¹ Ijesu khua e̱ o yi o khumi, o̱re̱ mi ebi ele fei o̱ nwuni ahan si ain ovbi aza. ² Omin o̱ro̱n o̱kpa lo̱ mie̱n so̱n kho̱ nwin imaiti eva o̱ vbi. ³ O̱ re̱ o̱i, "Atai re̱ tai yi vba, o̱li o̱ro̱n lo̱i mo̱n oso na, lo̱ nwun ohan lo̱ gbabe̱ isi eno̱i ere̱me̱n. ⁴ Eno̱i ere̱me̱n za vbi e̱fe roo re, Aman, o̱li o̱ro̱n na, re̱ re vbi eke̱in aimo̱n e̱n so̱i. ⁵ Eso o̱ ke gui mye̱mi mi itempo, ebai ri ido ededan lo̱ hume̱n ho o̱i ose̱n bi ohan, o̱re̱ o̱i, ⁶ Isi eli emi na, li vba rmie̱n, ukpe̱de̱ rade li akha mii udo o̱kpa vbi okhumudo la kha gboo ku o̱ vbi oto̱i." ⁷ Eke re̱ miain, e re̱ o̱i, "O̱lo̱vbie̱, e̱ghe̱ e li emi na le̱ re̱ dumu. He̱n emi alo̱ mie̱n e̱ghe̱ li oke si ke̱ e̱ghe̱ li eli emi lo̱ re̱ dumun? ⁸ Ijesu re̱ anyi ̈ain, li, "Vba fun e̱n egbe re lai eo̱ te̱̱e̱ vbae. Elo̱ bun lo̱ ri eni me̱ vare, yain i, "Me̱me̱n o̱n" bi E̱ghe̱ se̱i. "Vba e re̱ khai ain." ⁹ Vba kha hin khue o̱kho̱in da orughu labe̱ vbae zi ofe̱n o vba vbi udu, o̱hio̱ khi eli omi na la lo̱ kpao mie̱n, aman, ikpuokho khare agalagala. ¹⁰ O̱kese̱ o̱re̱ i ayin, uhumuroo lo̱ sho̱re re̱ khayn uhumuroo, o̱to̱i si oje sho̱re re̱ khan oto̱i si oje. ¹¹ Eri oto̱i lo̱ nwun kpyeghe lo̱gbai, vbi ebo̱ o̱do̱ o̱y dan,y ohanmi lo̱ ruan bi ae̱n lokhua lo̱ za vbi okhumi eimi vare. ¹² Aman, o̱kpe̱se vbi ena ere̱me̱n, elo̱ nwun obo̱ o̱ vba vbi egbe, a khuu vba shan, a hua vba yi isinago̱gu bi ighan, a hua vba di isao si ije re bi ekhe̱n igovina erimidi si eni me̱n. ¹³ Alo̱ shain di ami ehe si ari o̱se̱ e̱ o̱ isi. ¹⁴ O̱hio̱ si o̱na, vba ro̱i o̱vbi udu khi vba mame̱mi li vba lo̱ re̱ fin egbe o̱kpe̱se̱ vbi e̱ghe̱, ¹⁵ O̱hio̱ khi ilo̱ ri eta bi e̱wain la vba li ighian vba kha en re̱ de li obo̱ da eta la lo̱ re̱ nwin eta vba fia. ¹⁶ Aman, eli elo̱ lo̱ ri evba re lo̱ vbi era bi inyo̱n, imio̱n limo̱he, eboo bi imo̱o̱, elo̱ gboo eso vbi vba uulo. ¹⁷ Eia ere̱me̱n lo̱ kho̱o̱ eke̱in vba erimidi si eni me̱n. ¹⁸ Aman, ukpeto o̱kpa vbi uhumi vba kha fun. ¹⁹ Vbi eke̱n azi e̱n egbe vba li vba lo̱ re̱ min ee si e̱hi vba. ²⁰ Vba kha mie̱n khi ivbio kho̱in lagaai Ijerusale̱mu, o̱le̱ghe̱ vba e̱n khi ikhue o soi o̱sire. ²¹ O̱le̱ghe̱ ele ri vbi Ijudea i la he̱e̱n okhumo̱ko, elo̱ ri vbi idan mi si o ee, ei sho̱ vbeain re, vba i i elo̱ ri vbi ivbi gue ore vbi ekein o̱n. ²² O̱hio̱ khi ikpe̱de̱ si ienoga li khi ena, li emi ere̱me̱n la vin re̱ nwunse̱e̱. ²³ Iriae̱ke̱in an o̱ re̱ yi eli yan han ma bi eli an kue̱ ivbi o̱ mobo̱ vbi e̱ghe̱ ain! O̱hio̱ khi o̱ri o̱khuan khuan me̱n a a o̱lo̱ e̱ vbi o̱li uhumoto̱i, bi o̱ria a re̱ yi eia. ²⁴ Elo̱ de lo̱ li oe̱mi si itakobi, a huai ain vbi oghumi lo̱de̱ vbi uhumuro̱o evbee, Ekhe̱n Igentili lo̱ ri Ikhumiza gbi Ijerusale̱mu nwun oto̱i, se̱ vbo̱ khi e̱ghe̱ si ekhēn eloimicho Igentili kho̱ se̱i. ²⁵ Ae̱n lo̱ e vbi o̱ e̱e̱n, vbi ukin, vbi ekein ikpae̱hie̱n bi okhumoto̱i. Eli uhumuro lo̱ e vbi ekein o̱khuan khuan me̱n, aughoghoo erimidi si uvan mi bi ikhuo̱ si okun. ²⁶ Imo̱he li elo̱ dokin lo̱ evbo̱ vbo̱hio̱ si ofe̱n bi emila mo̱n ekhe̱e̱ so̱i lo̱ vade yi agbo̱n. O̱hio̱ khi utotomi si okhumi eimi lo̱ kpeghe. ²⁷ O̱le̱ghe̱ elo̱ min Ovbi o̱ia o̱za vbi eke̱in ohuu vade baa utotomi bi o̱khae lo khua. ²⁸ Aman, eli emi na kha ke ruan, nuzan ukhua i uhumi, erimidi khi ami e̱n fan se̱ o̱sike̱ ean. ²⁹ Ijesu za kpi evbee ni ain, o̱re o̱i, "Kae̱o gho orin ifigi bi eran ere̱me̱n. ³⁰ Ekha da so̱no̱, umi o̱in le gbe̱, ue̱in khi iso̱ma o̱ke si ke̱ ean lee. ³¹ I yo̱ gbo̱ o̱, e̱ghe̱ li vba re̱ mii ele min na o̱ruan, vba e̱n khi e̱ghe̱ oba isi Oise̱le̱bua o̱sike̱ ean. ³² Ata li re̱ tai yi vba khi, o̱li e̱ghe̱so̱hinna lari na, o̱ kha ran re o̱kpese̱ khi eli emi na de re. ³³ Okhumieimi bi Olohunmoto̱i lo̱ sii rare aman, eta me̱n kha sii rare ghegheghe. ³⁴ Aman, vba ri ie e o̱ egbe vba vbi egbe, li vba e o̱ zi udu vba hua ihua si emi la mie̱n vbi e̱ nyo̱n u dami bi unwun mi, bi u e e si agbo̱n are, lo̱ lo̱ za u khi o̱li ukpe̱de̱ sii re o̱ vbe̱ vbi idumnka elabi ifi. ³⁵ O̱hio̱ khi eri o̱lo̱ vare yi o̱i khi o̱ia li e ri vbo̱ vbi e̱o si o̱lagbo̱na ere̱me̱n. ³⁶ Ri ie o̱ vbi egbe vbi e̱ghe̱ ere̱me̱n, a lie ero̱n mo̱n lu re̱ chie̱n o̱lo̱ to toi se̱ vbo̱ khi ulo̱ meti ni man vbi emi ere̱me̱n lo̱ lo̱ de re, ugbo muzan vbi isao si ovbi o̱ia. ³⁷ E̱ghe̱ si odian ni o̱vbie emi vbi ekein itempo aso̱n khare, o̱ nwue̱mi o̱dia vbi okhumi o̱ko̱ si olivu. ³⁸ Eia ere̱me̱n o̱vare egbia riri, lei re̱ o̱ho̱in vbi eken itempo.