¹ age Jesus nu gagadic madec je, age uqan gawec uqan gawec dunuh na biri cusa dufig age kis duman na cuha fifi wawaga maror ca wawaga qoc ha age gemo bireceb fi. ² Age odocib ija wawi ben bahic celigien, age cisdoc osor ca, nalug mec duman ca, Kis na wawaga gaban dumei cabi oqaigen. ³ Age, age dodoc nu cain cisdumeig, binanag nu eteh odowain. Cogohec duman ca bibirileih nu cisdoiga. ⁴ Age osor,osor age dodoc nu cain cisdowain, age leih agena curumen ca wawaga madec nu ha cisadeiga. ⁵ Age ha Jesus duman eu oiga. ⁶ Jesus uqa dodoc uqa Tibud qa uqa dodoc uqa odi iu qe cisdor. ⁷ Uqa birina ca ayan ca nu qe cisdor, uqa maha na dec dana cinigwe calen, uqa celwe dana ibuldon. ⁸ Uqa ogohimei Tibun na je todumei nababalec na carmen. ⁹ Odocob nu Tibud uqa binan suli u ohis bahic mudon. ¹⁰ Tibud uqa odi odon cel nu Jesus ajan na dana aja ca sau cur na bireiga ca, maha na bireiga ca, maha dunuh bireiga ca uqana goq qahoqaigen. ¹¹ Tibud uqa odi odon iu dana aja ca je firfir nadec cunug, age odi madoqaigen. Jesus Kristus uqa ben odimeig age Tibud binan suluqaigen. ¹² Odinu age ijan sihul bahic, age ija gaum bibiri je todogina we, saen ija cuwadigen ha age ijan je gaidgaid todoiga. Tibud age ceseli ceden ec ihac oqaigen nu, cuicui ec ca cabi gagadic oiga. ¹³ Elnu tibud uqa dodoc age wawaga dunuh cabi ona, eu nalug mumudi, cel ec ca uqan cabi ocnu. ¹⁴ Eteh cunug odoqaigen ijuwawaga ulumec na himec odoiga. ¹⁵ Odi odimeig age dana dewenag je ca qe inigwe tutuc bireiga. Tibud melahur inigwe. Odi odimeig age fulac doc ca maha ie na file ec dana gemo bireiga. ¹⁶ Tibud na cebac je iu gagadic ca hejeiga. Odinu ija jesus na der nu celigen. ¹⁷ Qa ijan cebac eu agena wawaga mereec iu gagadic mudec nu cihan ec na basec dufei ija age cunug gaum celoqen. ¹⁸ Duman odi na himec age cunug cel eiga, age ija gaum cel ec nu. ¹⁹ Ija ben Jesus nu wawi mere ena, uqa Timoti were surdocob age ca hugien, cel nu ija age ceteh me odoin eu dugen. Eu ija ha gagadic mitigien. ²⁰ Ija dana oso Timoti inigwe qe fereim, uqa mere bahic age nu geh cisdona con. ²¹ Elnu leih age, age dodoc nu cabi ogina con, age Jesus Kristus na ceteh nu qe cisogina con. ²² Qa age Timoti duman nu dogina con, uqa simnag memeg na je dahmimei todu odona we. Timoti uqa ija ca me je uhei cobowona con. ²³ Odinu ija were bahic surdugen, eceteh ija ca nija iu cunug me himec me himecnijeceb fi. ²⁴ Ija dodoc ha Meca nu wawi ben bahic mere ena, Ija ha were hugen. ²⁵ Mebahic iu ija haun Epaproditus surduadigen, uqa ija wali ere cabi osor, ere han dana inigwe cabi owona con. ²⁶ Uqa age gaum birec nu nalugmen qa uqa hag. Odinu uqa waug me qe nijer. ²⁷ Mere uqa hag ben bahic on, car mec nu ihoc, qa Tibud uqa, uqa nu waug qon.Uqa nu himec qe waug qor, ija nu ha aug qon, curumen ca hag ca cain ugun nu. ²⁸ Odinu ija uqa surdoc nu gawec ben ca. Age uqa haun foqaig en sain na cel oqaigen, odiwe ija ha cel ie wawi maror ca birigen. ²⁹ Ben nu celec ca Epaprodutis oiga. Dana cedec me odadeiga. ³⁰ Kristus na cabi nu himec heleh carmoub. Uqa uqan cebac nu qe jainqor, uqa hu ija cesur timei cudun cuimei cabi iu on.