¹ Tafelake engambi lofeli lonalotsili;oonde nkeyoka bafango;ko laka befenga yoka baakune. ² Ko la binganb'in'ayato nke yoka ba nyango,ko l'ayaato.Banayali bafuku nkeyoka ba mbangela:baiyi bane bakambamake nko lasoto mene. ³ Fika bayato bana bewele banayali bewele sosolo. ⁴ Koko yombo bowel'omoi ayali l'aana yombo bakana,akoli eneyali iyo bononganya litumya etsimo eniy'oamene,lifiko linafik'oyo enoso,ko balukola Bafango la nyango eniyo latsin'oka yoi linanga Yakomba nde liho. ⁵ koko ende onoyali bowele sosolo ko akisase nk'ende kei,amil'otem'onande ko la longelyo eneyali Yakomba,ko aotsindelana ena lolombo ko ena beondo l'ane l'otso. ⁶ Ohonde bowel'oho onoyakende la bikiko bina looko ayali nk'eneweli nk'eneyik'ende. ⁷ Ongya yasumula baoy'ane,la tsin'eho bayale bato banafana ntsina ena lofeli. ⁸ Koko yombo boto afakwelya iy'anotwa l'ende toma,ko la ndeka iy'anotwa l'ende bomboi bomoko,bot'oho amangana imelyo inande,ko bowe bonande boleki bowe bonoto onotimelya. ⁹ Tatengake bowele en'okanda yengo nko aotunda mbula ntuku botua,ko ayaaki booli ona botomoko; ¹⁰ Ko ayali lalokumo latsin'ena bikambwa binande bin'olotsi;yombo aololaki baana,yombo asangelaki befenda,yombo asongaki bakaka banoeka,yombo akambyaki iyoanena biino,yombo aongyaki likamba bikambwa bin'olotsi bihitu lalotsinji. ¹¹ Koko tatengake bewele benetatunde,latsin'oka eneng'iyo oelana la Masiya latsin'ena mposa enok'iyo,bango langa latsina basongane laome; ¹² Ko iyo baokoyama likambo,latsin'oka baehya imelyo in'iyo inki boso . ¹³ Ko lakina bamatsa liyalama la mponya,ko baselasela ena betumba behetu;ko efa mponya kei:nko ntenji ina baoyi ban'etakateka la bendenge nkoho banatenda baoyi bafakoli l'iyo latsina batende. ¹⁴ Latsin'eho,lalang'oka bewele ben'etatunde basongane laome,ko baote baana,ko bamonya baoyi bana tombanya iyamene,ko bafafe baokyowe etelo ena lotango l'on'owe; ¹⁵ Latsina bamoi bamosila litembwa latsin'eho bayitana la baoyi bana satana. ¹⁶ Yombo boto onimelya ayali la bowele,akoli eneyaly'ende akamby'iyo ko ekelesa efike bolito latsin'eniyo;latsina ekelesa eate etelo okomby'iyo banayali bewele sosolo. ¹⁷ Ekoli latsina bingambi binatombanya bosala bonolotsi batangame nk'eyoka bakoli la lokumo lona loleki,ko y'ok'oho la ndeka latsin'eniyo banayakambe ena yoi l'ena lilako. ¹⁸ Latsin'oka bokanda bona Yakomba bila,ate,tiilake likama en'onwa bona ngombe eneya nokol'eho bopunga la njikamela.Ko lakina,ate,bosali akoli la mputsi enande. ¹⁹ Tiimelyake engambi aakolyame yengo nko enonwa bona temo ife yomb'isaso. ²⁰ Iy;anakamb'owe,oafele en'oso bon'ato bahatu latsin'eho bakina baange nk'oho. ²¹ Lakosumol'e enoso bana Yakomba,ko l'enoso bona Masiya ko la bikima bina loola bina sunama,monyaka baoy'ane tetsaki yoi limoi en'oso bona yoi likina,ko tiilake yoi limoko la likai. ²² Tatalyake bakasa eneyali boto yaya,ko taambanake l'ato'amonyi ena'oy'owe baniyo;oyomonyaka eamene nko soto. ²³ Tamelake lakina base kei ;mela isisali ina fino nk'oho latsina en'otema bone ko la nkangi inaw'e bina lina. ²⁴ Baoy'owe bana bato bamonyi baenya fololo bayete en'oso nk'enekoy'elo;koko baoy'owe ban'ato'akina bafenya yengo nko enambusa. ²⁵ Nk'osamb'oho bikambwa bin'olotsi biyali,bimenya fololo,ko biho binifayali y'okoho bifafisamisa.