¹ Inanin wachinu nigbiri nigbir Amphipos nin Apollolonia ma inin da kagbiri Thessalonika.Kikane wadi kiti zursuzu na Yahudawa ² In wui na sabbath Bulus pira kitin zursu nafo usume .Tisati tat awa pichu ko ayeme asabbath.Amini wa dursuzo anite tipipinlitafe woro Isa amere mazamu Christi. ³ Amini wa nuna nanin nuzu litafe. anan yenjun bun na nyerti kiden ame Misiah maku akura fita nin lai tutun.Amini wabelin" Ule unite amere Isa ah Christi. Anaku amini na fita tutun,nanare anan yenjun bun nabelin". ⁴ Among a Yahudawa kikane yinna nin nilemon na Bulus belle inin chizina zurzu nin Bulus nin Sila.Kikane ma amon wadiku na Yahudawari ba nin umong uwani unan dortu Kutellẹ amini tutun wa yinin nin liru kitenen Isa,inanin wa chizina uzursu nin Bulus nin Sila. ⁵ Amon adida na Yahudawe ayimine wa nana nin nanite bar na iwa yinin sauyenu nin lirulena Bulus durso nanin. Bar nanin i do idi yichila anit gbarda ini rususzo anit idofin nanin. Nin nanin inin, adide na Yahudawe nin pitirno anit gbardan inin ta jartizu.Ayahudawa ane tinna ido igan Jason kikana an Bulus nin Sila wasosinku. Iwa dinin su inutun Bulus nin Sila udas kitinanite. ⁶ Imini wa se an Bulus nin Sila wadi nan nya kilare ba , inanin wa se Jason ma inin kifo ghe .Ma inin wunughe nin among anan yinnusauyenu kiti nago ka gbiri.Inin belle" Anit alena idin fizi nibinai iyẹ ida kikanema tutyun. ⁷ Ame Jason yira nanin achau in game. Na idimun su kaisar ba. Inanin belle umong unit diku lisame Isa amere ugo kiden. ⁸ Dana lipitin nanite da kitikirum nin nago ka gbiri nibinai mine nana kan. ⁹ Ago ka gbiri ta Jason na ikubu inin belle nanin ima ni nanin ikubua andi Bulus nin Sila fia nibinai nanite tutunba. Nin nanin ago ka gbiri in belle Jason nin nannan yinnu sauyenu nyha. ¹⁰ Nin kitik kane ,anan yinnu sauyenu tinna inutuno Bulus nin sila nan nya Thesalika udu ka gbiri Berea.Dana Bulus nin Sila wa duru kikane, itinna i pira kitin zursuzu na Yahudawa. ¹¹ Ayahudawan Thasalonika wa xinin su lazin liru Kutellẹ nafo Ayahudawan Berea ba, inanin wa lanza gigime uliru kitenen Isa. Kolome liri iwa gartu tipipin nin litimine iyinin kidegen liru ulena Bulus wa bellin kitenen Isa. ¹² Bar udursuzu Bulus Ayahudawa gbardan yinna nin Isa,nin na mong awani alena Ayahudawaba nin nanilime alena Ayahudawariba wa yinin nin gye. ¹³ Nanin tutun Ayahudawa nan nya thasalonika lanza Bulus din durzsuzu uliru Kutellẹ kitenen Isa. Inanin wa do Uberea inin woro nin nanit alena idi kikane ibelle imong ilena imati ilanza ayi nin Bulus. ¹⁴ Among anan yinnu sauyenu yira Bulus ku udukuasri lkurawa kuda inan nya udu kan ka gbiri. Sila nin Timintawus wa soh nan nya Berea. ¹⁵ Dana Bulus nin nanan yinnu sauyenu iwa duru ugefe kurawe ,itinna pira ujirgin mmen kata udu kagbiri Antakia.Bulus ninworo nin nale ne dã ninṣhe."Belle Sila ninTimintawus idak kitinin in Atantakia." Anite ne chino Antakia ma inin kwila udu Berea. ¹⁶ Nan nya Athens Bulus soncha Sila nin Timotawus idak. Nan nya nanin , achina a kilino ka gbiri. Amini wa lanza mmang kibinaime ba bar ka gbiri wadini chil(idol) ¹⁷ Amini wa duo kitin zursu na Yahudawa anin lirina kitenen Isa nin na Yahudawa,ah tutun a Greek alena na sere ilemon na a Yahuda yinna mu.Amini wa nuzu udas atinna kolome liri anin lira kiti nanite alena awa zuro nan ghinu kikane. ¹⁸ Bulus zuro nin among anan dursuzu inanin wa dinin so iliru kitene nilemong na anit yinnamu. anite wa din yichi Among Epicorion,among iyichananin Stoiks. Inanin wa belin Bulus ku ilemong na inin yinnamu ,inin tiringhe iyeri ame yinnamu. Among woro nin natimine "nafo adinbellu kutellẹ kona tiyirimuba". Inin woro bar na Bulus wa dinbelu nanin Isa naku amini nafita adimun ilai tutun. ¹⁹ Among tinna iyiraghe kiti kana kana adide ka gbiri din zursuzu. Dana iduru kikane inin woro nin Bulus, "Benle nari, iyapin imong ipese udin dursuzu anite? ²⁰ Idin dursuzu imong ilengena tiyirimung ba , bar nani iyadi nari tiyinin iyapimonari ine. ²¹ Anitin Athans nin nalena idi kusari kone ne isosinku,idinin so ilaza uliru upese. ²² Nin nani Bulus tina ayisina mbun mine anin woro."Anit Athaans ,yene anughe idinin nadini kan. ²³ Mbele nanin bar, dana indinchinu mmini yene mmong ilengebna idin zazunu, mmini yene kon kubagadi nin lisa kona idin yichu kunin:KUTELLẸ KONA TIYIRUMU BA. Nene mma belin minu Kutellẹ kona idin zazunu na iyirughe ba. ²⁴ .Amere Kutelle ulena anake uyi nin nimog vat nan nya . Amere min koyang nan nya kitene nin kutin,na adin sozu kudaga kona inake nin na charaba. ²⁵ Na adimin so nimong na ina ke bar ameba Amre nani nari ulai nin ununfashe ,Amini na ni nanin mmong ilena idimung su. ²⁶ Kubin hizine,Kutellẹ nake unit nin wanime ,nan nya minere ama maru anit nan nya iye na isozun ko kame kagbiri. Amini ana ti anit niti kubi ²⁷ Ana dimun su anit yinin anit dinin sume.Bar inan piziraghe inin saghe. Kutellẹ dinin su ti pizirughevat nin nani adi ku popo nan arik. ²⁸ Bar Kutellẹre ta tidimi lai ,tidin chinu ti diku, nafo na umong belle nan nya mine , 'bar arik nono mere. ²⁹ Barnanin arik nono Kutellẹ ari,na tiwa yene nafo Kutellẹ masin ugold ko usilva ko kutala, kona anit nake. ³⁰ Kubi kona anit yiru ilemong na Kutellẹ dinin su mine i su, [kubin sirti] na ana fuor nanin ba.Bar nanin nene Kutellee na woro anite vat ichin matiza manazan. ³¹ Amini na belin nari umong uwui din chinu na ama da su kogha ku kiwucho kidegen nin niti ulena ana fere, amini nafe unit une nuzun kisek [ukul] ³² Dana anit ilanza Bulus uworo unite fita nuzu kisek dana ana ku,amon mine tin na isisila ghe. Amon nin belinghe adak ilonliri tutun. ³³ Dana ibelle nanin Bulus tinna ahgha. ³⁴ Vatninnanin among dofuno Buluse ku inin yinna nin liru kitenen Isa. Nan nya nanit alena yinna nin Isa umong wa diku lisame Dionysius.Tutun umong uwani wadiku lisame Damaris nin na mong nan ghinu na iwa yinin sauyenu.