¹ Jesus uqa macas lan nah je iwaladeden, age gech bahic hu arir dion. Odocob uqa wag tobimei sundocob macas gemoca na len. Uqa ono tai mei dana caya ca je ma- adidi en. ² Eu galolo je himec ma- aden. ³ Dahmeiga, Dana oso sab ehen, uqa na aig jic na qelen eu manfurerech hu edi yein. ⁴ Na aig qai maha na qelen eu asen, qa, sain cam gagadic tayen na uqa garar en. ⁵ Na -aig qai maha na helen eu maha ihoc qe odi nu cam tajaceb uqa gararen. ⁶ Na - aig qai maha na qelen eu asen, qa sain cam gagadic tayen sain na uqa gararen. ⁷ Na- aig gigisac dudu ca na qelen eu uqa aig qe qor. ⁸ Qa na- aig mulumaha na qulen eu aig qon, odocob uqan aig leih eu 30 ca, 60 ca, leih ha 100 ha woldoc. ⁹ Dana age dagahina ca fi dah meiga. ¹⁰ Jesus uqa am leih ca, malogom ca osoben taimeig iage je galolo nu sisirdoin, odocob uqa odi ma - aden. ¹¹ Age odidoiga "Iga Dogon Tibud na ur nu ma- madigina." Dana mahagum dec age je galolo himec ma- adigina. ¹² Dana age meciegina qa qe fegina, Dana age dah megina qa qe fogoadena, eu age adi hocib Tibud uqa silsil agasiadigien?" ¹³ Jesus uqa ma- aden, Age adi qe fogoader galolo je nu? ¹⁴ Dana oso na- aig gesac na qelen eu odi, dahiniga na himec dogina eu wawaga na qe qe birina. ¹⁵ Na- aig jic gesac na qelen eu Satan uqa humei mahuc odi humei je me eu uqelena. ¹⁶ Na- aig qai mahana na tonona eu age sain gohic bahic celegina. ¹⁷ Age du meig gagadic ca tajec we qe, urumen hona sain na age mahuc odi teteur egina. ¹⁸ Leih gigisac dud ca na qelen eu odi, Dana ige maha ehewan nu geh isdogina, ¹⁹ Age Tibud na je eu etech gau inwe fegina, Odinu je eu aig qe qona. Na- aig mulumaha na qelen eu odi, ²⁰ Dana age je dach mimeig oin eu ige aig qoin, Leih age 30 ca, 60 ca, odocob leih eu 100 woldoc ca odi aig qoin. ²¹ Jesus odi ma- aden "age fulacdoc doc jo dunah helegina eu, garardunuh fo qe abal bisalu moqaig en fo? Age heli meig fulacdoc uqan abal lalan meiga. ²² Etech oso jahunec na qe nijina. Etech unug fulacdoc doc na birigien, ²³ Dana oso dahig ca fi dugien." ²⁴ Jesus ma- aden " Age doiga. Gadac age mudegina odi, eu haun odi adigien. ²⁵ Oso uqa qe mudeceb fi, arudimei dana oso utigien, Odi mei dana gadac qe muder eu sawen mudigien." ²⁶ Jesus maden, " Tibud na ur eu dana oso abina na - aig helena we. ²⁷ Witic na dana us nijina qasir na uqa asena, ²⁸ Qa na - aig maha dunuh dec eu adi qahi bena eu uqa qe fena. ²⁹ Odimei uqa bagac mudimei aig qona, Na - aig eu warmeceb jec sain alena. Odocob abi memeg uqa sigin sur dona. " ³⁰ Jesus haun odi ma-aden "Tibud na ur nu eu ege adi madec nu? Adi galolo je namadec nu fo? ³¹ Tibud na ur eu uqa na- aig oso sayor inigwe. ³² Uqa ben mimei batac benben qocob, manfuruec age hu euna teic megina." ³³ Uqa dana aja ca Tibud na cur nu galolo je na ma-aden, ³⁴ odimei malogom qa, qasali ma-adden. ³⁵ Ahineg der eu na himec uqa ma-aden, "Ege macas lan naha asac lecnu aden." ³⁶ Odocob age dana aja ca cuwadimeig lein,ododon wag leih ha toadein. ³⁷ Sain eu na fufu caseceb macas uqa korikor qahen, odocob macas wa wag dunuh ligien nu ododon, ³⁸ Sain eu na bahic Jesus uqa ilo tet qon us ninien, malogom age hahabanaga cacuteceb age turi du madoin. "Ege fadalec nu odoqona ina qe dorom fo?'' ³⁹ Odocob uqa asimei fufu je gagadic ca na madon, "Fufu ina ihoc!" Odocob macas uqa tiriec nijen. ⁴⁰ Jesus uqa odi ma-aden. "Adinu age cucui egina? Age wawaga mere-ec ca qe fo?" ⁴¹ Malogom age geh bahic cucuiein, odimeig age dodoc je odi madein, "Uqa indac nu macas fufu ca je todu tosia ein."