¹ Co, negie:bii mena botuko aphoto miki,katingani na nkobe,nanga miki ndo aba mena nkumba bhubhui ,a botuko ndoo. ² Nga, miki ndo a photo kusi a babondigi tambea ake na nkumba neke,ka sungiaga a saga nde abhake abhisi gea,abe ngbega. ³ Mosa a beekea a Kilisito,debetu bea baniki,bunde ba kusi a babondigi.Debetu photo bakobe esomba danga danga a ka mokonda. ⁴ Co, bii saga akpeengeani ye gake,Mokonga aoneteka anake,nke aombokota,aoba kusi eophi. ⁵ Ka gea te ,ephuie bakpa nde ba kusi eophi,babe bana Mokonga. ⁶ Nga,ka nyongo nde bonde bana Mokonga,Mokonga asotekisii mema asu.Mpo,beamema ka bukpekpe neke n'eso akpe:"Oo abhe" ⁷ Bii a bo, ka benu nna ye nkobe.Bo ndiu bana Mokonga.Bo photo bamenabotuko ndea abhanu. ⁸ Co, bii dabokoomubha Mokonga mosa,dobotu bakobe a bakota a na kobha,nna k'abo nde ande Mokonga. ⁹ Keke nde gake,boomubha Mokonga.Ande gea te,aonuubha ?Co,eke nde bosikianigi ne goto mbusu,ka ngia a k'esomba nde nebo? ¹⁰ Nga,bo photo oamba esa,songe,matu,na saga esomba. ¹¹ Ka bondo,neotambaga ka mema ka nyongo anu.Neobanga gea,ekuma akpe nemo bhui,a bophei,nnde debhedanidi sosobe anu,kakuemono etiti. ¹² Baya,nenodengemisigi.Ka nyongo eophi,bani be'eme.Nga,nedeketi eophi gea,nebe bea benu. Dobokomogii gake ajede. ¹³ Nga,buubha bii dekidi motenu mosa-mosa,neneosamba.Bii detu motenu,denotomigi nyongo anja ndea Kilisito. ¹⁴ Nanga bii esambo ndo damojenanisi k'iso a bakpa,dobokomoye.Bo ndiu omosesea bea malaeka ndea Mokonga,bea Yeso Kilisito photo. ¹⁵ Dobotu mosa na maseye phee?Co, eke nde anogii ye?nenogie,datu oba natotokeani ,ambe dobophuigi mbuk'iso anu,boomopa?. ¹⁶ Co,sumbii nenongodi doni asu,ande gea te,ne yeto mbibia anu? ¹⁷ Badhemigi ndo basui botea anu k'aphe esomba nebo ajede.Ba to okaba katanisa asu na benu gea,bobee mbango. ¹⁸ Atokeni gake kabaga a bonjanja esa bhui,nanga ke sosobe anu. ¹⁹ Co, baniki amo,ne goto otambaga ka nyongo anu bea nke na ka boae.Boae ndo asiande ,mmbe bo yeto bakpa ndea Kilisito doni. ²⁰ Netokondi nebe na benu keke nde ka okooana.Nga,neonotangaaga phee. ²¹ Omongodeani pho,benu bunde bookoba ba a kusi eophi ndea ba Yudha .Bodigimisi eophi ndo?Beendo. ²² Nga,buku a Mokonga asuubhisi gea,Abhalaamu datu na baganda babe.Moti datu muna -nkobe,ba angbo,muna nke angoa. ²³ Muna nkobe ndo daonjokani bea bakpa bobhu.Muna nke a ngoa ,daonjokani gake ka nyongo a totokisi a moko . ²⁴ Nndo ande meni.Bake ndo bande mphangio a konsamba ibe.Nkobe Agai ande mphangio a konsamba nde dabaongi ka mamba Simai a ka Alabhia. Bana -nke ndo,bande gake bakobe. ²⁵ Eya,ina ndo,"agai",ande ina mamba ndo "Sinai"ka Alabhia.Agai ande photo mphanio a Yeusalema a ka mokonda ndee.Nga,ande nkobe kimoti na baniki aka njia ndo,bunde bande ba Yudha. ²⁶ Co, Yeusalema,nnde a na kobha,nna ka kokobe, ye a ambe ande amasu. ²⁷ Nga,buku a Mokonga adokomisi nyongo ndo be:nke ngomba nde ca ba na maseye obe ambo kobokoti.Kaga na maseye,obe ambo kuuubha kokae a boae,ka nyongo nde,nke a keye,eonjande baniki ba asi konyenya nke ekondi. ²⁸ Benu gake baya,bo bea Isaka,miki amoko ndoo. ²⁹ Ka matu ndo gake,miki ndo daonjokani bea bakpa bobhu,daotambisaga miki ndo dabokoteani ka bukpekpe a Mema a Mokonga.Keke nde,gake tambaga ndo,a photo bei. ³⁰ Co,buku a Mokonga agi be:"Mbeaga nkobe na anake.Nga, kakeni,muna-nkobe a ngoa akatisane butuko nde abhake andeketei na muna nkobe". ³¹ Co, baya,beke bana nkobe.Be ndiu bana nke a doni,mmbe nna nkobe.