¹ Omukukabulira ngasi mabi na ngasi burhebanyi, okufulika, n'enyifinjo na ngasi boba, ² ocifinje, nkakuly'omwana waciburhwa, amarha garha gwerh'izinga n'agahire, kuliye buzinda mwaishi shinganana omu kulamusa, ³ erhi wankaba walabulag'oku Nyakasane ali mwinja. ⁴ Muciyegereze kuli ye, ibuye lilamire lyakabulirwa n'abantu, cikne lilondwirwe n'okusimwa embere za Nyamuzinda; ⁵ Ninyu mwene, nka mabuye galamire, mucihebe haguma lyomuyumbak'enyumpa y'omurhima oku bundi, omujinji ocire, murhul'entulo z'emirhima, esimisize Nyamuzinda kugerera Yesu kristu. ⁶ Bulya biyandikirwe omu mandiko mulabage, ecihebire omu Sayuni nk'ibuye ly'eburhambi, lilondwirwe, linja olya waishi liyemera arhakabona nshonyi. ⁷ Irenge kulimwe mwe mwa yemire. Cikone, kwa balya barha yemire, ibuye abubasi bakabuliraga lyahindukir'ibuye likwanine okuba kaboko k'enyumpa. ⁸ Bana kasarhala kwer'ibuye bulya barha yemerag'omwanzi gwali bashinganine. ⁹ Mwab'oku, bundi, muli lubaga lulondwirwe , omujinji wa mwami, lubaga lwimana, okubundi lyo muyalagaz'okuli k'olya wamuhamagalaga okurheng'omu mwizimya n'okuj'omubulangashane busimisize. Mwabo okubundi murhaciri lubaga kuhika buno mukola lubaga lwa Nyamuzinda, mwe murhali habirwe bonjo, kuhika buno mukola mu buhabirwe. ¹¹ Binja bazigirwa mbahunire babunga n'ababalbma omw'igulu. Mucilange oku nyifinjo z'omubiri zilwis'omurhima. ¹² Mube n'ebijiro binja omu bapagani, ntyo ciro banka baderher'obunywesi mpu muli bantu bakujir'amabi, bahash'okumany'ebijiro binyu binja bakuze Nyamuzind'olusiku aisha. ¹³ Muci rhohye, bulya Nnahamwirhu,oku bakulu boshi bali omu bantu, erhi mwami nanka murhegesi, ¹⁴ nanka burhegesi nkakulya barhumirwe naye lyo bahan'abinja n'omumabi, n'okuyemez'abantu ebinja. ¹⁵ Bulya buli bulonza bwa Nyamuzinda omu kukol'aminja mwahulis'abahwinja n'ebinganyi, ¹⁶ omukuba ntagengwa, buzir'okujir'obuhuru citanbara ca kubish'amabi, cikone olugenzi lwinyu lube nka bakozi ba Nyamuzinda. ¹⁷ Mukenge ngasi yeshi, mukenge benewinyu, muyobohe Nyamuzinda; mu kenge na mwami. ¹⁹ Bakozi, mube birhonzi oku boba boshi embere z'abakulu binyu b'akasi, arhali oku bali binja n'abatudu bone , cikone n'abengeso ngalugalu. ²⁰ Bulya kuli kwinj'oku lindirir'ebizibu muli Nyamuzinda, nk'omuntu alibukire omubirha shinganini. Okubundi, irenge lici wanka bona omukulind'amalibuko bulya wajirire amabi? cinka wanka lindirir'amalibuko omukujir'aminja lir'iragi embere za Nyamuzinda. ²² N'oko ko mwahamagaliragwa, bulya Kristu naye alibuzibwag'enyanya zinyu, amuleker'olwiganyo, lyo mushimbulir'oluhwezo, ²³ Yeh'arhajiraga chaha, n'omukanwa kage murharhengaga bulyalya; Ajacirwa, ci yeh'arha jaciranaga,Alibuzibwa,arhana luisanyagya, cikon'ajiyerek'an'oku anali mushinganya; ²⁴ ye ahek'ebyaha birhu omu mubiri gwage oku kamaniko, mpu lyo rhufa omu njira ehyerekir'ebyaha rhunalamire obushinganyanya, neci , bibande byage bya rhufumagya. ²⁵ Bulya ko mwali yorhire nka bibuzi biherire. Cibuno mwa galukirine n'omungere n'omulanzi w'emirhima yinyu.