¹ Koko bolimo atenda fololo,ate,enabisike bina mbusa bamoi bangumbela imelyo iho,ko bangolofamela belimo bena mpotsi ko laalako bana bademona, ² Latsin'ena bato banaseki bosimo banayatende baoyi bana mpotsi;la lokanyi loniyo l'onotema lomol'eha nk'e yoka la nkonyi ndika. ³ Baya fekya bato,iyate batasonganake ena liyala,ko bakilyato nyama iniki Yakomba onunolaka latsn'ehe iy'animelya ko baoyi sosolo eho batambe iho la nkanga ena lokango. ⁴ Latsin'oka toma tohatotu tona toki Yakomba onunolaka toyali nk'olotsi,ko tofakilama yombo bato batamba toho la nkanga ena lokango. ⁵ Latsin'oka toho tenyama enoeka layoi lina Yakomba ko loodo. ⁶ Nk'ofolya bifili baoyi bane,ongoyala bokambi bon'olotsi bona Yesu Masiya,bokambi onokikyama l'aoyi banimelyo iho,ko la lilako lin'olotsi lina lik'eokilaka la lotsinji. ⁷ Ohonde oongya lifengola basai bana looko banakolana la ngolonsombo in'ayato kei.K'oyokilya nk'eamene la l'inonganya ena nkumya ena Yakomba. ⁸ Nkikya ena yonge eyali la nkita nkisisali;ohonde nkumya ena Yakomba eyali nkita ena baoyi bahatu:eyali l'esemba ena liiko lonaloyali isanga ko la loho l'onyayi. ⁹ Yoi line liyali nko sosolo ko likoli latsina botoloto atambe liho l'otema bohotu. ¹⁰ Latsin'oka,iso tokambe bikambwa ko tesela bembondo nko latsin'ene:latsin'iso tomila betema nk'eneyali Yakomba onoyike,onoyali boyiki bon'ato bahatu,koko boiki mene ban'iyo'animelya. ¹¹ Ongya yasumola baoy'ane ko oalake. ¹² Timelyake boto akokya nsonyi latsin'eneyali'e bonome;ohonde timelyake yalamaka ndembi ena lilako eneyal'iy'anaimelya,l'enaoyi banatend'e,l'enikambwa binakamb'e,lena nganji ena lolango, len'imelyo ko l'enaoyi bana soto. ¹³ Ongya yand'ekanda,ko ongya y'oonda bato mbonda,ko ongya lilaka bato lilako,yengo nko enengem'oya. ¹⁴ Tofelake nganji eneyal'e,enefamaki eneyal'e laoyi bana mpolalya eneka bingambi bin'ekelesa otalyaka bakasa eneyal'e. ¹⁵ Ongya likanelya baoy'ane:il'otema bone bohotu nk'enaoyane,latsin'eho efwelo ena nonganya ene enya fololo eneyali bato bahatu. ¹⁶ Oyokolany'eamene bolotsi,leamene ko la lilako line,tsindelana en'aoy'ane la lotsinji; latsin'oka nk'oila yokone ongoyikya eamene ko l'iyo banakolofamela nk'oho.