¹ Akoli eneyali baombo banayali en'ombo bakanele,iyate,banyang'etuke baniyo bakoli la lokumo lohalotu,latsina bato'amonyi batong'osaya lina lina Yakomba ko la lilako linande. ² Ko iyanayali la ba nyang'etuke banimelya batatembolake latsina eneyal'iyo bifili bakoli latsina basael'iyo lekiko latsin'oka iyo'anata nkita lekambwa eho bamimelya ko baolangama. laka bato baoyi bane ko asomya l'aho. ³ Yombo bot'omoi alaka lilako likina,ko afimelya baoyi banonga bolotsi,nko baoyi bana nkolo eniso Yesu Masiya,ko afimelya bokotwa bona lilako bona kolana la nkumya ena Yakomba. ⁴ Bot'oho ayengolya la njofefa,ko afeye yoi limoko,koko ayali nk'eyoka onolangwa la biufo ko la ntaango ina baoyi ko baoy'aho batelaato nk'ekuku,la lisa,la ntaango inowe ko la bekandokando ben'owe, ⁵ Ntaango ina bato banehyama ena nkanyi iniyo,baninda sosolo,banakanela iy'ate,nkumya ena Yakomba eyali eatelo ena nkita. ⁶ Sosolo nkumya ena Yakomba eyali la nkita mene,yombo botema bona ntsitsi boyali nk'oho. ⁷ Latsn'oka totaya liyema imoko ena looko,ko efana ntaango tofatolisa iyema imoko eneng'isuma meho. ⁸ Koko eneyaat'iso toma tona ndeka ko la bisenda ekoli eneyal'iso tokisase l'aho. ⁹ Koko iy'analanga latsina bayalame batuki banatoma baokwa ena losinganya ko l'en'ilonga,ko l'ena mposa inifana boomu inayehy'ato ina yiina bato iinelo en'eehyelo l'ena mbwaka. ¹⁰ Latsin'oka mposa ena falanga eyali nko boolu bomoi bona bewe ben'ekotwa behetu;bato bamonyi bamok'eho mposa ko bamotembwa enimelyo iniyo,ko bamoyook'iyamene mboka la nkeseli bike mene. ¹¹ koko E ,boto ona Yakomba,lota baoy'ane;ko itana la mbongi,ko la nkumya ena Yakomba,ko limelyo ko la nganji enalolango,ko la mbitelya,ko la boongo mpoli. ¹² Okana bita binoolotsi binimelyo undamelaka liiko lona lofakale,lona lok'elelamaka ko lonoke imelyaka njimelya enolotsi enoso bona temo biike. ¹³ Lakosumol'e enoso bona Yakomba onokikya toma tohatotu la liiko,ko l'enoso bona Yesu Masiya,onolokolaki njimelya en'olotsi enaiso bana potio Pilato. ¹⁴ emite,omonyaka lotomo lone efana liyanda efana likambo lina lofeli,yengo nko enyelyo ena Nkolo eniso Yesu Masiya; ¹⁵ Enengend'enya ena bisike binand'amene,ende onoyali lifoka onosakelama bosako,nk'ende kei,lifoka lina bafoka lina bafoka bana bafoka,la nyango tuke ena ba nyangon tuke. ¹⁶ Onofana beweli nk'ende kei,onatonga ena fololo eho enefana boto onolanisa;efan'oto onenaki,ko efana boto oninya yeena:lokumo la mpamba eneyali ende bisike bihitu,nd'oho. ¹⁷ Sumola iyo banayali batuki bana looko lone,batayofake,ko batiilake botema ena lituka lina lifalingalinga lisila;bailake botema nk'eneyali Yakomba ona tofwelya toma toka totu latsin'eho tokika ekiko la toho; ¹⁸ Oasumole bakambe baoyi banolotsi,bafulya bikambwa binolotsi,bakolane likafela bato toma,ko bakambye bato. ¹⁹ Bayomonyela iyo'amene emonyelo enonga bolotsi latsin'enesike engoya linga,latsin'eho bundamela loiko loho lonoyali nko liiko mene. ²⁰ O Timoteo,ongya litombanya yoi liho lin'eke osingyamaka,fengola baoyi ban'etakateka banafatela Yakomba lokumo,ko la bifekelyo bina njeya eneyali njeya mene,nde mpotsi: ²¹ Bamonyi mbo iyo bamolata njeya eho,koko iyo bamotembwa enimelyo iniyo.Isei iyalamake l'e.