¹ Tinya ngete ho natianya nihosing to nohorwong ho tianya nijiman tatali sing ha mojite tihitik,cebu ongida sing obu ilongojite, ² Ojo, obwon fa niho ibwo nahang na obolo, langotoni ho hiramita lobo la obu obayang Najyok ce bu obu obayang lati. ³ Obwon fa ibwo nangorite na aye habi nihene hang, ce bu olotinita tihitik niho ngete, ojo, 'To lwaha ne to na hisiarahiso natarihe noho lamereni ho ne.' ⁴ Noholongi fad obu fa ngete owak lwaha ene ngorite,nyuo hati nahalu ngete ho najiman,"Dobu obu ne abayang Najyok kuya obayang latwani, ⁵ to ho ohiyeyalari ne anya ngorite, alwak ba ne ngete nihorihinere natarihe, ongida ngete abu ohitasaudoyo ne nalotinita tihitek.''' ⁶ Tinya Lohobu ho najiman, ''Itiyirati nanyuo lahangotoni la oroho ojo . ⁷ Tahanya obe Najyok iyenita nangidari niho lati hula onyumu ngete hula oyie niho ngete to noholong ce bu to nahare? Obu ba ngete odik sing? ⁸ Ajo ne nihote ojo iyeno hadi ngete nangidari nihosing kerem. Nyuo hati nalotu Iha Latwani, ha horihi ngete nahiruk nifok?'' ⁹ Tinya ngete ho na tianya anya horwong ho tianya niho hilihe hula ojimi ojo ohipit sing cebu idayari lati hilihe, ¹⁰ ''Lati harik ho nafwoten nihaji imojo-ora fa abito lo ho laharisak cebu ora aheduduhani ho mochoro. ¹¹ Laharisani ho nadeto cebu ho namojo hunya reji to nakwan ho ngete, 'Najyok, ajo ne awaa nihoji ojo abu ne ara to ho lati hilihe hula orahi aharujutok, lati hula obu ongidari, lahasomok , dobu toho ale lahamojoni ho mochoro. ¹² Abu ne anyasu nanyiahita harik niholongi betaharik.Esiarahita ne lohosi ho reji i fad huja ahorihita ne.' ¹³ Nyuo hati laheduduhani ho mochoro, obotia nololamaje, obu cebu oting nohonyehite ho ngete nihide, nyuo hati lumon nolocholo ho ngete, ojo, 'Najyok, to mehine niho ne, lahepalani.' ¹⁴ Ajo ne nihote, ale twani oyitoyo ni haji ho ngete la angida ilany ele abito, tonanyuo latwani la otingito nakwan ho ngete ijiahini ba, nyuo hati latwani la inyik nakwan ho ngete otingi hadi.'' ¹⁵ Iyenite fa lati niho ngete lemusak hosing, ojo ongida ngete otir sing, nyuo hati no fa nateli lolohejehi ngete, ho nahigogworohino sing. ¹⁶ Nyuo hati Yesu ho na ngeleso sing niho ngete, ojo, ''Idahisi hula musak ofwoni niho ne, ce bu heriamariti sing. Nahang ho Najyok ora anoho sing. ¹⁷ Tarihe ajo ne nihote, latwani la obu omoju nahang ho Najyok toho lahito obu iruhi da.'' ¹⁸ Lobo lagalani ho na hifiasu ngete, ojo, ''Lahetejianani la ongida, nanyuo ne hatum ehon ilunyohinere nesu na osio?'' ¹⁹ Yesu hona jiman niho ngete, ''noho nanyuo ji ingeleso ne ojo lahetejianani la ongida? Obe lobo la ongida, mayak Najyok hama. ²⁰ Ijien ji nechihita-hegiama nasomon, hefadaya, hetianya to nagesemi, hehoholiso, itokwate monye hoji heyang hoji.'' ²¹ Lagalani ho najiman, ''Hunya reji fad eruk ne many ne hara ahilahaji.'' ²² Lo fa netiyir Yesu, ho na jiman niho ngete, ''Obwon nasinge abito na obe nihoji. Itenyangeye nareji hoji fad huja obwoni nihoji cebu ihwarahi niho lahaparitak, ibwonitere beji nesamita hoji nihide- ce bu kwo, ijifite nea.'' ²³ Nyuo hati no fa netiyir ele twani lahasamani hunya reji, ngete ho nahilongojita, osam ngete bebe. ²⁴ Tinya Yesu, niteliniso ngete, ho nahilongojita bebe ho nanajiman, ''Ogol niho lahasamak nihiruhunere nihang ho Najyok! ²⁵ Onyiha niho nasingira nihiruyoriso hara nihonyek ho libira , ilany lahasamani nihiruyojiere nihang ho Najyok.'' ²⁶ Hula itiyire ho najiman, '' Ngai hati ba italahini?'' ²⁷ Yesu ho najiman, ''Nareji huja ogoli niho lati onyali niho Najyok.'' ²⁸ Petur ho najiman, ''Ongida, ahidahijie nareji hojie fad ho nahijifito iji.'' ²⁹ Yesu tinya ho najiman niho nihosing, ''Tarihe, ajo ne nihote obe lobo la idahi nahaji, kuya nangorite, kuya hilasi, kuya monye ho hotenge, kuya lemusak, to nahang ho Najyok, ³⁰ ngai ba lobu ohorihi nareji huja olwaji niho anya fok, cebu niho nifok na olotiniso ongida, nehisu na osio jik.'' ³¹ Lo fa nefurohi ngete lolohejehi tomon ho harik niho ngete, ngete ho najiman niho sing, ''Totialati, ohifwo many di Yerusalemu, cebu nareji fad hu nofa igierehini laheramahitak ho hiramita to Iha Najyok atuhohini. ³² Isiarahini ba ngete niho paganoji, cebu okeniterete, itegemi to nariri, cebu omitahini nahamilak. ³³ Natuhohini ibeho ngete, ifwadari hadi sing ngete niholong ho hutik ho hutik ho nahibuhuniso hari.'' ³⁴ Obu sing ojieni hunya reji, ce bu anya hiram idimahino niho sing, obu sing ojieni hunya ireji huja otianyi. ³⁵ Lo fa nanyiha Yesu Yeriko, lobo latwani la ongodo itwongo niger hehoi omomojito, ³⁶ nihitiyir nalohoi ho lati odahe, ngete ho nahifi, nanyuo lobwon. ³⁷ Sing ho nahiramahiso ngete ojo Yesu noho Nasaret lodaha. ³⁸ Lahangodono ho nayo, ojo, ''Yesu, iha ho Davide, to lwaha ne.'' ³⁹ Hulo fa odahe to nahatemeni ho hireng ele twani ongodo, iramahini ngete ojo ongida iningo. Nyuo hati ngete ho nayoo bebe, ''Iha Davide, to lwaha ne.'' ⁴⁰ Obotia Yesu iwasihiso ho nahiramahiso ele twani ojo ikie iyene niho ngete. Tinya no fa neliaha ele twani ongodo, Yesu ho nahifiasu ngete, ⁴¹ ''Nanayuo ji iwak ne ihon nihoji?'' Ngete ho najiman, ''Lohobu, awak ne nohonyek ho ne ongasu.''. ⁴² Yesu ho najiman niho ngete, "Ifwotu nohonyehite hoji. Ahitingidar iji nahiruk hoji.'' ⁴³ Ngete ho natiala, ho nahijifito ngete, itokwata Najyok. Lo fa nateli anya, lati hona hisiarahiso nakwama niho Najyok.