¹ Baya,aoba ka benu nangi ka bojede, ka benu bundo bo na Mema a Mokonga subi anu,mphaeni nkpa ndo,bombotee k'aphe nde a anja.Gea ni to bo na mema aphongo.Benu baphei gake,oambani gea,bokongie mono ka bojede ndeake. ² Bii abo,engana ni ka nyongo akpe nde bo ne,nnde a ngungu anu.K'aphe ndo unge,bototokisande eophi ndea Kilisito. ³ Mmbe ebimbikisi ka mema,nana gake k'iso a Mokanga,edhemi sasa ake. ⁴ Akeni ndiu nkpa aambe tambea ake sasa ake.Mpo,aobhebha ka nyongo ekuma ndeake tondo.kakengeanisembe ninde a badhake. ⁵ Nga,keni nkpa akumbe nkumba ndeake sasa ake. ⁶ Ngoigi a nyongo a Kilisito,angabhe gake mphangigi neke k'etoi neke. ⁷ Bokodhemisemb,nga nkpa nnaotoka nandhemi Mokonga,na tebhea ake.Meni neke ande gea,nkpa a to odungua mbo nde dakoni. ⁸ Nga,mmbe akoni mbo ajede ka enda ake,adunguande kukua.Mmbe a gake okona mbo anja ndea Mema a Mokonga,adunguande enda a meyo. ⁹ Bekeelembe gake ka gea anja.Nga,aoba nebekeeli,bedunguande dungu anja k'esa nde Mokonga abhisa. ¹⁰ Eya,begeeeni bapka bobhu bonjanja mbeno bhui.abe to bo phee ka batoa-k'ekombo ndea Mokonga. ¹¹ Co,onani bii neodundua angbongbo na njaga ani sasa ani. ¹² Bakpa buangbo baokaba dhakanisa a ba Yudha n'edhebha ka kema a ka nsenge.Baonosesea gusa anu ganja nebo .Baogea bo ka tea a tambaga a ka njaga a ba Yudha ndo,ka nyongo a tomia a nyongo a kukua a Kilisito ka mee a nkpato. ¹³ Bagu ganja ndo bana gake kaamba eophi nebo bhui.Ba ndiu okaba guas anu ganja ka nyongo edokomisa abo mosa a ba Yudha ndoo. ¹⁴ K'eme gake,kedokomiseku ka kema.Ne to odokomisa ka nyongo a kukua a Mokota Yeso Milisito ka mee a mkpato ka nyongo a mee a mkpato,kema a ka mokonda nna ye kema k'eme.Ke ye kema ka Mokonda. ¹⁵ Gua a ganja na iko a kanga a gua a ganja,nna ye kema k'ema.Nnde kema,ande gea,Mokonga asoconji go to,beoba batoa-keke. ¹⁶ Co,ka bakpa nde babeeki moango a doni ndo,bojeje ana ngomi ndea Mokonga abe gu abo.Bande photo batoa Isilaeli akeke. ¹⁷ Eme Polo,nkpa kamotambisege mono ye goto.Nga,eepe nde nene,ande gea,nende mbhedanigi ndea Kilisito doni. ¹⁸ Co baya,bonjanja ndea Mokota nesu Kilisito aike ka mema anu abe bo.