¹ Odinu walier, ija age gawadigin feci adec nu bahic isduguna, age iyan celec eu ameg iju om. Jic edi na age Ben dunuh na teigale, otier mebahic. ² Ija Lodia ina Sintike ca sisir arigina eu are isdoc osor eu ben dunuh ina. ³ Mere bahic ija gawigina eu odi ege je osor age aja ie age cesur adeiga. ⁴ Ben dunuh na celec sain cunug na, odim haun ha mahigina Ben dunuh na celagale. ⁵ Uidocom dana age inan dumin me iju feiga cel nu Ben uqa ina emein bahic. ⁶ Eteh oso nu cain jain qihini, ceteh cunug nu, inon doc ca sisir ec ca hetaga ec ca Dogon utuga. Dogoon cuidocom inan sisir ec fecidoya. ⁷ Dogon uqa waug togdoc ie dana na cisdocc woldoc, odimei agena wawaga cisdoc ca eu Jesus Kristus dunuh na meyale. ⁸ O walieir je qe mudec, el ceteh eu mere, el eteh eu ihoc binan ca migien, el eteh eu tutuic, el eteh eu ahuldoc ca qe, el eteh eu fec nu mebahic, odocob eteh oso uqa me bahic fi, eteh oso uqa binan ca migien fi ecun cisdoiga. ⁹ Eteh age iwal dumeig oin euca,dah mein eu ca, feci doin eu ija dunuh na, age odocib dogon na waug elec eu age ca biriyale. ¹⁰ Ija Ben nu el igina euqila,age ija nu haun isdogina. Meremere , age ija cesurtec nu isdoin qa jic ca qe nu age ija qe cesurterein. ¹¹ Ija eteh nu gohic miga ec qe madereim. Ija elec nu iwal dom eu eteh eu ija sain cunug na. ¹² Ija duguna, dana eteh ca eteh ca qe nu ca, jic cunug ca eteh unug ca nu, ija sab ujec nu jic ca qe ujec nu ca o wen birec ca o eteh ca o ca qe. ¹³ Ija eteh cunug odigen eu Kristus dunuh na ija gagadic mitina. ¹⁴ Qa, age odoin eu mebahic iyan urumen unug osoben gahidom. ¹⁵ Me Je sanan men sain na Filipai age odi doiga, sain ija Mesodania uidom na, Tamanec oso ija qe cesurter, utec ca oc nu ca age himec odogina. ¹⁶ Oso ha sain ija Teselonika ono birem na, ija gohic mec nu sain geh bahic esur tein. ¹⁷ Ija eteh geh edec nu jic qe megereim, qenac, Ina odiodocom ija figen Dogon ina el eteh ihigen. ¹⁸ Ija eteh geh bahic edem odimig eu leih haun edem. Iya eteh edem eu ina Epaproditus utecem iten. Eteh ie surdoin eu uqa eteh dedeman mebahic eu eldoc me bahic eu Dogon uqa galec docob elen. ¹⁹ Iyan Dogon eu uqa agena gohic mec eu ihoc lie adigen, uqan eteh me euca, Kristus Jesus uqa ijan ben eu dunuh na. ²⁰ Qila Dogon uqa ege memige, uqa binan ben ugian sain unug na, eu mere. ²¹ Jesus Kristus dunuh na dana aja ca el ie je madeigale. Otogair leih ija ca bereiga eu age na cel ec je sur du adegina. ²² Wawaga mere ec dana aja ca ene agena el ec je surdu adegina, odocob Sisa na sihul age ha elec je madegina. ²³ Jesus Kristus uqan waugqoc eu agena Kis ca biriale.