Nin kidun ,Bulus chino ka gbiri Athens amini wa gya udu kagbiri Korint. ² Kikane a zuro nin ku Bayahudi ulena lisame wadi Akila nin wanime Briskila itabotak konkubi ninkidun unuzu ka gbiri Roma nan nya Italiya. Ichin Roma bar ugo klidius,wabalin Ayahudawa vat chin Roma. ³ Akila nin Briskila iwadin sesu nikubu libau kia adanga.Ame Bulus wa yiru kia nadanga, ninnanin atinna asọ nan ghinu nin su kata ligowe. ⁴ Ko ayeme asabbath,Bulus asa do kintin zursu na Yahudawe,amini asa lira nin na Yahudawa ah alena a Yahudawariba. Amini wa dursuzo nanin kitenen Isa. ⁵ Sila nin Timontawus dã unuzu kusarin Makidonia. Dana iduru kikane,Bulus tinna achino kata makeke ku danga.Amini wa yiru kubime chin dursuzu a Yahudawa tipipin kitenen Isa. Amini wa belin nanin ai Isa amere Christi. ⁶ Kikane a Yahudawa tinna inari Bulus ku inin tinna na belu imong inanzan kiteneme. Ninnanin atin na azalina lidau nalutik me bar Kutellẹ lanza man ninghinu ba,anin woro nanin,"Andi Kutellẹ ma sumunu uhoro ,a ma su bar anughere, na bar men ba! Nuzu nene udunbun Inma di belu kiti na Lena a Yahudawari ba! ⁷ Bar nanin Bulus tinna achino kitin zursu na Yahudawa anin duo kilari kana kiwa di kupopo,anin dursuzo kikane.Titus Justus,unan kilare a wadi ku Yahudawa ba amini wadi unan durtu Kutellẹ. ⁸ Nin kidun,ude kiti n zursuzu na Yahudawa,iwadin yichighe Krispus, nin vat kilarime wa yinin nin Isa . anit gbardan nan nya korintian alena lanza Bulus ku iwa kuru yinna nin Isa inanin wa su nanin ubaptiszima. ⁹ Nan nya kitik Ugo Isa nuna Bulus ku nmoro yenji kiti bun anin woroghe,"Na uwa lanza fiu nanit alena idinin sufeba,nin nin nanin na uwa ti tik belu kitenenin ba, ¹⁰ Bar na inma bunfi na umon ma lanzifi ukule kikane ba. leubun bellu nani kitenin ,bar anit di gbardan kagbiri kane naidi anit ni ghari." ¹¹ Nin nanin Blua sọ ata likus kagizin , dursuzu nanin uliru Kutellẹ kitenen Isa. ¹² Dana Galio so kugovuno Roma kusarin Achaia ,Adide na Yahudawe nin tinna ikifo Bulus ku.Iyira ghe ido kiti govuno nin liru kinu kitene me, ¹³ Inin woro ,"Ule unite din dursu anit izazin Kutellẹ nan nya tibau tona arik a Yahudawa yirimun ba. ¹⁴ Dana Bulus wa china ulirinu,Gollio nin woro a Yahudawa,"Andi unit ulele puro ma dortu bit a Romawa ,da iwa lanzu ilemon na idin belli. ¹⁵ Nin nanin, idin belu kitene tisa nin madortu mine a nin Yahudawa, bar anin atimine iwangha bele imon kitene ni lemone. Bar nanin na men masu uwuchu kiden kitene nile mone ba! ¹⁶ Dana Gallio belle nanin,amini wa belin a sojoji inutun a dide na Yahudawa nuzu kitin wuchu kiden. ¹⁷ Ninnanin ani tinna ikifo ude na Yahudawa,Sosthennes. inanin wa foghe ibun kitet wusu kiden.Vat nanin Gallio wa su imong kitene ba. ¹⁸ Bulus nin tah ayiri nin nana yinu sauyenu nan nya Korinth. amini wa piru kabarak mmen nin Briskila ah Akila inin kata udu u Siria. Amini wa buo titime bar isilin ile na awa su. ¹⁹ Inanin wa duru kagbiri. Efasus ,Briskila nin Akila tinna isuo kikane. Bulus litime pira kitin zursuzu na Yahudawa anin belle a Yahudawa uliru kitenen Isa. ²⁰ Inani wa belinghe a ti ayiri, amini wa nari. ²¹ Amini wa bellinanin mma dak in lonliri adi Kutellẹ yinna indak.Ninanin amini wa piru ka barak mmen anin gya udu Efasus. ²² Dana kabarak mmen da ka gbiri. Kaiseria , Bulutina atolo. Amini wa piro udu Urshalima anin liso anan yinusauyenu kikane. Ninnanin atinna gya udu ka gbiri Antiok kusarin Siria. ²³ Bulus leu kubi nin anan yinusauyenu kikane. Ninnanin atinna achino u Antiok anin pira ningbiri nigbiri gwardan kusarin Galantia nin Firigia. Amini wa risu anan yinusauyenu i yini kan nan nya liri Kutenlẹ kitenen Isa. ²⁴ Dana Bulus wa diichin nan aya Firisia, ku Yahudawa lisame wadi Afolos ada Efisus.Awa nuzu kusarin ka gbiri Alexzadria amini wa yiru litafi kan. ²⁵ Among anan yinnusauyenu durso Apolos ku tibou tona Isa dininsu ait su ,amini wadurso imongne kiti nanit.Ninnanin ,awadi dursuzu imong kap ba kitenen Isa. Bar ame yiru ubaptizzima Yohanari chas. ²⁶ Apolos duo kitin zursuzu na Yahudawa, amini wa belin anite kikane kitene nimong ilena amena yinin .Dana Briskila nin Akila lanza udursuzu me,itinna iyiraghe udu gamine inan dursuzoghe kan kitenen Isa. ²⁷ Dana Apolos yinna ama ghiu udu kusarin Aciya, anan bi nanya Efisus woroghe uma chaunu asu nanin. Inanin wa nyerti udu kiti nanan bin Aciya inin woro seren Apolos ku nin kibinai kirum. Nin duru kikane, amini wa bun alenge na Kutellẹ wa lanza nkune-kune iyinin nin Yesu. ²⁸ Apolos wadi liru nin likara nan nadidya na Yahudawa vat nin nalena iwa din lanzughe. Nanyan bellu niyerte ilauwe, awa yinini udursu nani Yesure umasiye.