¹ E̱nyan, o̱ruain ukpe̱de̱ isi Ifetian li Jesu o̱za shian vbi e̱ke̱n ugbo̱ka rare, yo̱in bi Ivbiokho so̱i,liain o̱ za bo̱n o̱ka, le kha ragha vbi abo̱ ekpe̱ khue̱n ikpai ee. ² Ama, eso vbi ekhe̱n Ifarisi re̱ o̱i, "Emo̱ze̱i li vba re̱ uemi lo̱i de o̱vbo̱ lai u, vbi ukpe̱de̱ si ifetian?. ³ Jesu za anyi ain, o̱re̱ i ain, "Vbai ko̱ emi li Idefidi u e̱ghe̱ li ohanmi o̱re̱ gbo̱i, yo̱in bi imo̱he lo ri vbi iso̱i. ⁴ O̱ ovbi oa isi Oise̱le̱bua, o̱ nwin akaa isi o̱rivbaan, lo̱ za vbo̱, ori eso vbo̱ li imo̱he le ri vbe so̱i e, o̱re̱ u khi ekhe̱n ohie̱n uo̱kpa lo̱ evbo̱ lei o̱i" ⁵ O̱ke se̱, o̱re̱i ain, "Ovbi o̱ia li khi o̱lo̱mo̱e̱n si ukpe̱de̱ isi ifetin'an ⁶ O̱gbo o̱se̱ vbi ukpe̱di ifetin'an o̱vbe, lo̱ za o vbi e̱ke̱in Isinago̱gu, lo̱ za vie agbo̱n emi vbaan. O̱mo̱he o̱kpa ri vban li obo̱'dio̱n so̱i le̱ghe̱a. ⁷ Ekhe̱n ivbiebe bi Ifarisi ri vbaan, le de̱o kpoto̱ si ain lo̱ mio̱n kho̱ lo̱ nwun o̱ia egbe dan, vbi ukpede ifetin'an, li yain re̱ mo̱n emi le lo̱ kpe̱ ye̱n, re̱ soo̱i e̱zo̱n. ⁸ Ama, o̱ e̱n emi li ain o̱ oo, o̱ re̱ o̱li o̱mo̱he lo bo̱ so̱i laa a, "sho̱re u muzan vbi esese̱ isi eia ere̱me̱n". O̱lo̱ mohe za sho̱re, o̱ za muzan vbaan. ⁹ Jesu re̱o o̱i, "I mian e̱ gho̱, o̱ e o̱ vbo̱ lai uemi lo̱se̱n edi ifetin an da lai uo̱ lo̱be, laire̱ faan o̱ia da lai khue o̱i o?" ¹⁰ O̱za kae̱o gho yain ere̱me̱n logaa, o̱re̱ o̱lo̱he, "Nie̱n obo̱ se̱ aa." O̱ ui iyo̱, obo̱ so̱i ke za di eko̱. ¹¹ Ama, Ibiohan me̱n vo̱o̱n i ain e̱ke̱n, yan za ta li egbe siain ho̱n, emi li yain kha ri jesu u. ¹² O̱ za o̱ se̱ ukpe̱de o̱kpa lo̱ re̱ yi okhumo̱ko̱ lo̱ re̱ o̱ li ero̱mo̱n.O̱li ero̱mo̱n vba s̱on ain ere̱me̱n yi Oise̱le̱bua. ¹³ Ede̱ ke funan, o̱ echi ivbiokho so̱i, o̱ o̱zi etui igbeva vbi ain, lo̱ gbo echian ekhe̱n aposto. ¹⁴ Eni isi ekhen eli aposto li khi ena, Isamo̱ni (lo gbo echo̱i Ipita) yo̱in bi omio̱n li Anduru, ijamisi, ijo̱ni, Ibatolomiu, ¹⁵ Imatiu, Itomusi, Ijemisi lovbi Alfius, Isamo̱ni, la gbo echo̱i o̱li Iziilo̱ti. ¹⁶ Ijudas, ovbi Ijemisi bi Ijudas Iskario̱ti lo̱ chie̱n o̱lo̱guavbean, gue vbean. ¹⁷ O̱kese̱, Jesu bi ain za zavbi okhumoko di oto̱i lo̱ olo̱we̱ re, o̱ za muzan ba agbo̱n lebun le vbi ivbiokho so̱i bi agbo̱n lo̱ zukpe bun le za vbi Ijudia bi Ijerusalemu bi egbo lokun isi Itaia bi Isidoni vare. ¹⁸ Evare lei re̱ o̱ daa ieho̱n, bi lo̱ ire̱ nwin ain egbe dan vbi emiami siain. Elo̱ mo̱n okpokpo si etin lo̱i funan gbo mo̱n awun egbe daan. ¹⁹ O̱dode vbi usee isi eia ogboree le ri vbain o̱ gbayie̱n egbe le i ri obo̱ suo̱i, erimidi khi utotomi si awun egbe dan o̱za vbi egbe so̱i dianre, o̱ nwin yain ere̱me̱n egbe dan. ²⁰ O̱ke se̱ o̱za kae̱o gho ivbiokho so̱i, o̱re̱ o̱i "ihianba i khi isavba li eso̱n egbe, isa vba li khi e̱ghe̱ o̱ba isi Oise̱le̱bua ²¹ Ihianba i khi isavba li ohanmi o̱gbe e̱nyan, vba lo̱ jie̱. ²² Ihinba ikhi isavba si eig o̱kho̱ e̱ke̱in vba se zee vba yan gbo khue vba, ohio isi ovbi o̱ia. ²³ Vba ya gho̱ngho̱n, vbi o̱le̱de̱de̱, vba ya vbo̱ yi okhumi vbe̱ ke̱n egho̱ngho̱n. erimidi vba lo̱ mie̱n ee lo̱gbai vbi okhumeimi, iyo̱ li eriain wee yi ekhe̱n elo̱mie̱ o. ²⁴ Ikhueo o̱ re̱ yi elefei, vba mie̱n ofun vbe gbe vba lee. ²⁵ Ikhueo o̱ re̱ yi vba le kho̱o̱n, ohanmi lo̱gbe vba lo gbaigue, vba vie sao. Ikhueo o̱ re̱ yi vba lian je̱ enyan, vba lo̱ gbaigue, vba vie vbi isao. ²⁶ Ikhueo o̱ re̱ yi vba, si eia ere̱me̱n o̱ teta se̱e̱ lo̱se̱n, o̱hio̱ khi iyo̱ li erian wee yi ekhe̱n olo̱mien si e̱he̱n. ²⁷ Ama, itai yi vba vba lian dae ho̱n, vba hume̱ke̱n ikhian vba, vba ya ue mi lo̱se̱n yi elo̱ kho̱ eke̱in vba. ²⁸ Vba ri ihianba li elo̱ ko̱ vba e o, vba ya lie ro̱mo̱n yi elo̱ uvba kho̱o̱. ²⁹ O̱lo̱ sa vba avboha vbi ibaha, vba deli ibaha lo̱ zi eva nai, o̱ia kha nwun vba agbada e̱un ra'ale̱, nwue̱n un lua ku te̱n o̱i ye̱n baai na. ³⁰ Re̱ li o̱i kho̱o̱ia lo̱ vbie. O̱ia kha nwun emi se̱e̱, e chie vbi o̱i lo̱i chie nwo̱n i na. ³¹ Ebui hoo lai wee ye̱, gbo i yo̱ wee yi ain. ³² Ukha hume̱ke̱n eia le hume̱ke̱n uo̱kpa, iyi a en u vbi o̱ain re̱ ye̱. Ekhe̱n olo̱ kho̱o̱ ee se̱ lo̱ gba, vba gbo chie̱n ivbi O̱li o̱dale̱ o̱hio̱ khi yio̱in tobo̱i o̱mo̱n ufunmi yi elo̱ ya te̱ see bi eia lebe o̱gbo hume̱ke̱n elo̱ hume̱ke̱n i ain. ³³ Ukha uo̱ le̱se̱n ye̱ uo̱kpa, ike yi ee lu ke mie̱n vbo̱?. Ekhe̱n olo̱kho̱o̱ ogbo vbi yo̱. ³⁴ Ukha re̱ ni eli o̱lo̱ meti haosa mo̱mo̱n i ke yi ee si o̱ain re̱ ye̱? Ekhe̱n olo̱kho̱o̱ yan o̱ri egbo li eia mo̱mo̱n, bi khei gbo̱n mie̱n o̱do̱n i ba. ³⁵ Ama, vba hume̱ke̱n ighian vba, vba ui emilo̱se̱n yii ain. Vba re̱ ni elo hoo omo̱mo̱n vba e mo̱n idae ho̱n si emi lo̱lo̱ chie rena obo. ³⁶ Mo̱n itue̱nke̱n, ze̱n elabi Era main imo̱n itue̱nke̱n. ³⁷ Egha e̱zo̱n lo̱in, akha gba e̱zo̱n naa. Eta khi o̱ia zi ibohi, akha gbo o̱i khi uzi ibohi. Mo̱n are̱'hume̱n yi eia, alo̱i re̱ hun me̱e̱n. ³⁸ Re̱ ni o̱ia, a lo̱ gbo re̱ ni wewe̱. Ohan lo̱ gbai, ama ain yio̱to̱, a dele o̱i khugbe, o̱vo̱n kua o̱gbe kuo̱ we vbi egbe. Emi lu re̱ maa lo̱ia, la lo̱ re maan na" ³⁹ O̱za kpi evbee vbie̱ iain, "O̱rue̱n e̱ o" lo̱ meti ri o̱ruen e̱o vbie̱ ukpode̱? o̱kha ui yo̱, yain eveva lo̱ de ovbo o. e kha de ovboo?" ⁴⁰ O̱la vbie̱ o̱i emi, o̱i gba'le o̱lo̱ vbie̱ o̱i ama, o̱ikho̱ia la vbie̱ o̱i emi gha, o̱lo̱u bi o̱lo̱ vbie̱ o̱i emi. ⁴¹ Emi vba ke ka o gho uvbi ukuku keree lo̱ ri vbi e̱o si omio̱n lo̱mo̱he vba ni, bi khi vba i ri iee o̱vbi uko̱moran lo̱ ri vbi e̱o se̱e̱? ⁴² Ebi ulo̱ kei i omio̱n lo̱mo̱he, " Omo̱he̱ zi me̱n nwin ikuku sho̱ we̱ vbe̱ e̱o re" egbe li wowe̱ tobe̱ i re̱ za gho uko̱mo̱ra lo̱ ri vbi e̱o see? vba vba li ekhe̱n eia si eo se̱ kpa o nwin uko̱moran lo̱ ri we̱ vbi e̱o sho̱ vbo̱ re, lu kpe̱ muye gboo re̱ nwin ikuku lo̱ ri vbi e̱o si omio̱n sho̱ vbe̱o so̱i re̱ ⁴³ Aimi oran lo̱se̱n lo̱ mii ikperan lo̱ aa, iyo̱ iai gbo imii oran lo aa lo̱ lo̱ mii ikperan lo̱se̱n. ⁴⁴ ikperan li oran mo̱in la re̱ e̱n o̱loran. Eia ya za vbi oriigban fin ikpo̱khua, iyo̱ la gboi fin ugbofi vbi orin ue̱e̱n. ⁴⁵ O̱ia lo̱se̱n, re̱ za vbi emi lo̱se̱n lo̱ri o̱i vbi udu, li emi lo̱se̱n lo̱ za dianre, o̱ia lo̱be, emi lo̱be lo̱ vo̱n udu li emi lo̱be lo̱ za dianre. vbi eke̱n emi ogberee lo̱ri oi li unu so̱i o̱ za ta're. ⁴⁶ Emi vba eche me̱n. O̱lo̱mo̱e̱n, o̱lo̱mo̱e̱n ni, be̱e̱, vba i re̱ khan emi li ata? ⁴⁷ Eia ere̱me̱n li'an vare yi me̱n le hin eta me̱n lei ro̱i u, i lo̱ tali vba re̱ ho̱n, ebi o̱li oia i ri. ⁴⁸ O̱ubi o̱mo̱he lo̱ zoa, lo̱ tono'toi gbu u vbe̱ ken oto̱, o̱ za nwin igbiloto̱i so̱ li ao o̱ vi okhumiu do. Oogho vare, ikhuo isi ame̱n o̱o̱'si kuo̱ elo̱a vbe gbe, ama, o̱i meti regho̱i, erimidi era ze̱ o̱i lo̱se̱n. ⁴⁹ Ama, o̱lo̱ hin eta me̱n lo̱i riain u, o̱ u bi o̱mo̱he lo̱ zi oa o̱ vbi okhun'moto̱i lo̱i mo̱n igbinoto̱i. E̱ghe li ikhuo si ame̱n re̱ di o̱li oa egbe, o̱de kua agala, o̱li oa o̱i ri a a ko̱o re.