¹ E̱nyan o̱li uppe si Akaa lo̱ yahumane o̱ke sii re, lae cho̱i Ashan rare. ² Eli ekhe̱n ljeohe̱in bi ekhe̱n ivgiebe gue o̱i ebi yain o̱l gbii Ijesu uu, o̱hio̱ khi yan lo̱fe̱n si eli eia. ³ O̱le̱ghe̱ Isatani o̱ vbi ekein Ijudas Iskario̱ti lo̱ vbi o̱kpa vbi eli etui igbeva. ⁴ Ijudas lo de vbi isi ije ohe̱in bi ekhe̱n o̱kakuo, o̱kpai ain guo̱i ebi yo̱in lo̱i ri Ijesu vbie̱ i ain. ⁵ O̱nwun iain egbe, e an mai khi elo̱ rii egho nai. ⁶ O̱ri obo̱ o̱vbo, o̱ho̱ e̱ghe̱ lo̱lo̱ re̱ deo̱i vbo̱ lo̱i re̱ nuwo̱in li ain vbi eke̱n sue si obotu. ⁷ Ukpe̱de̱ si akaa lo̱ ya humere o̱ o̱ se̱, li a lo̱ ri ovbioghoogho si Ashan rare ui uiabo. ⁸ Ijesu yi Ipeter bi Ijo̱ni, o̱re̱ i ain, "Vbu ya shan o̱ ehin emae si Ashan rare khe̱e̱ mai li mai re̱ o̱i." ⁹ Eza maian i, "Ebi mai lo̱ za ehegbe o̱vboto̱i? " ¹⁰ O̱re̱ an yi ain , o̱i ain, "Daeho̱n, vba kha o vbi o̱li okpe̱vbo, o̱mo̱he lo̱ nwin ue̱n han me̱n mo̱e̱n lo̱ ga vba ze. Vba re̱ khan o vbi iwe li o̱lo̱ o. ¹¹ E̱ghe̱n ain vba i o̱lo̱ mo̱n oa, o̱lo̱vbie̱ o̱ we̱, Ebi e̱ko̱a si ire ri, ebi mai bi ivbwokho me̱n lo̱ za emae si Ashan rare?" ¹² O̱lo̱ ri e̱ko̱a lo̱ kpokhumi la kha emi o̱n vbie̱ vba. Vba ehin ehee o̱ vbaan." ¹³ Yan za shan, e za gi emi ere̱me̱ ze ebi o̱i tai ni ain ho̱n. O̱kese̱ eza o̱ ehin oli emae si Ashan rare. ¹⁴ E̱ghe̱ ke se̱, o̱ dia kpe̱n eli ekhe̱n apo̱sto. ¹⁵ O̱kese̱, o̱re̱ i ain, "I ghe zukpo hoo li re̱ de ba vba o̱li emae si Ashan rare na, o̱kpese̱ khi i lo̱ oya. ¹⁶ Itai yi vba, "I kha chie o̱i so̱i si vbi e̱ghe̱ si anwue̱e si e̱ghe̱ oba si O̱ ̱le̱bua." ¹⁷ Ijesu kez nwun uko, o̱ ke khue̱me̱n lee, o̱re̱ o̱i, 'Vba mii o̱na, vba ko̱in egbe vbi obo̱. ¹⁸ Ohio khi tai yi vba, khi ikha chie o̱o̱n vbi o̱li ikperan si ivaini, so̱i se̱ vbi e̱ghe̱ oba si O̱ise̱le̱bua vare." ¹⁹ O̱kese̱, o̱ nwin akaa, o̱ ke ui ekhue̱mi lee o̱ guegheo̱ nwun ni ain, o̱ re̱ o̱i, 'Egbe me̱ likho̱na la nwun la vba. Vba uo̱na vbi aere isi e̱me̱." ²⁰ O̱ gbo̱ iyo̱ nwin o̱li uko, ebi ekere̱ i emaev lee̱. O̱re̱ o̱i, Oli uko na i khi atamasin lo̱go̱n vbi e̱re me̱, la po̱n din an re yi vba." ²¹ Aman, vba ri e o̱ vbo̱, O̱lo̱ lo̱ re̱ me̱ vbie̱ o̱ de ba me̱ vbi o̱litebu na. ²² O̱hio̱ khi o̱li oubioia o̱lo̱ shain ebai mamai. Aman, i riae̱ ke̱n i khi si o̱lo̱ ia lo̱ re̱o̱i vbie." ²³ Yan za guo̱i vbi usee si ain vbi e̱mon o̱la o̱i kho̱ gbale̱ vbi usee si ain. ²⁴ Uroo za gbea vbi usee si ain vbi e̱mo̱n o̱l a o̱i kho̱ gbale̱ vbi usee si ain. ²⁵ O̱tani ain ho̱n khi, 'Ije si eloimieho̱n o̱ga yan chian vbi uhumi si eia, elo̱ mo̱n ase̱ vbi uhumi si ain a oo i ain vbi elo̱ ui emi lo̱se̱n li eiu. ²⁶ Aman o̱ kha gbudu vbi ina vbi i savba vbi ehee si eliyo̱, vba zi o̱lo̱ gbale̱ vbi usee vba chie̱n o̱lo̱ ubi o̱vbe khan lo̱ kpoto̱i, vba zi o̱lo̱ chie̱n ukutu be̱ lo̱i be o̱lo̱ bia. ²⁷ O̱gbale̱ o̱lo̱ dia vbi itabu? O̱re̱ rii yo̱ i rii vbi usee vba bi o̱lo̱ ba. ²⁸ Aman vba vba i khi elo̱ muzan kpe̱n me̱ vbi e̱ghe̱ si idamagho me̱. ²⁹ I nwin e̱vbo̱ oje la vba, ebi Era me̱ i i nwin e̱ vbo oje ne̱ me̱. ³⁰ Li vba mie̱n ee vba mie̱n daa vbi itebuu ise̱ me̱, vba lo̱ dia vbi ikpete o̱ba, vba ui ighae̱zo̱n si uan igbeva si israeli. ³¹ Isimo̱ni, Isimo̱ni, ri iee o̱ vbi egbe, Isatani o̱vbio̱i khi yo̱in lo̱ mo̱e̱n, khi yo̱in lo̱ mo̱e̱n, khi yo̱in lo̱ khae̱ ebai khaa i iwheat. ³² Aman, I li ero̱mo̱n na, li diudu an se̱ eo̱de. Ukha ke chie re, sui imio̱n udu." ³³ Ipita ta nai ho̱n, 'O̱Lo̱moen, i nuwun eugbe li lo̱ re̱ re̱ khan e̱n o vbi ighan bi euu." ³⁴ Ijesu ri e an ye̱n nai, ' I ta na ho̱n, Ipita, o̱kpa kpe khue e̱na, u lo̱ sin isi ea khi u e̱n me̱n." ³⁵ Ijesu re tali ain ho̱n, o̱ re̱ o̱i, "E̱ghe̱ li re̱ ye vba din an re li vbae i re̱ nwin i po̱si, e̱kpai si emi la wee da ibata, vba mi emi li vbai mo̱e̱n?" E anyie̱n o̱n, "Aimie̱n." ³⁶ O̱kese̱ o̱ re̱ i ain, "Aman, enyan, o̱li oto̱kpa lo̱ mo̱n ipo̱si, o̱i nwuo̱in, bi e̱kpai si emi lawee. O̱lo̱i mo̱n agada, o̱i shin agbada e̱un so̱i lo̱i re̱ di o̱kpa. ³⁷ O̱hio̱ khi tai yi vba khi, "Emilavin vbo̱ hio̱ me̱, alo̱ nwoin se̱e̱, 'A o o̱i ba eli an gbi uhi a. O̱hio̱ khi emilata oto̱i vbi o̱hio̱ me̱ o̱ se̱e̱." ³⁸ Eke re̱ o̱i, 'O̱lo̱mo̱e̱n, ghogho! Agada eva rii vbaan." O̱re̱ i ain, khi "o̱se̱i". ³⁹ Emae ewuan ke ra re, Ijesu lode̱, ebio̱i uo̱i, vbi o̱ko̱ si O̱livi, ivbiuokho so̱i re khaan i. ⁴⁰ Eke di evbo̱, o̱ re̱ i ain, "Vba lie ero̱mo̱n li vba e o̱ o̱vbi adamagho." ⁴¹ O̱ shio̱ vbi ebi ain ri re lode̱ ebi udo la fi lo̱ meti se̱, o̱ za di igua lo̱ re̱ lie̱ ro̱mo̱n. ⁴² O̱re̱ o̱i, 'Era, ukha anman, nwuo̱n o̱li uko na vbi obo̱ me̱. O̱re̱ de i yo̱, ebi i hoo o̱i ko̱ aman, ise̱ la lo̱ re̱ u." ⁴³ Ange̱li lo̱ za vbi okhumi eimi vare, za ri egbe vbio̱i, lo̱o̱ zeze o̱i udu. ⁴⁴ Ebo̱kei ri vbi o̱tome̱ o̱khe̱n khegbe. O̱ to to bo̱ li e ero̱mo̱n, o̱ o̱ fo̱ lo̱ la din an re o̱ delo̱ kuo̱ vbi oto̱i bi iko̱mere. ⁴⁵ O̱ke sho̱ vbi ero̱mo̱n uli emi lee, o̱ za di ivbiuokho egbe, o̱ gaze khi ain me̱he̱in erimidi si iriae̱ke̱n ia khegbe si ain. ⁴⁶ O̱re̱ mian iain, "Emi vba ke me̱he̱n ni? Vba sho̱re li ero̱mo̱n, li vba e o̱ o̱ vbi adamagho." ⁴⁷ Ebo̱ se̱ ghei teta,obotu si eia ri egbe vbie̱, bi Ijudas, o̱kpa vbi eli etui igbeva o̱kpao li ain. O̱ shan si kei Ijesu lo̱i ri unu so̱i, ⁴⁸ Aman, Ijesu re̱ o̱i, 'Ijudas, wa ri anwunu so ri o̱vbi o̱ia vbie̱?" ⁴⁹ E̱ghe̱ li elo̱ muzan lagaa Ijesu ke re̱ mii emi lo̱ nian, ere̱ o̱i, 'Olo̱mo̱e̱n, mai ri eli agada na hiain?" ⁵⁰ O̱kese̱, o̱kpa vbi ain za hian o̱li o̱gbo̱madia si o̱he̱in lo̱lei kpokhumi, eho̱n si obodio̱n so̱i fia. ⁵¹ Ijesu re̱ o̱i, "O̱ain se̱i." O̱ri obo̱ soo̱i vbi eho̱n, o̱ nwuo̱n i egbe daan. ⁵² Ijesu za i, oje ohein, ekhe̱n Ekahuo si ite̱mpo bi edio̱n le hoo o̱i lei gbo̱i, "Ooi arakhua vba vare yi bii agada bi uluke. ⁵³ E̱ghe̱ li ya re̱ de ba vba vbi e̱ke̱n itempo e̱de̱de̱, vbai nwun me̱, Aman e̱ghe̱ vbai li kho̱na bi ase̱ si aso̱n." ⁵⁴ Eke de khuo̱n, e nwuo̱in re le̱ lode̱ vb i iwe si Ohein Lo̱lei. Aman, Ipita o̱re̱ khain vbo do̱ rere. ⁵⁵ Eke kue erain vbi esese̱ si oto̱afe̱n e za si koko dia, Ipita ri vbi usea si ain. ⁵⁶ O̱gbo̱madia lo̱ kposo o̱so a zagbo o̱i ebo̱i dia vbi ebi uvbae mi si erain o̱i nwuo̱n, o̱ kae̱o ghoi rii, o̱ re̱ o̱i, "O̱li o̱mo̱he na ri vbo̱ de bai." ⁵⁷ Aman, Ipita sin o̱n, o̱ re̱ ta, "O̱kposo I e̱n o̱in." ⁵⁸ O̱ke te̱ keree, o̱ia ovbe o̱ mio̱in o̱re̱ o̱i, "O̱kpa vbi use siain lu u." Aman, Ipita re̱ o̱i, "O̱mo̱he, me̱me̱n ko̱." ⁵⁹ Iwakati o̱kpa ke o̱ra re, o̱m̈ö̱he he o̱vbe fuunu nwo̱in khi, "Vbata o̱li o̱mo̱he lai Igalili o̱." ⁶⁰ Aman, Ipita re̱ o̱i, "O̱mo̱he, i e̱n emi lu a ta." Agala ebo̱ teta, o̱kpa khueei. ⁶¹ O̱lo̱mo̱en za fi egbe de li egbe kae̱o ghoo Ipita, li Ipita ke re̱ e e re eta li O̱lo̱mo̱e̱n tai, e̱ghe̱ lo̱ re̱ o̱i, "O̱kpese̱ khi yo̱kpa khuee e̱̱ina, ubo sin me̱ isi ea." ⁶² Ipita za di o e e, o̱vi evie̱ o̱khenkhegbe. ⁶³ O̱kese̱, eli imo̱he li an khe̱ Ijesu o̱ ye̱ yo̱i ebi ain gboi gbo̱i. ⁶⁴ Eri ukpun vo o̱i, yan muain, "Tar O̱ o̱i khi o̱lo̱ fii e̱ emi?" ⁶⁵ Eta li eta evte lo̱ bun yi Ijesu, li ain o̱rē roo uruo̱be yo̱i. ⁶⁶ E̱de̱ o̱ke fuan, ekhe̱n edion si eleia si egbe koko, khi ekhe̱n lje ohe̱in bi ekhe̱n lviebe. Eza nwo̱in di eguai re. ⁶⁷ E re̱o̱i, "Akhei khi wo̱we̱ li khi Kristi, ta ri mai re̱ ho̱n. "Aman, o̱ta ri ain ho̱n khi, I kha tai li vba ho̱n, vba kha mie ho̱n." ⁶⁸ I kha i mian vba, vba kha anyie̱n." ⁶⁹ Aman, re̱ za vbi e̱nyan raa le̱, ovbi o̱ia lo̱o̱ dia, vbi obo̱dio̱n si utotomi si Oise̱lebua. ⁷⁰ Yain re̱ o̱i, "O̱an khi ovbi Oise̱le̱bua lu u?" Ijesu re̱i ain, "Vba tai khi me̱me̱ o̱n?" ⁷¹ Ere̱o̱i, "Emi ma ke kpe̱ ho o̱se̱e̱ ri? Unu so̱i."