¹ Ijesu ro̱i ekhe̱n iubuokho so̱i, "Emi lo̱lo̱ meti nwuan uio̱kho̱o̱ lo̱ ghe e̱n evbo̱, aman, o̱kha hume̱n yi o̱lo̱ia li eshan vare!" ² O̱lo̱hume̱n nai lai din udo si ulemi o̱i vburun lai nwuo̱in fifio̱ vbi eke̱n Olokun le̱ lo̱ire̱ chie̱n o̱lo̱ lo̱ zi eli keke re na fi obo̱do̱n. ³ Vba ri ie eo̱ egbe vge gbe; Omio̱n li o̱mo̱he kha ui o̱kho̱o̱, vba guo̱i nai ho̱n, o̱ kha oeke̱n are̱ humo̱in. ⁴ O̱kha uwe̱ o̱kho̱o̱ isi ihio̱n vbi ukpe̱de̱ lo̱i delegbe bue̱ re o̱li̱ isi ihio̱n ain, lo̱i e̱we̱ khi, "i oe̱ke̱in," eri klo̱ re̱ humo̱in!" ⁵ Eli ekhe̱n aposto re̱ o̱li o̱lomo̱e̱n. "Zii adiudu an mai gba o̱vbo̱." ⁶ O̱li O̱lo̱mo̱e̱n re̱ o̱i, "vba kha mo̱n adiudu an lo̱ u kere e bi ukpi imonstadi o̱kpa, ulo̱ o̱ li orin Imulben na, 'vun sho̱ vbi oto̱i re I u o̱ze vbi e̱ke̱n okun, "o̱lo̱ re̱ o̱vbi eta se̱e̱. ⁷ Aman, o̱ o̱u vbi use e vba, lo̱ mo̱n o̱gbo̱madia lo̱ gua da lo̱ kue̱ ighoogho, li o̱lo̱ tanai ho̱n so̱ za vbi e̱ke̱n ogo di oa re lo̱i o̱i, "vare ejeje o̱dia li uemi?" ⁸ O̱kha o̱i, hoo emi ne̱ me̱n e, u ri ekungba nwun ukpun, lu re̱ hua emae ne̱ me̱n. Se̱vbo̱ khi i emae bi ianme̱n le e. O̱kese̱, kho̱raan ukpe̱ emae, uanme̱n? ⁹ O̱i khue̱mi o̱li o̱gbo̱madia erimidi khi o̱ ui emi lai lo̱i u, ioo vbi iyo? ¹⁰ Lyo̱ o̱ li gbo khi vba vba, e̱ghe̱ li vba ui emi la e̱vba u lee, lu re̱ o̱i, "O̱gbo̱madia lei vbi ukutu maibu, Obia lo̱e̱ o̱vbo̱ li mai bia li mai bia." ¹¹ O̱ke̱ o̱so̱ kho̱ lo̱ de vbi Ijerusalemu, o̱ re̱ o̱vbi agban gbain so̱ ri vbi esese̱ si Isamaria bi Igalili. ¹² Ebo̱ i vbi uvbie̱vbo̱ o̱so̱, ikho̱n mite̱n igbe za gaibze. Emuzan reve nai. ¹³ e khue urun din an re, e re̱o̱i, "Ijesu, o̱lo̱mo̱e̱n, mo̱n itue̱ke̱in na mai." ¹⁴ O̱ke mi ain, o̱ re̱i ain, "Vba ya shan o̱ ri egbe vba vbie̱ ekhe̱n ohe̱e̱n. Ebi yan kei sho̱ vbi ain re, e fun ain. ¹⁵ O̱kpa vbi use si ain ke mie̱n khi o̱ daan, o̱ chie yi uokho, khue urun ri o̱khai yi Oise̱le̱bua. ¹⁶ O̱ de uhumibre vbi awe̱ si Ijesu lo̱ re̱ khue̱mo̱i. O̱lai Isamaritan, on'̱n. ¹⁷ Ijesu ke re̱ o̱i̱, "O̱i vbi etui lgbe ko̱ la re̱ chie̱n elo̱ke fun an? 'Ebi etuibisiin ke ri?' ¹⁸ Ai kebmii eno̱i le chie re o̱ rii okhae yi Oise̱le̱bua, so o̱kpi o̱li o̱gho̱e̱n na?" ¹⁹ O̱re̱ o̱i, "Sho̱re u ya shan, Aduidu an se̱e̱ o̱ nwun we̱ egbe daan." ²⁰ Ebi ekhe̱n Ifarisis o̱kei miain e̱ghe̱ li e̱ghe̱ o̱ba, si Oise̱le̱bua lo̱ re̱ vare, Ijesu ajyin ain, o̱ re̱ o̱i, "E̱gbe̱ o̱ba si Oise̱le̱bua kha re̱̱ khan a di e̱ o kpoto̱i vare. ²¹ Ekhama o̱i, ka e̱oa, ghoo̱i vban, da 'Eubo̱ lo̱ rii', Umio̱i, Eghe̱o̱ba si Oise̱le̱bua ri vbi usee ekein vba." ²² O̱re̱ eli ivbiuokho, "E̱ghe̱ vade li vba hoo khi vba lo̱ mii o̱kpa vbi ukpe̱de̱ si ovbi oia, aman, vba kha mio̱in. ²³ 'E̱ghe̱an, e lo̱ e̱vba, ka e̱o ghoo̱i vbi evbo, ka e̱o ghoo̱i vbi ean!' Vba e din are da vba la khui ain. ²⁴ Ebi ain mi ihinan o̱ vba e gboo si ihian o̱hian re̱ za vbi efo̱ kpa si okhumi Idedogho di e fo̱ fpu no̱in, iyo̱ li Ovbi o̱ia lo̱u vbi ukpe̱de̱ so̱i. ²⁵ O̱lo̱ se̱ kpao oya si emi lo̱bun, oree na lo̱ gbo sin o̱n. ²⁶ Ebo̱i ruan vbi e̱ghe̱ si Inoa, iyo̱ li o̱lo̱ gboi ruan vbi e̱ghe̱ si ovbi oia. ²⁷ Yan emae, yan da, yan lie ukposo yan re̱ nwuo̱n se̱n, se̱vbi ukpe̱de̱ li Inoa ovbi ekein aki, ikhuo oogho same̱n vare lo̱ khue i ain ere̱men o. ²⁸ Iyo̱ gboo̱ ebi ai mio̱in vbi e̱ghe̱ si Ibo̱ti Yan e, yan da, yan shiemi yan de̱ an ke mi yan zoa. ²⁹ Ugbe̱de̱ li Ilo̱ti ke sho̱vbi Isodomu re, amerain bi iso̱lfo̱ ro̱o̱n za vi okhumi eimi vare lo̱ khuei ain ere̱me̱n o. ³⁰ Ebo̱i u vbi ebi e̱ghe̱ ain, iyo̱ li o̱lo̱ i u vbi ukpe̱de̱ la ri ovbioia vbie̱. ³¹ Vbo̱ li e̱de̱, vba e zi o̱lo̱ ri vbi okhumi oa di oto̱i re lo̱i re̱ o̱ hua emi so̱i za vbi eke̱n iwe dian re, vba e zi o̱lo̱ yi ime di oa re. ³² Vba e o̱hi Ilo̱ti re. ³³ O̱lo̱i u lo̱ hoo khi o̱lo̱ sumi egbe so̱i, lo̱ nurio̱in fia, aman o̱lo̱ nwun agbo̱n so̱i fia o̱lo̱ mio̱in fan. ³⁴ Li tai li vba ho̱n, vbi o̱la so̱n an, etui eva lo̱ e vbi ibe̱di o̱kpa, Alo̱ nwin o̱kpa vbo̱, azi o̱no̱i obo̱." ³⁵ Etui eva lo̱ e vbi ime, alo̱ nwin o̱kpa vbo̱, azi o̱lo̱ zi eva obo̱. ³⁶ Etui eva lo̱ e vbi ime, alo̱ nwin o̱kpa vbo̱, azi o̱lo̱ zi eva obo̱. ³⁷ Ere̱ miain, "Ebo̱u, O̱lo̱mo̱e̱n?" o̱re̱i i ain, "Ebi emi lo̱ u ri, aan li ughughu lo̱ gbo za si koko."