¹ Ntyo ninyu mwe bakazi muka kenga ba balo, lyo ciro erhi hankaba abarha keng'ogo mwanzi gwa Nyamuzinda, baishi himwa buzira mwanzi oku borhere bwa b'abakazi babo, ² bulya balola kurhi ebijirobinyu birhalikwo ishembo n'eby'okukengana biyorhire. ³ Okulimba kwinyu kurhabaga kw'embuga y'omubiri , nkokuhungw'enviri , okuyambal'ebsikiyo by'enoro , kandi erh'emyambalo migalugalu. ⁴ Cikone okulimba kwinyu kube kwendalala kufulikirwe omu murhima , kw'obucesibwe burhanka sherera kube kw'omurhima mutudu na gwa murhula, kube kwa cishingo cinene emalanga ga Nyamuzinda. ⁵ Ntyo kwo mira abakazi bacesibwa bali langalire Nyamuzinda , bakagi kenga abalume babo, ⁶ nkakulya Sara, akagi kenga Abrahamu ana ka muderha Nnahamwabo. kuliye kwo mwahindukire bali bage, omukujir'aminja, buzira boba. ⁷ Mwe Balume , ninyu ko no kwo muyerekane obukenge oku bakazi binyu,erhi muna manyire oku biba biremwa bizamba; mubakenge nabo ,bulya baishi ima haguma na ninyu omu kalama kw'obuzine. bibe ntyo lyo harhaishigi boneka ecihanzo ch'amahuno ginyu. ⁸ Okubuzinda, mube na ntimanya nguma na nyifinjo nguma, ziyunjwire buzigire bwa cinyabuguma , za bonjo, za bwirhohye. ⁹ Murha galulag'amabi oku gandi, erhi cijaci oku cindi; mugihe okubundi, bulya kugerer'oko ko mwahamagaliragwa, lyo muishi im'emigisho. ¹⁰ Erhi hankaba, okubundi, olongize okusima akalamo n'okubon'ensiku nyinja, alange olulimi lwage okuderha kubi N'ebiremberembe byag'okuderh'emyanzi y'oburhebanyi, ¹¹ ayake amabi n'okukajir'aminja, akalonz'omurhula n'obugendekezi. ¹² Kulya kub'amasu ga Nnahamwirhu gali oku bashinganyanya n'amarhwiri gage gali ga yunverhez'amahuno gabo, c'obusu bwa Nnahano burha bon'okubakajir'amabi. ¹³ Nandi waka mujirir'amabi, nka mwakaba mushibirire okujir'aminja? ¹⁴ Erhi mwakalibuzibwa bulya muli mwajir' ebishinganine , mube n'omwishingo. Murhana yobohaga abantu ciro n'ehitya, murhana rhemukaga; ¹⁵ cikwone muhe Kristu Nnahano olukengwa omu mirhima yinyu, ngasi mango mube mucirheganyize okushuza,omu butudu n'obukenge, embere za ngasi yeshi waka mudosa igwarhiro lyobulangalire bumulimo. ¹⁶ Mube n'entimanya nyinja, lyo amango,bamushobeka mpu muba bantu babi, balya baderhera kubi ebijiro binyu binja muli Kristu bagwarhwe n'enshonyi. ¹⁷ Bulya k'okul'omuntu alibuke, nka b'obulonza bwa Nyamuzinda, omu kujir'aminja kuly'okujir'amabi. ¹⁸ Kristu naye alibuzibagwa liguma oku byaha , aba w'okuli oku barhagwerhi okuli, lyo arhulerha emwa Nyamuzinda, afa oku mubiri, cikone ashuba ozine oku muka, ¹⁹ konoko kuliye ajagi igiriza omu mpamikwa oku muka, ²⁰ acijiraga nkarhamanyiri kantu , erhi okulindirira kwa Nyamuzinda kulegerera, ensiku za Nuhu, erhi baja bayubaka obwarho, omu mubale musungunu gwa bantu,kuli kuderha bantu munani, bo bayokokaga oku mishi. ²¹ Ago mishi yali nshushono ya bubatizo, kwoki burhali bucese bw'izinga lya mubiri, cikone ku cihan'oku burrhimanya bwinja embere za Nyamuzinda , n'oly'omuchungula, na ninyu oku kufufuka kwa Kristu, ²² oli omu kuboko kulyo kwa Nyamuzinda, kureng'ajag'empingu, na bamalahika, aba jinji n'obuhashe, abihabwa.