¹ O̱ o̱ruan, ebi eia lebun isoga i Jesu liain o̱re̱ daeẖon si eta si Oise̱le̱bua, vbi elo̱ muzain vbi egbi e̱rai si Iginisare̱ti. ² O̱mi oko eia la si diagbin ike isi o̱li e̱raire. E̱lo gbi ehe̱n le zavbi eke̱n o̱n dianre, yain kpi ihan siain an. ³ Jesu za o vbi o̱kpa vbi eloko̱, lo̱ vbi isi Isaimo̱ni, o̱re̱ o̱i lo̱ iche si shio̱ vbi egbi ki o vbi eke̱n ame̱n keree. O̱dia, o̱za za vbi eke̱n oko̱ vbie̱ elein emi. ⁴ O̱ke teta lee, o̱re̱ Isamo̱ni "tuo̱ li oko̱ di ebi o̱dimin, lu fii ighan se̱ lu re̱ hua ehe̱n" ⁵ Isamo̱ni re̱ o, " O̱lo̱ vbie̱, mai bia i e̱laso̱n ere̱me̱n, mai nwun emi o̱so̱, ama ebu kei ta ina, i lo̱ dee eli ighan re̱" ⁶ Eke ui yo̱ lee, e hua e hen lo̱ zukpe bun se vbo̱ ighansiain o̱ke fan no̱ an. ⁷ Eza ri obo̱ echie eli siain le ri vbi oko̱ no̱i, liain o̱ kpa i ain obo̱, Eza vare, eo̱ vo̱o̱n oko̱ eveva se̱ vbo̱ khi oko̱ o̱yi oto̱o̱ eda. ⁸ Isamo̱ni Ipita ke mi o̱in, o̱ za de re di igua vbi igue̱n awe isi keu, o̱ re̱ o̱i "sho̱ vbi ebi ri re, o̱lo̱kho̱o̱ li u, o̱lo̱mo̱e̱n". ⁹ O̱ yan i unu an, bi eli yain re̱ gba rivbaan, vbi ehen lian huaa ¹⁰ Ijemisi bi Ijo̱ni, ivbi Izebedi, eri vbi usee vbaan, li ain bi Isaimo̱ni o̱gba bia. Li Jesu zai Isaimo̱ni, "eke lo fe̱n, erimidi khi re̱ za vbi ena raale̱ eia ula ke uwun no̱" ¹¹ Eke tuo ko siain di oli vbi, ezi emi ere̱me̱n obo̱ ya re̱ khain uokho. ¹² O̱ o̱se̱ kho̱ mo̱n e̱gbe̱ lo̱ re̱ o vbi o̱kpa vbi eli o̱kpe̱vboo, ebi o̱mo̱he lo̱ kho̱n mite̱n ri. O̱ke mii Jesu, o̱ de se̱ o run vboto̱i, o̱ doabo̱ nain o̱ re̱ o̱i, o̱lo̱mo̱e̱n, ukha hoo, ulo̱ meti nwunme̱n fan an ¹³ Jesu za niobo̱ so̱i a, o̱ za ro̱i suo̱i, o̱ re̱ o̱i :i hoo, ulo̱ funani" Agala o̱li ite̱n za sho̱i vbi egbe re̱. ¹⁴ O̱za tanian ho̱n lo̱ e ta ni o̱so ho̱n, ama o̱re̱ o̱i "Ya shin ise̱, u o̱ ri egbe vbie̱, Ohie̱n u o̱ ui iuabo isi ufun an mi ebi Imosisi o̱i laya u, lo̱i chie̱ o̱se̱e̱ li ain". ¹⁵ O̱keke so̱i totobo̱ di aikhan, agbo̱n le bun o̱ vare sikoko le ya re̱ ho̱n ebo̱i vbie̱ emi, bi lai gbo nwin ain egbe dan, vbi emi anmi siain. ¹⁶ Sokpe̱n, o̱ mo̱n e̱ghe̱ lo̱ re̱ shiain vbi usee re lode̱ vbi ebo fu egbeda, lo̱ ire̱ o̱ lie̱ro̱mo̱n. ¹⁷ Ukpe̱de̱ o̱kpa ke se̱ kho̱ vbi e̱ emi, bi ekhe̱n Ifarisi, bi elo̱ vbie̱ uhi za ri vbi udia, le za vbi igue ededan vbi ilagaa si Igalili bi Ijudea, bi elo̱ za vbi Ijerusalmu vare, Utotomi isi O̱lo̱mo̱e̱n ri vbo̱ yo̱i lo̱lo̱ re̱ nwin ain egbe daan. ¹⁸ Imo̱he eso o̱ vare, le ri ewua nwin o̱mo̱he lo̱ kuo̱gbo̱a, yan hoo ukpode̱ le lo̱ za uwuio̱in o̱ vbi ekein o̱n lei re̱ nwo̱in o̱nvbi isao o si Jesu. ¹⁹ Ei mi ukpode̱ le shan nwo̱in o vbo̱, erimidi si agbo̱n lebun, eke za he̱n okhumoa, ebe nuin o̱lo̱mo̱he bi ewua lare nuwo̱in shan vbi aruru legboa di oto̱i re vbi ese se̱ si agbo̱n dui, vbi isao si Jesu. ²⁰ O̱ke mii odudu an siain, Jesu re̱ o̱i, "O̱mo̱he ari o̱kho̱o̱ se̱ hu me̱e̱n". ²¹ Ekhe̱n ivinebe bi Ifarisi za be̱e̱ khi yan mian ela vbo̱, ere̱o̱ i, o̱i khi o̱na lo̱ li iblasfe̱mi" o̱lo̱ ri o̱kho̱o̱ humo̱ia lo̱i vbi Oise̱le̱bua uo̱kpa?" ²² Ama, Jesu ke za o̱hoo imi yan oo, o̱ anyiain o̱ re̱ i ain, "Emi vba ke mian o̱na vbi udu va ni?" ²³ Iyo̱ lo̱ okhia le̱ la lo̱ la, "Ari o̱kho̱o̱ se̱e̱ hume̱n da lai ta sho̱re u ya shan? ²⁴ Ama li vba re̱ e̱n khi ovbio o̱ia mo̱n ase̱ vbo̱ li uhumoto̱ima lo̱ lo̱ re̱ ri o̱kho̱o̱ humo̱n o̱ia. I taa i yie̱, "sho̱re u nwin ewua se̱, u ya shan vbi iwe se̱i". ²⁵ Igala o̱za sho̱re vbi irao siain o̱za nwuin o̱li ewua lo̱ re̱ me̱he̱n sho̱ vbi oto̱i re̱ o̱ree Oise̱le̱bua. ²⁶ Eia ere̱me̱n yin unu an, yain o̱za re̱ Oise̱le̱bua. Ofe̱n oi ain vbi udu, ya za ta khi, "main mii aimieghe ena". ²⁷ Ena ere̱me̱n ke o̱ ra re̱, Jesu za vbiain shan dianre, o̱za mii o̱lo̱ mie̱n egho isi uhumi lae cho̱i Ile̱vi kho̱ dia vbi e̱ke̱n ase̱ li elo mie̱n egho isi uhumi o̱dia. O̱re̱ o̱i, " Yare̱ khan me̱". ²⁸ O̱li Ile̱vi za sho̱ vbi oto̱i re̱, o̱re̱ zi emi ere̱me̱n obo̱ vbi uokho, o̱ za khan ain. ²⁹ O̱kese̱, Ile̱vi yan ake lo̱ khua kue̱ i Jesu vbi oa so̱i. Elo̱ mie̱n egho si uhumi bun leri vbaan bi eia evbe, le̱ re̱ gba ya emae vbi itebu. ³⁰ Ama, ekhe̱n Ifarisi bi ekhe̱in Ivbiebe siain, o zi uyo̱n vbie̱ Ivbiokho so̱i, yan re̱ o̱i, "Emo̱ze̱ lua re̱ kpa yi ekhe̱n elo̱ mie̱n egho isi uhumi, bi eia evbee li ain o̱ vbi o̱kho̱o̱ emae?" ³¹ Jesu za anyian, khi "Eia li ei kho̱n me̱n, mo̱n emi li elo̱ ri o̱bo u, elo̱ lo̱ uo̱kpai ³² Ivare li re̱ echi elo̱ ulo̱se̱n re mo̱n ioe̱ke̱n deli ue̱e̱n, ama li re echio ele mo̱n o̱kho̱ lei re̱ oo e̱khe̱n di li ue̱n". ³³ Ere̱ o̱i, Ivbiuokho isi Ijo̱ni, ya a gbi eke̱n o̱hanmi ba ero̱mo̱n uliemi, bi ekhe̱n ivbiokho isi ekhe̱n Ifarisi, o gbo vbi yo̱. Ama, Ivbiokho se̱e yan o̱ emae yan gbo daa". ³⁴ Jesu re̱i ain, "A lo̱ meti zi ela yian uhumi vbe̱ ghe̱ si o̱kposo ukoomi le vbi eboo o̱do̱n kposo lei gbe̱ ke̱n ohanmi ebi o̱do̱n o̱kposo se̱i ri ain vbuu see?. ³⁵ E̱ghe̱ vade la lo̱ re̱ nwin o̱din'eghayo sho̱ vbi ebiain ri re, o̱ khase̱ vbi o̱le'ghe̱ ain, elo̱ regbe̱ke̱in ohanmi" ³⁶ O̱kese̱, Jesu za ri evbee ti eta yi ain, khi "O̱ia i evbo lo̱ lo̱ so̱o̱ esimi ukpu ese̱mi ukpun lo̱i tuiba vbi ebi ukpun lo̱ gbute̱ za so̱o̱ a. Ōkha ui iyo̱, o̱lo̱ so̱o̱ e̱uun so̱i lo̱gbo̱n an, e semi ukpun la so̱o̱ vbi e̱uun lo̱gbo̱n re̱, o̱kha miin ukpun si o̱li euun lo̱ ke gbute̱. ³⁷ O̱ia ya kue̱ yo̱n lo̱gbo̱n o̱ vbi ohie̱n e̱nyo̱n lute̱, o̱kha ui iyo̱, o̱li e̱nyo̱n lo̱ gbo̱n lo̱ gbo̱ li ohian an, lo li enyo̱n re̱ gbe kua, bi eli ehie̱n e̱nyo̱n e ria a. ³⁸ Ama, e̱nyo̱n lo̱gbo̱n, ehian e̱nyo̱n lo̱gbo̱n lo̱ e o̱vbo̱ lai kuo̱ io̱. ³⁹ O̱ia i evbo lo̱ di e̱nyo̱n lute̱ lee, lo̱i ya hoo o̱lo̱gbo̱n, o̱lo̱ o̱i "o̱lo̱ di ute̱ lo̱ hume̱n le̱".