¹ Bulus nin sila yah udu nigbiri Deber nin Listria inanin wa gwin anan yinu sauyenu kikane.Umong unan yinnu sausalin yenu lisa me wadi Timintawus awa din nan nya Listra.Uname wadi kuYahudawari yinnu sauyenu,ninnanin uchifme wadi ku Helinawari. ² Anan yinnu sauyenu nan nya Listra nin Iconium ibelle imong chine kite nen Timintawus, ³ ame Bulus ita nin su uworu ayiru Timintawus ku nin ghe,anin pira niti niti, ma nin su Timintawus ukachiya .Awa su nanin bar a Yahudawa na iwa di niti niti inan sere Timintawus,bar iwa yiru uchif me ku Heliniyawari na awa sughe ukaciya ba. ⁴ Nin nanin ame Timintawus nin Bulus ah Sila, inanin wa chinu nigbiri nigbiri. Ko kame ka gbiri na iwa piru iwa belin anan yinu sauyenu tidokoki to na anan kadura nin na kune na yinin mu nan nya Urshalima. ⁵ Inanin wa bun anan yinnu sauyenu nan nya ni gbiri isu uyinu nin Chikilari Yesu, nin nanin kolome liri anit wa ti anan yinnu sauyenu ⁶ Bulus nin nanan chinme wa kata udu ka gbiri Pirigia nin Galantia, bar na Ufunu Ulau wa naza nanin nin lirunu nan nya ka gbiri Asia. ⁷ Inanin wadak ligan kusarin Mysia, nin nanin iwa dinin su ido kusarin arewa nan nya kagbiri Bitania, kika ne tutun Ufunu Ulau Isa wantina nanin udu kika ne. ⁸ Ninnanin itinna gnah udu kusarin Misia nin dak kusarin Troas , ka gbiri ka na ka di kusa nin kurawa ku diya ⁹ Ninkitik kane Bulus wa ti amoron yenju kiti amini wa yene umong unit kusarin Macidonia. Amini wa din yinchin Bulus anin woro,"da kiti bite uda bun nari! Masidoniah". ¹⁰ Dana awa yene ammoro yenju kiti titinna ti fita ti gna udu Masidonia, bar tiwa yinnin Kutellẹ. ari yichila nari tidi belin tipipin ti pese chine kikane. ¹¹ Inani wa chin kusarin troas ipira ujigirgin mmen, ikata udu Samothras , lirin linbe iduru kagbiri Neapolis. ¹² kikane tichino Neapolis tinin da Philipia. Ka gbiri wa dinin apani kan nan nya Masodonia,kika na a Romawa diku. Tiwa ti ayiri kan nan nya Philipi. ¹³ Inwui na sabbath tinuzu udas ka gbiri ti do kusarin kurawa . Lanza umon unit woro Ayahudawa ase pitrno kidawo kikane itan lira.Dana tiduru ,ti yene amon awani pitirno kidawo anan talira, ti tinna ti so nan ghinu, tinin belle nanin ulirun Yesu. ¹⁴ Umon uwani wadiku lisa me Lidiya , awada nan nya na wanane na iwa din latiszu Bulus ku. ka gbiri wani une wadi Thiatira, awa din lesu na lutuk,nin zazunu Kutellẹ. Kutellẹ wa tighe a lanza uliru ulena Bulus wa di nbelu ,amini wa yinin mu . ¹⁵ Dana Bulus nin Sila isu Lidia ubaptisma, nin nale na iwasosin game ,amini wabellin nari ,"adi yerda men dinin unan fiwu Ketellẹ ari, piran ganin iso ku." dana abelle nari nanin ti tinna tisọ ingame. ¹⁶ Inlon liri, dana ti wa chini uduk kika na anit sa pitirno kidawo isun lira ,timini wa zuro nin kabura ulena awa di ubaiwa. Awadinin ifunu unanzan [agergenu] ulena uwa din nizighe likara yenjun bunkiti nanit. Anit wa biza ikubu kitin na lena iwadi adide kubure ,nin belin nanin ilemon naima senanin. ¹⁷ ko kubure wadin dọrtu Bulus nin nanan chin me,achin jertiza,"ale anite din durtu Kutellẹ kona akatin usaura natellẹ nin likara! Idin dursuminu tibau tona Kutellẹ ma bolu minu. ¹⁸ Kubure wa liubun dọrtunanin nayiri gbardan, Udak ligaghe Bulus ayime nana kan , antina akwila yene kubure anin woro u funu unanzaghe ulena wadi nan nya kubure. Anin belle,Nan nya lisan Isa Christi nuzu udas uchin kuburakone! Sa umọlu kubi ufunu unanzaghe tin na achino kubure. ¹⁹ Adide kubura kone yeni na adunan sesu nanin nikububa bar na awangha a su tiyenju bun kiti nanite ba, bar nanin nibinai mine nana.Itinna ikifo bulus nin Sila inin yira nani udu kitik nanit nbun nanan nago ka gbiri. ²⁰ Adide kubura kone da nin gninu ubun nago kagbiri inin woro nanin, "Anit alele a Yahudawari, idin fizu nibinai nanite nan nya ka gbiri bit kan. ²¹ Idin dursuzu nari tidoka tona arik a Roman yirmuba! ²² Anit gwar dofuno alena iwa kifo an Barnabas nin Sila nin liru kinu, itina fonanin.Ago na Romawa ta a sojoje ijera alituk nan Bulus nin Sila inin kwizo nani nin tishon. ²³ Nin nanin asojoje tinna ikwizo Bulus nin Sila nanza kan nin tishon. Dana imala kwizu nanin yira nanin shintino nan nya kuti lichin. Inin woro unan yenju kuti lichinghe ati iyizi me kan kiti mine bar iya nuzu udas. ²⁴ Dana unan lura kuti lichinghe lanza nanin atinna atere Bulus nin Sila anin shintino nanin kuti lichin kun nan nya. Kikane, ata nanin iso kutin inin nakwa abunu mine. anin tere abunu mine nin gna likara kitik nacha, bar bulus nin sila wa ghe ichanchana nin na bunumine ba. ²⁵ ghen kitik, Bulus nin Sila iwa tinin nin zazunu Kutellẹ nin su navu.Amon anan kuti lichinghe wa tinin lanzu nanin. ²⁶ kwak kutin tinnan zunu kan . Bar uzunu kutin ,kuti lichinghe tina kupuno kidawo nghan na bunu nanan lichighe tin na ibuntu. ²⁷ Unan kata kuti lichinghe yene kuti lichin puno kidawo bar uzunu kiti. Awa yenefo anan lichin nuzu ichuo kap.nin yenu nanin a tinna anutuno litan achina molu litime, bar awa yinin ago ka gbiri ma chinghe blin lai ba andi anan lichinghe nuzu ichuo. ²⁸ Bulus yene unan kata kuti lichin ghe a tin na a kalan teat ajartina nin ghe,"Na uwa molu litife ba ²⁹ Unan kata kuti lichin jartina ninmon ida nighe ufitinla mas anan yene alenghe na udu nan nay kuti lichin. Nin ketizu kidawa nin fiu,amini wa diu inbun Bulus nin Sila. ³⁰ Anin nutuno Bulus nin Sila udas kuti lichin anin tirino nanin:"Ulai mine dondon, yari men basu inan sẹ ubale?" ³¹ Inin kwanghe, "Yino nin Isa unan Ugo, fe nin kilari kap ma sẹ ubolu. ³² Kikane Bulus nin Sila belinghe nghari Isa kitime nin ko ngha kilarime kap. ³³ Kikanere unan kata kuti licbinghe kusu nanin niti shaltizumine, nin kani kitik nin kitikke.Kikanere Bulus nin Sila sughe ubaptiszima ame nin kilarime. ³⁴ Kikanere unan kata lichinghe yira Bulus nin Sila udu nan nya game anin nananin imonli ili. Ame nin kilarime wa laza liburi libo kan bar inin yinna sauyenu nin Kutellẹ. ³⁵ Nin shantu kitin kuwi, adide benle among asojoji ido kiti kuti lichinghe ibelin unan kata kuti lichin,"Achin awaba lichi ighe nene!" ³⁶ Dana unankata lichin lanza nanin ,atinna abele bulus ku,"Adideh ka gbiri worai nchin minu ighah.CBar nanin anin nabe chinon kuti lichinghe nene inin gah nan nya kibinai kibo!" ³⁷ Ame bulus nin belle unan kata kuti lichinghe ,"Adide kagbiri woro anit i kwizu nari ibun nanit,ninnanin arikima Aromawere, inanin na ti nari kuti lichin . Nene idinun su inutun nari sa ubenlu nanit ka gbiri! Na arik yin ba! Sai tiyene ago ka gbiri da ida nutuno nari ninlitimine nan nya kuti lichinghe." ³⁸ Nin nanin asojoji tinna idi bellin ago kagbiri ilemon na Bulus belle. Dana ago kagbiri lanza an Bulu nin Sila Aromawari itinna lanza fiu ,bar iwa ti imon inanzan. ³⁹ Nin nanin ago kagbiri tinna ida woro Bulus nin Sila igaparta nanin ilemon na isu nanin. Ago ka gbiri nutuno nanin nan nya kuti lichin ini belle nanin ichin anin ka gbiri. ⁴⁰ Dana Bulus nin Sila chino kutin lichi ,itinna pira igan Lidiay. Kikane ise ghe ame nin amon anan yinu sauyenu. Ma inin na anan yinu sauyenu likara kibinai nin yinnu nin Isa ,kikanere anan kadura chino ka gbiri Philipia.