¹ Der oso na Jesus uqa Kaperneam eselen, dana caya ca age doin uqa yo dunuh na biriein. ² Dana caya ca am madi bahic hu egurin, ucha jo hamor dunuh na udun am ben, Jesus uqa Tibud na me ye basali maden. ³ Dana leih age Jesus ca humeig dana oso yaih, ebeh ca caf mec eu oin; Dana waloso age abal na mudi meig hei hawein. ⁴ Age yo dunuh leh we qe, el nu dana caya am a egurin, odi nu age yo tobi meig yo qaqac besein, ono Jesus tayen na. Age jo qaqac besi meig dana yaih, ebeh ca caf mec eu hei mahana mudein. ⁵ Jesus uqa dana waloso agena wawaga mere ec eu fen. Odi me uqa dana yaih, ebeh ca caf mec eu madon, melami ija inan silail agasi higa." ⁷ Dana leic age lo yaqoc dana biraen, odi nu age je eu isdoc na mein. ⁶ Eu el nu dana eu uqa ye odoc madea? Uqa Tibud ewidoia. Dana oso uqan silail qe agesi tuni, Tibud himec uqan silail agasigien. ⁸ Mahug bahic Jesus uqa waug dunuh na don, el nu age dodoc dunuh na doc mudein, Uqa odi ma- aden, age el nu ye i nu is dudu wawaga dunuh na megina? ⁹ El nu hetec dana yaih, ebeh ca caf mec eu ma doc nu, Ija inan silail agasi hig o ina asi inan abal u meg oboga? ¹⁰ Age odi doiga dana melah uqa gagadic odoc ben bahic ca maha ene, odi nu uqa silail agasec ihoc, Uqa dana yaih, ebeh ca caf men eu odi madon. ¹¹ Ija ma higina, casi meg inan taeg ue meg inan jo na nuga." ¹² Uqa casi mei mahug bahic uqan taeg ue me cocobi yo cui me mahogom dana caya ca amaga na alen. Odocob unug firicit i meig age Tibud binan sulein. Odi meig odi madein, ege etech edec oso qe foqona ein. ¹³ Jesus uqa yobon cui mei wa agoc na nuen, dana caya am ca uqa ca hoin, odocob uqa me je ma aden. ¹⁴ Sain uqa obibi biri, uqa Livai fen, Alfius melah uqa menqaic edec udun na bibiren, odocob Jesus uqa odi madon," hu totaga don, odocob uqa asi mei Jesus todon. ¹⁵ Jesus uqa Livai na jo na sab yen, Dana menqaic edec ca, silail mec dana caya ca, uqan malogom ca unug sab yein, el nu dana caya geh bahic to doin. ¹⁶ Doc dana je yoqoc ca, Farisi ca age Jesus fein uqa silail dana ca, manqaic edec dana ca sab yeyegin. Age uqan malogom odi ma- aden, el nu uqa dana menqaic edec ca, dana silail mec ca gaum sab yegina? ¹⁷ Sain Jesus uqa je eu du mei uqa odi ma- aden dana in uqa deweg gagadic ca, uqa hag me madec ca qe lena, dana caya ca in uqa hag ca himec li hag mec madec dana fena. Ija dana caya ca me eu nu qe horoim, ija silail dana caya ca nu hom. ¹⁸ Jon na malogom ca, Firisi ca sab jec nu qagu biregina, age hu meig madoin, adi nu Jon na malogom ca Firisi agena malogom ca age sab yec nu qagogina, inan malogom qa sab yec nu qagoc oso qe birer. ¹⁹ Odocob Jesus uqa odi ma- aden, dana uqa caya cul digi fi uqan sihul sab qe ahac dowain sain uqa age ca bibireb. ²⁰ Sain age dana, caya oc nu uyu hei ono ca heleib sain uyu na age sab qagoqaigen. ²¹ Dana oso jamel haun qe jamel hirah na lena, el nu jamel haun di docob jamel hirah giroc ben alena. ²² Dana oso uqa wain haun qe basec docob wain hirah na nuni, uqa od fi wain fuhudu mei awa migi en, wain ganac ha awa migi en. Uqa wain haun mi mei basec dogocob wain haun ganac na nugie en. ²³ Ucha der oso na Jesus uqa wit abi na cobon. Uqan malogom age wit edi meig yein. ²⁴ Odocob Firisi age Jesus odi madoin, "Faga, Ige adi nu etech cahac ec uyu ucha der na odogina? ²⁵ Odocob Jesus uqa odi ma- aden, atach na je oso qe siganerin, el etech Davin uqa odon sain uqa uqan dana gaum wen birimeig? ²⁶ David uqa Tibud na jo dunuh limei, Abieta uqa cihan ec dana sain eu na bibiren, Uqa gun sab Tibud ora na dec eu yen, cihane ec dane himec sab uyu yegina on. Dana caya unug ca qe! Uqa leih ha aden, in uqa ca lein eu. ²⁷ Odocob Jesus uqa odi ma- aden, ucha der uyu dana caya ca agena, dana caya ca agena qe. ²⁸ Odi nu dana melah uqa ben bahic, uqa ucha der of dona.