1 Yesu ho najiman niho lolohejehi ho ngete, ''Obwoni hadi nareji hinihe huja ohiyare ijie nipalita, nyuo hati ikie narohoji obwon niho latwani la ofwoni hunya reji hara nihongete! 2 Ongida otum otwarahini namorwo nimurut ho ngete ho nahipirehini nidial, ilany ngete nahiyaru lobo lahitu niho hule musak niho narohoji. 3 Totialati nakwanite hote. Nepalaya hilasi hoji, irianga ngete, newaha ngete, ibalahi ngete. 4 Nepalaya ngete nihoji nenyahita metaharik niholong abito, cebu oyitu nihoji nenyahita metaharik,ojo,' Mong mong,' Ongida iji ibalahi ngete!'' 5 Lohetejianak ho najiman niho Lohobu, ''Tofunahi nehiruk hojie.'' 6 Lohobu ho najiman ojo, ''Nebwanatate ho nahiruk nomuta to h nahinyemoti, itumatate jiman niho anya kiani, 'Todutune, inujahino nihari; iruk ba ngete ite 7 Nyuo hati ngai nihote, la obwon ho lahegiamani la iteremo nahusuk, kuya la obara nehoriang, ojo niho ngete nomo nalotu to waha, 'Kwo kerem itwonge nifok ninyesere .' 8 Obe ngete otum ojo niho ngete, 'Ihuhumahi ibwo nanyasu niho ne, cebu itwarahi namuhunyoti nibongagu hoji cebu isiarahi ne nangirang ho nahari many natuhohi ne. Niha iji hati ba inysere cebu imata? 9 Obu ngete ojo awa niho lahegiamani tonanyuo egem ngete nareji hu nofa iramahini ngete, otirahi ngete? 10 Natirahi, iji cebu, negem ji nareji fad huja iramahini, tojima, 'Ijie lahegiamak hula ohiroho. Ohigem ijie nasinge na ohiwak ijie igiama.''' 11 Lo fa nabwoni sing nihoi ho Yerusalem, ngete odaha fa ngete hara nikori ho fok ho Samaria cebu Galileya. 12 Lo fa neruhi ngete niho ibwo nahang, ngete ho nahiriama helehi lati tomon hula odiahe ho nachalulu. Sing ho na bwotia nololamaje niho ngete 13 ho natingon namuruto hosing ojo, ''Yesu, Lohobu, to lwaha ijie.'' 14 Lo fa natelu ngete sing, ngete ho najiman nihosing, "Ifwasi itelehisi nakwanite hote niho lapadiri." Alotu fa bwanan laholong nafwe sing, ofwe sing hula anyilaji. 15 Lo fa natel abito twani nihosing ojo etingidari ngete, ngete ho nangolo nihalu; ho nahitokwata Najyok to namurut na okwat. 16 Ho narugungi nihejiaha ho Yesu,ho nahisiarahiso niho ngete nawa. Ora fa ngete loho Samaria. 17 Yesu ho nahitarang, ojo, ''Hobe fa itinyilaji hula tomon? Aji metongon? 18 Obengi fa hilihe hula oyetini isiarahiso nakwatan niho Najyok, mayak ale lhatomononi?'' 19 Ngete ho najiman niho ngete, ''Todete, ilo. Nahiruk hoji ahitingidar iji.'' 20 Ifiase fa laharisak ojo anu hadi nahang ho Najyok olotu, Yesu ho nahitarang sing ojo, ''Nahang ho Najyok obu ora ebwk singe na otiale. 21 kuya sing hajimi, 'Totiale inyini!' Kuya otianye hadi sing ojo, 'Totiale inyi!' kuy,'Totiale di!To nanyuo nahang ho Najyok obwon nihiji hote.'' 22 Yesu ho najiman niho lolohejehi, ''Ofwoni hadi noholongi huja iwaharitite itialare ibwo noholong ho Lahito ho Latwani, nyuo hati obu hadi te itialata. 23 Ojimi hadi sing nihote, 'Totialati, di! Totialati, inyini!' Nyuo hati hadi helo itahito, kuya ijifaru nihalu hosing, 24 toho oleyejiere nahila nomo nemedek ningati ho hide many niho nangati ibwo noho hide, ora hadi iha Najyok to ho ja niholong ho ngete. 25 Nyuo hati ikie ngete ipadata to nareji huja olwaji ce bu ongida hunya ngaji idayari. 26 To ho lofa idwongitere niholongi ho Noah, dobu ora,idwong hadi cebu niholongi ho Iha Latwani. 27 Onye sing , omati sing, oyama sing, cebu sing iteyamarite, many niholong na iruhunere Noah nitigol na obolo ce bu nolobulang ho nalotiniso hepala sing fad. 28 Dobu lofa idwongitere niho niholongi ho Loto, onyese sing, omate, inyange, itenyange, inuje, cebu sing ifahe. 29 Nyuo hati niho ene holong olojiere Loto toho Sodoma, obeho fa ahima cebu namorwo to hide ho na ipalariso sing fad. 30 Ora hadi cebu niho no holong na iramahinerete Lahito ho Najyok. 31 Nihene holong, hedahi ngete la obwon nilobotiari ho haji olo nifok iduhuniso nareji ho ngete to haji. Ce bu hedahi ngete la obwon nitimere oyitu. 32 Ihuyawu nguru Loto. 33 Latwan la owak i ituna nahisu ho ngete ongotihi, nyuo hati latwani la ibalaya nahisu ho ngete otun hadi ngete. 34 Ahiramahi ne ite, nihene harie obwoni hadi lati harik nikieni abito. Iyare hadi abito, abito idahini. 35 Obwoni hadi nangorwo harik huja iriese harabito. Abito hadi iyare , abito idahini. 36 .'' 37 Sing ho nahifiasu ngete, ''Aji, Hobu?'' Ngete ho najiman nihosing, ''Nimaji na obwonitere nakwan ho lahayeyani, ofurohine nataruha da harabito.''