¹ Ijesu gbo tani ivbiuokho so̱i ho̱n khi, "O̱mo̱he o̱kpa ivbo̱ lo̱ fei lo̱ mo̱n o̱lo̱ ri e̱o khueni so̱i, a gue o̱ nai ho̱n o̱lo̱ ri e̱o khuemi so̱i na, kho vbo o̱ emi an. ² O̱lo̱ fei na ke za echi o̱i, o̱ re̱ o̱i, "Eri ya ho̱n vbi o̱hio̱ se̱ na?" Tare ebi uai ri ue̱n se̱ shan, o̱hio̱ khi ukha ke chie̱n o̱lo̱ re̱o khuemi me̱. ³ O̱li o̱ri e̱o khuemi za egbo̱i, "Ebi ilo̱ kei u na, ebi o̱lo̱mo̱e̱n me̱n o̱kei mie̱n me̱n obia si are o khu I mon utotomi si egua e̱kho̱i o̱ o̱me̱n vbi avbiemi shan. ⁴ I e̱n emi li lo̱ u, li akha khume̱ sho̱ vbi obia si are̱okhu re, eia lo̱ kpe̱ ya gaobo̱ mie̱n me̱n vbi iwe si ain." ⁵ O̱li o̱ri e̱o khue̱n na za echi eli emo̱n o̱ga so̱i osa o̱kpo̱ kpa, o̱ mi an o̱lo̱kpau, "Eka u mo̱n o̱ga me̱?" ⁶ O̱re̱ o̱i, "Evbi si olive la lo̱ re̱kho̱ isi egbo̱ihie̱n." O̱re̱ o̱ ain, "Nwin ebe la vin osa lu mo̱n i o̱n, dia e̱jee̱je, u vin egbo̱ evaikpigbe! ⁷ O̱li ri e̱o khuo mi, o̱li o̱zeva, "Eka i khi osa lo̱ ri e̱ vbi urun? O̱re̱ o̱i, "Umaa si iwheat egbo̱ihie̱n." O̱re̱ o̱i, "Nwun ebe la vin osa lu o i o̱, ovin egbo̱ ele." ⁸ O̱li o̱ga so̱i za i o̱lo̱i uata lo̱ ri e̱o khue̱n so̱i khi o̱e̱n u, erimidi khi o̱we e̱wain. O̱hio̱ si ivbio̱ lagbo̱n na o̱ e̱n ri e̱wain kpa ye eia siain wee le̱ ivbiu o̱ fun an. ⁹ I tai iwba re̱ ho̱n, vba zi imo̱ li egbe vba vbu ukpode̱ si egbo lo̱i deo̱vbo̱, o̱kha ke se̱ khi o̱raale̱, si elo̱ ro e̱re ovbi ebi adia re̱le̱re̱le̱. ¹⁰ O̱li o̱e̱n ri e̱o khue mi li kere, lo̱lo̱ gbo e̱n ri e̱o khui o̱lobün, o̱li ri emi kere uata kha gbo uata vbi emi lo̱bun. ¹¹ Akhai khi ue̱n u lo̱se̱n vbi egho lo̱i deo̱vbo̱ uwemi, o̱lo̱ ke e̱we̱ gbe̱o kaogho efe si ata? ¹² Si ue̱n re̱ ri e̱ke̱n ata we̱e̱ egho si o̱ o̱vbe, o̱ lo̱ ke ri egho si egbe se̱ na? ¹³ Aimi o̱gbo̱ media lo̱lo̱ meti gi o̱ga eva, o̱lo̱ kho̱ e̱k̈ē̄in si o̱kpa lo̱i re̱ hume̱nke̱n o̱lo̱zievayy, da o̱lo̱ ri uduo̱kpa ya gi o̱kpavbo̱, o̱bi ezu gbi o̱lo̱ zi eva. kha meti gi Oise̱le̱bua bi efe." ¹⁴ Enyan, ekhe̱n Ifarisis li yan hume̱n ke̱n egho, hin ena ere̱me̱n, yan re̱ jo̱i. ¹⁵ O̱re̱ i ain, 'Vba ta khi vba e̱n u vbi iraeia aman, Oise̱le̱bua o̱ e̱n udu vba. Emi li vbai khi ukutu o̱ vbi e̱o si eia, awai o̱ vbi e̱o si Oise̱le̱bua. ¹⁶ Eli uhi bi eta si ekhe̱n imie̱o mo̱n emi le de nwun se̱ vbi e̱ghe̱ li Ijo̱ni re̱ vare. Re̱ za vbi an in rale̱, etalo̱se̱n si e̱ghe̱ o̱ba si Oise̱le̱bua la ke wewe, eia ere̱me̱n o̱ sumi egbe lei ri utoto mi ovbo̱. ¹⁷ Aman o̱lo̱ ke̱a le̱ okhumi eimi bi agbo̱n re̱ khuo rale̱, lai kpe̱ o̱i khi ugbio o̱kpa la re̱ vin ebe si uhi, kho̱i ke di nuinn emi. ¹⁸ O̱lo̱ i u, lo̱ fii o̱hai a lo̱ chie roo o̱ o̱vbe, o̱ghe̱ lo̱ gbei, o̱lo̱ ro̱o o̱la kue yi ain bi odo̱n i o̱se̱n an, o̱gbi oghe̱e̱. ¹⁹ Enyan o̱mo̱he o̱kpa rivbo̱ lo̱ fei lo̱ we ukpun elari ekpe̱n ni bi ilili lo̱ humo se̱n o̱ ua gbo̱n si o̱e̱ ghe̱n me̱n vbi efe so̱i lo̱ bun. ²⁰ O̱vbi emi shan lae cho̱i Ilazaro̱s o̱ dia vbi unu khue̱de̱ lokhua lashan ovbi iwe so̱i, e̱main vo̱n i vbi egbe. ²¹ O̱ mo̱n ekhe̱ lo̱i re̱ emi le za vbi okhuni itebu si o̱lo̱feina de lo̱ kuo vbo to̱i. Ewa akie̱ o̱ do̱i egbe re lalo̱i emani. ²² E̱ghe̱ o̱se̱ khi o̱li o̱vbi emi shan khi o̱ uu, ekhe̱n ange̱li nwuo̱in lode̱ vbi ebi Abrahamu ri. O̱li o̱mo̱he lo̱ fei na gbo o̱ uu, a re̱o̱ i to̱n. Vbi e̱ke̱n idi, o̱ke ri vbi ²³ oya ue mi, o̱ za khua e̱o yi ikhumi ebo̱ za mii Abrahamu vbi odo̱ rere, Ilazarus ri vbi ebo̱ri. ²⁴ O̱ke za khue clian re o̱re̱ o̱i, "Era li Abrahamu, mo̱n itue̱ke̱n yi me̱n, lu yi Ilazarus re̱ e̱me̱, lo̱i re̱ fii ukpo hivbo̱ so̱i o̱vbi ame̱n li re̱ o̱ uēmi me̱ re, o̱hio̱ khi e̱kein okhe̱n khegbe li iri vbi e̱ke̱n u emi erain na." ²⁵ Aman Abrahamu re̱ o̱i, "O̱mo̱ e re khi e̱ghe lu re̱ fi vbi agbo̱n, u mie̱n emi lo̱se̱n se̱, Ilaarus gboi yo̱ mie̱n emi lebe. sokpe̱n enyan, o̱fun vbe gbe lo̱ ke ri vbe an wowe̱ ri vbi e̱ke̱n oya. ²⁶ Lai re̱ nwin ain o̱ vi to̱i, a hin ude gbuu lo̱ vbe̱i o̱ vbi oto̱i, li elo̱ hoo khi elo̱ rare di ebi ri vbe an re, kha meti fan ze̱, o̱ so kha gbo meti za vbi ebi vba ri de an re." ²⁷ O̱li o̱mo̱he lo̱ fei re̱ o̱i, "I do abo̱ na, Era li Abrahamu, lu re̱ yi o̱i yi iwe si erame̱n. ²⁸ O̱hio̱ khi imo̱n imio̱n ihie̱n, lei re̱ hiu ke̱ke̱ ni ain, o̱hio̱ si ilofe̱n khi elv gbo̱ vare vbi e an ebo̱ vbi eba za oya." ²⁹ Aman, Abrahamu re̱ o̱i, "Emo̱n Imosis bi ekhe̱in ime̱o, ei dan, e ain eho̱n. ³⁰ O̱li o̱mo̱he lo̱ fei za anyo̱in, "O̱gho̱, era li abrahamu, aman, o̱ia kha za vbi eli o̱ uu di an egbe, elo̱ oo e̱ke̱in delu e̱n." ³¹ Aman, Abrahamu re̱ o̱i, "E̱ghe̱ lei re̱ daa Imosis eho̱n bi ekhe̱n imie̱n e̱o, e kha meti mo̱n ideludu si o̱ia za vbi elo̱ uu lo̱i sho̱re!"