¹ Kilisito asotokisi doni ka kokobe esomba.Ka bondo,bekesikianege mono ye go to ka kokobe.ka bondo to akpe. ² Nemaogeae !eme Polo nenongodi be:kabe nobogu ganja ndea ba Yudha,Kilisito kabeku ye kema ka benu. ³ Nesikii goto yonga:Nkpa bhuake,mmbe agu ganja ndea ba Yudha,abande kusi eophi nebo bhui. ⁴ Benu bundo bookaba edokomisa mosa a Mokonga ka nyongo amba eophi ,ubhani gea,bokatani na Kilisito,boye photo bonjanja ekondi neke. ⁵ Besu gake,ka nyongo a beekea a Kilisito,besebei ka bukpekpe a Mema a Mokonga gea,bebande batoa doni mosa ake . ⁶ Nga, ka nkpa nde aongani na Kilisito Yeso,gua a ganja na ika a kanga a gua aganja,nndo nna na kentiti,tondo beekea a Kilisito.A unge aosoopha ekondani. ⁷ Beekea a moango ndea Kilisito,ande bea njoko aga a mbango.Ka njoko nenu,dobooga anja phee.?Co,animbe anotenisii gea,bokombeekeae Mokonga ,doni? ⁸ Bakpa nde ba photo okaba botea anu ka moango a beekea nebo,co,nndo katoki ka Mokonga ,mmbe anoophani. ⁹ Co, bophei ajede ande bea cacu abhoa nde aobimbisa nkeke a mokate bhui. ¹⁰ Nanga aba bo,nesebei gea,bii beongani na Mokota,bobeekeande bophei nemo.Bokobeekeeku ye bophei ndea nkpa ba angbo.Co, ndhemigi nde aotukatuka ubhapha nu,nanga aba ani,Mokata atenaeka nyongo neke akpe . ¹¹ K'eme gake baya,aoba nande doni gea neotomiaga nyongo a ganja bindo baoyonga,co,baomotambisaga ka bo?Atu oba nande doni abo,mmbe nyongo a kukua a Yeso ka mee a nkpato,kabeku ye ephiphi ajede ka bakpa ndoo. ¹² Co, badhemigi nde baokaba gusa anu ganja nebo,akeni betongoe yeto sasa abo. ¹³ Benu baya,Mokonga anoophani ka tokisa anu ka kokobe eophi.Bii a bo, obhigo nesu ajede kanobotee mono.Enganani ndiu bea bakobe k'ekondani. ¹⁴ Nga,cina a totokisa eophi bhui ande be:"Nkonda dhako sumbii okondi sasa ako". ¹⁵ Bii bookokanaga na eana ngungu anu bea banyama a k;osaa, oambani,bokomoanegembe. ¹⁶ Nenongodi ndiu be:Tambeani bindo Mema a Mokonga akondi .Mpo,bokobeku ye na mophe a bea obhigo nenu ajede . ¹⁷ Nga, obhigo a nkpa aomana na Mema a Mokonga .Mema a Mokonga a photo omana n;obhigo a nkpa .Baopua phee.A unge bokootoka gea a kema ajede nde bokondi. ¹⁸ Bii Mema a Mokonga aonobotea,eophi nna ye kema ka benu. ¹⁹ Co,beuubha bhase ekuma a nkpa nde nnaomubha Kilisito :otungo,bojookio,komusongo, ²⁰ boia ,eemba,ngini,emani,nsengo,esuia,etondoa,katanaga,bhoma a batoa k'ekuna nengbo, ²¹ siki ajede,boita,konda,a eaga,na kema nengbo nde akengeani ne.Nenophei goto bindo denophei mosa gea:Bakpa nde baogea ka kema ajede ndo,bakangieku ka koboame ndea Mokonga. ²² Kema nde Mema a Mokonga aobikisa subi asu ande bea gomba a mbuka anja,nande:ekondani,maseya,bojeje,phiphia,bonjanja,engana ,kodoni. ²³ Bophongo,engepha.Co,nna n'eophi nde aoimisia ka kema ndoo. ²⁴ Ande gea te,bakpa ndea Kilisito Yeso,bakokeigi obhigo ajede nebo a kala ka mosaabo.Bakokeigi photo,kema ajede nde batu okonda, ninde batu okoba. ²⁵ Bii Mama a Mokonga a unge aosoendisa,co,bebee to moango a bonjanja neke. ²⁶ Ambe bekebimbikise mono ka mema,kabe bhomana,kabe bikisa a nsengo sosobe asu.