¹ Vbo̱ li e̱ghe̱ an, eia eso le ri vbaan tani ho̱n emo̱n ekhe̱n Igalili li Ifaro de li ere si ain ba iuabo sian. ² Ijesu anye̱n o̱ re̱ i ain, "Vba oo khi eli ekhe̱n Igalili ain uo̱kho̱o̱ le̱ e̱khe̱n Iglili no̱i ere̱me̱n, erimidi khe oya vbi ukpode̱ li yo̱? ³ O̱gho̱, i tana vba ho̱n, aman, e̱ghe̱ li vbai mo̱n io e̱ke̱in, vba vba ere̱me̱n lo̱ gbo̱ iyo̱ khue o. ⁴ Da eli eia igbe e̱n vbi Isiloam li itawa de te̱n ye̱n lo̱ gboo i an, vba oo khi yain le̱ se̱ ui o̱kho̱o̱ lo̱ kho̱ le̱ isi imo̱he evbe li eri vbi Ijerusalemu? ⁵ O̱gho̱, Aman, si vbai o e̱ke̱in, vba vba ere̱me̱n lo̱ gbo̱ iyo̱ khueo." ⁶ Ijesu kpo̱litanna ni ain ho̱n, "O̱ia o̱kpa mo̱n oro̱n o̱kua o̱kpa lo̱ ko̱ o̱vbi uvbiado so̱i, o̱ vare o̱ fe̱ o̱i gho si o̱mo̱ikperan, aman o̱i mie̱n. ⁷ O̱li o̱ho̱he re̱i, o̱lo̱ gbe̱ o kaeo gho o̱lime, "Ghogho, vbi eke̱n ikpea i vare li re̱ o̱ hoo o̱mo̱ vbi o̱li orin o̱kua na, i mie̱n vbo̱. Hiain fii gbe. I mu ua ke zo̱i fo to̱i a ni?" ⁸ O̱li o̱gbe̱ o gho ime re̱ o̱i, "Zo̱i obo̱ oukpeina, li re̱ to̱ni oto̱i lagai, ilo̱ ri emo̱n ri emi hume̱n o̱ vbo̱. ⁹ O̱kha mii ikpa (ọmọ) ukpe lo̱ de, o̱hunme̱n, e̱ghe̱ lo̱i ke mo̱n u hiain fi gbe!" ¹⁰ Enyan, Ijesu o̱ vbie emi vbi e̱ke̱n o̱kpa vbi eli isinago̱gu. Vbi e̱ghe̱ si Isabati. ¹¹ O̱kposo o̱kpa ri vbaan li vbi e̱ke̱n ikpe igbe e̱e̱n, o̱mo̱ etin si esun isi o̱ e̱ me̱n, lo̱ ke soo̱i gue̱n re lo̱ ya ke re meti muza kpasi. ¹² E̱ghe̱ li Ijesu re̱ mio̱in, o̱ eche o̱i a re̱ o̱i, "O̱kposo uni fan vbi o̱e̱me̱n se̱." ¹³ O̱ nwun obo̱ so̱i o̱i vbi egbe, agala gala o̱ za yie̱n egbea, o̱ rē ri o̱ khae y i ise̱lēbua. ¹⁴ Aman, o̱lo̱ri isinago̱gu shan i re ghegbe o̱boo̱ erimidi, Ijesu nwun o̱ia egbe dan vbi ukpe̱di isabati. Li o̱li o̱lo̱ ri isinago̱gu shan an ye̱n, o̱re̱ tani elobotu si eia vbaan khi, ikpe̱de̱ ehan lo̱ ri vbo̱ lo̱ eo̱vbo̱ lai re̱ bia. Vba vare vbo gui anwun egbe daan vbi o̱le̱ghe̱, o̱i vbi e̱de̱ si isabati." ¹⁵ O̱lo̱mo̱e̱n za anyio̱in o̱ za ta, "Ekhe̱n eia si eo!" Vba vba ere̱me̱n ya tin yin ido̱nki vba da e̱me̱la a sho̱ vbi eba nwin ain din re̱ lei o̱ an me̱n vbi e̱di isabati? ¹⁶ I yo̱ gbo khi o̱mo̱ kposo lo vbi Abrahamu na, li esun gbalo̱ shan vbi ikpe igbe e̱e̱n. A kha ke tin yin ema re̱ gbalo̱i a vbi e̱de̱ sti itsabati? ¹⁷ Eboi ti ele min na, ekho̱i o enian o̱be so̱i ere̱me̱n, aman obotu si eia ere̱me̱n o̱gho̱ngho̱n o̱ vbi emi si o̱khae ere̱me̱n lo̱ ui. ¹⁸ O̱kese̱, Ijesu rē o̱i, "Ebi e̱ghe̱ o̱ba si Oise̱le̱bua i ri, emi ilo̱ re̱ oo̱i ebo̱ i ri? ¹⁹ O̱ u bi ikpa si imustadi li o̱mo̱he nwun lo̱ fi fio̱ vbi e̱ke̱in ime, lo̱ ze̱ re lo̱ chie̱n o ran lokhua, ifian mi si okhumieimi o̱ bi e̱koo o̱ vbi ikalabo̱ so̱i." ²⁰ O̱che o̱i, "Emi ilo̱ ke ri e̱ghe̱ o̱ba si Oise̱le̱bua oo? ²¹ O̱ u bi iyisti li o̱kposo kha zo̱i lo̱i delo̱i ba uvbiokpan ea la maai isi iflawa, se̱ vbo̱ khi o̱o vbi e̱ke̱in o̱li iflawa ain ere̱me̱n." ²² Ijesu ti evbo o̱kpo̱kpa bi igue li eri vbi ukpode la shan yi Ijerusalemu, o̱vbie i ain. ²³ O̱ia o̱kpa za taniri ho̱n, o̱re̱ o̱i, "O̱lo̱mo̱e̱n, eia kere li alo̱ mie̱n fan?" An i o̱ke̱re̱ i ain, ²⁴ "Gba yi e̱n egbe li vba re̱ re̱ khan ukhe̱ de̱ li hee ovbo, erimidi, I ta la vba ho̱n, elo̱ bun lo̱ hoo khi elo̱ o̱vbo̱, aman ekha meti ovbo̱. ²⁵ Isokpa li o̱lo̱ mo̱n oa lo̱ re̱ sho̱re lo̱i fii ukhe̱de̱, o̱ le̱ ghe̱ vba lo̱ ke muzan vbo e e vba so bo̱ vbi ukhe̱de̱ vba o̱i, 'O̱lo̱mo̱e̱n, o̱lo̱mo̱e̱n, zi mai ore.' O̱lo̱ anye̱n lo̱ lo̱ re̱ e̱ vba, 'I e̱n vba, da ebi vba za vade?' ²⁶ O̱le̱ ghe̱ vba o̱i, 'Main ei main dai vbi isao se̱, u vbie̱ emi vbi o ee main.' ²⁷ Aman, o̱lo̱ anye̱n, o̱lo̱ o̱i, 'i tai la vba re̱ho̱n khi i e̱n ebi vba za vare. Sho̱ vbi ebiri re, vba li vba ui emi lebe!" ²⁸ Evie̱ bi ako̱n ua man mi lo̱ e vbaan, si mii Abrahamu, Isaac, Ijako̱bu bi imie̱o ere̱me̱n vbi e̱ghe̱ o̱ba si Oise̱le̱bua, aman, a filo̱ vba kua. ²⁹ Elo̱ za vbi ebi o̱e̱n o̱ za me̱re ebo̱ za deo, eba dele̱0 kpe̱n bi eba deli uo kho kpe̱n vare, edia vbi e̱ghe̱ o̱ba si Oise̱le̱bua. ³⁰ E̱n o̱na, elo̱i mo̱n ukutu le ii li elo̱ kpao, eli ri vbi ukutu li elo̱ kpuokho." ³¹ O̱ke ran kere, ekhein ifarisi eso do̱i egbere, ero̱ o̱i, "Din an re usho̱ vbaan, re, erimidi khi ihero̱du o̱ hoo lo̱i gbe̱ u." ³² Ijesu zai ain, "Vba ya shan o gueli o̱li amako̱n an i ho̱n, 'Ghogho, i khuli ivbiesun dian re, i nwuni eia egbe daan ena bi akho̱ ukpe̱de̱ o̱zi ea i lo̱ se̱ vbi ebilode̱.' ³³ Ebo̱i de gbei gbei, o̱ e o̱vbo̱ li lo̱ ya re uo̱i shan ena, akho̱ bi otiakho̱, eba khai ri obo̱ o̱vbo̱ lai re gbii omie̱o sho̱ vbi ijerusalemu re. ³⁴ Ijerusalemu, Ijerusalemu, li an gboo eli imie̱o, fili ido yi ela ye re̱ e̱vba. Iseka o̱keu li ya re̱ hoo khi ilo̱ hua ivbia vba si koko, ebi o̱kho̱ o̱i hua ivbio̱i koko sa run i ain vbi egegen ihuan bo̱ svi, aman u hoi vbi na. ³⁵ Ka e̱o a, a fii oa se̱ a hoi, i tai na ho̱n, u kha mie̱n me̱ su o̱i, 'Olahian ba lo̱ u, lo̱ ri eni si o̱lo̱mo̱e̱n vare.'