¹ Ino banalangama,botimelyake belimo behetu ohonde bomeka belimo,yombo beyali bena Yakomba;latsin'oka basumoli biike mene bana mpotsi bamoya ena looko. ² Bongeya bolimo bona Yakomba yok'one: bolimo la bolimo bonimely'oka Yesu amoya ena yonge boya eneyali Yakomba; ³ Koko bolimo l'olimo bonofimelya Yesu yokoho bofayali eneyali Yakomba tuu;bone nko bolimo bonande onofeka la Masiya inobookaki boka bolimobone ayayi ko bohone ena looko isanga. ⁴ Baan banami banatosisali,ino boyali bana Yakomba ko bomol'akoya ; latsina ende onoyali eneyali ino alek'ende onoyali ena looko. ⁵ Ino boyali baana ba looko,ko lantsin'eho batenda baoyi bana looko,ko baise looko bama lofa iyo. ⁶ Iso toyali baana bana Yakomba.Ende oneya Yakomba atokiso,koko ende onofayali boto ona Yakomba afatok'iso. La yoi line teya bolimo bona sosolo ko la bolimo bona mpotsi. ⁷ Ino bana langama,ekoli latsina tokane nganji,latsina nganji eoya nkeneyali Yakomba;koko botoloto onoka nganji amotama la Yakomba,ko aeya Yakomba. ⁸ Ende onofoke nganji afeye Yakomba latsina Yakomba ayali nko nganji. ⁹ Nganji ena Yakomba eyaki eneyal'iso la yoi line:Yakomba atomaki boona onande alikinda malooko latsina iso tiike l'ende. ¹⁰ Nganji mene ehene:efalatsin'oka iso tookaki Yakomba nganji,ohonde latsin'ende atookak'iso nganji, ko atomaki boon'onande yooka mbeka en'eambanelo latsina ena baoy'owe baniso. ¹¹ Ino bona langama,yombo Yakomba atokaki nganji yok'one ekoli eneyal'iso tookamel'ende nganji nk'oho. ¹² Bisike bihitu efan'oto ono'enaki Yakomba.Yombo iso tookamelana nganji,Yakomba ayali en'eyaliso nko njalama,ko nganji enande enga eneyaliso nko mbonga. ¹³ Teyoka toyali eneyali ende ko ende ayali eneyal'iso njalama ko bolots'oka amotofa liyondo lina bolimo bonolotsi. ¹⁴ Iso tomena ko tolokola boloko boniso isate,bafango atomaki boona latsina ayalame boiki bona looko. ¹⁵ Botoloto onimelya oka Yesu ayali boona ona Yakomba,Yakomba ayali eneyali ende njalama,ko ende ayali Yakomba. ¹⁶ Ko iso tomeya ko tomimelya nganji ena tooka Yakomba.Yakomba ayali nko njalama ko yakomba ayali eneyal'ende. ¹⁷ Yok'one nganji eongyama eneyaliso nko mbonga,latsina tofange enina bona etendelo ena bakambo latsina yok'osamb'onoyali end'amene iso toyali nk'oho ena looko. ¹⁸ Nganji ena lolango efate baunga tu,ohonde nganji eonga nko mbonga eumola mbanga latsina mbaga eyali nsisolya.Ende onanga mbanga nganji enande eotangama mbanga mene ¹⁹ Iso tooka nganji latsin'oka ende atookaki iso nganji boso. ²⁰ Yombo boto aila,ate emi loka Yakomba nganji,koko aoka efili ende bowe ayali nko mpotsi; iya,ende onofoke efili enande onokende eneka nganji,angoka Yakomba onotenende nganji yokoya? ²¹ Iso taata boleka bone eneyal'ende,ate,ekoli eneyali boto aoke yakomba nganji,aoke efili enande nganji nk'oho.