¹ O̱kese̱, aza ri evbee kpa yi ain ti eta, vbo̱hio̱ si lei ya li ero̱mo̱n vbe̱ghe̱ ere̱me̱n, lei mo̱n o̱ e̱e̱me̱n. ² O̱re̱o̱i, "Evbo̱ o̱kpa ri vbo̱ li o̱lo̱ghae̱zon lo̱i mo̱n uofe̱n si Oise̱le̱bua, o̱i gbo mo̱n ekpe̱n re̱ yi eia. ³ Enyan, o̱ro̱n ri vbi o̱li e̱vbo an vbo, lo̱ do̱i egbe re vbi e̱ghe̱ lo̱bun, lo̱ o̱i, "Kpaa me̱n obo̱ li ase vbi uumi si o̱be me̱n." ⁴ Lō re̱ vare saa, o̱i ho lo̱i kpa yo̱i obo̱, aman, o̱ke e̱ ze̱ te̱e̱, o̱re̱ egbo̱i, "Iire̱ mōn Ilofe̱n si Oise̱le̱bua da ekpe̱n re̱ yi o̱ia. ⁵ Erimidi khi o̱lo̱ na o̱ke si okpokpo yi me̱n, I lo̱ kpa yo̱i obo̱ lo̱i re̱ ase, lo̱i i egbe se̱ a fun me̱ re, vbi ubare so̱i vbi egbe̱ i khe̱ ghe̱." ⁶ O̱lo̱mo̱e̱n re̱ o̱i, "Vba da e ho̱n si ebi o̱lo̱ ya ti ata lo̱ghae̱z o̱n tai, ⁷ Enyan, Oise̱le̱bua kha gbo̱i nwin ase yi eia lo̱ze̱n li an vie̱ naai o̱dan mi bi aso̱n? O̱lo̱ haai an ian te̱e̱ gbe? ⁸ I tai li vba ho̱in khi eri o̱lo̱ ri ase niain e̱je e̱je. I yo̱ o̱, si eghe li Ovbi oia vare, o̱li zukpe gii ami e ho̱n ze vba gbo̱n?" ⁹ O̱kese̱, o̱ gbo ti o̱li evbe na yi eli ain mo̱n ideludu legbi ain, khi di ain, hkhih di ain ui ata li an ri e̱o gbi e evbe run. ¹⁰ "Imo̱he eva ovbi e̱ke̱n ite̱mpo lei re̱ o̱ li ero̱mo̱n, o̱kpa vbo̱ vbi Ifarisis o̱no̱i vbi o̱lo̱ mie̱n eghu hun mi. ¹¹ O̱i Ifarisis muzain lo̱ re̱ ina lie ero̱mo̱n vbo̱hio̱ si egbo̱i, "Oise̱le̱bua, I khue̱ me̱n khi iu bi eia no̱i - araakhua, eli eyati ata, elo̱ le̱ vbi o̱hi eiaa elabi o̱li o̱mie̱n eghumi na. ¹² Ise va ya gbe̱ ke̱n ohanmi o̱se̱ o̱se̱. Yan nwin a hinigbe re vbi emi ere̱me̱n ise̱me̱n li mo̱e̱n! ¹³ Sokpe̱n, o̱lo̱ mie̱n eghu uhuni, o̱ o̱ muzan vbi ebo̱re rei, o̱i zemi khua e̱o yi okhumi eimi aman, o̱ sui egbo̱i obo̱ vbi Idanma o̱re̱o̱i, "Oise̱le̱bua, mo̱n itue̱ke̱n yi me̱n, olo̱ kho̱o̱." ¹⁴ I tai li vba re̱ ho̱n, o̱li o̱mo̱he na za vaan di iwe so̱i vbi iase li o̱no̱i mo̱e̱n, erimidi o̱i kho̱ ia lo̱ hua egbo̱i yi okhuni a lo̱ de o̱i re, aman, elo̱ de egbo̱i re a huai yi okhumi." ¹⁵ Eli eia o̱ hua ivbio̱mobo̱ si ain bu o̱ i re lo̱ re ri obo̱ sui ain, aman e̱ghe̱ li ivbiuo kho re̱ mio̱n, yan gba yi ain gue. ¹⁶ Aman, Ijesu e chi ain si ke̱ egbe, o̱ re̱ i ain, "Vba zi eli ivbie khan likeke vare vbi eseme̱, vba e din ain ye̱n. Eli abi ain le mo̱n e̱ghe̱ o̱ba si Oise̱le̱bua. ¹⁷ Ata ire̱ tai yi vba, O̱lo̱ i mie̱n e̱ghe̱ o̱ba si Oise̱le̱bua elabi o̱mo̱bo̱, o̱ kha de gbe o vbi e̱ke̱n o̱n. ¹⁸ O̱lo̱ ri agbo̱n shan o̱kpa vbaan re̱ o̱i, "O̱lo̱vbie lo̱sen, I mii ilo̱ u li lo̱ re̱ uku si agbo̱n lo̱i mo̱n ire̱so̱?" ¹⁹ Ijesu re̱ o̱i, "Emo̱ze̱i lu a re̱ eche me̱n oia losen, lo̱i vbi Oise̱le̱bua u o̱ kpa. ²⁰ U e̱n eli uhi, e gbo ghe, e gbi ubi e raa, e fi ose̱ isi e̱hen, nurin ekpe̱n li era bi inyo̱n. ²¹ O̱li o̱lo̱ri eia shan re̱o̱i, "Ena ere̱me̱n I ya re̱ o̱ re̱ za vbi o̱vbi ekhan me̱ vare." ²² Ijesu ke ho̱n an, o̱re̱ o̱i, "Emi o̱kpa o̱ko̱e̱re lu li use̱u, eri ulo̱s shin emi lu mo̱en ere̱me̱n, uke̱no̱i li eli e̱so̱n o̱gbe, u lo̱ mo̱e̱n, uke̱no̱i li eli e̱so̱n o̱gbe, u lo̱ mo̱e̱n e̱fe vbi Okhumieimi, u vare ya re̱ khan me̱n." ²³ Aman ōh o̱ri eia shan ke ho̱n na, e̱ke̱n so̱i za̱ zukpe riaa, ōhio̱ khi uzukpe fe. ²⁴ O̱kese̱, Ijesu ke mio̱n, e̱ke̱n so̱i ri aa. ²⁵ O̱hio̱ khi o̱lo̱ kea li Ikhue̱rikhue̱re̱ re̱ shan vbi oo si agbede rare le̱ li o̱lo̱ fei re̱ o vbi e̱ghe̱ o̱ba si Oise̱le̱bua. ²⁶ Ele ho̱in re̱ o̱i, "Vbiiyo̱, e o̱ alo̱ke mie̱n fan." ²⁷ Ijesu anyiain, "Emi lo̱ kha zi eia u, elo̱ zi Oise̱le̱bua u." ²⁸ Ipita re̱ o̱i, "Mamai zi emi ere̱me̱n lo̱ vbi isamai obo̱, mare̱ re̱ khan e̱n." ²⁹ Ijesu ke re̱ i ain, "Vbata, I tai yi vba khi ai mii o̱lo̱ zi oa obo̱ da o̱hai, da imioin, da era bi inyo̱n da ivbia, vbo̱hio̱ si e̱ghe̱ o̱ba si Oise̱le̱bua, ³⁰ Lo̱ kha mie̱n o̱bun vbi o̱h'agbo̱na bi agbo̱n lo̱ vade, arivbo̱ re̱le̱ re̱le̱." ³¹ O̱ke ra an, o̱si eli igbeva koko si ke̱ egbe, o̱ zai ain, "Ghogho mai lo̱ shan di Ijerusalemu, emi ere̱me̱ny li yeli yan mieo vin kpoto̱i vbo hio̱ si Ovbi O̱ia, elo̱ o̱ se̱e̱. ³² O̱hio̱ khi alo̱ go̱i obo̱ li Igentaili, a lo̱ ro̱i gbi iye̱ye̱, ari e̱kho̱i uo̱i, atu ese̱n gbo̱i. ³³ A khake ri ukpasan mi gbo̱i le e, elo̱ gbo̱i juuj, ukpe̱de̱ lo̱ zi ea, o̱chie sho̱re." ³⁴ Ena o̱so o̱so o̱i nwin ain e̱o kuere, an eli eta hee ni ain, emi la tai ei nwin ain e̱o kuere. ³⁵ v 35 O̱ke o̱se ebi Ijesu o̱ i si ke̱a Ijeriko, o̱mo̱he o̱kpa lo̱ run e̱o, o̱ dia vbi ehun kupode̱, o̱vbiemi. ³⁶ O̱ ho̱in khi obotu si eia o̱ rare, o̱ za mian, ema mie̱n. ³⁷ A za tainai ho̱n khi Ijesu lai Inazareti lo̱ rare, ³⁸ O̱li o̱mo̱he lo̱ run e̱o na re̱ khue urun gboo, o̱re̱ o̱i, "Ijesu, ovbi Idavidi mo̱n itu e̱ke̱n ne̱ me̱n. ³⁹ Eli yan shan kpao o̱ khue o̱li o̱lmo̱he lo̱ run e̱o, ere̱ o̱i lo̱i vbo unu. Aman, ototobo̱ khuei din an are, "Ovbi Idafidi, mo̱n itue̱ken ne̱ me̱n." ⁴⁰ Ijesu za muzan kizi, o̱re̱ oi lai nuin o̱li o̱mo̱he bu i o̱in re. O̱h o̱mo̱he lo run e̱o o̱ke si ke̱ ai, Ijesu miain. ⁴¹ "Emu hoo li u na?" O̱re̱ o̱i, "O̱ lo̱mo̱e̱n I hoo li ya mi uye." ⁴² Ijesu re̱ o̱i, "Mie̱n uye se̱e̱, Adrudu an se̱e̱, o̱ nwun we̱ egbe dan." ⁴³ Agalagala, o̱ mii wye, o̱re̱ ke rekhaain, o̱ri o̱khae yi Oise̱le̱bua. Agbo̱n ere̱me̱n be mio̱n o̱na o̱ re̱ ree Oise̱le̱bua.