¹ Jesu ke ti eta ere̱me̱n lee, li re̱ ho̱n o̱ za ovbi Ikapanaum. ² O̱vie̱n si o̱kakuo lo̱ mo̱n epke̱n yi, ō kho̱me̱ o̱ke file u. ³ O̱li o̱kakuo ke ho̱n mo̱ni Jesu, o̱ za yi edio̱n si ekhe̱n Iju re̱ o̱i, lo̱i vare lo̱ nwin o̱gbo̱madia so̱i egbe daan. ⁴ Eke di ebi Jesu ri re̱, etotobo̱ miain gbo, e re̱ o̱i "o̱e o̱vbo ̱o̱lu lo̱ ui emi ni na ni" "O̱ia isi ekpe̱n o̱ lo̱ hoe lu ui o̱na nai" ⁵ Erimidi, o̱hume̱n'ke̱n uhumura main, yo̱in lo̱ zi Isinago̱gu mai. ⁶ Jesu bi yain o za gba shan. Ama, oke si ke oliwe re, oli okakuo za yi imoo lei re oi khi, "Olomoen, eke du mu ikpokpo egbe se, erimidi khi ieovbo olu lo o vbi iwe soi. ⁷ Ohio si ona, ioo egbe men ovbi olo lo buere. Ama, gbe teta okpa, ogbomadia se men lo daan. ⁸ Oia la kpa se oi vbi uhumi li u, lo mon ivbiokhoin vbi uokho men, ikhai okpa vbo "shan" oshan, ikha ovbe "vare" o vare, re yi ogbomadia men, woi vbi ina, olo uoi. ⁹ Jesu ke ho̱n na, o̱yan i unu an, o̱ fii egbe delegbe buu obotu lian re̱ khain, o̱re̱ o̱i, "I tai li vba re̱ho̱n ise̱ mii amieho̱n lina vbi usee si ekhe̱n Izreal" ¹⁰ Elo yiain uhumi ke di we, e gaze khi o̱li o̱gbo̱madia ke daan. ¹¹ O̱ke se̱ te̱e̱ gbe, Jesu lode̱ vbi e̱vbo lae cho̱i inaini, ivbiokho so̱i bi obotu si eia o̱re̱ khaan. ¹² O̱ke si ke̱a eba shan o vbi o̱li evbo, gbuu, ka ogboo̱mo̱he lo̱ uu, la nwun dianre, lo̱ vbi ukpo̱mo̱ o̱kpa li inyio̱in vbiai (lo̱ u khi o̱ro̱n o̱n) eia lebun vbi o̱le̱ vbo̱ ain do ga ai. ¹³ O̱lo̱mo̱e̱n ke mio̱in, o̱ ze mi mo̱n ituegbe yo̱i, o̱ re̱ o̱i, "eke vie̱" ¹⁴ O̱za shan buu iain, o̱ za ri obo̱ sui akpotoi si o̱loimi, ele hua i za damuzan. O̱re̱ o̱i "O̱vbe kho̱mo̱he, i tai lu sho̱re". ¹⁵ O̱lo̱ mo̱he lo̱ uu za sho̱re dia, o̱ be̱e̱ kho̱ teta, Jesu ke za nwuoin ni inyo̱in. ¹⁶ O̱fe̱n za uian ere̱me̱n udu, yan za ree Oiselebua. " A nwin o̱lo̱mie̱o lokhua za vbi usee mai dianre", "Oise̱le̱bua de e̱o kpotoi yi eia so̱i" ¹⁷ Okeke si e̱mo̱n i Jesu kimi Ijudia ere̱me̱n bi ilagaa si e̱vbo ie sike an. ¹⁸ Ivbiuokho si Ijo̱ni, o̱ te na ere̱me̱n oai ho̱n. ¹⁹ O̱kese̱, ijo̱ni za echi etu eva vbi iviuokho so̱i, o̱za yi ain re̱ i o̱lo̱mo̱e̱n, le re̱o̱i, "wowe̱ li kho̱ lo̱lo̱ vare, da mai la chie mo̱n idae̱o si o̱ o̱vee?. ²⁰ yan ke si ke̱ Jesi, eli mo̱he re̱ o̱i Ijo̱ni lo̱ ui baptizin, o̱ ye mai re̱e̱ si, "wowe̱ lu vade da mai ya da e̱o si o̱o̱vbee?" ²¹ Vbi o̱le̱ ghe̱ an, o̱ nwin eia lo̱bun egbe daan vbi emianmi bi eli emi nwuno̱i bi ele mo̱n etin lebe, elo̱ buin le run e̱o, o̱ tan i ain e̱o aa. ²² Jesu za anyin ain, o̱ rē i ain, "Vba kha ke di oa, vba gue li Ijo̱ni ho̱n emi li vba mie̱n bi o̱li vba ho̱in. Eia li erun e̱o yan mii uye, eia le di ekhin yan shian, ikho̱nmite̱n yan chie̱n elo̱funan, elo̱ yiehon yan eho̱n, elo̱ ulo, a sho̱iain re dagbo̱n re, eia li ain mo̱n e̱n, a wewi eta lo̱se̱n liain ho̱n. ²³ O̱ia lo̱ i mo̱n idobo̱ye̱n vbi amie me̱n ho̱n erimidi si obia me̱n, ihianba li khi so̱i" ²⁴ Eli Ijo̱ni yiain uhunmi ke ra le̱ le, li Jesu ke za be̱ kho̱, o̱gui ye̱n mi si Ijo̱ni li elo botu si eai ho̱n, o̱re̱ o̱i, "Emi vba o̱ hoo mie̱n vbi eke̱n o̱dagbe?" ukpo̱ha li efio o̱ kpeghe o̱?. ²⁵ Ama, ebi vba ye vbe vbo̱ li vba o̱ mie̱n? o̱mo̱he lo̱ wee e̱un li bulo̱o̱? vba kae̱oa elian we ikpun le gba e̱n bi elo̱ dia te̱n e̱fe ye̱n, eri vbi e̱guai si ekhe̱n o̱ba. ²⁶ Ama, emi vba dian re̱ o̱ mie̱n? O̱lo̱ mie̱o? iyo̱o̱, i taa i li vba ho̱n, o̱ le̱i o̱lo̱mie̱o, ²⁷ O̱na ikhi o̱la vin emi vbo̱ hio̱ so̱i, "Ghogho, i lo̱ yi uko̱ me̱n kpan yi vba, lo̱lo̱ e̱ hin ukpode̱ vba vbi irao vba. ²⁸ i taa li vba re̱ ho̱n, vbi usee si elikposo vbiai ai mi o̱lo̱ le̱ i i Ijo̱ni, be̱ o̱lo̱kere le̱ vbi e̱gbe o̱ba isi Oise̱le̱bua o̱le̱ e̱ o̱" ²⁹ Eia ere̱me̱n bi elo̱ mie̱n eghumi ke ho̱n o̱na, e za kuo̱igbe khi Oise̱le̱bua o̱ uata erimidi khi a ui ibatizin isi Ijo̱ni ni ain. ³⁰ Ama, ekhe̱n Ifarisi bi ele e̱n uhi isi ekhe̱n Ijui gie̱, ze gbian sho̱ vbi amama si Oise̱le̱bua re̱ yiain re, erimidi ei se̱ ui ibatizin isi Ijo̱ni. ³¹ "Emi ilo̱ ke ri eia si oreina oo? ebi yaini i iri? ³² Yain u bi ivbiekhan li yan sie vbi ughe ekin, li yain dia li echie gbe tali egbe ho̱n, "Maikhue ifee lavba, vbai gbe Mai sui oo si iviomi, vba i vie̱" ³³ Ijo̱ni li ibaptis, o̱ vare, o̱ii akaa, o̱i de̱ yo̱n, vba o̱i khi, "O̱mo̱ etin lo̱be", ³⁴ Ovbi o̱ia vare, o̱ e, o da, vba i kao hgoo̱ i, o̱ ema bi o̱deyo̱n lo̱ u, o̱mo̱o̱ elo̱ mie̱n egho si uhumi bi elouio̱kho̱o̱ lo̱ u. ³⁵ "Ama, ivbi ewain ri ase nai". ³⁶ O̱kpa vbi ekhe̱n Ifarisi zai Jesu lo̱i o̱ kpayi o̱in emae, jesu ke o vbi eke̱in iwe isi o̱li Ifarisi, o̱ za dia vbi ebo̱ lo̱ a emi. ³⁷ Ri ee o̱vbo̱, oso o̱kpa rivbe̱ ke̱n o̱lo̱ kpaivbo an, lo̱ vbi olo̱kho̱o̱. O̱ke o̱ e̱n khi Jesu rivbi elo̱ lo̱ za emae bi iwe si o̱li Ifarisi, o̱ nwin ukoki alabasta si tuai re. ³⁸ Ebo̱ kei muza sike̱ awe̱ so̱i vbi uokho, o̱za vie̱, o̱ri ami evie̱ so̱i ho̱n awe̱ so̱i, o̱ke ri eto si uhumi soi kalo̱i a, o̱za ri unu sui awe̱ so̱i, o̱kpe̱ kuo̱ li ituai o̱i vba we. ³⁹ Ifarisi lo̱ echi Jesu yi iwe so̱i ke mio̱n o̱na, o̱ za oo̱i vbi udu so̱i, o̱ re̱ o̱i "Akhai khi o̱lo̱mohe na omie̱o o̱, o̱lo̱ e̱n o̱lo̱ u bi o̱kposo elabo̱ u lo̱ ri obo̱ suo̱i, khi oli o̱kho̱ o̱" ⁴⁰ Jesu za anye̱n o̱n, o̱re̱ o̱i, "Isaimo̱ni, i mo̱n emi li lo̱ta li ho̱n," o̱re̱ o̱i "Tai, o̱lo̱'vbie̱". ⁴¹ Jesu za o̱i, "O̱lo̱ re gho la'gbo̱n mo̱mo̱n o̱kpa rivbo̱ li etu eva mo̱n in osai "o̱kpa mo̱n in osa si egbo̱iihie̱n vbo di ihie̱n se̱ gho, o̱lo̱ ze va mo̱n in egbo̱ eva i khigbe. ⁴² Ebi yain ke re̱ meti ha o̱i o̱li osa, o̱ re̱hu miain eveva,. Ebo̱ ke re̱ de ina, o̱ ke u vbi use siain lo̱lo̱ hume̱n ke̱n o̱n le̱?" ⁴³ Isamoni anyen on, lo re oi, "I oo khi olo re humen le o". Jesu re oi, "Utai losen". ⁴⁴ Jesu ke de li e̱o kpain o̱lo̱kposo, o̱re̱ i Isamo̱ni "Umui o̱lo̱kposo na? o vbi iwe se̱e̱, u sa me̱n ne̱ mo̱n re̱ kpi awe̱ a, ama, o̱ri amievie̱ so̱i ho̱ro̱ me̱n awe̱, o̱ri eto so̱i kali ain an. ⁴⁵ Ui unu so me̱n vbi unu, ama, li ghe re̱ kpao vare, o̱i di obo̱ ye̱n vbi ari unu so me̱n vboe. ⁴⁶ U kiu ovbi o̱ me̱n vbi uhumi, ama yo̱in kui ituia o̱ me̱n vbi awe̱. ⁴⁷ Ebo̱ ke re̱ de ina, i e̱ we̱e̱, o̱kho̱o̱ so̱i, lo̱ u khi o̱bun, a riain humo̱in, erimidi, o̱zemi ui ihume̱nke̱n, ama, ala ri o̱li vee hume̱n o̱ ui ihume̱nke̱n li kere". ⁴⁸ O̱za i, "ari o̱kho̱o̱ se̱ hume̱ke̱n". ⁴⁹ Eli yan re̱ gba emae vbaan o̱ re̱ e gbi in "O̱i khi o̱na lo̱ ri o̱kho̱o̱ humo̱n o̱ia". ⁵⁰ Jesu ke za o̱ li o̱kposo, "Amieho̱n se̱e̱ lo̱ faan e̱n. ya shan vbi o̱fure".