¹ Eli obotu si eia ere̱me̱n shio̱ re, e re̱ nwin Ijesu di isao si Ipilati re. ² Yan za gui e̱zo̱n kuo̱i vbi egbe khi, "Mai riio̱n o̱li o̱mo̱he na kho̱ o̱ fi uhumun ro mai deli egbe, lae ya zi oze̱ yi Iceasa o̱ ta khi yo̱in lobi yo̱in li khi Kristi, oje." ³ Ipilati za miain si, "Wowe̱ li khi oje si ekhe̱n Ijiu?" Ijesu an ye̱n o̱, o̱ re̱ o̱i, "Uti iyo̱" ⁴ Ipilati za e khe̱n Ije ohe̱in bi elo̱botu, "I mi ibohi vbi o̱lo̱ia na." ⁵ Aman, yain fi unu nwo̱in khi, "O̱ nwun ohu ze eia vbi udu. O̱ vbie̱ mi vbi ei khehe vbi Ijudea ere̱me̱n, re̱ za vbi Igalili be̱e̱ re̱ di ean re." ⁶ pilate ke ho̱n na, o̱ za mian si o̱li o̱ia na, o̱lai Igalili o̱. ⁷ O̱ke gaze khi ebi Iherodu lo̱ mo̱n ase̱ vbi uhumi so̱i, o̱ re̱ nwin Ijesu buu Ihe̱ro̱du, lo̱ gbo u khi Iferusale̱mu lo̱ ri vbi o̱bi e̱ghe̱. ⁸ Ihe̱ro̱du ke̱ mii Ijesu, egbe o̱ nwo̱in erimidi, o̱ke te̱ lo̱ re̱ hoo lo̱i mio̱in. O̱ ho̱in vbi o̱hio̱ si Ijesu o̱ mo̱n Idaeho̱n khi yo̱ir lo̱ kpe̱ mio̱in lo̱i oi obia si o̱nyin unua ni o̱n i mie̱n. ⁹ Ihe̱ro̱du ri eta lo̱bun nian i eta amem, Ijesu i ri e anye̱n o̱i vbo̱ so o̱so. ¹⁰ Ekhe̱n Ije ohe̱in bi ekhe̱n iviebe muzain li an re̱ ri ibiohan solo̱i e̱zo̱n. ¹¹ Ihe̱ro̱du bi wbiokho̱in so̱i o̱khue Ijesu, yan yē yo̱i. Ekui egbe gbi e̱un lo̱ humo se̱n o̱i vbi e̱gbe̱, echie re̱ nwo̱in bu Ipilate. ¹² Eri Ihe̱ro̱du bi Ipilate ke chie̱n o̱mo̱ vbi o̱li e̱de̱, o̱kpe ̱se̱ vbi o̱le̱ ghe̱i na, o̱be yan nwun. ¹³ Ipilate o̱ke echi ekhe̱n Ijeohe̱in eli o̱ri an ishan bi obatu si eia koko. ¹⁴ O̱re̱ i ain, "Vba nwin o̱li na yi me̱ bi via lo̱ vbie̱ eia ukpodi o̱ri a, vba mioin khi I mian i eta vbi iraeho vba, I mii vbohi vbi e̱zo̱n li vba gue re̱ khan. ¹⁵ O̱gho̱, Ihe̱ro̱du gbo ri ibohi nai, eri o̱chie nwo̱in yi mai, vba mio̱in khi o̱ ui emi o̱so la lo̱ za gbo̱i uu. ¹⁶ O̱hio̱ si o̱na, o̱ya li lo̱ ke re̱ nai e, izo̱ i obo̱ la vba. ¹⁷ E̱nyan, eri o̱ wemi li Ipilate o̱ u, khi o̱ nwin o̱dui ghan o̱kpa li ekhe̱n Ijui, vbi e̱ghe̱ si ukpe. ¹⁸ Yain ere̱me̱ za kugbe khue urun, le re̱ o̱i, "Nwwōn o̱li o̱mo̱he̱ na sho̱re, uzi Ibarabas obo̱ na mai!" ¹⁹ Ibaraba o̱ vbi o̱mo̱he la nwun fi o̱ vbi ghan vbi ue̱n si aniawe̱ vbi o̱li okpe̱vbo bi o̱ gbi ubi. ²⁰ Ipilate chie za kpa yi ain gui inye̱mi ebo̱ o̱i hoo lo̱i zi Ijeus obo̱. ²¹ Aman, e khuu orun, yan tai, "Khaain ye̱n vbi oran, khaaiȳ̱n vbi oran." ²² O̱re̱ i ain, vbi ugbo̱ zi ea, "Emo̱ze̱i, I yi emi lo̱be li o̱li o̱mo̱he na u i?" I mii emi lo̱ u li uhi si ai fbo̱ uu za mio̱in, o̱hio̱ si o̱na, ikha ri o ya nai e dee, izo̱i obo̱ la vba." ²³ Aman, ya khue unin totobo̱ tai khi eri yain o̱i lai khaan ye̱n vbi oran. Urun ni yan toto fii deli Ipilate udu. ²⁴ Li Ipilate kuo̱i gbe khi o̱lo̱ re̱ o̱vbi emi yain hoo. ²⁵ O̱ fin o̱li ain o̱i khi yan hoo obo̱ ni ain, li ukho̱ a nwun fii o̱vbi ighan kho̱ si o̱rughu labe̱ bu ubi lo̱gbei. Aman, o̱za zi Ijesu obo̱ nia re̱ ui emi lo̱kho̱n i ain. ²⁶ Ebi yan kei nwo̱in shan, e za fa kuni Isaimo̱ni lai Icyrene o̱kpa, lo̱ za vbi una vade, e za nwin o̱li oran lo̱ gbo̱ngban nai nwun lua, ya re̱ khain Ijesu. ²⁷ Obotu si eia, bi ikposo li an tuegbe li an vio̱i uvie̱mi o̱gbo̱n, yan re̱ khaan i. ²⁸ Aman o̱ke fii egbe di li egbe yi ain Ijesu re̱ o̱i, "I vbi ikposo si Ijerusale̱mu; vba eke vie̱ vbo̱ hio̱ me̱, aman, vba vie egbe vba bi ivbivba. ²⁹ Li vba re̱ mio̱in khi e̱ghe̱ vade, li elo̱ re̱ ta khi, "Ihianba o̱ yi ekhe̱n agan bi e̱kpo̱n mo̱ lo̱i vbia bi enye̱n lai nye̱n." ³⁰ Elo̱ ya be̱e̱ khi yain li eli o̱ko̱, "De te̱n mai nye̱n yain ivbi o̱ko̱ "re̱ gbe voo mai." ³¹ O̱hio̱ khi ekha ui eli emi na ebi o̱li oran i se̱ i ulo, emo̱n lo̱ ke run an so̱ ke ulo?" ³² Imo̱he evbee, eli an uemi lebe, la re̱ gba huai ain lode̱ vbi eba lo̱ za gboo ian ulo kua. ³³ Eke di ebi a e cho̱i, "Akpoki uhumi" re, aan li yain ke za khan ye̱n vbi ????. li elo̱ uemi lobe o̱kpa ri vbi obo̱dio̱n so̱i o̱no̱i ri vbi o̱gobo̱ so̱i. ³⁴ Ijesu re̱ o̱i, "Era, re̱ humi ain, o̱hio̱ khi ei e̱n emi ri ain o̱ u." O̱kese̱, fii oloo, e ke̱ni ikpun so̱i. ³⁵ Eia muzan ri an gho u ghe, ebi elo ri ue̱e̱n shan o̱ gboi ye̱yo̱i, yan o̱i, o̱ faam eevbee, o̱i faan egbo̱i, so̱i khi yo̱in li khi Kristi, o̱la ze̱i. ³⁶ Ekhe̱n ivbiokho̱n ogbo ro̱i gbi ye̱ye̱, yan kha si ke̱ ai, yan ri emo̱n laa nai. ³⁷ Yan o̱i, "Ukha vbi oje si ekhe̱n Ijiu faan egbe̱." ³⁸ Eza nuin ae̱n o̱i vbi okhun mo̱in, "O̱na li khi oje si ekhe̱in Ijiu." ³⁹ Okpa vbi eli iue mio̱ be la la nwun khuan vba gbo khueo̱i ebo̱ i o̱i, "Wowe̱ ki khi o̱li Kristi, faan egbe se̱ bi mai." ⁴⁰ Aman, o̱zeva so̱i ro̱i, "O̱e o̱vbo̱ li mai re̱ ⁴¹ re̱ ri vbi ebi mai iri na, emi ni mai u li ma o ya so̱i. Aman o̱li o̱mo̱he na mo̱n emi lo̱ u kho̱o̱. ⁴² O̱ke za o̱i, "Ijesu, e e me̱re si uke di e̱ghe̱o̱ba se̱." ⁴³ Ijesu re̱ o̱i, "Ata li re̱ tai ye̱, e̱na ulo̱ evbo̱ de bame̱ vbi Iparadise." ⁴⁴ O̱ke se̱ vbi e̱ghe̱ si uwakati o̱zi echan, azo̱n za re vbi o̱lo toi an ere̱me̱n se vbo uwakati o̱zi isiin, ⁴⁵ ebi ai kei mii ovo̱n. O̱kese̱ ukpun lafi vbi eke̱n itempo za hin eva di otoi vbi esese̱. ⁴⁶ O̱ke khue unin dian re̱, Ijesu re̱ o̱i, "Era nwin etin me̱ o̱ we̱ vbi obo̱." O̱ke ti o̱na lee, o̱ uui. ⁴⁷ O̱lo̱ ri e̱o khui ivbiokho̱in egbo̱i, hie̱n ke̱ mu emi lo̱ ruain, o̱ri o̱khae yi Oise̱le̱bua, o̱ re̱ o̱i, ata li o̱lo̱mo̱he na re ui o̱ia si ata." ⁴⁸ Ebi obotu si eia le o̱ si koko o̱re̱ gho ughe si emi ere̱me̱n la u vbe̱ o, ke re mu elemi, e chie, yan filo bo̱ vbi Idanma siain. ⁴⁹ Aman, eli o̱ e̱n o̱n i ere̱me̱n bi Ikposo li eza vbi Igalili re̱khan rare, muzain vbi odo̱ re re, li yain, o̱ re̱ ghoo eli emi. ⁵⁰ Ri iee o̱vbo̱, o̱mo̱he o̱kpa ri vbo̱ lae e̱cho̱i Ijosefu, lo̱ vbi o̱kpa vbi elo̱ li e̱guai. O̱ia lo̱se̱n. ⁵¹ O̱li o̱mo̱he na i mo̱n obo̱ o̱ vbi emi li ain tai vbi eguai, bi awee siain. Evbo si Ijudea lae cho̱i Aramatia lo̱ za vare, o hoo lo̱i ovbi e̱ghe̱ o̱ba si Oise̱le̱bua. ⁵² O̱li o̱mo̱he za o̱ vbi o̱i vbi obo̱ si Ipilate, lai nwin ekun oimi si Ijesu nio̱in. ⁵³ O̱za nwuo̱in di oto̱i re, o̱ri ukpun si ilili gblo̱i nwuo̱n idi la to̱ o̱n eke̱n udo, lai se̱ ri o̱ia to̱n ghe. ⁵⁴ Ukpe̱de si ae̱hegbe o̱vbi oto̱i o̱, ukpe̱di Isabati o̱ fuan. ⁵⁵ Eli ikposo le u khi ere̱ khain Ijesu za vbi Igalili vare, re̱ khaan uokho, li e̱ ri mii ebai ro̱i to̱n. ⁵⁶ Ei chie̱ o̱ ehin e Ispice zi oi miemi la regboo. O̱kese̱ vbi ukpe̱ de̱ si Isabati, e za fii etin a, elabi uhi itai.