¹ Jesus uqa haun Juda agena ucha jo na len. Dana oso ebeh laleg mec uqa ono bibirena. ² Ucha der nu age uqa meic duduein, dana eu memudeceb fi, balijoqaij en nu jic ija wiwi direig. ^{3 4} "Asi tajaga". Jesus uqa dana ebeb laleg mec eu madon. Isi uqa dana caja ca sisir aden, Ucha der na me odoc nu, o meqec odoc nu, o ebac esurdocnu, o qagadoc nu ?" Qa age tri ein. ⁵ Jesus uqa gemag ca meic aden, naha ha uqa waug qon, el nu age wawaga jic ebec menec, odi mei uqa dana eu madon, "Eben sulsdoga don," Uqa ebeh suleceb Jesus ebeh tutuc mudon. ⁶ Farisi age eu fimeig, age Herodias na abi dana gaum je qetein, Jesus qagadoqaig biri. ^{7 8} Isi Jesus uqa uqan malogom gaum ian na noin. Odocob dana am madi bahic, Galilidec ca Juda dec ca, Jerusalem dec ca Idumea dec ca, Jordan hibiroh na Tair ca Saidon ca unug hoin ⁹ Uqan malagom wag na oso saic ya doqaig on nu ma - aden, el nu dana madi bahic gadgad sundowain nu. ¹⁰ Uqa madi bahic me maden, odocob dana hag gug firfir ca ha emenug hoin, qunuh doqaig en nu. ¹¹ Saen kis meqec age uqa fimeig, age uqa orah na totoni bireig uta i ein, "Ina dogon melah" ¹² Qa uqa ain amas muduain nu je gagadic ma - aden. ¹³ Uqa aruh na timei, uqa gawaden eu uta aden, odocb age hoin. ¹⁴ Ono uqa dana 12 gawadimei, age ijan malogom aden. Age gaum cocobi bireg me je madoqaig on. ¹⁵ Kis meqec ha itatac adoqaig en nu gagadic odoc ha aden. ¹⁶ Malogom 12 eu ayanaga eu odi Simon uqa Pita don. ¹⁷ Jems, Jon ca are Sebedi melahur. are ayanara oso Boanisis uqnan gug eu odi, qeli melahur. ¹⁸ Endru ca, Pilip ca, Botolomu ca, Matiu ca, Tomas ca, Jems Alpius melah ca, Tadeus ca, Simon ayan oso Selot ca, ¹⁹ bariec dana Juda Iscariot ca. ²⁰ Uqa haun jo na eselen, qa dana caja ca madi bahic haun egurin, geh bahic nu sab ha jec we qe. ²¹ Uqan sihul age odi dumeig age heidoqaig biri hoin. Odi meig age odi madein "Ilo ihuldoia ein, " ²² Bar je jaqoc doc dana Jerusalem dec humeig madein, "Titihadec kis uqa dunah biria ein" Odi nu uqa, uqan gagadic na kis mecqec unug ititac adena ein." ²³ Jesus upa uta adeceb hocib, galolo jec na ma- aden. "Adi satan uqa, uqa dodoc ititac dugian? ²⁴ Cur oso uqa qatan cesawi lecis do fei uqa birini. ²⁵ Jo oso qahi lecis du fei jo eu ha tajec we qe, uqa qe migen. ²⁶ Satan uqa, dodoc nu ad sulifei uqa ha tajec we qe, uqa qe migien. ²⁷ Dana oso uqa, dana gagadic ca oso na jo na heje migion is dufei, uqa dana eu jaih, ebeh ca ribimei casac isi heje migen. ²⁸ Mere bahic ma- adigina, dana caja ca unug Tibud ewidogina eu, agena silail agasec birigen. ²⁹ Qa Dana o caja oso uqa kisgun ewidufei Tibud uqan silsil qe agisigitoc dain. silail eu gaidgaid nijeceb catanigien. ³⁰ Jesus uqa je ie maden, el nu dana age uqa, kis meqec ca ein. ³¹ Anag, waliagurca age hu mahagum taimeig ali hugion nu uta doin. ³² Am madi taldu birein eu age Jesus madoin. "Anin waliner ca mahagum ijawi hegina doin." ³³ Odoocob uqa wadac dumei ma - aden, "In uqa ija anini ca walijeir ca?" ³⁴ Uqa meic ie obimei am taldu birein eu ma- aden. "Feiga, ija ani ca walijeir ca ichen bireiga aden." ³⁵ In oso uqa Tibud na gawec toduna eu, uqa ija walinica ebinemica aninica.