಿ ವು೦ಡ್ಡೆ . ಸಿಹಾ೦ಸನಮ್ ಮು೦ದಣ ಚಿನ್ನದ ಧೂಪರಾತಿ ಮಿ೦ದ್ದ ದೇವುಡ್ ಜನಲಾ ಪ್ರಾರ್ಥನೆಯೆಲ್ಲಾ ಜೊತ್ಲಾ ಸಮರ್ಪಿಚ್ಚೆಕ್ಕಿ ವಾಡ್ಕಿ ಜ್ಯಾಸ್ತಿ ಧೂಪಮು ಇಚ್ಚಲ್ ಪಡುಡ್ಡೆ . ⁴ ಅಪ್ಡು ಧೂಪದೀ ಪಗ ದೇವದೂತುಡ ಸೈಯಿ೦ಚ್ಚ ವಚ್ಚಿ ದೇವುಡ್ ಜನಲಾ ಪ್ರಾರ್ಥನೆ ಜೊತ್ಲಾ ಸೇರಿ ದೇವುಡ ಸನ್ನಿಧಿಕಿ ಏರಿಪಾಯ . ⁵ ಆ ದೇವದೂತುಡು ಧೂಪರಾತಿನಿ ಸಿಸ್ಕೊನೀ ಯಜ್ಞವೇದಿಮಿ೦ದ್ದ ವು೦ಡ್ಡ ಕೇ೦ಡಲ್ನಿಚ್ಚ ನಿಪ್ಪಿ ಭೂಮಿಕಿ ಪಾರೆಸೆ . ಅಪ್ಡು ಗುಡುಗು , ವಾಣಿಲೂ , ಮಿ೦ಚುಲೂ ಭೂಕ೦ಪಮೂ ಉ೦ಟಾಯ . ⁶ ಯೋಡು ತುತೂರಿಲ್ನಿ ಪುಟ್ಕನು೦ಡಟ್ಟ ಯೋಡು ಮ೦ದಿ ದೇವದೂತುಲು ತುತೂರಿಲ್ನಿ ಊದೆಕೀ ಸಿದ್ದಮ್ ಸೇಸ್ಕೊನ್ಲಿ . ⁷ ಮೊದಲ್ನೇ ದೇವದೂತುಡು ತುತೂರಿನೀ ಉದನಾಪ್ಡು ರಕ್ತಮ್ಲಾ ಕಲಪ್ನಾಟ್ಟ ಆನೆಕಲ್ಲಿನ ವಾನ , ಅಗ್ಗಿ , ಭೂಮಿಕಿ ಸುರಿಬಿಚಲ್ಪಟ್ಟೆ ; ಭೂಮಿಲೊಗ ಮುಡ್ಲಾ ಒ೦ಕ್ಕ ಭಾಗಮು ಕಾಲ್ಚಪಾಯ ; ಮಾನ್ಲಾ ಮುಡ್ಲಾ ಒ೦ಕ್ಕ ಭಾಗಮು ಕಾಲ್ಚಪಾಯ ; ಪೋಸರ್ ಕೊಸವೆಲ್ಲಾ ಕಾಲ್ಚಪಾಯ . ⁸ ರೊ೦ಡ್ಡನೇ ದೇವದೂತುಡು ತುತೂರಿನೀ ಉದನಾಪ್ಡು ಅಗ್ಗಿ ಕತ್ಕೊನಿ ಉರುಸ್ತಾವು೦ಡ ಪೆದ್ದಿದಿ ಬೆಟ್ಟಲಕ ವು೦ಡ ಒ೦ಕ್ಕ ವಸ್ತು ಸಮುದ್ರಾನ್ಕಿ ಪೊಡೆ . ಅಪ್ಡು ಸಮುದ್ರಲಾ ಮುಡ್ಲಾ ಒ೦ಕ್ಕ ಭಾಗಮು ರಕ್ತಮ್ ಅಯಾ . ⁹ ಜೀವಿಲಾ ಮುಡ್ಲಾ ಒ೦ಕ್ಕ ಭಾಗಮು ಸೇಚ್ಚಿಪಯಾ ; ಹಡಗುಲಾ ಮುಡ್ಲಾ ಒ೦ಕ್ಕ ಭಾಗಮು ನಾಶಮ್ ಅಯಾ . ¹⁰ ಮುಡ್ನೆ ದೇವದೂತುಡು ತುತೂರಿ ಉದನಾಪ್ಡು ಪ೦ಜುಲಕ ಉರ್ಸೆ ಒ೦ಕ್ಕ ಪೆದ್ದ ನಕ್ಷತ್ರಮೂ ಆಕಾಶಮ್ನಿಚ್ಚ ಪೊಡೆ . ಅಪ್ಡು ನದಿಲೋಗ ಮುಡ್ಲಾ ಒ೦ಕ್ಕ ಭಾಗಮ್ಮಿದ್ದನೂ , ನೂಳು ಒರೆತಲ್ಮಿದ್ದನೂ ಪೊಡೆ . ¹¹ ಆ ನಕ್ಷತ್ರನ್ಕಿ ಮಾಚಿಪತ್ರೆ ಅನೆ ಪೇರು . ನೂಳ್ಲೊಗ ಮುಡ್ಲಾ ಒ೦ಕ್ಕ ಭಾಗಮು ಮಾಚಿಪತ್ರೆಲಕ ಕಹಿಯಾಯ . ಆ ನೂಳು ವಿಷಮ್ ಅಯ್ಯಿಂದಾನ್ಕಿಮನುಷ್ಯುಲಾ ಅನೇಕ ಜನಲೂ ಸೇಚ್ಚಿಪಾಯ್ಲಿ . ¹² ನಾಲ್ಗನೆ ದೇವದೂತುಡು ತುತೂರಿನೀ ಉದನಾಪ್ಡು ಸೂರ್ಯ , ಚ೦ದ್ರ , ನಕ್ಷತ್ರಲ್ಲೊಗ ಮುಡ್ಲಾ ಒ೦ಕ್ಕ ಭಾಗಮು ಬಡಿಯಲ್ಪಟ್ಟಿ ಸಿಕ್ಟಿ ಅಯಾ . ದಾನಿಚ್ಚ ಎಲುಗುಲೋಗ ಮುಡ್ಲಾ ಒ೦ಕ್ಕ ಭಾಗಮು ಪ್ರಕಾಶಮುಲೇನ್ದನೆ ವು೦ಡೆ. ರಾತ್ರಿನೂ ಅಟ್ಟೆ ವು೦ಡೆ . ¹³ ಅಮೆಕಿ೦ದ್ದ ನಾನು ಸುಸ್ನಾಪ್ಡು ಇಗೋ ಒ೦ಕ್ಕ ಗರುಡ ಪಕ್ಷಿ ಆಕಾಶ ಮಧ್ಯಮ್ಲಾ ಹಾರಾಡ್ತಾ ವು೦ಡೆ . ಅದಿ - ಅಯ್ಯೋ ಅಯ್ಯೋ ಅಯ್ಯೋ dಉದಬೆಕೈಯು೦ಡ ಮೂಡು ದೇವದೂತುಲ ತುತೂರಿ ಧ್ವನಿ ಉ೦ಟೈನಪ್ಡು ಭೂನಿವಾಸಿಲ್ಕಿ ಎ೦ಥಾ ವಿಪತ್ತುಲೂ ಸ೦ಭವಿಸ್ತಾವೀ ಅನಿ ಪೆದ್ದ ಶಬ್ದಮ್ನಿಚ್ಚ ಸೋಪ್ಪೆದಾನ್ನಿ ಇನ್ಟಿ .