¹ O, coteir, Je qe mumudi birig meca nu wawaga cel eya igina, Iya age je yaqi adec nu qe alal ter, cel nu age me biruqaig biri cesur adigina. ² Dana age Qa cinig we nu meci i cusa doiga, dewega tudoc dana nu batut feiga. ³ Dana dewige qetec, ege Dogon na kis nu gaidgaid cuha foqona, Eu ege Jesus Kristus nu wawige cel ena, ege ceteh dewige ganac na dec nu qe cisdoroum. ⁴ Iya dewi ganac na dec ceteh eu iya ihoc ec dugina, Dana os uqa cisdona uqa dwewg na cehewan ihoc, atah na iya unug wol adem ena. ⁵ Iya Juda na sihul, Der eit na iya deweni qetein, Benjamin na sihul odi nu iya Hibru agena sihul oso gadac eu na biriga. ⁶ Dogon na cabi ug cisduguna, iya cuha tudom,age gadac nu dumeig iya dumani nesilein fi, cois iya cahul doc ca qe. ⁷ Ceteh me eu ceteh gauc cin we fimig iya Kristus todom. ⁸ Odi nu , iya qila figina Jesus Kristus iyan ben bahic,ceteh unug maha na dec eu gauc himec.Iya ceteh cunug cuiga, eu tetec cinwe figa, odi nu iya nac, Kristus uga ⁹ iya uqa dunuh biriga. iya dumani na gadac todumig tutuc odoc dana qe calereim.Qe nac, Kristus nu wawi mere e ceb tutuc odoc dana calem, Wawige mere ec uqa Dogon na dec hona. ¹⁰ Odi nu, qila iya uqan gagadic odoc turi don eu nu dumig oso ben ihol mimi curumen gahi docdnu, odimig ibul du car mec duman na ligen. ¹¹ Odi nu jic leih na , iya uqan car mec ca cesel cajec jic eu na himec iya ligen. ¹² Iya ceteh eu qe oroim ec cisduguna, O iya cali heduga . Qa iya Kristus Jesus duman eu ugen nu gagadic cabi uguna. ¹³ O, Cotieir iya dman iji qe oroim ec, odi cisduguna. Qa iyan cisdoc osor himec eu odi, iya ceteh were dec nu dahi celeceb ceteh hib na caieceb ugen nu cabi gagadic ugu na. ¹⁴ Iya ameg ohis dec ugen nu gadac na gagadic gugurigina, Kristus Jesus Dogon na uta ten odi. ¹⁵ Ege cunug ben mi hhedom, ege odi cis doc nu, age ceteh leih nu icis doc fir ca fi, Dogon uqa camas madigien. ¹⁶ Qa cel ceteh oso ege were om, eu ege gagadic bahic heyec nu. ¹⁷ Cotieir age iya dumani todoiga. odimeig dana ege dumanige todogina eu dumanaga fi cusa doiga. ¹⁸ Geh bahic age cocobogin, iya amuluni nenen haun ma adigina,age nu saen gaid madigina. Dana geh bahic age kristus na Na bablec nu cad bireiga. ¹⁹ Hibna dana ie age curumen bn oqaigen, dewenga na gwec uqa agena uhur ec Dogon cli mei duman mayanige ca odoc nu gale adena. age maha na dec ceteh nu cisdogina. ²⁰ Ege sau cur na dec dana caya ca biruqa, Jesus Kristus sunud bibiroum nmei cedigigien. ²¹ Uqan gagadic ben bahic ca, Krstus uqa ege ibul geceb uqa cinig we calec nu, ceteh cunug uqa bisilag biruqaigen.