¹ Bolenda bokotwa bona nganji ena lolango eneki bafango otookamelaka latsina totangame baana bana Yakomba ,ko toyali nko baho lantsina ene,bato bana looko bafat'eye,latsin'oka iyo bateen'ende. ² Ino bana langama isanga boyali baana bana Yakomba,ko bokotwa bonongiso oyala linga boteyana enesike ene.Koko teyoka enengende oya tongo yala yok'ende latsina tongeen'ende nko bokotwa bon'oyali ende. ³ Ko botoloto onoyali lolengelyo lone enotema ayokule endamene soto,yoka bosambo bonoyali ende soto. ⁴ Botoloto onokamba baoy'owe afita beeka,latsina baoy'owe bayali nko mpita ena beeka. ⁵ Ko ino beey'oka ende aenyaki lantsina aumole baoy'owe,ko eneyali ende baoy'owe bafayali nko tuu. ⁶ Boto onoyali eneyali ende nko njalama afafone baoy'owe tuu;boto onakamba baoy'owe ateen'ende ko ateeye. ⁷ Baana banami banatosisali,botalangake boka boto akofote ino,boto okamba baoyi bana mbongi ayali nko boto ona mbongi,yoka bosambo bonoyali nde ona mbongi. ⁸ Boto onakamba baoy'owe ayali nko boto ana satana;latsin'oka satana amokamba baoy'owe nko ma limatsko.Latsina ene boon'ona Yakomba aenyaki latsin'oka afite bikambwa bina satana. ⁹ Boto onotwa eneyali Yakomba afakambe baoy'owe,latsin'oka boona bonande boyali nko eneyali ende ko afakambisa baoy'owe latsin'oka aotwaki eneyali Yakomba. ¹⁰ Yokosamb'one ban'ana Yakomba baeng ko la ban'ana satana:boto loto onofakambe baoyi bana mbongi afayali bon'ona Yakomba,ko l'ende onofoke efili enande nganji nkoho. ¹¹ Latsina boeka bonokinookaka ena limatsako bohone,latsina tookamelane nganji; ¹² efa yoka kaina,onoyakaki bon'ona boto'oho on'owe, ko ayakaki bakune onande.Ko aoyakaki latsina eka nai?Nko latsina bukambwa binande biyaaki bowe,ko biho binakun'onande biyaaki bina mbongi. ¹³ Bifili,botayokumyake yombo bato banalooko baok'okino bowe. ¹⁴ Iso teey'oka tomuma m'eweli ko tomoyela ena liiko,latsin'oka tokamele bifili nganji.Ende onofok'ato nganji ayali nk'eneweli. ¹⁵ Botoloto onoka efili enande bowe ayali boyaki bona bato;ko ino bey'oka boyaki bon'aato afate liiko lona lofakale eneyali ende njalama. ¹⁶ Nganji ena lolango enya eneyaliso y'okone,latsin'oka end'amene ambyaki liiko lonande latsina iso;ko akoli eneyali iso tambye liiko loniso latsin'efili. ¹⁷ Koko nkenek'oto ataka toma tona looko,ko aena efili enande aela la biinda bona toma,ko afokamel'ende isei enotema,Nganji ena Yakomba eyali eneyali ende yoka bosambo boya? ¹⁸ Baana banami bana tosisali,totookake nganji ena yoi ko la lolemi:tooke nganji ena bikambwa ko la sosolo. ¹⁹ Yok'oho tongeny'oka toyali bana bana sosolo eho,ko tongokikya betema beniso enoso bonande. ²⁰ Enaoyi bahatu banabatokoya betema beniso;latsin'oka Yakomba betem'iniso,ko aeya baoyi bahatu. ²¹ Inoanalangama,yombo betema beniso befatokoya,tokolana likits'etema eneyali Yakomba; ²² Ko yoi lin'etak'etaka linayufol'iso totamba liho eneyali ende,latsin'oka tomonya beeka benande,ko tokamba bikambwa biniyali lalokumo enoso bonande. ²³ Ko boeka bonande bohone,latsina tiimelya ena lina lina boon'onande Yesu Masiya,ko tookamel'ende nganji,yokon'oki ende otosumolaka. ²⁴ Ko ende onomonya beeka benande ayali l'ende njalama,ko ende ayali eneyali boto oho nko njalama.Ko yok'one tey'oka ayali eneyal'iso nko la bolimo bonokende otofaka.