¹ Yoi line liyali nko sosolo:noka,yombo boto akemba bosala bona botombanyi la mposa,amolanga ekambwa enolotsi. ² koko akoli eneyali botombanyi ayalame boto onofana likambo lina lofeli,boome ona ona booli omoko,boto ona njofima,onoyali la lokanyi lona loonga,onofana loyenge,onasangela befenda lolotsi;oninya lik'ato lilako. ³ Nko boto onofamele fino bike, onofafome bato;ohonde boto onyali laboongompolu,onofolange bekindo mpomana,onofoke falanga mposa biikike; ⁴ boto onakamba baoyi bakolana enotumb'onandamene,ko baana bande bamofika nko mpika lalokumo lohaotu. ⁵ yombo boto afanonganya yongya baoyi ban'otumb'onand'amene,angolkolana litombanya ekelesa ena Yakomba bosamboya. ⁶ Atayalameke boto onimelyaki nko keke,atongooyokumy'end'amene ko atongooy'okwa ene kwelo ena likambo lina satana. ⁷ Koko akoli latsina ate,lokumo lon'olotsi eneyali oyo banayali ena nja,atongo kwa ena lotango lon'owe,ko l'en'ilonga ina satana. ⁸ La ba diakono nk'oho,akoli eneyal'iyo bayalame la lokumo lonolotsi banafayali la benwa befe banafamele finyo biike,banafoke nkita ena nsefo mposa; ⁹ Nko bato banundamela yoi l'inofisa l'inimelyo nko lokanyi lonotema lona soto. ¹⁰ Ekoli latsina bato'ane bamekame enoso;nkwaoho,yombo bafana ntsina ena lofeli tu, bayalmake Badiakona. ¹¹ Ekoli latsina bayaato nkoho bayalame la lokumo lonolotsi,bana bafa fote bakambo bana mpotsi,nko bayaato banayofima,ko bayali nko sosolo enaoyi bahatu. ¹² Ekoli eneyali Diakona ayalame boome omoko booli omoko,ko baongya likamba baoyi bana tsilili enyali baana ban'iyo ko l'en'etumba ben'yo'amene. ¹³ Latsin'oka iyo'anakamba bikambwa bina Diakono l'okotwa bona kolana bayatela iyoamene etelo enolotsi,ko la nkaso mene enimelyo iniyali eneyali Masiya Yesu. ¹⁴ Lakotengela baoyi'ane eneyalengel'emi emite,efana bolingolingo nongoya eneyal'e. ¹⁵ Koko yombo ntaya isanga,lakotengela latsin'oho oeye bokotwa bonakolana latsina bato bakambe en'otumba bona Yakomba, bonoyali nk'ekelesa ena yakomba onoyike,lalikonji l'ekikelyo ena sosolo. ¹⁶ Ko efana ntaango,yoi linofisa lina nkumya ena Yakomba liseki bokolo;ende aenyaki ena yonge,yengwaki en'olimo aenyelaki bikima bina loola,bosimo bonande bosekolyamaki eneyali benyanga,bato bana looko baimelyaki ailelyamaki en'okonde.