¹ ebi Jesu kei vo̱n yi etin Lofunan, o̱za vi e̱da si Ijo̱rdan vare, etin za ro̱i yi e̱dagbe. ² ebi esun za damaigho vbe̱ kei ikpe̱de̱ egbe̱ eva. o̱i e emae vbi eti ikpe̱de̱ an, ikpuokho isi o̱le̱ghe̱ an, o̱hanmi o̱ke za gbo̱i. ³ Esun roi "ukha vbi ovbi Oise̱le̱bua, wo̱ elido na chie̱n akka". ⁴ Jesu anyie̱n o̱n khi "Avio̱n o̱ia kha e vbi agbo̱n o̱hio̱ si o̱kaa uo̱kpa". ⁵ Oli esun za ri Jesu lode vbi ebo̱ dai, o̱ za ro̱i vbie̱ e̱vbo isi ekhe̱n o̱ba ere̱me̱n vbi igbe̱o o̱kpa, ⁶ Esun re̱o̱i, "I lo̱ ri ase̱ ere̱me̱n na, bi o̱wun vbe̱o siain, erimidi me̱nme̱n a re̱ o̱ ni, i lo̱ ro̱i ni o̱lo̱kho̱n me̱n. ⁷ Ebo̱re̱ ri iyo̱, ukha de uhumi re re̱ ga me̱n, e chie̱n ise̱". ⁸ Ama, Jesu anyie̱n o̱n, o̱re̱ o̱i, "A vio̱n, O̱lo̱mo̱e̱n li Oise̱le̱bua li ulo̱ de uhumi ni, yo̱in upo̱kpa li ulo̱ ga". ⁹ Esun za ri Jesu lode̱ vbi Ijerusalemu ebo̱za uwun o̱n o̱vbi ukhumi ebo̱ dale̱ vi oa isi itempo o̱re̱ o̱i, " Akha i khi ovbi Oise̱le̱bua lu u, za vbi evbo̱ vbo̱ do to̱i re. ¹⁰ O̱hio̱ kha vio̱n, " o̱lo̱ i ekhe̱n angeli so̱i, vbo̱hio̱ se̱, lei ya khe̱e̱", ¹¹ Bi, elo̱ ri abo̱ siain khuea yi okhumi, lu e o̱ uwun ae̱ se̱ gbe vbi udo". ¹² O̱ke ri eanye̱n ovbo̱, Jesu re̱ o̱i, "A tai, lu e o̱ dan mi o̱lo̱mo̱e̱n li Oise̱le̱bua se̱ gho". ¹³ Esun ke danmi Jesu gho le, o̱ran le̱, o̱ zo̱i obo̱ khe̱ e̱ghe̱ o̱vbe e. ¹⁴ Jesu za chie yi Igalili vbi ekein utotomi isi etin, okeke soi shan vba i khan vbi ilagaa si eain ere̱me̱n. ¹⁵ O̱za be̱ kho̱ vbie̱ emi vbi Isinagogu siain, yain ere̱me̱n o̱reo̱i. ¹⁶ O̱ di e̱ke̱in Inaze̱reti, eba za kue̱ o̱. Ebo̱i ri emi shan, o vbi e̱ke̱in Isinagogu vbi ukpe̱di Isreali o̱ za muzan lo̱i re̱ ko̱ emi dianre. ¹⁷ Aza nwin ebe isi Aizaia lo̱ mie̱o o̱i vbi obo, o̱ke tann o̱li ebe a, o̱za mii eba za vio̱n, khi. ¹⁸ Etin isi o̱lo̱mo̱e̱n ri me̱n vi egbe, erimidi kho̱ o̱ze̱ me̱n li re̱ wewe eta lo̱se̱n yi elo̱ mieso̱n, O̱ ye me̱n li re̱ wewi uanegbe yi ela nwuniain oghumi, li eli run e̱o ya chie mi uye, li eli are̱ o gberun mo̱n anifan. ¹⁹ Li wewi ukpe si e̱seo̱he̱n isi o̱lo̱mo̱e̱n". ²⁰ O̱ za shie o̱lebe, o̱ nwuo̱n ni ayio̱ uhunmi vbaiain, o̱ dia. E̱o si agbo̱n ere̱me̱n le ri vbi Isingogu rio̱ ive egbe. ²¹ O̱be̱e kho̱ ti eta ni ain ho̱n, o̱re̱ o̱i "E̱na o̱li ebe Lofun an a nwuo̱i se̱e̱ li vba re̱ ho̱n". ²² O̱i khi o̱ia vbaan ti eta so̱i lo̱se̱n eta si e̱seo̱ho̱n lo̱ ta za vbi unu so̱i diainre, yin yain ere̱me̱n unu an. yan ke mian sii "O̱na ivbi ovbi ijose̱fu?" ²³ O̱re̱ ti o̱na li yain ho̱n, "Vba ta, vba lo̱ kpo̱ li evbe na yi me̱n, o̱lo̱ghoemianmi, gho egbe se̱, Emi lu meti u vbi ikapanio̱mu ue li yo̱ vbi e̱vbo se̱". ²⁴ Ama o̱ tai, "vba ta itai yi vba, ai mii o̱mie̱o la ga obo̱ mie̱n vbi e̱vbo so̱i. ²⁵ Vbi e̱ke̱n ata i ta khi o̱ro̱n bun vbi Isreali vbi e̱ghe̱ si Elija, la za khuhi o̱khumi vbi eke̱n ikpea bi ukin e chan, li o̱hanmi lo̱ gbai za vare vbi uhumoto̱ ere̱me̱n. ²⁶ Ama, ai yi Elijah yi ain o̱so o̱so, lo̱i vbi Izarefati uo̱kpa vbi isido̱n, yi o̱ro̱n lo̱ dia vbaan. ²⁷ Ikho̱nmite̱n le bun le ri vbi Isreali eghe si Elisha lo mie̱o, ai uwin ain o̱so egbe dan soo kpi Inaamani lai Isiria. ²⁸ Eia ere̱me̱n le ri vbi e̱ke̱in Isinagogu o̱ bio han go̱o̱n ebi yain o̱re̱ hin elemi na. ²⁹ E sho̱re̱, eri utotomi khuo̱ sho vbi oee re di agbin o̱ko̱ li evboi siain ri li ain za vbe vbo̱ kpabo̱ ye̱ yo̱in fia. ³⁰ Ama, o̱shin ain vbi ese se̱ rare lode̱ vbi ayo̱ vbee. ³¹ Oza lode̱ vbi Ikapanumu, okpe̱ vbo vbi Igalili o̱ zabe̱e̱ kho̱ vbiēi i ain emi edi Isabati. ³² Emi lo̱vbie̱ yin ain unu an, erimidi, ase̱ lo̱re̱ teta.. ³³ O̱mo̱he o̱kpa lo̱ mo̱n etin isi esun lo̱ifun an ri vbi e̱ke̱in Isinago̱gu, o̱ khue urun diare, ³⁴ o̱re̱ o̱i "i yo̱ lo̱ yie̱n main yie̱e̱n, Jesu lai Inazareti u vare lu re̱ khue main o? i e̱n o̱lu u, o̱lo̱ fun ain isi Oise̱le̱bua". ³⁵ Jesu za khue o̱li etin isi esun, o̱re̱ o̱i, "vo u nu, uza vbi e̱ke̱in o̱in dianre" o̱li etin si esun ke fio̱i vboto̱, vbi esese̱ siain, o̱za za vbi e̱ke̱oin dianre, o̱i ma ri a egbea vba yio̱ so. ³⁶ Eli eia ere̱me̱n zukpe yin unu an yan o̱ za gue li iye̱mo̱in li gbi ain ho̱n. Ere̱ o̱ o̱i "Eta emi khena? O̱ri ase bi utotomi teta ni etin lo̱i fun an ho̱n, e dianre" ³⁷ Okeke so̱i ghe kini aikhan vbi ilagaa vbi o̱loto i ain. ³⁸ Jesu za shio̱ vbi Isinagogu re lode̱ vbi iwe isi Isaimo̱ni. O̱gbo̱gbo̱ nwin oruan i Isaimo̱ni ezo do abo̱ nai vbo̱ hio̱ so̱i. ³⁹ O̱ o̱ muzan de ere o̱i vbi egbe, o̱za khue o̱li o̱gbo̱gbo̱, lo̱i re̱, zo̱i obo̱ vbe gbe. Agalagala o̱ sho̱re, o̱li uhumi li ain ye o̱. ⁴⁰ Oro̱n o̱ ke de o, eia o̱za hua eli emiami ededan o̱to bu Jesu re, o uwun obo̱ yain o̱do̱de vbi egbe, o̱ za nwin ain egbe daan. ⁴¹ Etin isi esun sho̱ vbi e̱ke̱in egbe isi elo̱bun dianre lian khue dainre, yan o̱i, "ovbi Oisle̱le̱bua lu u" Jesu o̱za khue eli etin isi esun, oi̱ke ziain teta, erimidi khi e e̱n khi yio̱i khi Kristi. ⁴² E̱de̱ ke fun an, o̱ za shian dianre lode̱ vbi ebo̱ fi egbe a. obotu si eia o̱hoo o̱, se̱ vbo̱ khi edi ebo̱ri re. E o̱ dai ye̱n lo̱ eke sho̱ vbi esi ain re. ⁴³ O̱ zai ain, " I lo̱ gbo wewi eta lo̱se̱n isi e̱ghe̱ o̱ba isi Oise̱le̱bua yi okpe̱ vbo lebun evbee, erimidi, o̱na ozei i lare̱ ye me̱n re̱. ⁴⁴ O̱za ghe wewe vbi e̱ke̱in Isinago̱gu vbai khan vbi Ijudea.