¹ Among Ayahudawa nuzu kusari Urdun nin da kagbiri Antiyok. Inin tina dursusu na lumai na iyina nin yesu kikane inin woro "ulena ina bogye ba na ama piru kitenekane kana, nafo tipipin musa ² Kube na Buluse nin Barnabas wasu maqyerdan nan ghinu, anan yinnusauyenu nan nya Anticok intin na iworo ,Bulus ,Barnabas nan na mong ido u Urshalima kiti nannan kadura Yisa nin nin nakune i yene utirunune . ³ Ninkidun ,Bulus nin Barnaabas ah among anan yinnu sa usalin yenu wa tunanin nuzu nan nya Antiok ,inanin wa chinu ikata kusarin Ponenisiya nin Samariya. In chin mine kap iwa yisisin niti niti, inanin wabelin anan yine sa usalin yenu nin woro alumai yinna nin Yisa . dana ilanza ulura ,vat anan yinu Yisa niti niti nibinai mine wâ kulo nin liburi libo Kan. ⁴ Dana, Bulus nin Barnabas nin na mong duru nan nya Urshalima, nono kata yesu wa seru nanin nin kibinai kibuo nin na kune ah among anan yinnu lipitin kikane.Nin nanin Bulus nin Barnabas belle kadura nilemong na Kutelle na su nin ghinu nan nya na Alumai. ⁵ Tutun amon Ayahudawe na iyinna nin Yesu, inin idi nan nya na Farisawa imini wa fita nan nya nanan yinnu Yesu ì woro , "inin Alumai mase ulaiba sai isu nanin ubuo na churu inin dofuno tibau Musa tona Kutellẹ na nighe." ⁶ Uliru une wa ti anan kadura nin na kune isọ ktikirum isu uliru kitene. ⁷ Nin kidun ile kubi nin lire kan, Biturus nin fita alirina nin ghinu, aworo, "Linuana anan yinnu sa uyenu,iyiru kap Kutellẹ na fere menku nan nya nanan kadura ,inan do di bellin Alumai ule ulire ,nin nanin tutun inin ma lanza uliru ukunekune ulena Kutellẹ na sunanin mu inin ma nan yina ninghe. ⁸ Kutellẹ yiru ni binai bite kap. Ana dura menku nin namong, anasaru anan salin yinnu Kutellẹ(Alumai) iyita anitime nin ninanin Ufunu ulau Kutellẹ, nafo arike na ana sunari. ⁹ Kutellẹ na wusu nari ba, anatinanin chaut naghe barna ina yinin nin Yesa. Nanere ana su arikimu ukafara ma. ¹⁰ Bar yari tima ti Alumai alena yinna nin Yisa sau yenu idofin ti bau na Yahudawe nafo udokan Musa? Usu nanin masin fo ti toro nanin kutura ku getek nabandan mine , bar yari timatinanin iyiru kutura ko na ankakani bit ina yinin uyiraba ninna anrik ba titinanin yiru! Bar nanin inje iwa ti Kutellẹ ayi me nana kitene nile umone. ¹¹ Tiyiru Kutellẹ na bolunari arik a Yahudawe unuzu tilapi bit bar ilemon na Yesu na su nari.Kutellẹ na bolu arik aYahudawe amini na bolu Alumai alena iyinnu Ningo biteYesu.'' ¹² Anite vat kitene tatik kubi kona Bitrus wa mala uliru me.Inin kuru ilanza Barnabas nin Bulus,inina nabe kuru belin nanin Kutellẹ. nasu uanfani nin ghinu inani nasu imon idide nan nya na Alumai, imonpuzunu tunu wa nuna Kutellẹ na seru alena Ayahudawe ba. ¹³ Dana Barnabas nin Bulus wamali uliru mine , Yakubu , udemine atinna alirina nin nnan yinu sa uyenu nan nya Urshalima a woro,"Linuana anan yinusau yenu lanza ilemon na ma belumu. ¹⁴ Ame Simon ghe malu benlu Kutellẹ namalin ti Alumai mmari nin kidun Ame Kutellẹ nasu nanin anan fere anit ale na imasọ kitime. ¹⁵ Tipiping to na Kutellẹ na belling uworu, tipipin tona anan yenju-nbun na wa nyertin , tina yinin mu. ¹⁶ Nin nuzu manin dak ida fere ugoh kilarin Dauda. ima yitu nafo ulena kekilare tutun, na kina nana. ¹⁷ Ima sunanin bar anite vat nan yinno men Ugo kutellẹ ari. Nanin ma so umunu na lena iyiri ba, anit alengena inna yichila nanin i dak kitinin inasonanin dana ina malin punu ununuin ibelle to tipipinghe. ¹⁸ Inati anitininn iyinnin ile imone tuntuni. ¹⁹ Ame Yakubu tinna aleu ubun liru. Anin woro, "Ninnanin idin yeju na ti chin udamu na lena ichino tilapi mine chindak kiti Kutellẹ ,na tiwa woro nanin idofun ti yejee bit nin ti aladubit. ²⁰ Natina nyerti tinyerta udu kitimine, ti wo nanin ichin imong inas elena idin suzu: na iwa li inawa hadaya, nin piziru nawani nanit , na iwa li inawa ilenghena imalina uto , ikuru ichin ulin mmi ninawa. ²¹ Nan nya ni gbiri gbardan kubi kona kunakata anit na belu ti yejee Musa tona ana nyertin,ti yejee na wantin usu nimon ile. Koyeme uwui na sabbath (uwuizshinu) ase gurtina nan nya,kuti inlira na Yahuduwa. Bar andi alena Ayahudawa ba yinnu nin ti yejee tone, iwangye ise nanin kuti mazurso bit". ²² Anan kadura nin na kune ,ninmunu nanan yinu sau yenu yina nin tipipin Yakubu .Inanin wa fere among nang nya mine , inan tọ nanin nin Bulus ah Barnabas ,udu Antiok iti anan yinnu sau yenu kikane i yinin iyari adide mine Urshalim i yinamu.Inanin wa fere Yahuda ku ulena iwa yichighe Barsaba nin Sila .Inin ma wadi adidawari nan nya Urshalima. ²³ Inanin wa nyatu ti nyerta inin belle Yahuda nin Sila i yiru idini anan yinu sau yene in Antiok." Arik anan kadura Yesu nin na kune nin nanan yinu sau yenu itọ nari nin nilip kitimine nin nyartinu udu kitimine anin alena idi Alumai anin na iyina sau yenu anin na isosin nan nya Antiok nin uyenkin Siria in Cilicia. ²⁴ Anit na belin nari among nanuzu kusari bit ida kitimine , na arikari wa tu nanin kitimine ba.Tiina lanza i taminu nan nya tikanchi kibinai mine nin beli minu imon elena ima rkichinu kibanai. ²⁵ Nin nuzu nanin ,tiwa zuru kikane kitikirum ,tinanin na fere among anit tinanin na bellin nanin idak kitimine , inin nin Barnabas ah Bulus ,alena tidin kauna mine kan. ²⁶ Anit ahwabane nati ulai mine tikanchi bar kata Chikilari bit Yesu . ²⁷ Tinanin kuru ti tọ Yabuda nin Sila udu kitimine.mma bellinminu elemon na ti su nyerte kitene. ²⁸ Tiyene uta chau kitin Funu ulau nin narik na chau i dofin tibau tidoka na Yahudawaba .ninnanin tina dumun su i dofin tọ tidoke. ²⁹ Chinon uli nimonli elengena ina chil kukot.Naiwa li mmi ninawaba,nin li ninawa elengena imalina utua. Nin tutun ichin u piziru nawani na don mine.Andi i chino usu nileli imone ,ima suzu ilemon na chau.imansokalau. ³⁰ Anit awa nas na iwaferewe inuzu kusarin Urshalima inanin wa dak u Antiok.Dana anan yinu sau yenu iwa dikitikirum ma inin na nanin ma nyerte. ³¹ Dana anan yinu sau yenu garta unyertine iwa lanza mang nin liuru ine ,bar ulire wa tinanin likara kibinai. ³² Inin wadi anan yenjun bun,Yahuda nin Sila lira kan inin ta ananyinu sauyenu likara kibinai kikane, nin bunu nanin iyinin nan nya Chikilari Yesu. ³³ Nin nuzu nanin Yahuda nin Sila ilekubi kikane ini. fita ta ubelen kwillu udu Urshalima ,anan yinu sauyenu nan nya Antiok ta nanin ilira uduru kalau inin nya. ³⁴ Ama Sila yinna alawa kikane. ³⁵ Ama Bulus nin Barnabas ile ubun lisosin nan nya Antiok. Kube dana iwadi kikane , inin nin namon itin dursuzu anite nin su nanin uwa,ázi kitene tipipin Isá. ³⁶ Nin nuzu kon kubi Bulus nin woro Barnabas ku,'' nati do kokame ni gbiri ni gbiri ti di lisu linana anan yinu sauyenu kikana tinamaldursuza tipipin Isa Ugo.Nin su nanin tima nin yinnu u chinmine yinnu nin salin yenu mine kitin Isa Ugo. ³⁷ Barnabas yina nin liru Bulus anin woro uchau ti yiru Yohana ku ulena idin yichighe Markus ti gyah nin ghe tutun. ³⁸ Ame Bulus belle Barnabas ku na uchau tiyiru Markus kuba, barna Markus wa chinnari kusarin Panphilia ,amini wa nari ulinbun kata nan ghinu. ³⁹ Bulus nin Barnabas wa yinin natimine kitenen lira uneba, bar nanin itina wusọ chinghe . Barnabas yira Markus ku ligowe nin ghe .Inin pira ujirgin mmen i gyah udu Cipros. ⁴⁰ Ame Bulus fere Sila ,ulena na worin dak unuzu Antiok , anan su kata nin ghe..Ananyinnu sauyenu kikane itananin inlira nun woro Kutellẹ bun Bulus ku nin Sila. inin inin nabe tinna inuzu kusarin Antiock. ⁴¹ Bulus tina allebun chin nin Sila vat Siria nin niti Cilicia.Nan nya niti niti iya buzun Anayinu sauyenu Yesu Chikilari nikibinai kirum.