¹ O̱ke o̱se̱ vbi ukpe̱de̱ o̱kpu khi Itjesu o̱vbie̱ eia emi vbi eke̱in Itempo, bi owewi eta lo̱ se̱n ekhe̱m ye si ohe̱in bi ivbiebe bi edion e hua di vi egbe re. ² Etza ti eta, li ere̱ o̱i, "Tai ri mai ho̱n, ase̱ so̱i uare̱ uiggg geli emi na? da o̱i khi o̱lo̱ia lo̱ ri o̱li ase̱ na naa?" ³ O̱ anyi ain, lo̱ re̱ i ain, "I lo̱ gboi mii a vba eta. Vba ti emo̱n, ⁴ I jo̱ni lo̱ ui Ibaptisi, okhumi eimi o̱za vare da obo̱ si eia?" ⁵ E kpayi egbi ain oo uhun ni e̱ re̱ o̱i, "Ma khai re̱ za vbi okhumieio vare, o̱lo̱ o̱i, emo̱n ke ze̱ di vbai re̱ mie̱n i o̱i ho̱n?" ⁶ Aman, ma khai, "vbi obo̱ si eia o̱, agbo̱n ere̱me̱n lo̱ ri ido gbe mai, o̱hio̱ khi eri ain mie̱n ama khi Ijo̱ni o̱lo̱ mie̱o o̱. ⁷ E re̱ anye̱n khi yain e̱n ebi o̱za vare. ⁸ Ijesu re̱i ain, "I yo̱ li kha gboi tani vba ho̱n, ase̱ si o̱li ya re̱ ui elemi na." ⁹ O̱kpi o̱li e vbee ni eli eia, "O̱mo̱he o̱kpa ki emi o̱ vbi ugbi ivaini, o̱ za nwo̱in ni elo̱ gui ivaini li ei haosa o̱vbo̱, o̱za lode̱ vbi e̱vbo o̱ vbee, ebo̱ ebo̱ dia te̱e̱. ¹⁰ E̱ghe̱ le gba mama kese̱, o̱ yi o̱gbo̱madia re̱ eli ain nwin ime si ivaini vbi ihaosa, lei re̱ za vbi ikperan le fan i re̱ yi o̱in. Aman elo̱ gui ime si ivaini gbe o̱i, e̱ zo̱i fii obo̱ si aho raale̱. ¹¹ O̱ chie yi o̱gbo̱madia o̱vbee, e gbo gbo̱i, e wee yio̱i vbia vbia, egbo zo̱i fii abo̱ san raa le̱. ¹² O̱gbo chie yi o̱zi ea, eriai egbe a ekpe̱ khuo̱i fia. ¹³ Li o̱lo̱mo o̱li ugbe ivaini re̱ o̱i, "Emi ilo̱ ke u? I lo̱ yi ovbi me̱n li hume̱n ke̱n o̱n i le̱. Alo̱ za mie̱n khi elo̱v nwin ekpe̱n nai. ¹⁴ Aman elo̱ gui ime si ivaini ke mio̱in ekpa yi egbian guo̱i, e re̱ ta, "O̱na i khi o̱li o̱lo̱ uku mai lo̱ gbo̱ i uu, li uku re̱ chie̱n isi a mai." ¹⁵ E fi o̱i za vbi e̱ke̱n ugba si ivaini din an re, ere̱ gbo̱i uu. Emi o̱lo̱ mo̱n ugbi ivaini lo̱ke ui ain? ¹⁶ O̱vo̱ vare lo̱i re̱ khue eli yan gui inie si ivaini ain o, lo̱i re̱ nwun o̱li ugbi ivaini ain li e evbee. " Eke ho̱in ere̱o̱ o̱i "Awaai li Oise̱le̱bua." ¹⁷ Aman Ijesu za ka e̱o gho i ain, o̱ re̱ o̱i "Emi arii emi la vin ta?, "Udo li eli an zi oa sin lo̱ke chie̱n udosi igun e̱negbe?" ¹⁸ Eli ede gbi o̱li udo ain, elo̱ guo̱gho̱ chie̱n ese̱ se̱ mi. Aman, o̱lo̱ i u, lo̱ ke de e̱n yie̱n, o̱ ughun o̱n." ¹⁹ Eli ivinebe bi Ije ohēin, o̱ za ghe hoo ebi yiain lo̱ shan nwo̱in, o̱hio̱ khi e e̱n khi yain lo̱ fii evbee yi. Aman, ofe̱n si eia onwiain. ²⁰ Yan khe̱e̱ o̱i vbi ai khaan, ere̱ ze̱ li eia lian doo re̱ khaan bi elomie o̱i ho̱n lei re̱ e̱n si alo̱ hi eta si afido̱n li elo̱ kpe̱ye̱n, lei nwun o̱n yi elV ri evbo shan bi ase̱ si Igvvina. ²¹ Ere̱ miain eta, ere̱ o̱i, "O̱lo̱ vbie̱ mai e̱n khi wata, wagbo vbie̱ emi lo̱ de o̱ vbo̱ uya li ke̱o si o̱o̱so, aman, wa vbie̱ ata vbi o̱hio̱ si ukpode̱ si Oise̱le̱bua. ²² Eri o̱ eo̱vbo̱ ni mai ya re̱ zi eghu humi yi Iceasa da o̱i eo̱vbo̱?" ²³ Aman, Ijesu e̱n o̱vbee si ain, o̱ tari ain ho̧̱n, ²⁴ "Vari Idenairus o̱kpa vbie̱ me̱n," aghoan bi eni so̱o̱ o̱ri vbo̱? Ere̱o̱i, "Ise Icaesar." ²⁵ O̱re̱i ain, "Vbari emi lo̱ vbi isi Isiza li Isiza, re̱ yi Oise̱le̱bua, emi lo̱ vbi si Oise̱le̱bua." ²⁶ Ei meti mu emi li eke kpe̱ yie̱n, vbi eta lo̱ tai vbi irae̱o si eia, aman e nyin unua vbi eanye̱n lo̱ re̱ ni ain, lei re̱ voo unu. ²⁷ Eso vbi ekhe̱n Isadusis ke do̱i egbe re, eli an o̱i khi achie uu sho̱re i evbo̱, ²⁸ Emi ain ghoo, e re̱ o̱i, "O̱lo̱ vbie̱, Imoses vio̱n na mai khi o̱mio̱n o̱ia li o̱mo̱he kha uu, lo̱i mo̱n o̱kposo, kho̱i vbi o̱mo̱n, o̱li o̱mo̱he ree o̱li o̱li omio̱in lo̱i vbi ivbia ri omioin. ²⁹ Imio̱n ihio̱n, li o̱lo̱dio̱n za roo o̱kposo, o̱i mo̱n o̱mo̱n o̱kpe̱ uu. ³⁰ Iyo̱ i khi o̱lo̱ zi eva. ³¹ O̱lo̱ zi ea roo o̱i, se̱ vbi o̱zi ihio̱n, lo̱ gbo uu fii o̱i a bi khi ei mo̱n ivbia. ³² Ikpuo okho so̱i, o̱li o̱kposo uu. ³³ Vbi e̱ghe̱ si auu sho̱re, o̱ho̱ o̱ lo̱ kposo lo̱ ke chian? O̱hio̱ khi yain ihihio̱n le ke roo o̱i. ³⁴ Ijesu za tani ain ho̱n, "Ivbi agbo̱n na li imo̱he yan li e ikposo, egbo re̱ nwun o̱se̱n. ³⁵ Aman, ela e̱n khi e eo̱vbo̱ vbi e̱ghe̱ la lo̱ mie̱n a chie uu sho̱re, eian kha roo ikposo ekhagbo re̱ nwun o̱se̱n. ³⁶ Ekha chie uu, yain bi ekhye̱n ange̱li oeghe li e u, e vbi ivbi Oise̱le̱bua ebi o̱i u khi ivbi achie uu sho̱re li ain u. ³⁷ Khi a nwin elo̱ uu sho̱re, Imoses achie̱ o̱ro̱ i vbie̱ vbi ebi ogo o̱ za to, lo̱ re̱ echi i o̱lo̱mo̱e̱n o̱li Oise̱le̱bua si Iabraham bi Oise̱le̱bua, si Isaac, bi Oise̱le̱bua si Ijacobu. ³⁸ Enyan, ai vbi Oise̱le̱bua si elo uu loi, aman isi elo̱ rivbo̱, erimidi ere̱me̱n rivbo̱ yi o̱i." ³⁹ Eso vbi ekhe̱n eli ivie̱be za anyie̱n, ere̱ o̱i O̱lo̱vbie̱, u anyie̱n lo̱se̱n." ⁴⁰ Ei ke chie gbudu miain eta o̱vbee. ⁴¹ Ijesu re̱i ain, "Ebi a kei ta khi o̱li kristi khi ovbi Idafidi o̱? ⁴² Idafidi tobo̱i vbi ebe si ioo, o̱ vio̱in, "O̱li o̱mo̱e̱n re̱ o̱li o̱mo̱e̱n, dia vbi obo̱dio̱n me̱n, ⁴³ Se̱ vbii iri ighian se̱ chie̱n emu a hua oe̱ o̱. ⁴⁴ Ebi Idafidi kere̱ echi kristi "o̱lo̱mo̱e̱n" ebi o̱ke i vbi ovbi Idafidi?" ⁴⁵ Li agbo̱n ere̱me̱n re̱ ho̱n, o̱ e khe̱n ivbiuokho so̱i. ⁴⁶ "Vba reiewain o̱ vbi egbe vbi obo̱ si ekhe̱n Iviebe, ŗu an hoo khi ekha kui e̱un li fo̱o̱ o̱vbi egbe, arui ain urue̱mi si ekpe̱n vbi ekin, edia vbi ehee lo̱dai vbi eke̱n ̧Isinago̱gu bi ebi aza si egbe koko ukpe. ⁴⁷ Yan ve̱n yi̧ iwe si ekhe̱n ̧̧̧o̱ro̱n, lai kpe̱ mie̱n li an re̱ lie ero̱mo̱n lo̱ re re. Imo̱he la bi ain lo̱ zi ibohi lo̱khua le̱."