¹ O̱ruan uke̱di Ifetian okpa e̱ghe̱ lo̱ re̱ lode̱ vbi iwe si o̱kpa vbi eli yan re̱ ekhe̱n Ifarisi shan, lo̱i reo̱ emae, khi eri yan ri e̱o rekhan khekhe. ² Gbuu amien khi o̱mo̱he o̱kpa di isao so̱i re li awe so̱i hume̱n. ³ Ijesu miai e̱le zukpe̱ e̱n khi si ekhe̱n Ijui bi ekhe̱n ifarisi, gho, "O̱e o̱vbo̱ lai re̱ nwun o̱ia egbe daan edi Ifetian da o̱i e o̱vbo̱? ⁴ Ama, e ha a. li Ijesu ke za nwo̱in, o̱ nwuo̱in egbe elaan, o̱re̱ o̱i yan shan. ⁵ O̱re̱ i ain, "O̱ u vbi usee vba lo̱ mo̱n ovbi o̱x lo̱de fio̱ vbe̱ kein uhae vbi ukpedi Ifetian lo̱ kha nwo̱in sho̱ vbi e̱ke̱in o̱n dinare agalagala?. ⁶ Ei meti ri e anye̱n o̱ vbi eli emina. ⁷ E̱ghe̱ li Ijesu ke re̱ re̱o o̱vboto̱i mii ebi ela eche o̱i ze̱ li udia si ekpe̱n, o̱ za kpi evbee, o̱re̱ i ain, ⁸ "O̱ia kha yi uhumi re̱e̱ vba di ebo̱ za koo o̱kposo re, vbae dia vbi ebo̱ vbi e̱he̱ si ekpe̱n, erimidi o̱ia o̱so lae eche laloo̱mie̱n kho a nwun ekpe̱n nai le, ⁹ O̱lo̱ yiuhumi re̱̱e̱ vba eeva kha ore, o̱lo̱ e̱we̱ nwun ehe se̱ ni o̱lo̱ia o̱vbe lo̱ yi oto̱i le̱. ¹⁰ Ama, akha yi uhumi re̱e̱, ya shan uo̱ dia vbi ehe lo̱ kpoto̱i, li o̱lo̱ yi uhumi re̱e̱ uhumi re̱e̱ kha ke vare, o̱lo̱ e̱we̱, "o̱mo̱ shan he̱n ebo̱ kpo okhumi" o̱le̱gbe̱ ake nwun ekpe̱n o̱ vbi egbe vbi iraeo̱ si eia ere̱me̱n li vba re̱ gba di an ire o̱ emae. ¹¹ O̱hio̱, "o̱lo̱ khua o̱i yi okhumi alo̱ de o̱i re, o̱lo̱ ke de egbo̱i re, akhue o̱i yi okhumi" ¹² Ijesu bgo o̱lo̱ o̱mo̱he̱ lo̱ yi uhumi re̱̱e̱ o̱i "kha lo̱ ri emae da ulo̱ kue agbo̱n, e yi uhumi re̱e̱ imo̱e̱ da imio̱n li imo̱hē da eboe̱, da eli vba re̱ sike̱ egbe dia, le fei, eri elo̱ meti yi uhumire o̱ vbi siain, e hae we̱ osa. ¹³ Aman, ukha lo̱ kue̱ agbo̱n, yi uhumi re̱e̱, elian mien so̱n eli eya meti shan, e̱khin be irun e̱o. ¹⁴ e ri alo̱ ri ihianba na, erimidi, ekha meti haa we̱ oga, eri alo̱ haa we̱ oga vbi e̱ke̱n au shvre si eli e u lo̱se̱n. ¹⁵ E̱ghe̱ li o̱tokpa vbi eli dia ba Ijesu vbi ehi aza emae ke hena ere̱mēn, o̱ re̱ o̱i "O̱la hianba li o̱u, o̱lo̱ lo̱ i akaa vbi e̱ghe̱ o̱ba si Oise̱le̱bua". ¹⁶ Aman, Ijesu re̱ o̱i, "O̱mo̱he o̱kpa yi emae si ewan isi obotu o̱vbo̱ to̱i, o̱za yi uhumi re̱e̱ elo̱bun. ¹⁷ Ake e̱hin o̱li emae enwan o̱ vbi otvi lee, o̱za yi o̱gbo̱madia so̱i re̱e̱ elo̱ yi uhumi re̱e̱. "Vare, a ehin emi ere̱me̱n o̱ vbi oto̱i lee. ¹⁸ Yain ere̱me̱n oza ri unu vbi ehe, o̱lo̱ kpao re̱ o̱i, "i lo̱ shan yi evbo̱ li o̱ fe̱ o̱i gho. khakho̱n ri ehe ne̱ me̱n. ¹⁹ O̱vbe o̱i, i dii oxin ihie̱, ilo̱ ri ain bia fe̱ gho-khako̱n, ri ehe ne̱ me̱n. ²⁰ O̱kese̱, o̱mo̱he o̱vbe re̱ o̱i, "I roo o̱kposo, o̱hio̱sio̱na, ikha meti vare". ²¹ O̱li o̱gbo̱madia vare re̱ o̱ ti ena ti ena li o̱ga so̱i ho̱n. O̱kese̱ o̱li oga si iwe o̱za biohan, o̱ re̱ o̱ li o̱gbo̱madia so̱i "ya shan e̱je e̱je, o̱vbi eke̱n oee lo̱khua be ebi hee si o̱li evboina o̱ echi, eli o̱ mie̱n so̱n, elo̱ yameti shan, irun e̱o bi e̱khin, vare vbe an. ²² O̱li o̱gbamo̱dia re̱ o̱i, "Oga, emi li uo̱ li u, i uo̱i le, e hee chie se̱ ko̱re". ²³ O̱li oga re̱ o̱gbamo̱dia so̱i, Ya shan vbi ukpode̱ li gboo bi e̱ge̱ge̱n ugoa, o̱ri utotomi huai an o̱re, li iwe me̱ re̱ vo̱n. ²⁴ Li re̱ ta ho̱n, mii o̱kpa vbi eli eia la yi uhumire̱e̱ lo̱lo̱ ri unu so̱i vbi emae si enwan me̱n". ²⁵ E̱nyan obotu lobun o̱re̱ khaan, o̱re̱fii egbedelegbe, o̱ re̱i ain, ²⁶ Oia kha buu me̱n relo̱i biohi erai, inyoin, o̱hai, ivbio̱i, imio̱n li imo̱he bi imio̱n li ikposo bi re̱ khi emo̱n agbo̱n so̱i akie̱, o̱okha meti ui ovbiukho'me̱n. ²⁷ O̱ia lo̱i do bo̱i nwin agbelebu so̱i lo̱i vare ya re̱ khan me̱n uokho, o̱ kha meti ui ovbiuokho'me̱n ²⁸ O̱u vbi vbi vba lo̱ hoo khi yo̱in lo̱ zi oa lo̱ dai, lo̱ kha se̱ dia lo̱i re̱ ko̱. eka li o̱lo̱ wee vbi emiere̱me̱n lo̱lo̱ foo̱i?. ²⁹ So̱ i ui yo̱, o̱kha nwin igbilo̱to̱i le, kho̱i ke meti foo̱i, ele mio̱in ere̱me̱n lo̱ ya ro̱i gbi ye̱ ye, ³⁰ Ya oi "o̱lo̱ mo̱he na be̱ vbi uze̱mi o̱i meti foo̱i ³¹ Oa i yi o̱li oje, ebo̱i lode̱ khi o̱lo̱ kpa oje o̱vbe gbegbe vbi okho̱in, lo̱ kha kpao dia lo̱i re̱hin ude, si o̱lo̱ meti ri imo̱he egben vbi odiigbe kpa yi oje o̱vbe ;o̱lo̱ kpa yo̱i kho̱e̱n lo̱ hua imo̱he egbe̱e̱n vbi odi ue buo̱i de? ³² Si o̱kha meti, ivbiokho̱in no̱i kha se̱ ri vbi odo̱ rere, o̱lo̱ yi eia yi ain lo̱ire mian emian lo̱ lo̱ u klei re̱ eli okho̱in yen. ³³ O̱hio̱ si o̱na, oto̱kpa vbi vba lo̱i ri obv vbi emi lo̱ mo̱e̱n ere̱me̱n kha meti chiēn ovbiokho'men ³⁴ Ume̱ hume̱n, aman, o̱li ume̱ khai kho̱ ya ke nwun vbi unu, eba lo̱ kei zo̱iche ya nwun vbi unu?. ³⁵ O̱i ke de nwin emi lo̱ to̱i da emi la lo̱ re̱ ehin imanio̱n. Alo̱ kuo̱i kua. o̱lo̱mo̱n eho̱n ho̱n, o̱i ho̱n".