¹ Age macas leti naha isac hoin,Gerasens Jobon na.Sain ² Jesus wag dunuh dec cali mahagum hocob dana oso uqa Kis meqec ca hu mei guruc don.Uqa qarqar dunuh dec ali hon. ³ Dana Qarqar dunuh nijori eu.Dana oso uqa halu na jerec we qe,Eu halu gagadic ha ihoc qe. ⁴ Age hei meig Ain na ca Sen na eu ha ihoc qe uqa agu nagnag dumei haun ali hon oso ha hejec we qe. ⁵ Witic unug der unug qarqar na ca aruh na ca cocob biri qaqa ji uta ie berei deweg men na qetor. ⁶ Uqa sain Jesus ono ca hohon fe mei,Uqa gududu ec na li emenug alen,Odi mei jaih na goqc cehen. ⁷ Uqa jejeg ohis du qaqa ji uta en,Ina ija adi odi teg hoga, Jesus, ina mere Dogon ohis dec melach? ⁸ Ija memeige Dogon ijan na sisir higina,ina ija dain ben ain ita. Odocob uqa odi madon , ''Dana dunuh dec calaga, ina kis meqec," don. ⁹ Uqa sisir don,Ina ijain in? Odocob uqa madon,Iya iyani Ami don. ¹⁰ Odi mei uqa Jesus haun sisir don,Eu uqa udun ain qisac duni nu. ¹¹ Aruh nag oso tatacan ono Ho amm leih sab jiji tatajegin feci adein. ¹² Odocob Kis meqec age madoin, Ege ho dunuh sur gaga beroqa. ¹³ Odocob uqa ma aden,Ois berega adeceb age busali maig ho dunuh lein, Odocob Ho am 2,000 busali li meig nu macas goto ie ar mein. ¹⁴ Ho cof adec eu age eu fimeig age gudugudu ec na age beri meig,Jobon ben ca Jobon gesac ca unug maadi coboin, Odocob Jobon unug ca hoin eu etech eu fo qaig biri. ¹⁵ Hib na age Jesus ca hu meig,Dana Kis meqec of don eu fein. Dana ie himec Kis meqec of don,biria, jamel ca isdoc me ca fein, odi meig cucu jein. ¹⁶ Etech alen unug ca age fein, Dana ie Kis meqec ofdon.Age etech ie sa adein. ¹⁷ Odi meig age uqa Jobon uidi mei nui biri nini doin ¹⁸ Danca Kis meqe cof don eu len,sain Jesus uqa wag dunuh tobon bibiren, hu sisir du madon Iya nuwec nu ois fo don. ¹⁹ OdocobJesus madon ina otiner ca inan jo na nuga, Odi meig saija doiga, ina dogon odi ihac hea elec ina ca biria. ²⁰ Uqa nui mei Kis meqec Jesus itatac du ton nu saaden, Jobon Jobon unug ca hatu unug ca odi age dah memin eu hatu am 10 unug ca. ²¹ Jesus uqa haun macas naha isec len. Wag na bibiren Dana aja am madi bahice age ecuri arir doin, Sain uqa macas gesac na hon taten na. ²² Uha na dec dana oso ijan Jairus, ²³ Sain uqa Jesus feci dumei hu jaih na cooq ehen. odi mei madon, Ijan melaid nag eu ar migi odona don. Ija sisir higina ina humeg ceben lalan mecem eseli casea don. ²⁴ Odocob uqa Jesus ca lelesin, dana aja am mdi age Jesus todoin, age aquni arir du todoin. ²⁵ Aja oadac so uqa golac nunuwen, sain celac nuwen ger gadac 12 hedon. ²⁶ Uqa deweg dain ben don, Hag fec dana ca ha len dmei ehewanon, Odi mei ehewan benben unug qe mudon qa hag qe medor, Hag were ben don. ²⁷ Sain uqa jesus na je dah mi hedumei.Sain Dana am madi cob dunuh, hibiroh asac cocobi ten, Aja eu le mei uqan jamel tacec eu hei fen. ²⁸ Odi mei maden,Ija uqan jamel eu hei figa, Odi nu ija hag me tigien en. ²⁹ Sain uqa hei feceb,Golac nen eu gati don, Odocob uqa deweg teban don eu uqan hag qemen. ³⁰ Odocob Jesus uqa teban don eu uqan gagadic odoc leah uidi qisac don,Odocob jesus uqa falic dumei dana aja todoin eu sisr ade, Indac ijan Jamel hei feya? ³¹ Odocob uqan Malogom age madoin, cel sisir aga na, daana aja am madi arir hea nija,Indac hei hi fea? ³² Indac odea ie mei Jesus uqa falic du meci. ³³ Aja uqa deweg na alen eu fimei, cucu ie deweg qerer en ali hu Jesus ora namere je madon coq cehi, Mere je madon. ³⁴ Odocob Jesus madon, Ateni ina wain merec eu me mihi ja hag unug qe mea, Ina wain celec ca esele ca. ³⁵ Sain Jesus uqa mamaden, dana leih hoin, age Cuha jo uqan ilo ca ma doin ina aten eu were ar mea. Ina el nu iwal adec curumen utuguna doin. ³⁶ Odocob Jesus uqa dah madi hedu mei, Uha jo na ilo ca eu madon, Ina ain cucui egen, wain mere eya. ³⁷ Dana Aja uqa todoc nu ahac aden, qa Uqa lec nu eu Pita ca James ca Jon ca eu James waliag. ³⁸ Age Cuha ilo ca uqan jo na lein, Odi meig uqa feci aden eu age seric ben fafa regin qaqa ji bireig. ³⁹ Sain uqa jo dunuh duhu len lili birei, Uqa odi maaden,Age el nu waroc adeden qajegina? Mel nag ie qe ar mer,Uqa cus nija. ⁴⁰ Age eu dah me meig asal doin, Qa uqa unug itatec aden caca legin. Uqa sim eu memeg anag ca uqan malogom gaum sim nijen na lein. ⁴¹ Jesus uqa sim nag eu ebech uhei mei,madon, ''Talita, Koum!'' Uqan gug eu odi, Aja nag ija ma higina ina wasaga. ⁴² Odocob melaid nag eu mahuc odi bahic wasen cobo,Ateg eu uqan ger gadac eu 12 odocob dana aja ono nijen eu firicit ein. ⁴³ Odocob Jesus je gagadic bahic maden, ceteh ie alea eu ain bahic ma adeib dowain aden, odi meig sab mahuc uteica jeya aden.